في العيد ماذا أفعل؟؟؟؟؟؟؟؟؟؟؟؟؟؟؟؟؟؟؟

[amazingmasa]

السلام عليكم

قبل ساعات قليلة كتبت أول مشاركة في حياتي.و الان عندي طلب ( داخلة على طمع بعيد عنكم )
انا أول مره امسك النشاط ... وبصراحه محد طالبني بشيء .. يعني المديرة مقدرة ان مناهج الانجليزي الجديدة يبغالها الواحد ياخد استثنائي عشان يحضرها ويجي السنه اللي بعدها يدرسها... و خاصة منهج ثالث متوسط.....
anyway هذا مو موضوعنا.

الموضوع ان البنات يحزنوني واتمنى افرحهم في اول يوم :D . خاصة ان اغلبهم اوضاعهم الماليه صعبه... وحتى لو كانوا بنات عز برضو ابغى افرحهم يعني اذا ما فرحو في العيد متى يفرحوا؟؟؟؟؟؟؟؟؟؟؟؟؟؟؟

الحلاوه جبتها. بس ابغى أفكار مسابقات و مواضيع للحفله.. اتمنى ما تبخلو عليه بأفكاركم. وشكرا مقدما :o
جعل الله جميع أعمالنا خالصه لوجه.....

[ميس]

ماشاءالله اختي(اقول ورا ماتقصرين اسمك :D )امزززززح
واضح يالغاليه انك نشيطه ومخلصه كمان..
انا يالغاليه محتاسه مثلك فتنظيم حفل اول يوم
لكن معصي ماراح انكد على حالي بسرعه..
اوكي راح افكر في الموضوع..ونطرح خططنا لذاك اليوم..
بس شوي ..لسا ماجاء العيد..
تدرين متى ان شاءالله نبدأ بطرح الافكار..يوم الجمعه 10 -10 :D
امززززززززززح

[سعودي انجلش]

في البداية كل عام وانتي بخير ووفقك الله وزرع في طريقك الفحرة مثل ما فكرتي بزرعها في وجوه طالباتك

بالنسبة اذا أحببتي طرح مسابقة فأجعلي منها مسابقة اما تكون بالأرقام لجميع الطالبات وهذا صعب شويه
أو قومي بعمل اسئلة وأنتقي الطالبات التي يقومن برفع اصابعهن وبذلك تكوني اخترتي من تريدين ان تمنحيه الجائزة بدون زعل الجميع
واذا اردتي تكريم اشخاص معينين فعليك بمسمى أفضل طالبة واحسن طالبة والطالبة المميزة حتى لو اخترتيها على حسب الفصول وليس على جميع المدرسة

هذا رايي والله اعلم

ووفقك الله يا استاذتنا

[أمير الحرف]

مرحبا فيك ومبروك لحاقك بالركب (( المنتدى )) بالنسبة لما تطرقتي اليه من التفكير في عمل مسابقة او غيرها . أذا كان النشاط لديك يمكنك عمل حفل معايده للجميع ويكون هناك برنامج له معد مسبقاً مثل :
1- كلمة للمديرة (( الله يخليها )) ;)
2- كلمة لرائدة النشاط .
3- كلمة لاحدى المعلمات (( بمناسبة العيد ))
4- برنامج حفل مسابقات بين فريق وفريق آخر (( مسابقة مبسطه )) يتخلهها نوعاً من توزيع الابتسامات ومشاركة الطالبات الاخريات (( ويكون هناك جائزة لكل اجابة من الفريق او الجمهور )) جوائز تقديره .
5- توزيع حلوى على الطالبات (( لكن كم العدد لديكم أذا كان كثير الله يعينك )).
6- بوفيه مفتوح (( ;) )) مبسط ومشاركة من الجميع و الهدف تبادل التبريكات بالعيد ودمج الطالبات مع المعلمات في جو اخوى .
7- ينتهي هذا البرناااااااااااااااااااا اااامج بالدعاء من القلب لك بالتوفيق ..,,,,
بورك فيك

[amazingmasa]

[

align=left]اختي ميس شكرا على المرور.

الحمدلله ان في محتاسين مثلي. وانشاء الله نفيد بعض و لو بدعاء في ظهر الغيب. انا عارفه ان الدنيا عيد ولسه بدري على المدرسه بس مشكلتي ان بعد العيد عندي درس نموذجي ( شفتي الهنا اللي انا فيه) الله يعين.
اما بالنسبه لموضوع اسمي فأحب اقولك ان هذا اسمي المختصر اما اسمي بالكامل فهو ( Amazingmasa عبد العال عوف عبد العال..........ولسه باقي اسم ابوي وجدي بعدين تتعرفوا عليهم....هاهاهاها)

.................................................. ....................


