أقول لكم يومي الكئيب في اول حصة تطبيق
بالبدايه المدير لخبطني يقول إنت حصتك الرابعه عند أولى متوسط ثاني ورحت لهم قالوا يا إستاذ عندنا عربي مو إنجلش ورجعت للمدير قال إيييييييييه نسيت ياخي هي الخامسه قلت مو مشكله شايب ونعذرك تنسى كثير
جت الخامسه وأدخل لهم وجوه الطلاب يوم دخلت عليهم كذا وش يبي ذا اللزقه قالوا يا إستاذ عندنا حاسب
حسبتهم يستهبلون وقمت آخذ الجدول من أكثر من طالب
وطلع جـد عندهم حاسب
وقدني بأرجع للمدير شوي ويجيني المشرف يقول خلك عندهم خذها اصلا مدرس الحاسب ماقد جانا للحين
انا متخلبط مع إني مرتب كل شي وموزع الوقت صح بس الربكه هذي زآدتني إرباك
دخلت الفصل والفصل كله إزعاااااااااااااااااااااا اااااااااج
وأسوي القوي وأضرب بقلم السبوره عالطاوله عشان يسكتون
يوم هجدوا . أنا ناوي اعطيهم تمهيدي للإسبوع الجاي وأعرفهم وش نظامي والي أبيه وما أبيه وأتكلم عن أهميه اللغه الإنجليزيه وكذا لكن والله ماطبقت ولا وحده من هذي كلها ماعدا إسمي والتعارف وحتى التعارف يوم قالوا أول 7 طلاب أسمائهم ومستواهم الدراسي كلهم قالوا ممتاز سحبت عالباقي حسيتهم ماقالوا الصدق اجل كل الفصل ممتازين ويوم طلبتهم يكتبوا الحروف ماعرفوا
بعدها قلت أبختبركم بالحروف يوم السبت القادم ( انا ماقصدت إختبار إختبار صدقي ) قصدي تحديد مستوى وكلهم بصووووت وااااحد الله يا إستاذ ماقد كملت حصه وحده وتختبرنا بعد بعدين قلت لهم إفهموني إفهموني >>>> أبد ماتذكر زين العابدين انا فهمتكم اي نعم انا فهمتكم
قلت مو إختبار بس تحديد مستوى
قالوا إيه مايخالف عادي
وشوي طالب قام يسألني وشسمك يا إستاذ
وقاعد أعطيهم قوانيني وكل الي وراء قالوا يا إستاذ إرفع صوتك مانسمعك
وأتكلم واعطي نصايح .
الطلاب كثير يمكن 34 طالب . بعضهم منتبهين معاي والبعض الثاني ماجاب خبري
وفيه واحد منهم شكيت إنه مريض نفسي مؤذي بشكل غير طبيعي وملقوف وحتى لقافته مو طبيعيه أحس فيه رجه . وديته للوكيل بعدين هــجـد بعدها
بيني وبينكم حسيت إني خربطت اليوم كثير
والطلاب يستأذنون للحمام بشكل كثير بس أقول لهم 3 دقايق وإنتم عندي وإلي يتأخر على طول عالمدير عاد هم يخافون من المدير مايكملوا حتى الـ 3 دقايق
والسواليف بين الطلاب واجد حتى وانا وأتكلم خصوصا إلي بالأخير لأن الفصل مرره كبير
عطيتكم كل الي صار بحصتي اليوم
عطوني رأيكم ووش اسوي السبت القادم خصوصا إننا متأخرين بالمنهج لأنه للأســف ماقد شرحوا لهم أي شي