السلام عليكم
مساء الخير على الجميع
أولا الله يبارك لكم جهودكم العظيمه المبذوله اللي مهما شكرناكم عليها ماراح نوفيكم حقكم وانا الآن طامعه بالاكثر
أبي اقول لكم معاناتي ان شاء الله الاقي الحل عندكم وماتخذلوني
أنا ساكنه بحفر الباطن وادرس في هجرة ( أم عشر ) تقريبا تبعد 160 كم عن الحفر
المدرسه مريحه جدا وتجنن بس صار لي سنه متبهدله بالمواصلات مافيه سيارات اجرة تروح لهناك :smile (97):
حبيت اقول لك سالفتي يمكن احد منكم يعرف بديله ابدل معها تكون تدرس داخل الحفر او الهجر القريبه منها
راح تقولون من اللي تبي تروح هناك أنا اقول لكم بنات قاعدة الملك خالد العسكريه هجرة ام عشر اقرب لهم من الحفر وفي سيارات تروح من القاعده للهجره فياليت اللي تعرف حد تبلغني باسرع وقت
الله يجزاكم خير
والله يجعله في ميزان حسناتكم
