طالبة كويتية في مدرستي!!!!!

يوم الأحد اللي فات كان اختبار مادة اللغة الانجليزية في مدرستي وكالعادة لما جينا نصحح الاوراق انا وزميلتي درجات الطالبات زي الزفت اجابات تفشل وتضحك في نفس الوقت مع انهم ثالث ثانوي خصوصا القسم الادبي شي يا ناس غير طبيعي حتى d و b ما يعرفوا يفرقوا بينها .لكن لفت نظري ورقة طالبة كانت اجاباتهاجدددددا رائعة وتحس انها فاهمة الانجليزي صح واجاباتها مش معتمدة على الصم والحفظ بل على الفهم المصيبة لما قرأت اسمها لقيت انها منازل يعني ما حضرت ولا حصة فقط جت في الاختبار .تدرون كم جابت في الاختبار 30 من 30 يعني العلامة الكاملة .وبعد تقصي الحقائق عنها اكتشفت انها كويتية
السؤال الكبيرررررر اللي يطرح نفسه :
لماذا السعوديون مستواهم ضععععيف في الانجلش ؟
هالحين طالبة منازل تأخذ العلامة الكاملة في حين ان بعض اللي يحضروا يوميا ماقدروا يجيبوا ولا ربعها :guy face (55):why يا ناس why

الطالبات الاتي درستيهن لا يمثلن جميع السعوديين
كل طالبة ومجهودها أنتِ بذلتي الي عليك وما قصرتي بس هي قدرتها كذا لأنها مو لغتها الأم
غالباً طالبات المدارس ماراح يقدروا اللغة الا إذا دخلوا الجامعة واظطروا يتعلموها
أرى أن ننظر نظرة تفائل فيهم لأن درجاتهم النازله ماراح يرضون عليها وبالتالي راح يتولد عندهم رغبة لتعلم اللغة وإن لم يبينوا رغبتهم لتعلمها

أتمنى أن تأخذي كلامي بصدر رجب

أعتقد ان اساسهااا كان صح
منذُ البدء
مو مثل مدارسنااا كلهااا تجارب والضحية الطلاب
واللي اقصده من كلامي
لو ان تُدرس اللغة الانجليزية من اول ابتدائي
لكانت الفائدة عظيمة
ولكل مجتهد نصيب

انا اشوف انه يعتمد على طريقه الاستاذه في الشرح
في الغالب طريقه القائيه بحته مافي تنويع في طرق التدريس
والشي الثاني والاهم انه لازم في البدايه الاستاذه توضح للطالبات اش هي اهم الاشياء الي تساعدها لتعلم اللغه الانجليزيه
مثل الاستماع لاهل اللغه وتزوهم باهم المواقع الي ممكن تفيدهم وتوضح لهم الصوتيات الموجوده في اللغه
وتعودهم على استخدام الدكشنري مو الصغير الي تبع الجيب
وتعمل معاهم انشطه مثل تدربهم ع الترجمه وممكن تطلب منهم جورنال يكتبو كل اسبوع عن موضوع يكون انترستنق

المشكله الي عندنا ان الاستادات اكيد مو الكل يتعاملو مع الانقلش على انه منهج مو لغه وذا في نظري اكبر غلط.

أول شيء أكيد الكويتيه تكون عندها لغة يعني يمكن عاشت برى أو داخلة معهد أو أو ...

الشيء الثاني اللي هو الطالبات اللي ما حلوا وهم يحضروا كل يوم؛ يمكن المشكلة تكون فيك إنتي كمعلمة يعني ما استخدمتي الوسيلة المناسبة أو طريقة الشرح فيها قصور .

مع العلم إن فيه طلاب وطالبات سعوديين فاهمين في اللغة أكثر من مدرسين اللغة أنفسهم .

اذكر الترم الماضي زميلي نزل تربية عملي في المدرسة فكان أحد الطلاب سعودي وجاي من أمريكا على حظ زميلي ههههه المهم زميلي يقوولي ياكثر الكلمات اللي عدلها لي . زميلي أول ما نزل العملي كان يتفلسف على الطلاب وبالكلمات والقواعد ويزود اشياء من عنده بعد ما جاء هذا صار يأدي اللي عليه بس ولا يزيد عشان لا يحشكة الطالب لان الطالب جاء بعد بداية الترم بكذا اسبوووع وياليته ما جاء بين إن الحبيب من جنبها..

بالتوفيق للجميع.

