بدايه وافكار الوحده السابعه
رد مع اقتباس
وان كنت لا احمل الخبرة .. وانا في اولى سنواتي التعليمية ..
لكن الامر بسيط بس ركزي وكوني مليئة بالثقة
في البداية اعتمدتي على الورمنق اب .. او تهيئة الطلاب باستخدام تمرين او مسا بقة مصغرة ..
مثلا : تعملين مجموعتين الف وباء ..
ويكون بين المجموعتين بعض العلاقة يعني :
أ = حصان ، ماعز ، سيارة صغيرة ، ملعقة ، طائرة ، شجرة ..
ب = جمل ، قطار ، باص ، شوكة ، طاولة ، كرسي ، باب
وكل طالبتين جمب بعض وحده تاخذ الف والثانية تاخذ باء
وكل طالبه تخبي الورقة عن زميلاتها وتسئلها ( ايش معك في الورقة )
وتخبرها والثانية تسئل بنفس النمط .... بعدين يكتبون الصور المناسبه مع بعض بمعنى
( حصان ، ماعز - جمل ) ( ملعقة - شوكة ) ( سيارة صغيرة - باص ) ( طائرة - قطار )
يفترض هذا التمرين ما ياخذ اكثر من ثلاث اربع دقائق .. وميزته تهيئة الطالب للدرس وتنشيط فكرة وحواسة قبل بداية الدرس
واذكر المشرف اثنى علي كثير وعاتبني على كثرة الصور وطول الوقت لانه استغرق مني سبع دقائق .
...................
بالنسبة للدرس اقترح
تسحبي صور الكتاب بالسكانر وتطبعينها في ورق A4 وتكون كل صورة في ورقة كاملة
1- تعرفي بالعنوان ( الحياة اليومية ) تعرفينها بالصور او بضرب الامثلة ...
2- تستعرضي كل صورة لوحدها وتسئلين البنات ( ايش تشوفون بالصور ) راح تسمعين اجابات مختلفة
بعد خمس ست اجابات انتي جاوبي اجابة صحيحه توصف الصورة بنفس اسلوب الكتاب
استمري على هالنهج لما تخلصي كل الصور ..
ارجعي اكدي على البنات انه هالصور ( وكوني ماسكه الصور بيدك ورافعتها ) انه هالصور تمثل الحياة اليومية
وابدئي اسئلي افضل بنت عندك السؤال اللي موجود بالكتاب :
How often you spend you time ?
ممكن ماتفهم ساعديها بفهم السؤال او ترجمتها حتى ..
استمري بنفس السؤال لبنت مستواها متوسط .. ثم بنت مستواها متدني
وخلي الكشف حاضر وكل مشاركة بدرجة ... بس احرصي الكشف مايعطلك يعني سريع سريع
بعد كذا اطلبي منهم يفتحون الكتاب :
1- اقري عنوان الوحدة عرفي بالوحدة
2- خلي بنت تقراء السؤال الموجود اعلى الصورة واكتبيه على السبوورة
3- امسكي الصورة وحده وحده وخلي كم بنت تقراء التعليق المكتوب على الصورة ..
4- انتقلي للمحادثة واسئلي وش تشوفون في الصورة بجانب المحادثة ..اسئلي وش تتوقعون وضيفة الشخص .. اسئلي وش تتوقعون وضيفته
5- اسئلي المحادثة بين مين ومين ...
6- اقرئي المحادثة بالكامل .. بعدين اطلبي من افضل طالبتين يقرؤن بعدين اطلبي من طالبتين ممستواهم متوسط
بالاخير اعملي مراجعة للدرس مثلا :
1- اطلبي منالبنات يسكرون الكتاب واسئليهم عن معنى كلمة daily life
2- اسئليهم كم سؤال عن الحياة اليومية لهم ..
.................................................. .......
ملاحظات :
1- جميع الدرس بالانجليزي وان كان شرحي هنا بالعربي .
2- حاولي يكون معك ورقة فاضية تسجلي فيها اسم الطالبة النائمة ، الطالبة كثيرة الكلام ، الطالبة الخجولة او الانطوائية .
بحيث انه بعد الحصة تعطينها الموجهه وتقولي هذي ملاحظاتي على الطالبات تفيدني بالحصة الجاية او مع المرشدة الطلابية .
3- حاولي يكون الدرس 70 % من الطالبات وانتي فقط 30 % بمعنى الشغل كله عليهم هم يعرفون الصور هم يتكلمون يستنتجون
اعتذر على الاطالة .. ماعندي خبره لكن تجربة متواضعة في ايام التطبيق وافكار مختلفة اطبقها مع الطلاب بوجود الموجه او بغيابه
ان اصبت فمن الله سبحانه وان اخطأت فمن نفسي والشيطان
بالتوفيق اختي ..
المفضلات