أسعد الله مســـــــــائكم بكل خير وبعد:
حضرت الإجتماع بالفعل,و لا أنكركم القول إني قلت إن الإجتماع كان
دمه خفيف نوعا ما مقارنة بما سبقه من إجتماعات...
ما أدري ليش حسيت بهذا الإحساس , يمكن لأن قليل من المشرفات أتكلموا ذاك اليوم, و يمكن كمان لأني شفت المشرفات يضايفونا بأنفسهم يومها القهوة و العصير جزاهم الله خير(وكان سابقا ممنوع أصلا يدخل شي للقاعة ولا حتى الموية و إللي تبغى قهوة أو شي تخرج برة تشربها و ترجع)
طبعا الإجتماع لا يخلو كما هي العادة من
المنغصات و المضايقات و الدق بالكلام , لما حبايبنا المشرفات أتكلموا عن الإنتدابات و الوسائل و التحضير(لكن ما يهمنا نخلي إذن من طين و إذن من عجين خلاص أتعودنا نسمع من هذي الأذن و نخرج من الثانية)
أعجبني
الدرس التطبيقي إللي عرضته إحدى معلمات مكة القديرات...
و أعجبني أكثر عرضها
للسي دي (تعليم الإنجليزية للمبتدئين للأستاذ غانم الحارثي) إللي ذكرت إنه موجود بتسجيلات الألفي الإسلامية بمركز عطا الله
بمكة
(بعض الناس يطلقوا عليه اسم مركز الفاو) و شايفة إنه حيكون مفيد جدا للمعلمات و للطالبات أيضا إذا قلنالهم عليه يقتنوه و يشغلوه في بيوتهم...
أما بالنسبة
للمذكرات فأنا ما أذكر إنهم ركزوا كثير على هذي النقطة أو يمكن ما أنتبهت إللي أذكره إنهم قالوا (خلي الطالبات يعتمدوا على الكتب و الدفتر و الأوراق إللي توزعوها عليهم من إملاء وخط)
ملاحظة:(قالوا يكتفى في دفتر الطالبة بتدريبات الخط والإملاء ! معقولة هذا الكلام يعني فين راحت الكلمات الجديدة و غيرها ,أنا متأكدة إنه راح يغيروا كلامهم مع أول زيارة للمعلمات و يطالبونا نكتب الطالبات كل ما شرد وورد ونرجع للخبطة الدفاتر تاني)
أنا بالنسبة لي شخصيا فلي سنة ونص أعطيهم ملزمة من سعودي إنجليش , أضيف و أعدل و أنسق فيها , أحط فيها كل التدريبات و الخط وقطع الفهم و الحوار والتعبير وأحيانا الإملاء و بصراحة أرتحت جدا ولاإني أجلس كل يوم في معاناة التصوير و توزيع الورق و تضييعة , و غير كذا لما أجمع الدفاتر تكون منسقة بنفس الشكل مو كل طالبة تكتب في الجهة إللي تبغاها و تترك الدرس إللي ماتبغاه...
وهذه السنة عملت نفس الشي, أخترت ملزمة للأخت Emily بالأربع وحدات الأولى و عملت عليها تعديلات كثيرة , و بعدين أضفت باقي الوحدات و التدريبات و كل شي ..
ملاحظة:عشان لا أوقع نفسي في مساءلة عملت حاجتين:
أول شي كتبت على غلاف الملزمة <هذة الملزمة لا تغني عن الكتاب المدرسي>
وكمان خليتهم وقعوا بأنهم موافقين على دفع مبلغ 4 ريال قيمة الملزمة...
ح أحطلكم دحين الملزمة و الغلاف وورقة التوقيعات وبعدها قولولي يقدرأحد
من
المشرفات أو
من
الأهالي يتكلم بعد كده...
و إليكم الملفات