(تحول مفاجئ)!!من معلمة ابتدائي ...الى معلمة ثانوي..!! كيف اغير البنات

مساء الخير

اشكر كل الأعضاء والمشرفين في النتدى على الجهود الجبارة المبذولة...

مارح أطول عليكم ....

كنت معلمة ابتدائي لمدة 3سنوات.. وبعدين قررت أغير المدرسة فمالقيت قدامي الا الثانوي.. انقبلت وانا كنت حاطه في بالي فرق التعامل مع الطالبات بسبب السن والمستوى التعليمي... بس الصدمه..

لقيت اللي رح ادرسهم مش طالبات زي الخلق!!!.... ذيلي يبي لهم اول شي كنترول بالكلاس بعدين تعلمهم المادة....

دلوني كيف اتعامل مع صف:
1. لايقيم للماده اعتبار ولا للمعلمه.
2.كلااام كلاام طول الدرس.:smile (24):..واللي ترفض اصلا انها تفتح الكتاب..
3.طالبات راسهم ع الطاولة من بداية الحصة الى النهايه..

ودايما يزعمون انها مادة سهلة والمشكلة يقولون لي بوجهي"رح نطفشك"..
مابي اقول اني تحسفت اني مسكتهم !!! على قد اني ما ابي انسحب مهزومه!!

انا مارحت المدرسة اليوم من كثر الاحباط...:smile (92):
ودي اغير هالبنات بس ساعدوني بمشورتكم..

ياليت لو تكتبون ردودكم...حتى لوكانت عبارة ابي استرد ثقتي بنفسي..

دمتم بسلامه..

[center]بنات الثانويه لا تفكري انه سهل التعامل معهم

اللي باله طويل يتحملهم ويتحمل مصايبهم

[/center

الله يعينك

]

السلام عليكم
بالنسبة لي بنات الثانوي افضل لي من أي مرحلة ثانية
صح ممكن تلاقي فصل يتعبك بس ما أظن كل الفصول متعبة.

بنات هذه المرحلة لهم اهتمامات غير الابتدائي
اهتمامتهم الموضة و النت و البي بي و التصوير و المكياج و و و و و
يحبوا المعلمة الصديقة الودودة اللطيفة المبتسمة


أان حاسة فيك وتقريبا فهمت نوعية البنات الي تدرسيهم

بس حاولي تجيهم من أي شي يحبوه

جيبوا لهم عروض فيه حركات حلوة
ممكن تبدي الدرس بصورة و تعليق
تجيبي لهم أي صورة من اهتماماتهم و قولي لهم يللا سوي تعليق بالإنجليزي ولو مستواهم ميح او حبو يعطوكي تعليق بالعربي اقبلي منهم بالبداية.

حاولي كل مرة تجيبي لهم شي يحبوه ينجذبوه له

صورة
أبيات شعر
اقتباسات
وحطيها ببداية الحصة بعد ما تخلصوا من الواجب عشان يبدأوا ينجذبوا معك
حتلاقي الي حاطة راسها عالطاولة لما تسمع حماس زميلاتها حتقوم تصحصح معك

و انت ما توضحي لهم انك انبسطتي كثير
و ولما يخلصوا تعليقات ابدي الدرس وحاولي تقدميه بطريقة سلسة خفيفة

أنا عندي فصل من نوعية طالباتك يوم حلوين و يوم متعبييييييييييييييين
بس لنا الأجر ان شاء الله

بس اصبري و اثبتي وان شاء الله افكاري تقدر تفيدك










طمنينا عنك

ادخلي الفصل وابدي اشرحي وخلي دفتر الدرجات بيديك واي بنت تقوم تشارك شجعيها وصفقوا لها وحمسيها ولو عندك هدايا يكون حلو مثل الاشياء اللي تعلق بالجوال يحبوها وسوي نفسك ماتسمعين يعني عطيهم الاصمخ وصدقيني كل ما قدروا يثروا فيك كل ما فرحوا لكن لاتضحكين معاهم الا بقدر
البنات في السن هذي ما يحبون التطنيش فاللي تلاقيها مزعجه مره عن الباقين عطيها كرت احمر طول الحصة وكل الحصص وصدقيني بتجري وراك اهم شي لا يشوفونك مهتمه لهم وبازعاجهم
الله يعينك

