وكلاء المدارس غاضبون من العمل في رمضان .. وشوفوا المتحدث باسم الوزارة وش يقول !!!!!

عبّر عدد من وكلاء ووكيلات المدارس عن استيائهم من قرارات وزارة التربية والتعليم خاصة فيما يتعلق بنظام الإجازات.


حيث يُلزمهم التعميم الجديد بـ مباشرة العمل في شهر رمضان يوم السبت تاريخ 8/9/1429، أي قبل بدء العام الدراسي الجديد بشهر !!!

رغم صدور قرار من الوزارة في العام الماضي بتاريخ 4/6/1429 .. يفيد بأنّه من حق جميع الفئات الإدارية (مدير- وكيل- مرشد طلابي- مشرف تربوي) أن تتمتع بإجازاتها أسوة بالمعلمين. !!! <<< ما يدرون عنّه , كل اسبوع قرار جديد !!!!

وأوضح وكلاء مدارس أن من حقهم التمتع بإجازاتهم مثل باقي زملائهم المعلمين مؤكدين أن مصلحة العمل لا تتطلب وجودهم في المدارس خلال الإجازة الصيفية نظراً لعدم وجود مهام يقومون بها، مؤكدين أن هذا القرار سيؤدي إلى عزوف كثير من وكلاء المدارس عن العمل الإداري حيث إن المدارس تعاني في الأصل من تسرّب الكفاءات الإدارية (مديرين ووكلاء) بسبب ضغوط العمل وعدم وجود حوافز مادية ومعنوية .. <<< جعلني ما اصير اداري !!!!


وأكدوا أن هذا التعميم يخالف القرار الصادر من مجلس الخدمة المدنية بتاريخ 16/2/1426 المبلغ بخطاب ديوان رئاسة مجلس الوزراء بتاريخ 15/5/1426 حول قرار تنظيم إجازات العاملين حيث نصّت الفقرة الثانية من المادة الثانية على أن الفئات العاملة بالمدرسة من معلمين ومشرفين ومديرين ووكلاء مدارس ومراقبين وأمناء مكتبة وحرّاس يتمتعون بكامل الإجازة الصيفية وتُعتبر لهم بمثابة الإجازة العادية لأن طبيعة أعمالهم لا تتطلب وجودهم أثناء الإجازة".



بالله شوفوا المتحدث الرسمي حقهم وش يقول !!!!!!!!!!

7
7
7

من جهة أخرى، قال المتحدث الرسمي في وزارة التربية والتعليم الدكتور عبدالعزيز الجار الله حول اعتراض وكلاء المدارس على التعميم ..

بأنه على الوكلاء اعتماد التعميم الجديد، لأنهم موظفوا دولة وعليهم الالتزام بالدوام الحكومي لأن هناك نظاما للعمل وعليهم أن يفهموا أن هناك ساعات عمل أيضاً حتى وإن لم تكن هناك أعمال <<< يعني يبيهم يعملون ولو مافي عمل!! يستهبل؟؟!!


ولا يُشترط في عملهم وجود الطلاب في المدارس مستشهداً على ذلك بقوله "نحن نجلس على المكاتب حتى وإن لم يكن هناك معاملات". <<< أولاً/ وينكم اذا جينا ندوّركم ؟؟ ثانياً/ المعاملات يمكن تجي بأي وقت لكن في المدرسة وش اللي بـ يجي ؟!!

وعند الاستفسار عمّا يفعله وكلاء المدارس في حال لم يكن هناك عمل يمكن إنتاجه خلال فترة الدوام بالإجازة الصيفية ذكر "سيأتيهم العمل والإنتاج ولكن ليس الآن فالمهام ستوكل إليهم في حينها وتشمل الناحية التنظيمية من الاستعداد للعام الدراسي الجديد <<< سلّم لي على التصريف !!!!!

وأوضح بأن الوزارة لم تتعاقد معهم على وجود الطلاب. <<< لااا صح الوزارة تعاقدت معهم على وجودهم لحالهم في المدرسة <<< حرّاس صاروا مو وكلاء ... حتى الحرّاس عندهم اجازة !!!!!


والله شي يرفع الضغط فوووق ويعطيه نزووووووول حاااااد (( مثل الاسهم )) .. الحمد لله ماني وكيل ...



تحيااااتي

طيب دراسة في رمضان هذي صارت مفهومه

بس دوام في رمضان وما فيه دراسه هذي يبغالها انشتاين عشان يسويلها تحليل ويعطينا التوصيات

مازالت وزارتنا الموقره مستمره بالتخبط والقرارات العشوائيه

مشكور اخوي مشوت مع ان الخبر يرفع الضغظ

والله ان الدعوه فيها إن

أنا اول مرة اشوف إن آخر اسبوعين يكون فيه نشاط وتقوية للطلاب . والطلاب انفسهم ماخذين شهادات النجاح . يعني للمرحلة الابتدائية . والله ان الوزارة خلاص (........................)
الله يستر علينا حنا يا المعلمين
الآن طلعت شخصية الوزير ( طلع مسكين ) ممسوك من رقبته ( كل الكلام الي يصير على المدراء والوكلاء والملعمين طالع من ( المــــــــــــــــــليص )

شكرا على نقل الخبر

المسألة فيها حسد وبس الله يهديهم

http://img214.imageshack.us/img214/2...yy2fg41qd7.gif

المسألة مسألة حسد

فالمعلم هو الوحيد اللي العين عليه رغم انهم مايشوفوا تعبه طول السنة

والى الان لم يأخذ حقه من الوزارة

حسبي الله ونعم الوكيل وكفى

الله يعين على وزارتنا ...


