عرض للطباعة
السلام عليكم ورحمة الله وبركاته
انا ابدخل بالموضوع على طول لأني ما اعرف اكتب مقدمات
انا سالفتي اني بعد تقريبا شهر ونص
ابدخل قسم انجليزي كلية المعلمين لأني لي ميول للأنجلش بس المشكله اني دخلت دوره
انجليزي الي هي اكاديمية الفيصل لي اسبوعين واحس اني ما استفدت
وخايف اذا خلصت الدوره وانا ما استفدت ودخلت قسم انجليزي
انــــــكـــــــب و احـــــــــول واضيع ترم عـــلـــى الفاضي
وطالبكم ابي توجهاتكم لأنكم عندكم الخبره الكافيه
وعليكم السلام
بالنسبه للانقلش بالذات يبي جهد شوي واذا كنت تحب الانقلش راح يكون الجهد متعه بالنسبه لك
بالبدايه كثير مايدري وشي خطوات التعلم طبعا كذا طريقه لتعلم
بالنسبه لي
اصنفها
اولاً انك تبذهل جهد عشان تفهم اذا قريت واذا سمعت وهذي بسيطه
وتعتمد على مخزون الكلمات الي عندك يعني شد حيلك بدراسه الكلمات اقل شي
يبغى لك ساعه يومياً تجلس فيه تتقهوا وتحفظ كلمااات واحفظ كذا معنى للكلمه مو بس معنى واحد واذا صارت الجمله والموضوع يقصد المعنى الثاني تنحت !! خلي لك جدول ونظم يومك
وصدقني جلستك هذي راح تنظم لك اشياء كثيره يعني احفظ كلمات قد ما تحفظ كلمات راح تفهم اذا قريت واذا سمعت وكل ما حفظت اكثر فهمت اكثر
خلال هالفتره درب نفسك على الاستماع عشان ما تحس بان الانقلش شي غريب عشان يكون بالنسبه لك مؤلوف حتى لو كنت تفهم 10% بالبدايه او اقل
ثانياً تبي تتكلم طبعاً الخطوه هذي تجي بعد تقريبا 7 اشهر من الخطوة الاولى وهي حفظ الكلمات وهنا كيف تتكلم وانت ماتعرف قرمر ؟؟ انا اقولك شلون
احفظ جمل × جمل × جمل يعني الي يسمونها بالانقلش phrases طبعا كل عباره تقولها
الي يسمع راح ينبهر يحسبك انت الي مركبها مايدري انك حافظها كلها سوا بس كل الي سويته انك قلته في الوقت والمكان المناسب استمر بحفظ الجمل اي كلمة جديده تواجهك انقلها هي والجمله الي كانت فيها وارجع للكلمات الي حفظتها بالبدايه وروح للقاموس " اكسفورد " او " لونق مان " دور عن معانيهم راح تحصل فيه امثله للجمله شوف وش من الامثله الي ممكن تحتاجها وتمر عليك في حياتك احفظ الامثله وحاول تقولها اذا احتجتها طبعا لا تهتم بالقرمر " القواعد " استمر على الخطوة هذي لمدة 6 شهو ر
بعد كذا ابداء بتعلم القواعد " القرمر " راح تحصل نفسك الان تفتح لك اشياء كثيره وراح تضحك على اشياء كنت تقولها اول بس الان انت تفهم الفرق والاخطاء احسن من انك تدرس القواعد في البدايه وانت ماتدري وش السالفه دراست القواعد الان بعد الخطوات الي سويتها راح تخليك تحسسسس الفرق في الفتره الزمنيه ماضي مضارع وراح تحسس قواعديا بالجمل والعبارات الي كنت تقولها وليش كنت تقول كذا وماراح تحتاج مراجعه لانك " already " حصلت لك اخطاء قبل يعني ماراح تخطي ثاني بعد ما فهمت وش السالفه وليش قلت وكذا وما قلت كذا