تعتمد بنسبه كبيره على اسلوب المعلم
استخدام وسائل التعلم ونظام العمل في القروبات يساعد ويحمس الطالب انه يتعلم ويركز اكثر

والله احنا كمعلمين محنا مقصرين لكن هل نصرف على المدارس من جيوبنا اللغة تحتاج معامل تحتاج كتب مطورة ومناهج تتماشى مع العصر مهارة الاستماع معطلة لعدم وجود الوسائل
اما الطلاب والطالبات حدث ولا حرج اهمال استهتار عارفه وحاطه في بالها انها بنهاية الترم سوف ترفع في المادة او يتجاوز عنها وتنجح مافيه اي تعب معلم اللغة الانجليزية مظلوم الله يعينا بس

مو شرط الاساس طالما انو الطالبه عندها عقل نظيف ورغبه واراده قويه ..
انا عندي طالبه منازل سعوديه وفي قريه ورا الجبال جابت درجه افضل بكثييير من الدلوخ اللي حاضرين معي طول الاربع اشهر

الغلط مو على المعلمين على الطالبات المعلمين سو الي عليهم والباقي على الطالبات
في طالبات تلقيها بالحصة تسمع الكلام من اذن وتطلعه من الثانيه ( اذن من طين واذن من عجين )
وفي البيت ما تفتح الكتاب
لكن في طلاب ما شاء الله متفوقين
بالتوفيق للجميع...................................... ...............

اختي نوارة مو صحيح إن المعلمين دائما هم صح وما عندهم مشاكل في ايصال المعلومة بالوسيلة والطريقة الصحيحة.

أكيد في ذاكرتك وذاكرتي إنه في يوم مر عليك معلم أو معلمة ما توصل المعلومة بطريقة صحيحة ، والعكس صحيح.

ودائما كمعلمين لابد من مراعات الفروق الفردية بين الطلاب واستخدام اكثر من وسيلة وطريقة لشرح الدروس وخاصة معلمي اللغة الانجليزية يحتاجون إلى بذل الجهد اكثر من المواد الأخرى.

طبعا الانترنت ماخلا ولا بقى شيء .

عشان كذا الواحد يستغل التقنية لتسهيل اللغة على الطلاب .

اتقان اللغة ما لها علاقه بجنسية .. اتقان اللغة له علاقه بالمتعلم نفسه ..
واللي جاد في عملية التعلم .. راح يتعلم .. وانا اعرف ناس كويتيين معرفه شخصيه ..
دارسين بالكويت .. ما يعرفون يفرقون بين الـ s والـ c ..

ولا أحد يحط اللوم على المعلمين .. لان الحين الطالب او الطالبة ..
اذا ما توفر له المعلم المخلص .. (( وهو جاد في عملية التعلم ))
راح يتعلم من مصادر ثانيه منها واهمها .. الانترنت ..

جبتيه اع الجرح ......... d و b ................. !


حتى طالبات مدرستنا مايفرقون بينها !!!!



> السبب يختلف من مكان لمكان ... مانقدر نقول ع المعلم او المتعلم .... لكن من وجهة نظري عدم
وجود الدافعيه للتعلم هي من اهم الاسباب في تدني المستوى .... الحل اننا بين فتره وفتره نحاول نرفع الدافعيه لدى طالبتنا وطلابنا ...


بوركت ِ ...

موضوع جميل جدا


إنتي سوي إللي عليك وبحسب ماتقدري
والباقي على الله

( لايكلف الله نفسا إلا وسعها )

وطالباتنا وطلابنا فيهم نماذج مشرقة
لكن الغالبية ما يحاولوا يشتغلوا على أنفسهم
زي بقية الطلاب في الدول الأخرى


.

السلام عليكم ورحمة الله وبركاته

الطالبة الكويتيه التي درست بالمنزل ليس من الضروري أن يكون تأسيسها في اللغة سليم لأن حجة التأسيس اعتقد أنها شيئ يعلق الناس عليه نقاط ضعف يجب اصلاحها وألا فكيف يذهب شخص لياخذ دورة لغة انجليزية مثلا في عدة شهور وتتقدم لغته بنسبه كبيرة جدا ؟ لقد لاحظت ان الدروس التي يحضرها موجهات وموجهين بالمدارس تكون نسبة فهم الطالبات فيها كبيرة جدا . ألم يسأل أحدنا نفسه لماذا ؟ لأن المعلم يحاول بكل الطرق اثبات نفسه بالاعداد الجيد للدرس ووسائله التعليميه بكافة أنواعها والتفاني في الشرح . ليس معنى كلامي انك قصرتي بل معناه اننا نستطيع المزيد لأن في ظل هذا العصر حتى المعاقين ذهنيا يمكن تعليمهم فما بالنا بالذين انعم الله عليهم بنعمة العقل حتى لو اختلفت درجات الذكاء. المناهج أيضا تحتاج للكثير من التطوير وكتب التطبيق وأيضا تنمية مهارة الاستماع , فالمنهج الجيد يخفف العبئ على المعلم ويزيد من استفادة الطالب بنسبة كبيرة

التاسيس هو مربط الفرس هنا لاتاسيس ولا شي حتي كلمات الدرس الجديده

مانحفظها وعندنا مشكله في ترجمة الاسئله والاجابات لان ماعندنا مخزون كلمات

ياليت يحرصون علي هذه النقطه

ههههههههههههههههههههههههه ه