عرض للطباعة
السلام عليكم
انا معلمة جديدة ومدرستنا تدرس منهج get ready والاربعاء وصلت الكتب
ياليت تساعدوني بكل مايخص المنهج من توزيع وتحضير وكيف اشرح للبنات وهم مو عارفين الحروف اصلا
اضافه الى ان الطالبات مااستلموا كتب التمارين
وهل يوجد شريط كاسيت للمنهج مو سي دي
مررة حايسه فيه
ياليت تسااااعدوني
عذرا لم انتبه ان كتاب الطالب يتضمن كتاب التمارين
بانتظار مساعدتكم
السلام عليكم ورحمة الله وبركاته
هلا والله
ماشاء الله حلو وصلتك الكتب
انا بعد مستجده عالابتدائي لكن اتوقع نفس اسلوب تدريس لغتي بالعربيه تدرسينهم الكلمات المطلوبه ويميزون الكلمه صوت وصوره يعني يتعرفون عليها اذا عرضتي الصوره ويتقنونها لفظاً و من خلال الكلمات يحفظون الحروف يعني مثلاً الدرس ال١ (طبعاً انا نزلته من النت من الموقع الرسمي) اول درس ٣ كلمات car / girl/ boy استمعوا ورددوا الكلمات وتعرفوا عالمعنى من خلال الصور وتطرقنا للحروف اللي في الكلمه
اتمنى شرحي واضح ولا أدري هذي الطريقه الصحيحه أو لا
هذا اجتهاد مني فقط لكن حبيت ارد على سؤلك��
بلا كتب ولا كتاب معلم شنسوي
اللي عندها خبره تفيدنا الله يجزاها خير
Teach them alphabetecal order as a asong (((abcd efg hijklmno pqrs tuv wxyz )))and try to use the letteres Fashcards to help the pupils descover the shapes of letteres do that daialy tell be' sure they save it :D
السلام عليكم...
اختي الفاضلة السي دي اللي يجي مع كتب الطالبات هو اللي تشغلينه لهم في الفصل ... المنهج هذا يعتمد اعتماد كلي على الصوتيات
يعني كيف ينطق الحرف في اول الكلمة وليس الحرف فقط.. يعني مثل حرف G ينطق ( قا ) وهكذا..وكذالك يبيلك تكتبين لهن
في الفصل الاحرف والكلمات وفيه هنا الشباب الله يجزاهم خير منزلين ملزمة لهم... وكذالك لازم تعلمينهم كيف يبداون الكتابه
من اليسار الى اليمين,, هذه طبعا تعتبر مهارة لانها جديده عليهن. وخليهن يحفظن الاحرف كتابة وقراءة ونطقا عشان يعرفون يقرون
وكذالك عليك بالاختبارات الدورية يعني تخلينهن كل وحدة تطلع ورقة وتكتب اسمها وصفها وانتي اطلبي من كل مجموعه تكتب
حرف معين Capital and Small وكذالك امثله ومن هالقبيل..
ان شاء الله اكون افدتكم من خبرتي البسيطه في تدريس هالمنهج.. واي استفسار انا حاضر
السلام عليكم
محتاجه منكم منهج Get Ready للصف الخاااااامس من تحاضير وتوزيع وسي دي لاتبخلون علي
ويعطيكم العافيه مقدما....
اقتباس:
المشاركة الأصلية كتبت بواسطة بندر الغضبان
الف شكر استاذ بندر
انا بدأت معاهم لكن الوقت مايكفي اني اعلمهم الحروف
تنتهي الحصه مع انتهاء الدرس
طلب بسيط
ياليت تنزل لنا مهارات رابع ؟؟ لاني بحثت عن السجل اليومي والمهاري في المكتبات ولم اجده
ارجوا منك تقديم النصح لنا بما انك لديك خبرة في تدريس هذا المنهج
بسم الله الرحمن الرحيم
السلام عليكم ورحمة الله وبركاته
انا نفس الحاله ناقل من متوسط الي ابتدئي والمدرسه ثاني سنه يطبق فيها النظام مع خامس
يعني رابع وخامس وسادس
الله يعين
شباب المهارات موجودة حاطينها الشباب الله يجزاهم خير بنفس الموقع.
اما بالنسبة لتعليم الحروف بالعكس من أسهل الامور وماتاخذ وقت لانك تعطي حرف ولازم تعلمه كيف ينطق اذا بدينا فيه الكلمة.
