رشحوني موجهة

[عنقليزي تيتشر]

ياجماعة الخيررررر,,, يااعضاء المنتدى الكراااااام ,, مادري افرح والا ازعل :confused: ؟؟ الموجهة جاتني اليوم ماحضرت لي ولا شي ,, بس جات تعطيني خبر انها رشحتني موجهة :eek: ,,, بالغصب بالطيب تبيني ,,, وانا بيني وبينكم فرحت شوي وخفت كثير,, اوافق والا أرفض؟ وخوفتني اكثر لما قالت لي ان رئيسة القسم نفسها طلبت منهم ترشيحي مع العلم اني عمري ماشفت رئيسة قسم اللغة الانجليزية ذي والله ولااعرف حتى اسمها,,,,بس تقول انها سمعت عني من كذا جهة ولله الحمد,,,, وش رايكم اوافق؟ والا اقول لهم انسوني خاصة ان خبرتي قليلة ’’ بس اربع سنوات ,,,, لما لمحت لها اني احتمال ارفض قالت لي اجل نحولك ثانوي لان عندك عطاء لازم نستفيد منه بمرحلة اكبر واني حرام اكون بمرحلة ابتدائية,,, وش رايكم؟؟؟ ساعدوني وربي محتارة ,,,,, ودمتتتتتتتتم

[Marshmallows]

ماشالله مبرووووك...شوفي حبيبتي ... اذا انتي تحبين التدريس ومستمتعه فيه خليك مدرسة....لكن اذا تبين الراحه والبرستيج:p وافقي...مع ان الموجهه دايما ضيفة غير مرغوب فيها....يعني فكري زين ووازني الامور في راسك..........وقبل كل شي استخيري .....والله يكتبلك الخير والصالح.............ويوفقك قولي امين

[ابله منى]

يعتمد حبيبتي على المنطقة اللي انتي فيها ..
لانك لو في قرية .... و فيها قرى مجاورة لها الله يعينك على المرمطة .. و الطرق الصحراوية ..
و اذا انتي في الرياض .. اعتقد الوضع حلو .. لان المنطقة راقية و يكفي ان لك الحرية بالتنقل .. لان فيه مناطق تجبر الموجهه على الحضور للمكتب و التوقيع و تركب مع سيارة المكتب القرمبعة و تروح .. يعني لو المدرسة اللي بتروح لها قدام باب بيتها .. يجبرونها تروح لاخر الدنيا عشان تركب سيارة المكتب ..
فيه شئ آخر احب انبهك له .. في التوجيه صح برستيج و كشخة .. و انا نفسي اصير موجهة بس بمكان صاحي .. الا ان فيه مشكلة الموجهات اللي اكبر منك .. يعطونك طوارف المنطقة و يختارون الوسط و القريب عشان اريح لهم .. و بما انك جديدة و متدربة بتضطرين توافقين على كل شئ و كل شي ينحط على راسك :)


انا اشوف انك توافقين .. اذا حاسة ان التدريس مش رغبتك ( مثلي ) و اذا تحبين التدريس .. و عندك عطاء اكثر للتدريس .. خليك مدرسة احسن .. لان التوجيه مافيه عطاء ولا ابداع ولا نشاط .. كله روتين بروتين :)

[saher202]

اختي الغالية عنجليزي تيتشر اسمعي قصتي لأن حصلي تماما ما حصل ليكي قبل حوالي ست سنوات تماما ابتدأت الوزارة بمشروع الأختبارات التحصيلية "الأختياريه" وأخوكي سيسو اول شخص سعودي في الشرقيه يشتغل فيه يعني احنا البايونيرز للمشروع وكان معاي مصري وفلسطيني واخوك كريف عمل حتى الموجه ورئيس القسم ومدير المشروع رشحوني موجه "مشرف" قلت ياجماعة خلوني اجرب الموضوع شويه شهر تجريبي واشوف المهم والله وبالفعل من مدرسة الى مدرسه وكتابة تقارير عن المدرسين اللي زرتهم وانا قلبي رهيف يعني ما يطاوعني اكتب اشياء سيئه عن بعض المدرسب اللي هم اكبر مني سناً وخبرة بس عطائهم في الصف جداً ضعيف والبعض معدوم يعني ما يصلح للتعليم
شفت العجب والتعب "نفسيا" واشتقت لزملائي وطلابي اللي كنت معاهم لمدة سنتين ومشيهم تمام فشفت نفسي مدرس اكثر من اكون مشرف فرفضت الفكرة تماماً واعتدرت والله يا اختي التدريس 24 حصة اهون من الأشراف وإحراجاته "بعض المدرسن يحجوكي بأشياء الوزير نفسه مايقدر ينفدها جيبو لنا كدا محتاجين كدا وبعدين قول نبغيك نعطي وواحد مرة قالي إيش اصرف من جيبي على ادارة التعليم جعل الطلاب ما درسو وما فهموا ما نا مصور اوراق عمل ولا شئ" اشياء والله متعبه وانا الآن الف على مدرستين ابتدائي زائد مدرستي المتوسط و 20 حصة ومرتاح تماماً

فكري زين زين

[hadi10]

(((((((ما خاب من أستخار))))))))))

[اعز الناس]

ألف مبروك .. ألف مبروك .. ألف مبروك .. ألف مبروك ..


