استشارة....خلافي مع المعلمات

أنا أدرس في قرية صغيرة وهي ليست نائية المهم لاحظت الأسبوع الماضي أن المعلمات يقمن باستلام اوراق الاختبارات عند انتهاء الطالبة فورا دون الاهتمام بمضي نصف الوقت على بدء الإختبار لدرجة انهم يقومون بذلك بمجرد مرور نصف ساعة حتى وان كان زمن الاختبار ساعتين او أكثر
وتناقشت معهن وحذرتهن من ذلك وكان ردة الفعل غير مهتمة المهم اني في النهاية تحدثت مع المديرة وايدتني واقترحت عليها ان لا تقوم بإعطائهن سجل تسليم اوراق الاختبار إلا بعد مرور نصف الوقت ولكن المسئولات في الكنترول لم يهتموا بذلك وبعد ذلك دار النقاش بيني وبين المعلمات مجددا مما اضطرني في النهاية عند عدم استجابتهن ان قلت لهن بأني لا أحلل اي معلمة تخرج الطالبات في موادي قبل منتصف الوقت
الحاصل انه اثناء مراقبتي لأي لجنة تكون زميلتي مستاءة مني وكذلك الطالبات متذمرات لدرجة انهن يتجرأن ويطلبن مني ان اخرجهن

ما رأيكم اخواتي وأخواني وما الذي يجب أن أفعله فالوضع سيء جدا وأنا عجزت عن اصلاحه؟

يا بنت الحلال ............... إبعدي عن الشر وغني له

وش لك بالمطالبات

إذا كان هذا يعمل في إختبارك هذاك الوقت سوي ما بدى لك

أما تكون في مادة غيرك ... خليهم يسون الي يبغووونه

والله ما راح تحصلين إلا وجع الراس من كثر ما تعدلين في المعلمات

لكن خليها على الله ..... أهم شي ان المديرة عندها علم بالموضوع ...

شكرا أخي على ردك بس انا ما أحب اكون سلبية واللي مضايقني انهم شايفين انهم صح وانا خطأ
عشان كذا لازم ادافع عن وجهة نظري وعلى الأقل اثبت لهم اني صح فكرت اجيب لهم فتوى وبأحاول ان شاء الله
مع العلم ان لي اتصال بالإشراف التربوي وأقدر اوصل الموضوع بس انا ما احب هالأسلوب

نونا ..


الأمانة لابد أن تكون نصب أعيننا عند القيام بأي عمل ..



وهنا إن كانت المعلمة تستعجل الطالبات بالكلام أو بالنظرات أو الإشارات فأعتقد أن هذا الشئ لا يجوز .. لإن الوقت من حق الطالبة حتى آخر دقيقة ...


لكن إن كانت الطالبة تود الخروج قبل مضي الوقت فهذا شأنها ومصلحتها فربما تود المراجعة للجنة الثانية أو العودة مبكراً للمنزل ...



الأهم أن لاتتدخل المراقبة في هذا الشئ وتأخذ الورق ...



في مدرستنا تحسب معلمة الكونترول ساعة إلا ربع ( للساعة ونصف ) ثم توزع الورق ... وساعة ( للساعتين ) .. ولله الحمد الطالبات في وقت واحد يخرجن لإنهن قد أنهين إجاباتهن ..




أسأل الله لك الأجر على حرصك وأمانتك ..

قال تعالى (( وأطيعوا الله والرسول وأُولي الأمرِ منكم )) ..

وما يقومن به فيه مخالفة كبيرة وواضحة لأوامر الله عزَّ وجل ..

أُحييك على ايجابيتك وتعاملك السليم مع الموقف .. لكن المثل يقول .. اليد الواحدة ما تصفّق !!!

كلامك سليم استاذتنا مها

بالنسبه لي دائما اطبق الوقت فمثلا استلم الاوراق بعد ساعة ونصف بالنسبه للثلاث ساعات مع ان الطلاب من بدري مخلصين

بس مدري وين الاشراف عنكم لانه حنا من بداية الاختبارات الى اليوم وبكره يوميا مشرفنا المنسق يكون بالمدرسه وكل يوم يأخذ تقرير مفصل عن سير الاختبارات أتوقع لو فيه اهتمام من الاشراف زميلاتك المعلمات راح يطبقن النظام بحذافيره

مها
مشوت الضفادع
يحدوني الأمل

أشكركم جميعا على تجاوبكم وردودكم فقد وجدت من يؤيدني
المعلمات يردين علي بأنهن يأخذن الأوراق من الطالبات برضا الطالبة خاصة
وانها قد انتهت من الإجابة وانا أقول لهم ان النظام للخروج هو بمرور نصف الوقت ولكن الرد بقولهن وسعي صدرك
او بلا نظام بلا كلام فاضي
والمشكلة ان خروج اللجان الأخرى يسبب إزعاج للجنة التي أكون متواجدة فيها
وأيضا اضطراب الطالبات ورغبتهن في الخروج مثل زميلاتهن
بالنسبة لزيارات المشرفات يوميه ولكن للأسف لم ينتبهن لخروج الطالبات