السلام عليكم ورحمة الله وبركاته

قوية قلب

لأنكـ قوية قلب أنتِ قدها وقدود

وما انحطيتي في الموقف إلا لأنكـ تقدري تتعاملي معاه وتتجاوزيه كمان

هذا شيء مفروغ منه

لكن في نقطة مهمه لا تنسيها تذكري دائماً أنكـ معلمة لكـ الكلمة الأولى والسلطة

تقدري تكسبيهم باحترامكـ و شخصيتكـ القوية لا المتسلطة

بما أنكـ جديدة فهذه فاعتبريها فترة تكيف وتأقلم بينكـ وبينهم

Don't take anything they do or say to heart

There's an age difference between you

الانجلش حصة ممتعة تقدري تكسبيهم بجديتكـ وحرصكـ واهتمامكـ بمادتكـ

وزي ما تفضلت Endless hope اجذبيهم هم صغار لسى ولو عرفتي كيف يفكروا حتتأكدي

من كلامي لكن أهم شيء حافظي على نفسيتكـ ولا تتأثري أو تحبطي أو تتراجعي

وادعي ربكـ وادعي لهم كمان وأخلصي النية لله تعالى

وربنا يوفقكـ ويهديهم لكـ ويصلح بالهم جيل ذحين

مسسآء السعآدة

/,

شكلك قلت لهم يآآآ بنآتي يآ عسسل صصآفي يا فراشه طآئرة و محلقه

آو كتبتي لهم دفترك حلو زييك >>> تتذكر آبلتهآ ب المتوسط

>>~ سسآمحيني يآ الغآلية بس هيييك بألطف جوك : )

:
:


تعآمــــــل الثآنوي غير .. :smile (24):

حآولي مآ تعطيهم وجه و تبين لهم آنك شديدهـ :) تموووين بس

و قلي لهم صح نضحك مع بعض و هيييييييك بس

بس و قت الحصــه حصه ^,^

حآولي تتغيري و قولي لهم مآ ينفع آلطيب معآكم >>~ بالرغم آني ضد العصبيه و آكره آلعصبيه : )

و آحس آلعصبين صعبين >>~ تبغى تتكفخ

:
:

و الله يهدي طآلبآتك

اسال الله لي ولك التوفيق

مساء الورد

اشكر كل اللي ردوا وتفاعلوا معي....بصراحة عطيتوني دفعه معنوية كبيرة للاماااام...واستفدت كثير من ردودكم... بالرغم اني مارديت من البداية لأني ناويه ما أرد الا اذا توصلت لحل معاهم..

اليوم..قلت للطالبات ان درجتين النشاط مارح تاخذوها الا اذا وقفت وحده من كل مجموعة وشرحت.. عالأقل قاعدة وحدة ورح احاسبها على الانضباط البنات والشرح واخر شي تصويت البنات لها

والله ان البنات طاح قلبهم..وقالوا بالبداية عااادي نقدر قلت طيب يلا ورينا شطارتك في 5 دقايق بس ابي القاعده تكون مشروحه..لانها مراجعه يعني انا شارحتها من قبل... وتعالوا لو تشوفون البنات وازعاجهم...!!قلت لها وين الانضباط؟ قالت لصديقاتها بنات يعني انا واقفه اشرح ماتحترموني وانا صديقتكم..... والله انها قامت تترجى فيهم انهم يسكتون...اخرشي قالت الله يعين المدرسات عليكم من جد ترفعون الضغط!!! قلت لها يعني حسيتي الحين بالمعاناة في 5 دقايق مابالك بالمعلمة اللي واقفة 45 دقيقة قدامكم...بس ماطولت معاها الكلام...المهم تصدقون انها مشت باقي الحصة سااكته وتسكت زميلاتها لا وشاركت عدل...

بس والله اليوم احس اني سويت انجاز والسبب كله دافعكم لي... مضت الحصة بهدوء وسلاسة..

وبكرة رح اجرب سالفة الهدايا واللعب معاهم..والله يعينا ويفرج همكم زي مافرجتوا همي...

بس يبقى الثانوي صعب التعامل معهم... رحاوافيكم ابش يصير معاي..
مشكورين...

ما شاء الله
الحمد لله انك وصلتي لبداية الحل
وان شاء الله القادم أحلى و أسهل

thanks endless hope
كلماتك تدفعني اكثر واكثر....

تسلمي ع الاهتمام
:girl face (192):

مثللك انا ياعيني خمس سنوات تدريس ابتدائي ومن العام كلفوني بالثانوي تعالي شوفي انوع التصادم معهم بس اناكنت اعاملهم بجدية اكثر السنة هذي استوعبتهم اكثر لايغرك اشكالهم تراهم صغار واموري مشت الحمدالله خليك جدية حازمة مو كل موقف تعلقين عليةخلي كلامك بميزان المزعجات فرقيهم مراح يرفضون خلي حصتك فيها نوع من الاريحية اذا خلص الدرس خليهم يسولفون انا احيان اخليهم ياكلون حتى اللي غيرتي مكانها بعد الدرس خليها ترجع عند زميلاتها عشان تعرف ان مابينك وبينه شي شخصي هذا بس عشان الدرس راح يحترمونك اكثر الادبي اسوي معهم كذا والحمدالله وكل حصة اكتبي اسماء اللي شاركو معك واقريها بعد راح ينتبهون بدون ماتحسين ويصيرون يعطونك اسمائهم000تصدقين ادرس متزوجات وعندة ولد ومزعجة اخذتها ع جنب وكلمتة وصارت اوكية000اتمنى اكون افدتك