اول شيء الاستخاره مثل ماقال الاخ هادي

ثاني شيء اذا كان فيه قرى ومرمطه مالها داعي

ثالث شيء ترى الاشراف سوااااااااااااليف يعني مافي طلاب واسئله واشراف ونشاط وقرف

واذا كان حصصك واجد مثل ماقالوا الاخوان افتكي بس


رابع شيء يعتمد على حبك للتدريس اذا كنتي لسا مامليتي كملي

اما اذا كان الملل شبه بيجيك توكلي على الله وصيري miss مشرفه

لو جاني هالعرض بوافق لان الحصص اكيد بتزود مع 5 و 4 وانا تعبت من الطلاب

لان فيني عيب واحد وهو اذا مافهم واحد من الطلاب اقول بنفسي ياولد مالك ومال التدريس


اتمنى لك التوفيق بس الله الله بالدرجات الزينه للمعلمات تراهن مساكين ألف مبروكمره ثانيه ..

[شمس الابداع]

تدللي عليهم

املي شروطك ، وتأكدي من عدم وجود اي صعوبات ( يعنى قرى ومشاوير ) ، حاولي تجيبين
معلومات عن المشرفات بالقسم ، وخصوصا عن رئيسة القسم اللي ما تعرفينها ..
روحي يوم على مركز الاشراف ( استسمحي لك يوم من المدرسة وروحي ) شوفي الوضع
بنفسك ، وعيشي الجو ، اسألي عن الموجودات في القسم من غير القسم ، يعني لغة عربية او تربية اسلامية ، قولي لهم اختي ممكن يرشحوها مشرفة بقسم الانجليزي وحبيت
اعرف كيف الاوضاع لأنها مسكين توها مالها الا اربع سنين وما تعرف كيف الوضع هنا ( وبعدها ما تزوجت ) وخايفة عليها بالمرة وابغى نصيحتكم ...

الأمور والله تمام ، اتكلي على الله وخليك من هم التدريس ، واللي كلما له يصير اكثر تعبا
عشرين حصة وثلاث مدارس ، وادا كملتي فيه عشر سنوات ، حيحصل في عقلك حاجه
واللي يقولك انك ماراح تطورين عمرك في الاشراف جانبه الصواب ، لأن المقبرة الحقيقية
للطموح والتطور هو التدريس .. فكري في الايام الجاية وكيف بيكون الوضع مع اجيال الاكاديميات خصوصا لو رحتي ثانوي ( الله يعوضك خير في صحتك )

اما ان المشرفة او رئيسة القسم تنقلك لثانوي ، ولا عليك فيها ، ما احد يقدر ينقلك
ولو جا نقل غصبا عليك ( افتراضا ) لا تطاوعينهم وتمي بمدرستك حتى لو ما دخلتي حصص
وحتى لو هددوك بالحسم وغيره ، ولا تشيلي هم ، المهم لاتوافقين حتى لو قالوا باشري
هناك لاسبوع او اسبوعين بعدين ارجعي لمدرستك لاتصدقين ...

اتمنى لك التوفيق ، وانا لو كنت مكانك لاخترت الاشراف واشتريت صحتي وعمري
( يمكن الوضع يفرق معاك لانك بنت )

********
ملاحظات
كتبت وطولت لأني قد تشبعت بنفس المشكلة ، وحبيت اعطيك تجربتي
خلت القطعة الطويلة المملة السابقة من حرف الدال ( ابو نقطة ) لأن الكيبورد عندي ما هو راضي يكتب هدا الحرف

[فاتح القدس]

الله يعينك على الحيرة إللي إنته فيها وأذكرك بستة أمور :
1- استخيري واستشيري
2- مادام أكدوا عليك بدون مجاملات ومعرفة هذا يعنى أنك تستحقين وأنهم يريدون الاستفادة من خدماتك .
3- أنا في رأيي أنك تخوضين هذي التجربة وإذا ما ناسبت ارجعي للتدريس ( بحسب ظروفك )
4- تطوير القدرات في الإشراف أكثر من التدريس .
5- والأمر أولاً وأخيرا يعود لك .
6- بالنسبة لتهديدها بنقلك ما تقدر ما هو بكيفها .
وأهنئك على هذه الثقة التي وضعوها فيك ولا يدفعك ذلك إلا إلى مزيد من التقدم وأن يروا منك كل جميل سواء تمّ الموضوع أم لم يتم .

