صحيح ان معلمة مدارس التحفيظ تمسك اي تخصص ولايلعبون علي!!

السلام عليكم ورحمة الله وبركاته


انا معلمة لغة انجليزيه قدر الله علي ونقلت لمدرسه متوسطه & ابتدائية في قريه

المهم المتوسطه هذي مافيها الا اول وثاني متوسط كل صف له فصل واحد بس

وبماأن مدارس التحفيظ نصابهم مخفف راح يكون نصابي 6 متوسط + 2 ابتدائي = 8 حصص اسبوعياً

فعشان يكملون نصابي قالوا لي لازم تمسكين اجتماعيات ابتدائي او رياضيات متوسط <-- يمديكم بس انا جدول ضرب ماأعرف:marsa150:

طبعاً رفضت بس قالت لي الأداريه ان مدارس التحفيظ مافيها شي اسمه تخصص:confused: وان معلمتهم العام كانت تعاقد و ماسكه الجدول بهالشكل .. قلت لها انا توجيهي متوسط مو ابتدائي قالت لازم تكملين النصاب

حتى قلت عطوني نشاط او كمبيوتر قالوا مافيه

قلت ابي ندب قالت مو على كيفك!!

المشكله انا ماأبي ابتدائي وماصدقت جاني نقل متوسط وطلعوا لي بهالسالفه:23_11_62[1]:

هل فيه تعميم صح ولا الدعوه نصب:confused:

افيدوني الله يعطيكم العافيه

:neutral:

وينكم

السلام عليكم
شوفي يا أختي أنا نفس حالك لكن كان عندي عادي يعطوني مواد ولا إنتداب مدرسة ثانية , وترى إحنا معلمات إنجليزي مو من حقنا ناخذ نصيب أقل خلينا نرضى بالمكتوب أحسن من المشاكل اللي ما تنتهي

اما رياضيات متوسط مايمديها بريالين
وبعدين وش هالتعاميم اللي مدارس التحفيظ مافيه تخصص
اقول جالسين يلعبون عليك
لكن خذي الكلام الاكيد من الاخوان اهل الخبرة

أطلبيها توريك التعميم .. بس نصيحتي لا تحاولين انك توقفي ضدهم وحاولي تحليها بالتفاهم , طبعا لو كان فيه معلمة غيرك تحسي انهم مريحينها وضاغطينك , اطلبيهم يعدلوا في التوزيع

أنا نصابي 11 حصة وماخذ ست حصص إضافية في مدرستي وأكمل حصتين للسادس في مدرسة ثانية

قولي لها بلا نصب بس ..
بلا تحفيظ بلا كلام فاظي ..

والله العظيم ماخربهم وخلاهم يتجرؤون الا تخاذل بعض المعلمين والمعلمات الله يهديهم يوم يوافقون اذا اعطوهم مواد اضافية غير تخصصهم ..
ليش تقولون لها اقبلي ومدري ايش ..
لا اختي اقولها لك بالفم المليان لاتقبلين ولا تفكرين توافقين
هذا اسمه غش واستغلال وكذب ..
قولي لهم حرام عليكم ربي أعطاكم امانة التعليم وارسلوا لكم الناس فلذات اكبادهم علشان تخلون حي الله معلمة تدرسهم اي تخصص ؟؟
هي السالفة لعب كورة ؟؟
والله العظيم اني اخاف من ربي أمسك مادة غير تخصصي .. كيف أعطي فيها واشرحها باخلاص وامانة ؟؟؟؟؟؟
ماقلت لا انا اعطوني 24 حصة بس رياضيات واجتماعيات وفنية وقلة حيا لا والف لا ..
المصيبة فيه مديرات يطلبون تحضير بعد على المواد الاضافية
والمضحك لو بتاخذ وحدة من معلمات الابتدائي اجازة ولا مصيبة تمسكين جدولها عااااااااااادي لكن لو تكونين انتي بمكانها وتاخذين اجازة راحوا جابوا معلمة من مدرسة ثانية نفس التخصص

ارجوكم لاتتخاذلون ولاتسكتون على اي شي
لاتخلونهم يستغلوننا ويستغفلوننا
الى متى بنظل على تخلفنا والعالم يتقدم وحنا حتى المعلم مايقدر يعطي بنفس تخصصه !

