سؤال بخصوص بدل التعيين

[geyana]

السلام عليكم ورحمة اللة وبركاتة
هل هناك بدل تعيين للمعلمات اللي كانو تعاقد رسمي وبعدين ترسموا؟ اذا كان فية هل يحق لي المطالبة في ادارة التعليم!!

[نور اشرق]

وعليكم السلام ورحمة الله وبركاته
بنسبه لبدل التعين الي تعينن علي بند 108 بعد ما ترسمن نزل لهن من غير مطالبة بس مانزل علي طول
انت اسال شوان الموظفين با المندوبية او ادارة التعليم التابع لها

[geyana]

مشكور اخوي نور الشوق بس انا ما أقصد اللي تعينوا على بند 108 انا أقصد معلمات ال Eاللي تعاقدوا معهم 6شهور بعدين ترسموا . ياريت المعلمات اللي كانوا تعاقد وبعدين ترسموا ياريت يقولون هل نزل لهم بدل تعيين؟؟؟؟؟؟؟؟؟

[warm heart]

شوفي انا جاني بدل التعيين بعد ماسويت معروض ورفعة لأدارة التعليم ذكرت فيه اني ترسمت بتاريخ كذا والى الان لم احصل على بدل التعيين وعلى طول الشهر الثاني جاني

توكلي على الله وسوي معروضك

بالتوفيق

[kunu]

المتعاقد ماله اي شي لابدل تعيين ولا غيره مثله مثل اي اجنبي ( اسال مجرب ولا تسال طبيب )

اما المترسمين ايا كان ( كان متعاقد ولا غيره )

له بدل تعيين وهذا مو من وزارة الفشل والتجميع ( هذا من نظام الخدمه المدينه )

يعني لك بدل تعيين غصبا عن اللي مايرضي

وارفعي معروض تطالبين فيه ببدل تعيين ( لانهم بعد كم سنه راح يقولو لك باي باي راح عليك )

واذا ارفضو ( قولي لهم ابو متعب يجيبك يالصوص التعليم )

[البـارع]

الامر ما هو بوزارة التربية والتعليم هو في وزارة الخدمة المدنية ,,,
يعني لازم تعديل مهنتك الى معلمة زي المعلمين وعلى طول الخدمة يراسلون وزارة التربية ويعطونك بدل التعيين ,,,
هذا ما ذكروه لي ادارة التعليم في الرياض ويظل حق من حقوقك ,,,

[geyana]

مشكورين اخواني على النصايحورح اسوي زي ما قلتوا

[هبله عنقلنزي]

انا مثلك تعاقدت سته شهور بعدين ترسمت
واسم البند اللي كنا عليه 180

بس مانزل لي شي لحد الآن وناويه ارفع طلب

[Aseel]

أنا كنت مثلك .. تعاقد انجليزي 7 أشهر تقريبا وبعدين ترسمت


ونزل لي بدل التعيين برمضان العام الماضي ... بدون مطالبة وبدون أي شي


يعني تقريبا بعد ماترسمت بخمس شهور نزل بدل التعيين

[ام سما2007]

السلام عليكم
الاخوات الي ترسمو انا توني تعاقد السنة هاذي في قرية ولي تقريبا شهر تتوقعووون يجي لي ترسيم بدري وانتم من اي سنة ياليت تطمنوني

[Aseel]

أم سما

احنا قالوا لنا ستة أشهر في البداية بس زادوها شهر أو شهرين بالأصح بعدين رسمونا بربيع العام الماضي

بس ات شنو نوعية تعاقدك


احنا تعاقدنا ب 3500 ريال شهريا

إذا كان ه نفس التعاقد اللي انت عليه


اطمئني راح تترسمون ان شاء الله

وأما إذا بند محو الأمية فالله يعينكم

[ام سما2007]

الاخت Aseelجزاكي اللة خير
انا على بند محو امية ياليت تقوليلي عيوبة والراتب 2800
واش اسم البند اللي انتي علية

[Aseel]

أم سما احنا تعيننا على بند الاحتياج وطلعوا له اسم سموه بند 108

ورواتبنا كانت 3500

واما بند محو الامية فللي أعره إنه أصحابه يعانون منه من زمان

بس الله لا يطولها عليكم وتترسمون يارب

[dodemargo]

أسووووووولة حبيبتي
احنا عقدنا كان قبل العام بس
ومثل ما قلتي بعد 7 أشهر رسمونا
وبالنسبة لبدل التعيين لابد من رفع معروض يثبت فيه المعلم / هــ بداية التعاقد وتاريخه عشان ينزلو له بدل تعيين
وانا مثلك اسولة نزلي برمضان الي راح بس بعد ما رفعت معروض

وأختي أم سما يالغاليةانتم بند محو الأمية غيرنا تماماً
بس يقولو وياكثر ما قالو
انهم راح يرسموكم

والله كريم

[ام سما2007]

مشكورررررررررين على الردود واللة يجزاكم الف خير

[geyana]

طيب اخواتي كيف أتأكد انة مانزلي بدل التعيين مع اني ماشفت اي زيادة نزلت مع الراتب وهي بدل التعيين بس علشان لو سألوني اعرف كيف ارد