سؤال فني لوجستي عن تعديل المستوى و الدرجة

كل جسم (everybody) ...... حبيت استفسر عن موضوع مؤرقني شوية :D

انا واحد من المدرسين المطحونين زيكم و انتسب لتعليم جدة , هذي ثامن سنة لية في سلك التعليم (شكله بيصير سلك غسيل الله يستر) .... المهم ... انا حاليا على المستوى الثالث و ما تم اي تعديل في مستوايا ... مدري فيه احد يعاني من نفس المشكلة والا ماهي مشكلة اصلا و الوضع طبيعي؟؟؟؟؟ اخر ترفيع تم للمتعينين يوم 17 - 5 - 1419 ونا تاريخ تعييني بعد هذا التاريخ ب 4 ايام ... رحت راجعت في ادارة التعليم و بالمناسبة لقيتهم بيعملوا تجديدات و مكاتب جديدة و بويات , عقبالنا .... و الشي اللي كان محيرني هوة لما العمال كانوا بيشيلوا الدواليب و المكاتب , شفت كميات رهيبة من ارغفة العيش الشامي و الصامولي ورا الدواليب , و قعدت اتأمل المنظر ونا مشدوه ..... و ما لقيت اي تفسير للظاهرة الغريبة هذي ....مدري يمكن عاملين حسابهم انو فيه مجاعة في المستقبل و الجماعة سووا حسابهم ... قمة الذكاء !!! .... المهم ... ما علينا ... ادارتهم و همة احرار ... انشالله يعلقوا اصياخ شاورما في السقف .. الله يوفقهم .... بس اتذكرت اني سمعت في احد اجتماعات القائمين على التعليم انهم ذكروا شوية مقارنات بين تعليمنا و تعليم اليابان ... مدري شكلهم في اليابان يخبوا سوشي ورا دواليبهم في الأدارة <!!!smirk> المهم طولت عليكم و اسهبت .... المهم الراجل اللي هناك قللي ان ترفيع المستوى وقف عند التاريخ المذكور و الكلام ذا له يمكن سنة و نص و عليها .... اللي عنده خبرة ممكن يدلي بدلوه واللي ما عنده ممكن اقبل تبرعات مالية و عينية :p

أخي العزيز قضية تعديل المستويات قضية شائكة في الوزارة يعني نحن وقضية فلسطين السير فيها حثيث وبطئ ولن يفيدك غير الوزارة ومكاتب الخبز الصامولي اللي قلت عنها

أخاف اصدمك لو قلت لك اني جلست على المستوى الرابع عشر سنوات وبعدين اعطوني المستوى الخامس اللي انا أستحقه من اول يوم تعيين طبعا الزيادة ما كانت شي يذكر كانت 10 ريال فقط

الله يعينك يا اخي العزيز ومالك غير الصبر والمراجعة باستمرار

وحياك

big_bear








فعلا اخي العزيز ومثل ماقال اخي سعودي انجلش

الله يعينك على الصبر وانشاء الله تنفرج لك ولغيرك

والله ياخوي لا تشكيلي ابكيلك

انا معاك تقريبا صار لي 8 سنوات ولا زلت على الثالث

انا بعدك بـ 3 شهور تقريبا

الظاهر مالنا الا الانتظار

أنا ايضاً لي قريبة تعاني نفس المعاناة لها عشر سنوات ولازالت على المستوى الثاني ...منها سبع سنوات بند 105 وبعدها تم التعيين على المستوى الثاني ولازالت علما بانها تحمل شهادة بكالويوس تربوي ... الله يعين ويساعد

بعد ما قريت الردود حسيت اني محتاج حبة فاليوم مع كيس اسمنت فوق دماغي عشان اهدأ شوية :d ... فيه واحد من الزملاء نصحني اني اشتكي و اتظلم بارسال ايميلات لموقع الوزارة و موقع تعليم جدة و اي موقع رسمي ... بس ارسل ايميلات ... الين احد يستجيب ... و نا بصراحة قلت (في نفسي طبعا) ان الطريقة هذي ممكن تنفع اذا كنا في البلاد اللي تكرّم الأنسان و تسمع كلامه و امره يهمها .. لكن هنا ... بتكون مجرد كلمات مهملة و محد اصلا بيعبّرها ... لكن يمكن اعمل بالنصيحة في لحظة يأس او اذا طالت و شمّخت فيما بعد , اما دحين تانكي معنوياتي مليان شوية و الحمد لله .. مشكورين اللي وقفوا و قريوا الكلام و اللي مرنوا اصابيعهم على الكيبورد و كتبوا ردود ....

طيب والي جالس يفحط على الثاني وله خمس سنوات وش يقول
يكثر من الصامولي والشامي عارف
حسبي الله على اللي حرمنا من راتب الزيادة
حتى موضف البلدية اخذ هالراتب
ونحن معلمين الاجيال لنا الله على قولة محمد عبده

انا مادري وش تسوون لو كنتم مثل المعلمات حاليا ( مثلي ) .... تعيين على المستوى الأول ......... كأننا خريجات معهد معلمات