تكفوووووووووون أحتاج ردودكم بهذه المهزله..

الوطن... اليوم الأربعاء بتاريخ 25- 3 - 1429

إلزام المعلمة طالباتها بشراء مذكراتها من المكتبات يعد استغلالاً
لم يعد الجشع والطمع من صفات التجار في رفع الأسعار بل انتقل إلى المعلمين والمعلمات، ففي إحدى مدارس البنات طلبت المعلمة من الطالبات شراء مذكرة لغة إنجليزية للصف السادس الابتدائي بالرغم من أن وزارة التربية والتعليم لم تقصر في وضع منهج لهذه المرحلة بالإضافة إلى كتاب التمارين باللغة الإنجليزية وهذا يدل دلالة واضحة على أن المعلمة غير مهنية أصلا لتدريس هذه المادة فقامت بعمل المذكرة ووضعتها في إحدى المكتبات وقامت بتسعيرها بمبلغ 10 ريالات مناصفة مع صاحب المكتبة وعندما ناقشت مديرة المدرسة أفادتني بعدم علمها حيث إن المعلمة لا تحضر لديهم سوى يومين في الأسبوع.
أعجبني القرار الذي صدر من وزارة التربية بتوحيد دفاتر تحضير الدروس وكان قرارا صائبا منعا لأولئك الطامعين والذين أصبحوا يتفننون في ابتزاز المعلمين والمعلمات في تحضير الدروس وبيعها حتى إن بعضها وصل سعره إلى ألف ريال للمادة، أتمنى من الوزارة أن تصدر قرارا يلزم المعلمين والمعلمات بعدم بيع المذكرات عن طريق المكتبات ومعاقبة من يتجاوز ذلك فالحمد لله يوجد في كل مدرسة آلة تصوير فلماذا يتم استغلال الطلاب والطالبات؟ أم إن المسألة هي عدم اكتفاء المعلمين والمعلمات برواتب وزارة التربية والتعليم حتى يتم تقاسم المبلغ مع المكتبة، أعتقد أن أولياء الأمور لو تقدموا بشكوى ضد هذه المعلمة فلن نجد من يكرر فعلتها وسنرى حينها المكتبات خالية من تلك الدعايات المعلقة على جدرانها "يوجد لدينا مذكرة لغة إنجليزية للصف.. يوجد لدينا دفتر تحضير لمادة.. بإشراف المعلم.. مذكرة عربي تحت إشراف الموجه".
وقد قصّت لي إحدى المعلمات المتعينات حديثا بأنها بحثت عن دفتر تحضير دروس فوجدته في إحدى المكتبات وعلى شكل قرص مضغوط يبلغ سعره 1000 ريال للمادة وقد عينت بالمرحلة المتوسطة لتقوم بتدريس ثلاث مواد اجتماعية وذلك يعني أنها ستدفع ما يعادل نصف راتبها، فشكرا لقرار الوزارة بتوحيد دفتر تحضير الدروس ووضع منهج تحضير موحد لجميع المواد، وكل ما يريده أولئك الطلاب والطالبات أن تصدر الوزارة قرارا يمنع بيع وشراء المذكرات وأسئلة الوزارة بالمكتبات العامة ومعاقبتها في حالة المخالفة ووضع أنظمة وقوانين ضد المعلمين الذين يطلبون هذه المذكرات من الطلاب والطالبات.
ولكنه زمن الاستغلال والابتزاز في كل الحالات سواء كنت طالبا أو معلما.


أم كلثوم عبدالله الحكمي







طبعاً أنا من ضمن المعنيات بالأمر وأريد أن ألقنها درساً حيث انها اتهمتنا بالاستغلال والتجاره مع أصحاب المكتبات ونحن لم نخرج بريال واحد من هذه المذكرات...

بل حصلت على التقدير من مكتب الإشراف واعتبروا هذا الانجاز أفضل من الكتب بذاتها...


الرجاء مساعدتي في الرد على المهزله هذه... عاجلا أريد أن انزل الرد بكره او بعد بكره

من جد صدق من قال(جزاء المعروف سبعة كفوف) خلينا بناتهم يتميزون بهذه المذكرات وتأسسوا صح وشوفوا الكلام السخيف من انسانه غير مؤهله علمياً بهذه الأمور..

انتظركم...