ونسأل الله أنه يختار لك أخير الأمرين يارب .

دعاء الاستخارة

إذا هم أحدكم بالأمر فليركع ركعتين من غير الفريضة ثم ليقل اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب اللهم إن كنت تعلم أن هذا الأمر خير لي في ديني ومعاشي وعاقبة أمري

[الهاوي 1974]

اختي انجليزي تيتشر طبعاً ارفضي لان التوجيه كان اول مريح اما الان فهو مرمطة وتعقيب عليك في كل مدرسة توجهي اليها وبعدين اذا وافقتي تروحي موجهة من للغلاباء المساكين حاتنا من يمدهم بمواضيع قيمة طبعا ارفضي وخليك معنا لاتكبر راسك ولا عاد تدخلي حتى على المنتدى تحياتي لك ( مخ ابليس)

[زهرة وفى]

الله يقدم لك الي فيه خير

ويوفقك اختي وين ماكنتي

اطلبي من الله الخيره

اعانك الله على الراي السديد ياااااااااااااااااارب

[قصيمي دب سريع]

جاك الخبير
بسم الله الرحمن الرحيم
قبل كل شي الاشراف للرجل راحه ووناسه وللمرأه تعب
والرجل مايتشرح مشرف الا اذا عنده واسطه والمرأه تتشرح مشرفه اذا ماعنده واسطه وحبو يكرفونه
عموما هذي وجهة نظري:
اذا كنتي اتدرسن ابتدائي فارفضي الترشيح وكذلك النقل ماهو على كيفهم علشان انا مدرسه ممتازه تنقلوني ثانوي اجل راح اصير مدرسه بليده
شوفي اختي انا بعد مانقلت ابتدائي احس اني دكتور مو مدرس
كل يوم مدرسه ومعي شنطتي الي فيها المسجل وصاير دكتور صراحه جاي القي محاضره وامشي
وترتشحك هذا يمكن حقد مو حب
حنا في زمن غريب
واذا كنتي تبين توافقين وافقي اذا كانت ظروفك تسمح لك بالصوره التاليه
اول الظروف اذا كنت من النوع الي ثقيل عليه دخول الفصل يعني يكره التدرس
ثاني شي متزوجه ولديك من ينقلك من مدرسه لمدرسه والا تارطين وتتمشكلين وتتمرمطين
3- تكوني في مدينه كبيره علشان ماتروحي زياره للقرىورغم انه المدينه الكبيره لازم يكون حولها قرى

وهناك نقطه مهمه الاشراف يحكم عليك احيانا تكلمين رجل وتحتكين فيهم علشان كذا خليك بمدرستك وحصصك اصرف لك
وهذ نصيحه فوق البيعه اذا غصبوك خلي ابوك يروح يكلم المسؤلين بالاداره لان الحريم الحوار معهم عقيم بس شريط يكون رجل يعرف يتكلم مو يروح وكلمتين وهم مقعينه

[عنقليزي تيتشر]

سلاااااااااااام عليكم ,,,, ياعــبــــــــاد الله,,, أنا محدثتكم عنقليزي تيتشر,,’,, أبشركم جاتني الموافقة على اني اكون موجهة ,, ولكن أختكم بالله رفضت رفضا بااااتا بالذات بعد ماعرفت طبيعة العمل بالمكتب وبالتوجيه وكيف البهدلة والمرمطة وكيف انهم يبوني اروح لهم باقرب وقت ممكن عشان يطلعوني لهجرو وقرى تبعد القريبة منها 200 كلم ,,, عشان القديمات تبقى لهم القرى والهجر القريبة وداخل البلد,,, طبعا على قولتهم مجنون تعرفه ولاعاقل تجهله,, وبيني وبينكم مرتاحة مرة بالمدرستين الللي انا فيهم بالذات ان مديرتي بالمدرسة الاصلية وفرت لي فصل خاص بس بالانقلش وبديت أحضر english lab. والتوجيه :طالق طالق طالق ,,,,, نعم للتدريس ,,, لاااااا للتوجيه,, بالذات اني صرت اشوف انه يجمع من هب ودب وكل من عنده واسطة مو بالكفاءة ولاله له هيبته مثل قبل بصراحة,,, والسلام خير ختام,,,,, دمتتتتتتتتتتتتتم

[Good night]

إشتري راحتك وانا أختك 00 ترى التوجيه غثاء وقلق

التدريس فيه كسر للروتين 00 الله يوفقك وتاكدي انهم

إختاروك لأنك كفوء وتستاهلين 00

[indestKes]

His urologist put him on clomid to help increase his chances of sperm retrieval via a microTese occasion du levitra en belgique (http://levitrax.pics)