طلبتك سلميلي عليها تكفين وقولي لها هالتعميم مدري هالتخبيص موقع باسم مين مين هالمتهور اللي مااستحى وشخط توقيع على هالخرابيط

حدث العاقل بما يعقل اجل احد يدرس رياضايات متوسط <<< يكفي فيثاغورس بس

وهو مو تخصصه يعين لو قالت فن بلعناها لكن رياضيات

اذا انتي رسمي عطيها طناش واذا تعاقد اجل ابلعي لسانك ولو بغوك تدرسين محفوظات درسي وش وراك لين تترسمين

I swear to GOD they are conspiring on you my friend. I teach in a Quranic school for a couple of years so far,but i've never heard about this thing before plus as far as i know all intermediate and high school teachers only
teach their curriculums and never approach any other specialization..that they have nothing to do with. Why should i teach something i have no
background in? or is it only the matter of letting those students pass those courses without enough knowledge? thanx

السلام عليكم ورحمة الله وبركاته
إذا كنت ملاك متوسط فإنك لاتقبلي تدرسي شي غير الإنجليزي ثم معلمة الإنجليزي في التحيظ حالها حال أي معلمة مادة ثانية ماتدرس إلا إنجليزي . وأنا مره صارت لي نفس الشي يوم كنت في القريه.إضطريت وإشتكيت لأدارة التعليم في الرياض علشان يحلون المشكلة.

واو وش هالمصيبه ياوخيتي بس على كل الاحوال لاااااااااااااااااااااااا اااا توافقين ابدااا ابدا هذا انجليزي وشلون تطلعين من انجليزي لرياضيات والله كاااااااااااااااااااارثه لاتقبلي واعلى مفي خيلها تركبه بدال ماتتفلس عليس تمسك هي ولا المساعدات اللي ماعندهم سالفه قاعدين يسولفون طول الوقت

والله مادري شنو اقول


انا اعتبرت فسي اني مكانها وقريت مواضيعهم تصدقون شنوقلت لنفسي


قلت ياولد فدم استقاله


يخوان و يا اخوات الكلام هذا ما يصلح


والله البعض يتكلم بكلام وهو ما يعرف شنو المقصود به

انتم ما تعرفون حال المسكينه هذه

ولا تعرفون ليش المعلمة طلبت منها هالشئ

ابي اقولكم على شئ


انت معلم وحاصل على بكالوريوس في اللغه الانجليزية

قبل المرحله الجامعية انت تعلم في السعودية يعني انت عارف المناهج شنو فيها لو تدرس ماده مب مادتك


مساعده

لي اخوانك واخواتك

يعني لون ابنك يدرس في هالمدرسه وله 1 شهر كامل ما دخل عليه مدرس الرياضيات سألتك بالله شنو تقول


الوزارة ما قصرت وقالها العبيد قال ياخوان السبب ليس نحن السبب المالية هي التى تعوق تعين المعلمين

هذا السبب يعني المسأله مسأله راتب

ياخوي لو كل واحد يسال نفسه سؤال

لو الرسول صلى الله عليه وسلم كان معنا ودخل حصتك سألتك بالله هل تتأكد ان الرسول صلى الله عليه وسلم سوف يرضى عن عملك

يعني لا في مادتك ابدعت ولا في مادة غيرك ساعدت

اختى توكلي على الله ودرسي المواد وتعلمي كيف تدرسينها وتخيلي ان هذولي البنات بناتك وانت تدريسيهم في البيت وتعلميهم هذا كله له اجر بإذن الله وسوف يكتب لك حسنات بإذن الله تعالى


اخوك

طبعا يلعبون عليك ارفضي رفض تام لان توجيهك متوسط يعني تمسكين بس تخصصك وخليهم يمسكون الباب ولاتعطينهم وجه واذا ازعجوك او قالوا بنرفع للتوجيه قولي عادي ارفعوا لان الحق معك...

اول مره اسمع بالخرابيط هذي ..

بسم الله الرحمن الرحيم
اختي العزيزة استخيري الله عزوجل واعلمي انه ماخاب من استشار ولا ندم من استخار - واشكي همك لله وقولي(استغفر الله الذي لا إله إلا هو الحي القيوم واتوب إليه )
والله لسوف ترين الفرج من الله وهذا الامر مجرب .

اختي انا معلمه تحفيظ ونصابي 9 حصص صار لي كم سنه
ودائما معاي حسابا ت لاني مااحب اخذ نشاط ورياده
بس تعميم ( مدرسه التحفيظ تدرس اي منهج ) !!!!!!!!!!!!!!هذي كذبه واضحه
واعتقد المسأله هذي ترجع لرغبتك انتي
اذا كنتي تقدرين ومنها تحتسبين كان بها
واذا ماودك ماعليك منهم ...