سويتها الحركه هذي قبل 3 سنوات و تبت من ردة الفعل السيئه ..


على قولتك نبغى نرفع من مستواهم و ما احد يقدِر ..


الشكوى لله

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههه

شر البلية مايضحك
شوفي اهم شي بالوزارة ان البنت تعرف تكتب اسمها بالانجليزي او اكتبيه انتي لها مالك حاجة بس تقهوين وتسولفين لا وتاجرين بعد
وياويلك لو ترسب البنت وتقول اللي تقووول عليك وتضربك وان وصلت للقتل عادي هم مظلومة وانتي تستاهلين

مهزلة مابعدها مهزلة
والله اني كرهت التعلييييييييييييييييييييييييييم ابو الواسطات
والجرايد شانة حملة شرسة على المعلمين والمعلمات الله لا يوفقهم
يتحينون الفرص ويفرحون باي شي على حساب المعلم ولو كذب اهم شي انهم يشوهون صورته

على العموم حبيبتي انا سويت لهم مذكرة وصورتها على حسابي
عشاني عارفة البير وغطاة
ولا تعبين روحك تردين على الصحف
ترا ماراح ينشرون ردك
ولو ان كل كلبا عوى ألقمته حجراً
لكان كل مثقال بدينــــــــــــــــار

طيب احنا الاشراف عطانا الملزمة والزمنا بتدريسها للطالبات

المصيبه انا ادرّس مدرستين وبناتهم كثير يالله اوفر هداياهم والوسائل أما اني أجيب لهم على حسابي لااااااااااااااا ماطرى لي وانا منتدبه لهالمدارس

ترقبوا ردي ان شاءالله يطلع وبالواسطه!!!!! ابو الواسطات اذا ماخدمتني اللحين...

سكتنا بما فيه الكفايه ومايضيع حق ووراه مطالب...

والله اني كتبت رد مسكككككككككككت واهلي تفاعلوا مره وقالوا بنعطيه واحد غصب ينشره..

المصيبه ان هذه الكاتبه دخلت انتساب انجليزي(أعرفها بالإسم فقط) وانسحبت وجايه تتفلسف علي؟!!!!!! اوريها الفلسفه الصح..


أشكركم عالمرور يالغالين...

بسم الله الرحمن الرحيم
السلام عليكم ورحمة الله وبركاته

أولاً ... هدي اعصابك عزيزتي ...
ثانياً ... بالنسبة للملزمة المعينة على الشرح ... توقفت عن اعطائها للبنات منذ العام الماضي واكتفيت بالدفتر وأوراق العمل ... والسبب اني قمت سابقاً بعمل ملزمة رائعه اخذت مني مجهود ووقت ... ثم قمت بطباعتها على عدد الطالبات واعطيتها لطالبة اثق فيها وطلبت من الطالبات ان يعطوا الطالبة اربع ريالات عن كل نسخه (وهذا اقل من تكلفتها) ... والسبب اني اريد ان تتوفر الملزمة مع الطالبات في اسرع وقت ممكن ... وكان عندي طالبة والدتها زميلة لي في المدرسة ... بدأت هذه المعلمة ترمي علي كلام ماله داعي ... (سبحان الله تشتري لبنتها دفتر بعشرة ريال وغاثها الأربعة ريالات) ... المهم اني حلفت ماسويها مره ثانيه ....

مانقول غير حسبي الله ونعم الوكيل
يبغون يتعلمون على حساب المعلمة وياويلها لو قصرت كأنها الة
وسبب الإهمال وعدم التقدم في التعليم وحتى في الفكر البشري هو عدم الثقافة عدم الإحساس بالمعرفة صارت كلها مصالح المهم عندهم الطالبة تنجح وتخرج وتتوظف والنتيجةهي......سوء في الكفاءة العلمية ووتنتج اجيال فاشلة ذات افكار محطة باالتقدم البشري.........

طولي بالك- على كل حال هذه حرب غير معلنه على جميع المعلمين والمعلمات من قبل الصحافة وانا انصحك ان تطلبي رد اعتبار وعلى كل مادام انتي نيتك طيبه فستأخذين حقك ان شاء الله .

أم كلثوم عبدالله الحكمي : سبحان الله وهذي تعرف تحتسي بعد .