بعدين حاول تتكلم مع اي شخص طبعا بالسعوديه ما فيه احد تتكلم معه انقلش
لذالك انصح ببعض البرامج الي دائما ما يكون فيها نقاش باللغه الانقليزيه ادخل معهم بالموضوع
بالبدايه راح تتكلم لفتره قصير انت فاهم ايش يتكلمون عنه بس ما تقدر تعبر " اوكي " مو مشكله لغة جديه والعيب مو فيك بالعكس السالفه تجي شوي شوي شوف الطفل لما يتكلم تلاقيه بس ينطق الشي الي يبغاه " مويه " حلاوه " وهيك يوصل الي يبي يقوله باقصر طريقه
انت راح تكون كذا بالبدايه بعدين بدل ما تقول كله راح تقول 2 و 3 وجمل وتعبر عن رايك ويبدا مشوار الكلام الي ليس له نهاية لانك حتى بلغتك الام " العربيه " تحصل فيه ناس تتكلم لمدة طويله وكلامهم ماشاء الله متسلسل ومرتب طبعا هي مهاره وفيه ناس اذا تكلم مايقدر يطول عن دقيقتين بالكلام الا وهو مخلص كلامه ! هذي مهاره " skills " يعني لها موضوع ثاني مستقل
بس قبل تاخذ المايك وتتكلم اكتب النقاط الي تبي تقولها ووجهة نظرك وطلع على المايك وشارك معاهم
لا تطلع على المايك وانت ماتدري وش تبي تقول حتى بالعربي بس اخذت المايك لمجرد الكلام
بعدين توهقت
عشان تخلي نفسك مفهوم وما تنحرج
* معليش بتحصل في مشاركتي كثير من الاخطاء بالكتابه :)
جالس اكتب بسرعه والكي بورد احيان اضغط على الحرف مايكتب وانا ما انتبه
* معليش عندي نقطة ضعف وهي الخاتمه دايما ما اقدر اختم الموضوع بطريقه حلوه :)
دايم بالانقلش " رايتنق " ابتلش في " الكلوزنق سنتس " ههههه
واخيراً اتمنى للجميع التوفيق
انصحك بمواقع تعلم اللغه الانجليزية و تدخل منتدياتها و توعد نفسك انك بس تتكلم انجلش و اذا صعب عليك اي شي حاول تترجمه و اغلط و اغلط واغلط فبالغلط نستفيد و نعرف الصح
تعرف على أجانب لهم نفس الطلب و يبوا يتعلمو انجلش وادخل دردشه انجليزية سليمه و اطلبهم اذا غلطت اي غلطه في الكتابه يعدلونها و ترجع تكتبها
او جرب المراسله بالبريد عن طريق pen pal
بالتوفيق ان شاء الله
طبعا أحسن مواقع التعليم الانجليش
Englishbaby.com
Peak English
صلي استخارة
السلام عليكم ورحمه الله وبركاته
بنسبه للأنجلش
حاولي تتعلمين من النت
او من الكتب
انشاء الله تستفيدين مني
thank you
I M of the day starting the words save
لا احد يدقق ع السبلنج تراي اول مره اكتب جمله وبعد ما ادري صح والا غلط (( ارجو التقييم))
انا كان ودي اكتب بالأنجلش جملة بس ما ادري هي صح والا غلط المهم الجمله الي كتبته
انا سوف ابدأ احفظ الكلمات من اليوم
ما أزيد على كلام إخواني الأعضاء ...
لكن إذا حبيت الشي ابتفهمه بسهوله ...
واتمنى لك التوفيق
...
انا انصحك لاتخاف وراح تتعلم انا كنت مثلك خايفه اول ترم بالجامعة بس بعدين الحمدالله تعلمت كثير وحاول تمارس اللغة قد ماتقدر
هذا موقع حلو يارب يفيدك اتمنا لك التوفيق
http://www.dailyesl.com/
مشكور وسعت صدري الله يوسع صدرك