المساعد الشخصي الرقمي

مشاهدة النسخة كاملة : للاهمية - معلماات القصيم تكفوون تعالو شوي



سَ ..
28-08-2007, 10:09 AM
السلام عليكم ورحمة الله وبركاته ..

صبحكم بالخييير ..

وشلونكم وش اخباركم :116: ؟؟

ادري ان اغلبكم ماعنده وقت علشان كذا بادخل بالموضوع على طول ..

كلنا عارفين ان طريقة التحضير تغيرت وصارت كالتالي :

تحليل المحتوى - الاهداف السلوكية - مستوى الهدف - التقييم والاسئلة

وهالطريقه مافيه اي احد ماشي عليها هنا بسعودي انجلش ماعدا العضو (شعبان) في تحضيره لمنهج سادس (موجود بقسم التحاضير الفصل الاول - سادس) والله يجزاه عنا الف خير ساعدنا كثييير .. عاجزة عن شكرة والله ..

بالنسبة لنا في القصيم فهمنا كيفية التحضير الجديد بحضورنا لدورة استاذة فوزية الجااسر ..
انا ماكملت معها لظرووفي الخااصة ..

اللي عندهاا او اللي عنده اي طريقة تحضير لاولى متوسط او ثاني متوسط او ثالث متوسط مثل هالطريقة جعلها بالجنة تدلنا عليها ان كان تقدر ترفعها لنا عن طريق رفع الملفات .. او اذا كانت موجوده باي مركز تصوير او اي مكتبة تدلنا عليهاا بليييييييييز ..


بليز اللي تعرف لاتبخل علي والله متوهقه فرجو كربتي الله يفرج كربكم ويجعل لكم من كل ضيق مخرجاا .. ادرس بقرية نائية وماسكة كل المتوسط وسادس .. يعني تحضير اربع مناهج .. موجهتي رفضضضضت اجيب تحضير جااهز الا اذا كان على طريقة استاذة فوزية الجااسر .. كنت احسبها بتفرج بعد موافقتها الا انها عقب هالشرط عجزتني كثيييير من وين اجيب نفس الطريقة الا اذا انا نفسي باكتبها على الكمبيوتر .. انا منحاااشة من التحضير الكتابي اقوم اكتب بس على الكمبيوتر والطريقة جدا يبي لها وقت ومخ فااااضي لهاا .. وانا منيب فاااضية والله منيب فاااضية والله منيب فاااضية .. << --- شوي شوي لاتصيحين :bleh: ..


فرييت الانترنت كله لين قالت لي محركات البحث تراتس غثيتيناا .. حتى مواقع الانترنت صارت تطنز بي :15: ..


قلت مالي الا عزوتي سعودي انجلش :116: ..

الله لايحرمكم من الاجر تكفووون ياجماعة الخير سااعدوني باي شي باي معلومه اي كلمة اي حرف اي علامة ترقيم بس هييلب مبي بليييز ...


انتظركم ..


الفقيرة الى الله ..

المعلمة الحووسة : انجلشة :15: ..

ريــ الغلا ــم
28-08-2007, 10:52 AM
ماااقدر افيدك

بس
Uuuuuuuup

حمامة
28-08-2007, 10:54 PM
انجلشه



ما أقدر أفيدك والله ..

^ رونق ^
29-08-2007, 05:39 PM
Up

ما أقدر أفيدكـ الا برفع الموووضوع

ريم فهد
03-09-2007, 01:35 PM
عفوا أختي
بس اذكرهم بالدورة قالو هذي الطريقة يمشون عليها معلمات ثاني وثالث ثانوي فقط ؟؟؟؟
:127:

Lancaster
04-09-2007, 12:58 PM
وين راحت هالسنة هي ودوراتها

لا يكونون الغوا الموضوع

تراني فكرت كثيييييييير وما حضّرت والسنة هذي ناوية احضر معاها

هي لسا ماعقدت الدورة
ولا بطلت ترسل ولا كيف؟!

ياليت اللي عنده خبر يقوووول

والسلام

am25
04-09-2007, 05:40 PM
ما أظن الدوره سوف تعقد هذه السنه ولكن فكرتها بسيطه جدا ولدي ملخصات الدوره التي وزعت على المعلمات في مركز التدريب عند حضور الدوره بأمكاني رفعها لكم ...