لا والله تسلمين لنا يا نونا

بالفعل اكبر غلط تطلع البنت قبل نص الوقت هذا ذمة وامانه

اجل ليش حطولنا ورق وتوقيع الا عشان البنت ما تطلع بمزاجها

البنت ماتعرف مصلحة نفسها

تخلص بربع ساعه وبس تبي تطلع لكن لو الزمناها بالجلوس كان راجعت وتروت بالحل

والله الله يعينك على نظام القرى

اكره شي القرى يا حلو المدن تحت النور والنظام ومحد ينظلم على حساب احد

عموما انا دايما اتكلم بمنتداهم التعليمي الين يجي مشرف يسألني وش المدرسه

ذيك الساعه اكون فعلا ربيتهم

مرقة كافيااااااااار

تسلمين على الرد والدعم النفسي

بصراحه اختي نونا
اشكرك على حرصك وامانتك بس انا ما اتفق معك والسبب
اني ارى ان الطالبه تحل في ربع ساعه وبعدين خلاص تسكر الورقه واحنا نقول راجعو راجعو وهم لاحياه لمن تنادي عني مافيه ومستحيل تفتحها مهما قلنا
يعني جلستها زي قلتها ولو تطلع كان احسن لها على الاقل على قولة الاستاذه مها تراجع الماده اللي عليها وترجع تنام احسن لها


وعلى فكره ترى مدرستنا تطبق النظام بحذافيره لابعد ويزيدون عن نصف الوقت

ومايسمح لنا بالخروج حتى لوفيه لجنه وحده الابعد الساعه 11

يعني ماحنا متضررين من جلسه الطالبات في القاعه لاننا جالسين جالسين بهم وبدونهم

وانا ارى ان البنت اذا خلصت خلاص تطلع وش يجلسها
تتافف وتناظرنا بناظرات حاقده كنا قاتلين لها احد
والهاديه ترسم على الطاوله ولا تناااااام



بالله وش الفايده من جلستها هذا حالها والله تطلع ابرك لها



وبما ان المديره راضيه والاشراف شايف انتي خلاص سويتي اللي عليك

نصيحه :

لا تزيدين فينتبذك زميلاتك


اتمنى تقبل وجهة نظري ونصيحتي بصدر رحب

charm girl

اشكرك على ردك ولكن انا افضل الالتزام بالنظام لأن البنت إذا نست فقرة لا سمح الله
ممكن تقلب الموضوع عليك وتقول انتي طلعتيني بدري وكذا انتي الملامة
وراح يظنون انك طلعتيها غصب قبل انتهاء الوقت
وبقولك موقف حصل اليوم احدى الطالبات لما خرجوا زميلاتها صارت تقلب الورق بسرعة
وسلمت ورقتها ولما قلت لها لسا عندك ساعة ووقتك ما انتهى تراجعت عن التسليم
لأنها تحسب ان الوقت انتهى ولازم تطلع

طيب خلاص انتي قبل تاخذين الورق من البنات بلغيهم
انو باقي وقت كثير واللي مصممه تطلع اطلبي منهم مراجعه اخيره قبل التسليم


وراجعي ورقه البنت قبل تطلع وتاكدي انها حلت جميع الفقرات وبعدها تتوكل على الله



احنا مطالبين بمراجعه اوراق الطالبات قبل خروجهن والتاكد من حلها جميع الاسئله


وبكذا خلاص سويتي اللي عليك وخلاص مع السلامه تطلع البنت ومحد يتاضيق منك ولا شي :smile (96):

ما شاء الله عليك يا نونا

اشكرك على حرصك واهتمامك بواجباتك

لكن انا مستغربة من مديرتك كيف ما تقدر تسيطر على الوضع

رغم انها ايدتك في نا حية خروج الطالبات قبل نص الوقت

والمعلمات بصراحة غريبات

انت ما عملتي حاجة غلط

انا اقترح عليك تخبري التوجيه

وتلفتي نظر الموجهات لهذا الشيء

والمفروض المديرة تطبق النظام

وما تتغاضى عن المعلمات المهملات في اداء الواجب

اشكرك اختي على حرصك على عملك

وجزاك الله كل خير

وحفظ لك فيصل

السلام عليكم ورحمة الله وبركاته


Nona1399

الطالبة مهما كان ما تعرف مصلحتها .. ممكن حباً في الخرجة فقط

تقولكـ خلصت وهي ما خلصت و في جزئيا يتركوها فاضية بدون حل

ومشكلة الانجليزي انه 3 ساعات وفي معلمات الله يصلحهمـ متذمرات

بالذات اذا حطوها في لجنة 3 ساعات و انجليزي

وفي معلمات تلاقيها تقلب الدنيا على الطالبة لحد ماتسلمـ بالذات اذا

كان مستوى الطالبة متدني

اذكر مريت بهذا الموقف زمان وعشان نبهت المعلمات على الالتزامتـ بالزمن الاصلي للمادة

وحده من المعلمات الله يصلحلها حالها اخذت الشغلة عناد لأن الطالبة كسلانه

وما راح تحل وسحبت منها الورقة و انا طبعا انقهرت وماكان عندنا مديرة اياميها

فلما جات الموجهة بلغتها و والتزموا معايا بعد كذا

لا تتنازلي لأنه أمانه و راح نسأل عنها

وبالتوفيق يا قمر

الله يوفقنا واياك نونا

و يعطيك على قد نيتك

معروف ان القرى دائما الالتزام بالأنظمة يكون فيها اقل من المدن..