أطلب رد اعتبار من من؟

والله ان الأهالي يضيعيون فلوس على اغراض مكتبيه كثير غير مطلوبه من الطلاب والطالبات

تأسسوا صح واسوي هالحركه من سنتين بس هالترم شوفوا مدري من شكى عليها( مصلحة التعليم) بس بإذن الله تشوفون رد حلو ويارب ينشرونه بس

تحياتي للي ردوا مشكورين عالتفاعل يعطيكم ألف عافيه..

worried-999

الله يقويك و يعافيك ........... و يرد كيدها في نحرها


في انتظار ردك

آمين غاليتي روز حسبنا الله على من تعرضنا بكل كلمة احنا مالنا ذنب فيها

انتهيت من كتابة الرد وبأنزلها بإسمي الصريح ووحده بعد معي ههههههههه
وبأنزله لكم بعد هنا

خلاص وصلت حدي من هالتهجم الغاشم اللي من أطراف متخلفه غير مؤهله تعليمياً

شوفوا حبيابي انا صار لي عشرين سنه ادرس ماعمري سويت ملزمه للبنات لاني عارفه ردود الفعل والكتب مكفيه وموفيه :smile (40):

اقتباس:

---

المشاركة الأصلية كتبت بواسطة worried-999

أطلب رد اعتبار من من؟

والله ان الأهالي يضيعيون فلوس على اغراض مكتبيه كثير غير مطلوبه من الطلاب والطالبات

تأسسوا صح واسوي هالحركه من سنتين بس هالترم شوفوا مدري من شكى عليها( مصلحة التعليم) بس بإذن الله تشوفون رد حلو ويارب ينشرونه بس

تحياتي للي ردوا مشكورين عالتفاعل يعطيكم ألف عافيه..

---

طلب رد الاعتبار من الصحفية ام كلثوم ومن الجهه المسؤلة عن فبركه هالخبر

الله ينصرك ,,,,,,,,,,,,,

حملة غير معلنة على المعلمين و المعلمات

اللي يعلمون بناتهم و ابنائهم

لا تردي افضل

لأنها بتزيد خليها تنبح

انا مع رينا

اخصريهم

للأسف اخوتي هناك بعض المعلمات يتقاسمن المبلغ مع المكتبة وهذا حصل مع احدى زميلاتي حيث انها قامت بوضع الملزمة في احدى المكتبات وكان والدي متواجد هناك وسمع زوجها وهو يطلب من صاحب المكتبة نسبة من قيمة الملزمة وكان والدي متفاجئا حيث انني اضع الملزمة ولا اطلب نسبة عليها واخبرني بماحصل حيث طلبت تلك المعلمة زيادة 3 ريال على كل ملزمة وفي هذا العام ادرس في قرية وطالباتي ياتين من قرى مجاورة والقرية الموجوده فيها المدرسة لا يوجدفيها مكتبة واقرب مكتبة تبعد 50 كلم لذلك قمت بتصويرها على حسابي الخاص ووزعتها عليهم مراعاة لحالتهم ولكن ما كتبته الصحفية لا يجب ان يعمم علي الجميع فلكل قاعدة شواااااااااااذ

حبايبي بكره بيطلع الرد بالجريده معاد يمديني أوقفهم اللحين أكيد يطبعونها

عادي خلوها تتأدب الله لايسامحها..

هي بنفس المنطقه اللي انا فيها وماسمعت أحد هنا أخذ مناصفه من المكتبه..:smile (92):


مشكورين عالمرور حبايبي الله يسعدكم...

أختي أأيدك تنزلين الخبر ..


لإنها إن شافت السكوت تمادت ... والقراء كذلك راح يتفاعلون معها ...




الله ينصرك ..

السلام عليكم جميعاً اولاً بصراحه انا ماقريت الموضوع المكتوب عدل بس حسيت من كتاباتكم انه الموضوع بخصوص ملازم المعلمات تكتبها وتحطها في المكتبات والنقاش حول هل هي بفلوس او مجاناً مدري احس انه الوزارة مانعه انك تعملين ملزمه وتختصرين الكتاب او انك تخلين الطالبات يهملون الكتاب حتى وان كان مو قصدك الاهمال لان هالشي بيرجع رادي عليك انتي اكثر منها هي لان الوزارة عادة تنظر الى النقطة السوداء في جميع المواضيع واضم صوتي مع صوت اللي قال خصريهم وحقريهم لان مثل ما يقولون الحقران يقطع المصران هذا افضل شي لان لو بتتكلمين راح يجيك الرد مباشر من الوزارة وخصوصا انك تقولين انك راح تنزلين الموضوع بالاسم