لي عودة بإذن الله سوف ابحث لكم عن تحاظير كافة المناهج على طريقة الدوره التي تحدثتم عنها ...

إذا عندكم طلبات ثانيه أنا مستعده ...

سَ ..
07-09-2007, 07:31 AM
السلام عليكم ..

اسفة على التأخير ..

ريــ الغلا ــــم

حمــامــة

زوجــك غلاااك


((الف شكر على مروركم :005: )

****


ريم فهد

هلابك .. لا من قال انه بس لثاني وثالث .. وبعدين حنا الى متى ساكتين للموجهات .. السعودية ثلاث ارباعها تحضيراتهم جاهزه خصوصا العيال .. وحنا نكرف اما يمنعونه عن الكل او يسمحون به للكل وش هالمهزله ..

الرياض مايعتفرون بشي اسمه تحضير يله اي تحضير جاهز والسلام .. ليه لانهم عرفو لهم واذكى مننا اللي بس سم وحاضر .. مع انه شي من حقنا ..


على العموم انا ان مالقيت التحضير على هالطريقة مستحيل احضر بيدي .. واذا على درجات دفتر التحضير ماابيها ياخذونها .. الواحد يشتري راحته ..

مشكورة على مرورك .. تحسين اني معصبة صح .. معذورة صح .. << --- اطلعي برا صح ..


****

Lancaster



وين راحت هالسنة هي ودوراتها

لا يكونون الغوا الموضوع

تراني فكرت كثيييييييير وما حضّرت والسنة هذي ناوية احضر معاها

هي لسا ماعقدت الدورة
ولا بطلت ترسل ولا كيف؟!

ياليت اللي عنده خبر يقوووول

والسلام




هلابك .. والله شوفي فيه بنات ماحضرو لادورة ولاغيره ومرتاحين تحضير جاهز والسلام ..
وش معنى احناا ..؟! خلاص لااااااااا لتكميم الافواه بعد اليوم .. لا لدفتر التحضييييير ...

بالنسبة لي بكيفها تبطل تبدا دوورة جديده قديمة .. مااابي احضر ابي جااااهز ..
مشكورة على مرورك ..


****


am25



ما أظن الدوره سوف تعقد هذه السنه ولكن فكرتها بسيطه جدا ولدي ملخصات الدوره التي وزعت على المعلمات في مركز التدريب عند حضور الدوره بأمكاني رفعها لكم ...

لي عودة بإذن الله سوف ابحث لكم عن تحاظير كافة المناهج على طريقة الدوره التي تحدثتم عنها ...

إذا عندكم طلبات ثانيه أنا مستعده ...


هلابك هلا والله ..
يعني عندك التحاضير .. قولي الصدق لاتلعبين علي .. معقوله لقيتها ..؟! اقبصيني تكفين ..

جعلك بالجننننننننة انتي ووالديك تكفين اذا عندك تحاضير المتوسط كلها وسادس حطيها بمكتبه اي مكتبه ببريدة بلييييز الله يوفقك ..

ماابي ملخصات الدورة اللي تتكلم عن طريقة هالتحضير ابي التحضير نفسه .. ارجوووووك وتكفيييين وبلييييز .. اذا عندك اي مرحله قولي لي انك بتنزلينها لاتأخرين علي بليييز ,.. << --- من فرحتها تلخبطت ..

مشكورة على الرد .. وانتظرك لاتنسيني تكفين ..

شموع العمر
08-09-2007, 08:35 PM
الدورة انلغت نهائياً السنة هاذي جتني مسج من أ. فوزية يعني انلغى المشروووووووووع نهائياً وأنتي ليه غاثة روحك يا إنجلشة على التحضير ترى عليه 2 درجتين بس لايضيق صدررررررررررررك

معلمه
08-09-2007, 08:38 PM
التحضير عليه 7 درجات

مازن2007
10-09-2007, 07:00 PM
مشكورة0000000000000000000000

Lancaster
10-09-2007, 08:05 PM
ابشرك التحضير الآن جاهز

واذا تبغين تحضير عرضي مرتب عندك مكتبة المعرفة (المساعي سابقاً)