السلا عليكم
بدخل بالموضوع على طول
انا في اول سنه من الجامعة طبعا سنه تحضيريه
اواجه صعوبه بتعلم اللغة واتمنى القى حل
بدايه السنه اختبرنا امتحان لتحديد المستوى للغة الانجليزيه
وكانت المستويات في الجامعة 5
اخذت نتيجة الاختبار وطلعت على level 2
على طول في المستوى الثاني وتخطيت الاول الحمد لله
المهم انا مستوى اللغة عندي سيئ جدا
طبعا ادرس 3 ساعات باليوم انجلش ودكتوراتنا وحدة من انجلترا ووحدة من كندا ما افهم شي ابدا
الكلاس اغلبه افضل مني واخجل كثير من نفسي وما اشارك مع الـــteacher
وبعد اسبوع عندي امتحان فاينل ومو فاهمة شي :smile (16)::smile (82):
انا حابه اتعلم اللغة سألت وحدة معي في الكلاس انو كيف تعلمتي قالت تابعي افلام
انا تابعت افلام بس ما افهم وش يقولون واي كلمة اترجمها واشتريت CD فيه محادثات ومفردات واتابع في
اليوتيوب برامج وعندي كتب للتعلم
بس ما فيه فايدة عجزت اتعلم
انا الان اواجة صعوبه في الجامعة بحكم انو ايضا ادرس الحاسب بالانجلش
تحطمممممت حيييييييل لدرجة انو الكل يبتعد عني في الكلاس ما يجلس احد قريب مني لأن من عادة
المدرسه انها تقول سوي زي القروب طالبتين طالبتين فأنا ما اعرف شي والكل ابتعد مع اني مو مهمله
وشاطرة حيل ونسبتي مرتفعه في الثانويه والقدرات والتحصيل وكنت اجيب فل مارك في مادة الانجلش ايام
الابتدائي والمتوسط والثانوي لان مدرساتي يتكلمون عربي داخل الحصة الحين انا توهقت
انا كنت ناويه اتخصص انجلش من بعد السنه التحضيريه
بس دائما اشكي لأمي من الانجلش واني ما افهم وش يقولون مدرساتي واني مستوى ضعيف في اللغة
قالت اجل لا تدخلين قسم انجلش لأنك راح تفشلين فيه وماراح تنجحين ابدا
بس ما اخفيكم اني احب الانجلش وما فيه اي قسم ارغبه غيره شورو علي ادخل انجلش او لا ؟؟؟؟
انا حابه اتعلم بس عجزت عجزت اتمنى انكم تساعدوني مافيه احد فاهمني في البيت :smile (97):
نفسيتي عدم احس اني بديت اكره الجامعة واتذمر كثيييير
محد مساعدني حتى زميلاتي في الكلاس
ايه نسيت شغله انا الحين لو ابي اعرف شي عن وضعي الاكاديمي من نفس الدكتورة ما اقدر اتحاور معاها بحكم انه اجنبيه
فيه مرة رحت له وهي تطلب مساعدة من دكتوة اخرى انها تقولي بالعربي بس بعد هالشي بغيت اصيح كل ما تشوف وجهي تقول روحي للدكتورة الثانيه
عشان تتكلم عربي ساعتها حسيت اني مو متعلمه واني كأني في اول ابتدائي مو اول جامعة نفسيتي صارت عدم وما قدرت احضر محاضراتي الباقيه