واذا خلصت من تعليمه كيف ينطق الحرف اعطيه امثلة تكون من الواقع اللي هو عايش فيه واذكره بلعبة البلايستيشن والالعاب اللي يلعبها
واخليهم يعطوني امثلة حتى لو بالعربي عشان يصير شوية تفاعل. وكذالك اذكرهم بالرسوم والابطال اللي فيها.
ولاتنسون ياشباب الـbody language تراها مهمه في الشرح لازم تمثل لهم وصدقوني المرح داخل الفصل اهم شي عشان
الطالب مايتشتت انتباهه.
انا سويت مسابقه بين الطلاب حالياً قسمت الفصل خمس قاطرات وخليتهم يختارون اسم لكل قاطره وفيها اعضاء ورئيس عليهم.
واللي راح يفوز قاطرة وحده من كل فصل ولكل الاعضاء في هالقاطرة جوائز بكذا اكون خليتهم هادين وكذالك حريصين ويشاركون.
واللي يبي اعطيه الاشياء اللي سويتها عشان هالمسابقة يبشر بالخير.
اللي عنده اي سؤال انا حاضر
ممكن يامعلمات تبينون طريقة شرحكم للدرس بالتفصيل (أي درس)
بالنسبة للتحضير المنزل هل هو التحضير المعتمد من الموجهات ؟ لانة تجي الموجهة وتبغى تحضير معين
يعطيك العافيه استاذ بندر
ياليت تنزل لنا التحضير
بالنسبه لخامس ماوصلت لنا الكتب والى الان مابدات
هل الجميع مثلي؟؟
يا جماعه الخير تكفففففففففون انا معلمه مستجده و تونس ادري ان رابع و اخمس فيها لغه انجليزيه ما جتنا كتب لهم وش اسوي ضاع علي الوقت
يا جماعه الخير تكففوووووون انا معلمه مستجده و توني ادري ان رابع و خامس عندهم لغه انجليزيه ضاع علي الوقت و لا عندهم كتب يعني اجباري ادرس الماده لان المديره ما عندها اي خلفيه عن الموضوع
استاذ بندر
لو سمحت نريد منك مهارات رابع للفترة الاولى
الله يعطيك الف عافيه اخ بندر ياليت تفيدنا وتوضح اكثر ,,,
ولك جزيل الشكر ,,,
جزاك الله كل خير وبارك الله فيك
نعم لابد من تعليم الطلاب قراءة الحرووووف وكتباتها
لكي يتسنى لهم القراءة ومعرفة مايتم شرحه
انا اخلي نهايه الحصة حفظ حرفين وكتابتها ونطقها واسوي مسابقات لهم ع هالموضوع
لني ادرس متوسط كمان ف وقتي شوي صعب لكن الحروف وكتابتها اهم شيء مع السونق والترفيه صدقيني راح يتعلموا بسرعه
ولاحظت هالشيء كثيررر
السلام عليكم و رحمة الله
إلي يسأل عن المهارت
أطلبي من الإدارية طباعتها لك من نظام نور مباشر
يطلع لك معه أسماء الطالبات
المنهج معتمد على أسلوب ( الإستماع و الإستعاب ثم التقليد ) بشكل عام
التركيز على إستيعاب الطالب للغة كإستيعاب الطفل للغة من أهله
يعني خليهم يستمعون للشريط و يرددون
الحروف مقسمة لمجموعات علشان تكون أسهل لهم و لك كمان
أتمنى تفيدك إجابتي
و على فكرة أنا كمان أول مرة أدرس هالمنهج
بس حلو و خفيف
لا تتوترين تساهيل إن شاء الله
و المنتدى ما شاء الله فيه كل شيء كتب و دليل و تحضير و سي دي
تصفحي و أطلعي
الله يوفقك
ماشاء الله عليك مبدع استاذ بندر
اللهم صلِّ على سيدنا محمد و على آله وصحبه وسلم
يسعد مساكم
العجيب ان المنهج كامل لم يذكر فيه الحروف الانجليزية ويعتمد كثير جدا
على مهارة الاستماع والتعلم النشط بالبداية بتلاقي صعوبة في توصيل المعلومة
لان صعبه جدا طالب لايعرف الحروف الانجليزية يدخل ف مهارة الاستماع بدون مقدمات
الافضل ف تدريس هذا المنهج الاستماع " السيدي " والترفيه ومثل ماذكر اخوي بندر عمل القروبات و لغة الجسد مهمه جدا بشكل كبير
انا اشوف ان المنهج جدا سلس وخفيف وممتاز واتمنى التطوير يشمل بقية المناهج
وفقنا الله وياكم
السلام عليكم ورحمة الله وبركاته