وزارة التعميم لنسخ التعميم السابق ...

يحدوني الامل .. talal_2888 .. علاء الحاتمي .. oJgJI JIjJj .. هناء .. مهــا ..


نوّرتوا بـ وجودكمـ .. ثانكس


دمتمـ

الله يكون بعوننا ..........



مو كفاية عيون الناس على المعلمين و المعلمات ........ تجي الوزارة و تطلع الباقي !!!!!!!!




مشووووووووووت ............. الف شكر على نقل الخبر

السلام عليكم ورحمة الله وبركاته


الله يعين

أنا حاسه إنه حيجينا الدور بعدهمـ

مستحيل يريحونا

جزاكـ الله خير أخي الكريمـ

مشوت الضفادع

يعني يا اداريين لا تتهنوا بإجازة ولا هم يحزنون
والله الواحد يشتري له قلاب والا وايت 6 يكد عليه ابرك من المدرسه

كل من يعمل في المدرسه من الفراشة}}}}}المستخدمه مو اللي تطير{{{{{{{{ الى المديرة فلوسهم حلال ان شاء الله لانهم حللوا الراتب وزيادة
كرفنا كرف الويل من حصص لنشاط لمناوبه لريادة لدورات وتحليل محتوى}}}}}خدمه خمس نجوم{{{{{{{ يعني جات على دوام اضافي لزيادة تحليل الراتب
الله المستعان
انت يا مشوت لو انك وكيل اطلب منطقه فيها مزارع عشان تشوت الضفادع وتتسلى ههههههه

اقتباس:

---

المشاركة الأصلية كتبت بواسطة امل الياسر

انت يا مشوت لو انك وكيل اطلب منطقه فيها مزارع عشان تشوت الضفادع وتتسلى ههههههه

---

ههههههههه .. تلقيني بـ المدرسة لحااااالي أطرّد الضفادع هههههههههههه <<< ياسلام لو يطب الوزير وهو يشوت الضفدع بالجدار ويرجع له !! ههههههههههه


بس أخاف أشوت يم الباب وأول مايدخل الوزير يقابله ضفدع يمشي طبلووووونه على الخشم !! هههههههههههههههه


والله حاله .. ماعاد نعرف نبكي والا نضحك ؟!!!!

اللي يتمعن في تعاميم وزارة التربية والتعليم يستنتج اشياء غريبة!!!
منها تدمير المعلم نفسيا والقضاء على الحماس عنده وحب المهنة فاذا وصل الى هذه الحالة سيتدمر التعليم بهذه الطريقة.
فلوا نظرنا الى المحاكم الشرعية والقضاه نجد انهم يستلمون رواتب خياليه وهذا للسعي الى اراحتهم نفسيا حتى لايبحثون عن مصدر دخل آخر او الوقوع في الرشوة هذا من الناحية المادية اما من حيث المعنوية فالقاضي يداوم على كيفة والقضية يحكم فيها او يبت فيها على رواقة وعلى اقل من مهله حتى لو بقت عنده سنوات ولا احد يستطيع ان يقول له شيء لأنهم يريدون ان يريحوه نفسيا للوصول الى افضل النتائج في الأداء بعكس وزارتنا تريد ان تصل الى افضل النتائج باستخدام كل مايحبط المعلم ويجعله تعيسا دائما !! فكيف يحصل ذلك؟؟ ان العمل في التعليم اصبح كريه جدا في نظر اغلب المعلمين ان لم يكن جميعهم.
كل منهو في التعليم يعرف ماوصل له التعليم من انحدار بسبب التخطيط والانظمة التي تهتم بالمكياج وتترك الجوهر وعلى هذا الحال سيصل التعليم الى الهاوية!!! فحينها لاينفع لاوسائل ولا حتى ربط الأحزمة

شكرا للجميع
ويابلادي واصلي

من جد المسأله مسأله تدميرررر للنفسيه

قدهااا عدم من الطالبااات والطلاب


والاجيااال اللي مادري اش تركيبتهم



مما لا شك فيه انه في اعمال اداريه لاب ان تنجز قبل الدوام المدرسي


عشان مايكون في ربكه في بدايه الدوااام

لكن هذي الاعمال تنجز في يومين


واذاااا مره كثرت اسبوع


مو شهررررررررررررررررررر




اناااا بصرااااحه طاااقه نفسي


صاااار التعليم والاداااره كلهااااااا

واكيـــــــــــــــــــــ ــــــــــــــــد


الوزاررره



شغلهم الشاغل قرار وتنفيذ قرار

وسجلات وتعبيه ورق

ع الفاااااااضــــــــــــــ ـــــــي

هذا كله عشان تحسين المستويات ؟
خلاص خلونا زي ما احنا بس ارحمونا
الله يستر من الجاي اخاف يجي يوم يقلون لازم المعلم يباتفي المدرسة
والمدرسات يتطلقن بعدها هههههههههه