☺ فيما عجزت عنه وزارة التربية ...مدير مدرسة ينجح في منع الغياب والاستئذان ☺

ابتكر مدير مدرسة في الرياض طريقة جديدة حدت أو ألغت غياب واستئذان المعلمين في مدرسته
، وتعتمد الطريقة على دفع مقابل مادي لكل حصة دراسية يستأذن فيها المعلم بواقع ( 20 ريالا ) تعطى للمعلم المستريح الذي
سيقوم بتغطية زميله المستأذن ، فأصبح كل معلم يبحث في حصص فراغه عن حصص يغطيها بعد أن كان في الماضي يتذمر منها بحجة
أن حصص الراحة هي للراحة والإفطار فقط .
وعند غياب المعلم فإنه يقوم بدفع مبلغ (150) ريالا لتغطية حصصه كما في الاستئذان ، واعتمد مدير المدرسة الجريء على أخذ موافقة جميع المعلمين ،
الذين رحبوا بهذه الفكرة وأصبحوا يتسابقون إلى حصص الانتظار لزيادة الدخل أو لتعويض ما خسروه في استئذان أو غياب سابق .
وأوضح مدير المدرسة أنه في الشهر الأول من تطبيق هذه الطريقة بلغ عدد المستأذنين اثنان ولم يكن هناك حالة غياب واحدة ،
مع العلم أن عدد المعلمين 35 معلما وإداريا


المصدر صحيفة ساخن اللإلكترونية




بصراحة والله فكرة .....بس لازم يوافق عليها الجميع




سؤال :


لو المدير / ة أجتمع معكم وأقترحوا عليكم هالأقتراح توافقون عليه..... ؟؟؟؟

ههههههههههههه

و الله فكرة مش بطالة ما دام فيها فلوس أكيد بنوافق بس خلهم يعرضون علينا الفكرة

أول بعدين لكل حادث حديث

لكن الغياب و الإستئذان أمران ضروريان لو حصل طاريء و لا يكلف الله نفسا إلا وسعها

مااتوقع لان وبكل صراحه ولو انا امرأه النساء دائما مايعجبهم عجب بيرفضون وممكن يوصلوها للشكاوي والتوجيه

يعني هو موت و خراب ديار

إذا غيابي بدون عذر الوزارة ما تقصر في الخصم
حلوة يخصمون علي و أدفع لهم بعد

وإذا مرضي أو إضطراري هذا شيء غصب عني
مو معقولة أدفع لأني مرضت أو لأن احد أقاربي توفى

لذلك أرفض وبشدة

يمكن أقبل في حالة الإستئذان
طيب إذا استئذنت بعد الإنتهاء من حصصي
أكيد ما راح أدفع
إذن كل واحد ممكن يعطي حصصه ويطلع
أو يحضر على موعدها إذا متأخره

بصراااااحة أساليب جامدة ليس فيها أي مرونة
وكأنهم يتعاملون مع ملائكة أو آلات لا يصيبها ما يصيب البشر

شكرا لك أخي الكريم على النقل

ممكن أوافق من باب غيابي قليل ..



المديرة طبقت معنا نظام وهو إن المعلمة المتغيبة بالأمس من اليوم الثاني تشيل إحتياط ( حتى ولو نصابها عشرين حصة ) ..

وكما الحال المتغيبات تشكين وتذمرن بحجة إن الغياب إجباري عليهن ..



ويالله العجلة تدور .. وما يأكل الإحتياط والإنتظار إلا إللي تداوم كل يوم ..

شي غريب جددددددددددددددددددددددددددددددددددددددددددددددددد دددداااااااااااااااااااااااااااااااااااااااااااااا اااااااااااااااااااااااااااااااااااا

ياجماعة الحريم راح يرفضوا بالثلاث بس فكرة مش بطالة

انا اتفق مع اختي ام العسل ...

الف شكر استاذنا مستر اكس على نقل الفكرة ...

