كيف تتصرف مع هذا......؟

**breezemsa** · 26-01-2012, 12:49 AM

رجعت من المدرسه مشي على الاقدام صادفت اولاد صغار يلعبوا بالكره اكبر واحد فيهم عمره يمكن 10 سنوات المهم الي قريب مني رفع صوته وقال لهم وقفوا اللعب البنت حتعدي ........ياقلبي البنت

المهم طبعا انا امشي في الطريق والكل واقف يستنى اعدي لكن فجأه الي معاه الكره صغير يمكن 4 سنوا ت جاء يجري من الشارع الثاني وجايب معاه كره ورماها ...لكن الله ستر ماصابتني ..المسكين صرخوا في وجهه لا ترمي ذحين استنى دقيقه ...........

صراحه كنت حألعب معاهم *_^

هدول الاطفال صغار وعرفوا كيف يحترموا الي حا يمر من الطريق وبالذات اذا كانت بنت ..على كلامهم

لكن الرجل الي يوقف في الطريق وما يتنحى شوي عشان تمري كيف تتصرفي معاه ..( في المستشفى / المراكز ) تضطري انك تتكلمي وتقولي ..لوسمحت ..هذا في حالة ما انتبه

لكن الي انتبه ومازال واقف .......تلطشه بالشنطه ! ولا ارجع الى رجل الامن واكلمه ! ولا اكلم زوجته الي واقفه معاه ؟!
وبعضهم وقح يرد ويقول انا مو واقف في طريقك ؟! بالرغم انه احيانا يكون واقف بجانب الباب الي عرضه متر يعني المسافه الي باقيه كلها 40سم ....كيف حاتمري؟!

المصيبه احيانا يكونوا كبار يعني اعمارهم 30 ومافوق

**شعلة** · 26-01-2012, 02:27 PM

أبقى في مكاني لحد ما يبعد و إذا كنت مستعجلة مرة أطلب منه يبعد و عموما في أغلب الأحوال بمجرد مايشوفوا بنت راح تعدي يبتعدوا من حالهم

**♥√•كـ ♫ ـانت ‏هـنا㋡** · 26-01-2012, 11:33 PM

والله أنا كنت راجعة من المدرسة زمان

واحد من الاولاد كان بيجيب الكورة براسي بس أنا ذكية

انتبهت واتفاديتها بكل بساطة أخذت الكورة ورميتها ببرميل القمامة اللي جنبي ودخلت بيتنا

ثلاث شهور أعدي قدامهم ما أحد اتجرأ يعيد الحركة

والرجال عندنا هنا الهمجية + قللة الذوق احتراف

خخخخخخخخ

والله موضوع رااائع

كل الشكر غاليتي

**نوارة الكون** · 27-01-2012, 05:46 AM

صراحة بيصير معاي اشياء كذا احيانا بس الاولاد الي يلعبون قدام بيتنا كبار بالثانوي او المتوسط يناظرون على الباب الداخل والطالع مايستحون اخواني انزعجوا منهم كثير ماني عارفة الحل واكثر شي في رمضان من بعد الفطرة ال الساعة 2 والعطلة