هاه يااختي طمنينا نزل الرد ولا لا

الله ينصركل مظلووووم

الهانم اللي تفلسفت ليش ما تعبت نفسها وفكرت قد ايش اخذت المذكره جهد من المعلمه؟؟؟؟
انا عن نفسي برضه في ابها وسويت ملزمه لطالباتي حطيت فيها كل شي حطيت لهم قاموس /وشرح للقواعد عربي وانجليزي /وتوضيح للكلمات الجديده / ومحادثات / وتعبير / واسئله مراجعه / وقطع فهم ...الخ
مع العلم ان عندي اربعه اطفال ومشغوله لرااااااااااااااااسي لكن مع ذلك احتسبت الاجر
لكن تفاجات الترم الاول ان والد طالبتين عندي سبني سب قدام الخلق وقام يشتم و..........الخ ومو حاسس اني ريحت بناته ورتبت لهم المنهج بطريقه سلسه وتعبت نفسي وانا اكتب لهم واضبط لهم لا وقال صاحب المكتبه لزوجي انه يقول اكيد انه تتربح على حسابنا؟؟؟؟ ويشهد الله اني ما اخذت ولا ريال من صاحب المكتبه . حتى ان صاحب المكتبه قال له طيب تحمد ربك الملزمه شامله كل شي انت لو بتشتري كتاب تبسيط لبنتك بتشتريه اقل شي بعشرين ريال

وفعلا هذا الحاصل اني شفت البنات حاطين كتب التبسيط كشيء اساسي مع الكتاب المدرسي فوفرت عليهم الجهد واجهدت نفسي
انا قلت لطالباتي بشكل صريح اللي ما تقدر تجيب الملزمه تجيني وبكل هدوء وسريه وتقول انا ما اقدر اجيبها وانا راح اجيبها لها وبدون ما احرجها قدام زميلاتها لاني عارفه ان فيه ناس ما يقدرون يدفعون 10 ريال
لكن الموت ان اللي مرتاحين ماديا ضيعوا فلوسهم في دفاتر اشكال والوان ما يقل الواحد منها عن 10 ريال ومن مكتبات كبيره ومع ذلك مستخسرين 10 ريال في نوته تفيد بناتهم
انا لما بدا الترم الثاني سالت البنات تبون انزل لكم نوته زي الترم الاول والا تبون الكتاب والدفتر لاني بصراحه ماابي احد يدعي علي انا او عيالي وتفاجات انهم كلهم بصوووت واحد قالو لا يا ابله نبغى نوته

ما نقول الا حسبنا الله ونعم الوكيل عليها وانا معاك الف بالميه في الرد عليها وعلى اشكالها اللي راقدين في بيوتهم وكل اسبوع بس يسوون لهم مقاله او تقرير يسبون فيها العالم مافي احد حاسس بالمعلمه اللي ما بيدها شي , المعلمه اللي ضاع احترامها , المعلمة اللي حتى مستواها اللي تستحقه باخلين عليها فيه
وعجبي

هلا فيكم يالغاليييييييييييييييين

سامحوني تأخرت عليكم...

للأسف اتصل المراسل على اخوي يقول سووا رد أحسن من كذا لأنكم تهجمتوا مره عليها ومو حلو اسلوب الرد أنا عرف ان اختك فاهمه ومتميزه قعد يمدح وقال أم كلثوم غلطانه وكان مقالها خالط امور مالها داعي قالت ملزمه ب 10 ريالات وشوي قالت تحضير بسيديات ب1000 ريال يعني ماتفهم شيء عشان كذا رتبوا رد حلو وبأنشره لكم بإذن الله( تو هذا الكلام اليوم) وش رايكم أعزائي ساعدوني بكم كلمه نكتبها نبي كلام راقي يناسب مستوانا التعليمي بحيث انه يحرجها اسلوبنا... أنتظر رأيكم... لاتخافون راح انسب الكلام لي واللي يبيني اضيف أي اسم يرسل لي عالخاص..

الله يسعدكم بالدارين ويكفينا شر من أراد بنا شر ويرد كيدهم في نحورهم...

تحياتي لكم ياأحلى أعضاء...