معروفين بالتساهل..اله يكون بعون اللي يحب النظامو مايلاقي تقدير او تعاون!!

اعانك الله اختي هـ الاشكال موجودة في التعليم ...

ولا يهمك انتِ الصح ..انكري عليهن وبلغيهن ان هذا العمل خطأ ....

الزعل راح يزعلن ما عليكِ انتِ اسوي كذا خوفا من

الله ثم تطبقا للاوامر ...

والله لو نصف المعليمين والمعلمات مثل همتك وحرصك ...كان النظام التعليمي بافضل حال...

أختي العزيزة....


انا صراااحه لسى طالب....بس اشوف...ان الطلاب...والله احياانا...يخلصون...قبل..الوقت ..ما يتجاوز نص ساعه

اذكر....ان في ثالث ثانوي...فيه مواد...اخذا فيها ربع...سااعه...من جد ما تسوى اني...اقعد نص ساعه..

بس هذا ما يعني...انو ما نتلزم..بالقوانين...لا بالعكس...المفروض اننا نتلزم...بالقواااعد...والقوان ين..


بس انتي سويتي اللى عليك.......انا اشوف انك..ما قصرتي....رحتي وكلمتي المديرة...


وعلمتيها الموضوع..


يعني يا اختي ريحي راسك...ما داام انك اديتي اللى عليك...ان شاء الله ما عليك..شيء


تحياااتي

Charm girl
هناء
SoOoSoOo
Samahigh
علاء الحاتمي
faisal.4444

أشكركم جميعا على ردودكم ومشاركتكم لي همي
أنا الحمدلله ثابته على مبدأي والمعلمات مازالوا على تصرفاتهم وقناعاتهم
والمهم ان علاقتي بهم واختلافي معهم لم يؤثر سلبا على تعاملنا مع بعض
بل نجلس مع بعض ونتبادل الحديث والأمر ليس إلا إختلاف في وجهات النظر
لم يفسد للود قضية
وهن اصلا معترفات باختلافي عنهن من حيث التزامي بالنظام مقارنة بهن
فهذا ديدنهن منذ بداية العام في الخروج من الحصص قبل انتهاء وقتها
وزي ما قلتوا اللي علي سويته وبالنسبه للإشراف أنا مرشحة للإشراف
وأكيد ما راح اسمح بهالشيء يستمر الترم الثاني
وفقنا الله جميعا لما يحبه ويرضاااااه

أنا صار لي موقف شبيه بموقفك

أنه الوكيله تؤيد مساعدة الطالبات في اختبار الانقلش << تقصد الغش

لكن هذولا ناس مايخافون الله

الف شكر نونا

وان شالله تنحل مشكلتك عليكي بذكر الله

اسمعي حبيبتي
موقفك سليم وانت برأتي ذمتك
بس اكتفي شر المعلمات والبنات >>>>خصوصا انهم ضدك
والله يا قلبي في ناس ما تخاف الله
وذمتهم واسعه <<<< اللي يخليهم يسون كذا خيليهم يسون اللي افضع منه
انتبهي على نفسك >>>>> وعلى جوالك -اكلك - شربك - وملفاتك واوراقك
انا ما اهول الموضوع او اخوفك
بس والله النماذج ذي موجودة
والله يحفظك ويحميك

نسيم
أمل الياسر
شكرا حبايبي على ردودكم وتأييدكم
الحمدلله الإمتحانات انتهت وانا الآن في زيارة لديرتي الحبييبة وبالنسبة للحذر
فأنا حريصة منذ مبطي وأحافظ على أذكاري وجوالي خاص بالمدرسة-بدون كاميرا
واثق بأن الله هو الحافظ وأنه سبحانه وتعالى لن يخذلني
شاكرة لكم جزيل الشكر

والله انا حاس ان المديرة معاهم في الموضوع لكن لأنها في موقع مسئول كان لازم تجاريك في الموضوع ومن وراك يستمر الوضع على ماهو عليه..

انا ارى انه كان لازم تبلغين مركز الاشراف بالتجاوزات .. ولازم يكون ضمن كلامك شعار مصلحة الطالب ومستقبله ..

واقترحي على الموجهه التواجد بعد ربع ساعة من مضي الوقت عشان تجي على موعد يكون في هذا التجاوز...

والله يوفقك اختي ويجزاك خير على حرصك.