استاذنا الكبير سعودي انجلش. شكرا على الكلمات اللي ترفع المعنويات. والف شكر على الافكار المفيده. خاصة فكرة اني انا اختار الطالبه اللي اعطيها الهديه لان البنات الي ناويه اعطيعهم واللي طروفهم صعبة دائما نفسهم عزيزه ( الله يجعلها دايم عزيزه) و الله الوحدة فيهم ما تاخد شئ الابطلعت الروح..فجزاك الله خير

بس لسه طمعانه بكرمك انت و اعضاء المنتدى بمساعدتي بالعاب تناسب طالبات المرحله المتوسطه و الكل يشارك فيها .ولكم من كل الشكر مقدما. وكل سنة وانتم طيبين.

[/center]

[amazingmasa]

شكرا يا أمير الحرف على البرنامج الرائع . حسيت ان الموضوع اسهل منه مافي.

بس ممكن كم فكرة للمسابقات... وجزاك الله كل خير.

[Lancaster]

لا تنسين تشغلين انشودة سمير البشيري اللي في شريط شكراً لكم " صبوا هالقهوة وقولوا............."

[amazingmasa]

عصير ليمون ..... شكرا على الفكره

بس جاتني فكره احلى..... راح اقدم لطالباتي عصير ليمون... be careful

[DR AHLAIN]

AMAZINGMASA


فكرتي قريبة من فكرة أخوي أمير الحرف

كوني رائد النشاط(السابق) للمدرســـــة فقد اقمت مسابقة بعد العيد وسميتها

((مسابقة افضل طبق)) نزلت لها اعلانات بالمدرسة قبل المسابقة بيومين وكتبت شروط المسابقة:مثل

يحق للطاب الاشتراط بأكثر من طبق
الطبق الذي لايحمل اسم لايحق له الدخول بالمسابقة(بس يتم اكلة)<<<رهيب ذا
قمت بتقسيم الأطباق الى اصناف<<<الشيف رمزي(نسى وش تخصصة الأصلي) ههههههه حلى-فطائر-مأكولات شعبية
قمت بتكوين لجان
1-استلام الأطباق وكتابة الأسماء(طبعاً بينسون يكتبون) 2-التقييم(لاتفوتك) وهم اول المتذوقين.3-التنضيم.

طبعا المدرسين والطلاب سوى والطلاب يضيفون المعلمين(خصوصا) الرياضيات والعلوم والأنجليزي

وبالنسبة للوقت اخذنا الدرس ألأول مع الفسحة يعني ساعة وعشر

لكن الطلاب لم ينسوه حتى الآن

طبعاً لأني ابدعت بالنشاط(العام) اعتزلت هالسنة..اخاف مايضبط زي اللي قبلة ههههههههههههههههه

وانتمى لك التوفيق

[amazingmasa]

اهلين DR AHLAIN

شكرا على الفكره الحلوه.

اطن راح اطبقها في عيد الاضحى عشان ناكل لحم( امزح)

كل عام وانت بخير

[ميس]

وجيت زي ماوعدتك ياأغلى ماسه :D

وبقولك ايش جهزت وبصراحه مابديت الاستعداد الا امس الخميس..

اسمعي يالغاليه

الحفل راح يكون عندي في المُصلى..فطبعاً بماأنك انتي المسؤوله عنه..

مااحد يقول الكلمه الترحيبيه غيرك انتبهي تطيعين أمير وتخلين المديره تقولها <<<< بايعتها :D

المهم هي كلمه مختصره تهنئه بس...

ايواااااا طبعاً راح يكون في اصناف حلو...وبالونات وحركات...وهذي سويتها امس ...

انتي اول ماتوصلين الصباح ان شاءالله علقيها بمساعدة البنات..

اتفقت مع الجاليات يجون ويسوون لنا معرض كتب واشرطه... :cool:

كمان اتفقت مع ( ناقشة الحناء ) عشان تصلح لهم حناء

على يد وحده ورسمه خفيفه مره لانه مو وقته بس لزرع البسمه والسرور..

واخيرا اتحايلت على جدتنا اللي في الحاره...............

عشان تجي وتحكي للبنات عن عيد زمان وعملت حسابي البنات يعايدونها ونقدم لها هديه.

والحفل يالغاليه لايخلو من المسابقات وطبعاً انشودة العيد زي ماقالت لانكستر

تمنياتي لك بيوم حافل بالنجاح والتوفيق

وطمنيني

[sokara]

amazingmasa

بارك الله فيك على طرح مثل هذه المواضيع

وربي فتحتو نفسي عالمدرسه بكره

لانو محتاجه أحد يدخل السرور الى قلبي .......> :D لسى ما حسيت بالمسؤليه مثلكم

والا طالباتنا مشاء الله عليهم

والله يكون بعونك انت وميس ومشرفي ومشرفات النشاط .............>والحمد لله بالنسبه ليا لانشاط ولاهم

[ابو رائد]

مين له نفس يسوي حفلة بعد الإجازة

ياساتر