فكرة غبيه وفيها أستغلال للمال من أجل النظام فعلا شعب مايفهم إلا بالكاش

فيه أفكار مرنه مثل ان يقوم المدير بعمل جدول حصص عادل ومتساوي مع الجميع ويشجع روح التعاون بين المعلمين بحيث يكون المعلمين يوميا مستعدين نفسيا و علميا لشرح أكثر من درس بحيث لو صار فيه حصص أنتظار يقوم المدير بعرض هالحصص على المعلمين ويختارون الحصص اللي يستطيعون الشرح والعمل فيها بحيث يكون هؤلاء المعلمين اللي شرحوا هالحصص لهم راحه في اليوم التالي من دروسهم حيث يكون بين المعلمين عملية أستبدال الحصص وهالطريقة تؤدي لفائدة كبيرة على الطلبه والمعلمين يسود الهدوء في المدرسه والطلبه تستفيد من يومها الدراسي وفعلا يتحقق هدف التعليم .

والله 20 عشرين ريال ما تحفزني لدخول حصة لو أكملها 45 دقيقة جالس . يكفيك غثا إنك قاعد قدام وراعين .

وبعدين ترى هذي مو طريقة جديدة . أخبر قبل نحو عشر سنين جانا مدير من منطقة من مناطق المملكة المهم قال لنا إن فيه العديد من المدارس مطبقينها وما يرفعون غياب للمعلم الغايب وطريقة الحساب يقسمون راتب المعلم على الأيام ومن ثم على الحصص ويتوزعون المدرسين 75 % من دخل المعلم لذلك اليوم كلٍ على حسب الحصص اللي دخلها .
ويفرحون إذا غاب مدرس خبرة راتبه فوق العشرة الاثنعش لأن النسبة بتجي جامدة ... والعكس صحيح .

ما أقول إلا ياساتر

رغم إنها ناجحة لو فُعِّلت لمصلحة الطالب .

اخوي ابو شهد ....

اذا كان الحسم من الراتب عن طريق ادارة التعليم بحيث يرفع المدير الخصم من راتب المعلم ولمن .. راح يصير فيها تلاعب وسرقه .

واذا كان المعلم يدفع لزميله ... كثر منها ..

المدرسين قطة الفطور ما يدفعونها ... مو بيدفع تامين لحصص الانتظار ..

ومشكوووووور يا غالي ..

عااادي .. اعطيهم فلوس و اخليهم يشيلون عني الحصص

هههههههههههههههه


بعض المعلمات ما يدفعوا القطة حقت راتب المعلمة الي ماسكة شغل الكمبيوتر ....... و لا يدفعوا حق راتب المستخدمة الي تخدمهم .........


عاد بيدفعوا حق حصص الغياب !!!!!!! ............ و الله على قولتهم الحريم غير يوصلوها للتوجيه .........




بس عندي سؤال ...........




في حالة غياب المديرة أقدر أخذ مكانها ........... و تعطيني عن كل حصة جلستها على مكتبها ( عاد ماشاء الله راتبها شي ) !!!!!

أو كـــأننا أصبحــنا نعيش بعالم كل ماحولنا تحكمه المــاديات,,,


وهل كل معلمة تغيبت لظرف قاهر أو إستئذنت لإمر أصابها أو احد أفراد عائلتها ستدفع مقابل لذلك,,,,


عني لو بيدفعوا 100 ريال عن كل حصة إنتظار مابدخل ناااااااااااقصين كرف خلينا نتنفس من الحصص و المناهج لندخل إنتظار,,,,


ولا من زين هالمستويات اللي أحنا عليها بعد!!!!




Mr.X



مشكور أخوي ماقصرت,,,,


دمت بود و بحفظ من الله.....

الله لا يبلانا

اجل عشان عشرين ريال اكرف كرف ... واخذ سبع حصص يوميا ً


الحقيقة ان هذا الخبر فضيحة


يعطي انطباع للناس ان المعلمين مايمشون وينضبطون الا بالريال


في حال قال مديري هذا الاقتراح ... اجابتي هي مثل ماقالت اختي كل الحب .


يعطيك العافيه ابو شهد

حلووه الحركه ان شاء الله يطبقونها عشان نفتك من هالابلات الي مايغيبون ابد ولا يستأذنون

عندنا ابله ماعمرها غابت حتى يوم مات اخوها غابت يوم وجات <<ههههههههه

مستر اكس

الف شكر ع النقل المتميز