ههههههههههههههههههههها اختي معلمة انا مدرس لغة انجليزيه هذي السنه الثانيه لي وققدر الله لي اني ادرس في قريه وعطاني المدير الجدول حقي وفيه 21 حصة وناظرات في الجدول ولقيت قراءة وتعبير وبدنيه ورجعت الجدول للمدير قلت انت ملخبط اخوي انا مدرس لغة انجليزيه ( قاعد يضحك المدير) وقال لي استاذي العزيز (يقصدني الاخ محترم)هههههههههه قال المصلحة التعليمه تجبرك انك تاخذ مواد غير تخصصك وقلت اه اها اها بالله عليك طيب وقلت له طيب انت ما تدري ان المصلحة التعليمه ما ترضي تظلم الطالب قال لا عادي وبدي يصرف بعد كذا تقبلت الوضع وقلت انا لله وانا له راحعون ودخلت اولى متوسط وانا مرتبك وعندهم قراءة اول متوسط وقلت بسم الله اللي يعين بس وجلست اقري والله ما ادري وش السالفة وقلت ما يارب ما احد يسالني عن اي شي او عن اي كلمة صعبه والحمد الله عدت الحصة على خير طيب الان نجي لمادة الوطنيه طبعا دخلت الحصة وانا عندي خبرة سايقة في تدريس مادة عربيه ودخلت وكتبت الموضوع وجلست اقري طبعا ما في شرح اخاف احد الطلاب يوهقني في سوال.................. طيب وبعد ذللك هل بعد كل القصص اللي ذكرتها ما يوجد ظلم لطالب
ما اقول حسبي الله ونعم الوكيل

Realy ?

It was not in any mind...

انا درست تحفيظ سنتين

وحاولوا فيني ادرس اجتماعيات زيادة على منهجي

رفضت رفضا تام

و ما قدروا يجبروني على شئ

لا يعلبون عليك أرفضي بالفم المليان

معلمة الانجليزي حسب التعميم لا تدرس اي مادة اخري

حتى في الابتدائي

ولو كان نصابها قليل فهي تعطى اعمال اداريه و لا تعطى مواد دراسية

ارفضي رفضا تاما قاطعا وبكل قوتك وخلي سعابيلك من القبسة تتناثر وتتطاير على الادارية عشان تعرف تقولك مره ثانية..
والله حالة الضعيف ياطونة

oh ! you make me sad
cann't you say
NO

السلام عليكم..
اختي معلمه كونك مدرسة في مدارس تحفيظ او غيرها هذا لايعني انه ملزم عليك ان تدرسي مادة غير تخصصك
فالمهم هو التخصص وليس المدرسة , وبالنسبة لمسألة تكميل نصابك هذا يكون ع حسب مدى التقيدد من قبل مديرة مدرستك
في مسألة اكمال النصاب واعتقد انها لو لم تكن محتاجه معلمة رياضيات لما طلبت منك تدريس المادة لان معلمة الانجليزي بعيده في تخصصها لتدرس الرياضيات
حاولي مناقشة المديره بطلب او انتداب معلمه اخرى, رغم انه شي مستحيل مع وجود معلمه نصابها قليل اللي هو انتِ
او ناقشي مشرفة مادة الرياضيات باستحالة تدريسك للمادة .
وبالتوفيق!!

الله لا يوفق هالمتخلفين الاستغلاليين اكيد انتي في الجنوب النصب هناك

انا المدير علشان عندي 16 حصه بالمتوسط قام يقول لي امسك وطنيه قلت له انا تخصصي انجليزي قال ترى ارفع فيك إدارة التعليم واخليهم يتخذون بحقك الإجراءات قلت له يا شيخ ارفع بيدك ورجولك وشهدت عليه مدرسين هناك وقلت له لو ولد ابوك ارفع وانا اوريك مين اللي بيتخذون بحقه إجراءات شايفني هندي تضحك علي روح العبها على غيري والله العظيم من يومها ليومكم ما عاد جاب طاري السالفه عطيته القاز وماسك الحين عليه زلات خطيره وفيه عليها شهود يعني يلعب بذيله انكبه نكبة البرامكه خخخخخخخخخخخخخ

Free Criminal
انا اشهد انك رجال
بعض المدراء دجاج عشان خايف على منصبه مايطلب معلمين اضافيين

أنا جديده زيك والله مدري وش السااااااااااااااالفه واتمنى ان الاجابات حقة الاخواااااااااااااان فادتك