URS
كنت اتساءل عن غيابك :rolleyes:
واثاريك ماشاء الله عليك مشغول بالاسهم الله يزيدك ويزيدنا
صح لسانك ولسان قايلها
ولاتحرمنا من مشاركاتك
ألف : أولف وأول السوق نسبه
نسبة تحت ما عاد تحتاج حسبه
سوق ضربنا فوق عشرين ضربة
والصبر زين إلا بسهم المواشي
والباء : بدينا وأشترينا وبعنا
وياليتنا فيما كسبنا قنعنا
طرنا وتعلينا ولكن وقعنا
والصبر زين إلا بسهم المواشي
والتاء : توقعنا تزيد المكاسب
وقلنا نبي نشرب لذيذ المشارب
لكن ورطنا بين عارض وطالب
والصبر زين إلا بسهم المواشي
والثاء : ثبت عندي بعلم يقيني
اني خسرت وراح ما في يميني
الله على تسديد ديني يعيني
والصبر زين إلا بسهم المواشي
والجيم : جمعنا سهوم كثيرة
ولا درينا أن الدعاوي خطيرة
حتى خسرنا والخسارة كبيرة
والصبر زين إلا بسهم المواشي
والحاء : حسافة يا جماعة فلوسي
حطيتها بأسهم وكسّرت قوسي
صحيح هالدنيا عطتنا الدروسي
والصبر زين إلا بسهم المواشي
والخاء : خلاص اقول توبه ولا أعود
لو كنت بالمكسب موصى وموعود
وهذا قرار ما علي فيه منقود
والصبر زين إلا بسهم المواشي
والدال : دجينا بسهم المواشي
نشريه غالي ثم نبيعه بلاشي
هذا جزاة اللي شرا بالخشاشي
والصبر زين إلا بسهم المواشي
والذال : ذاك اللي تسبب علينا
ويلاه لو انه يطيح بيدينا
من دون ذبحه كلنا ما رضينا
والصبر زين إلا بسهم المواشي
والراء : رمينا رمية دون رامي
وصابت وقلنا حرفنة ياسلامي
السوق طيب لين جانا الصرامي
والصبر زين إلا بسهم المواشي
والزاي : زدنا يوم شفنا المرابح
وقمنا مع العالم نزيد المطابح
ويمكن على بعض السهوم انتذابح
والصبر زين إلا بسهم المواشي
والسين : سوينا بها فاهميني
نشري نقول السوق بكره يزيني
نبغى المكاسب وأثرنا خاسريني
والصبر زين إلا بسهم المواشي
والشين : شاري يومه السوق غالي
ما همني لو زاد فيها ريالي
لا والله الا راح باقي حلالي
والصبر زين إلا بسهم المواشي
والصاد : صدق اللي سهما منول
حول ميه وسبعين واليوم حول
ينزل الى ستين شي يهول
والصبر زين إلا بسهم المواشي
والضاد : ضاربنا بسهم الفنادق
لكن رمونا مثل رمي البنادق
حتى زبنا بالحفر والخنادق
والصبر زين إلا بسهم المواشي
والطاء : طمرنا طمرة دون داعي
نبغى النسب بالباحه أو بالجماعي
واليوم يكفينا حليب المراعي
والصبر زين إلا بسهم المواشي
والظاء : ظلمني من نصحني بتعمير
ويقول لي هذا السهم مكسبه غير
وانا مطبح فيه من دون تفكير
والصبر زين إلا بسهم المواشي
والعين : عيوا يرفعون المؤشر
يمكن سياسة سوق لازم يخسر
كم واحد من ذا المؤشر مدمر
والصبر زين إلا بسهم المواشي
والغين : غيّر يالمحافظ وبدل
موضوعنا حله وبالسوق عدل
نظامكم ما هو كتاب منزل
والصبر زين إلا بسهم المواشي
والفاء : فتيحي مشترينه بطمعه
لكن جانا منه عشرين قمعه
ما اظن يستاهل حسابه وجمعه
والصبر زين إلا بسهم المواشي
والقاف : قالوا بكره السوق يرتد
والوضع اشوفه كل يوم يتعقد
مقرود يامن طاع شور المقرد
والصبر زين إلا بسهم المواشي
والكاف : كافي يا وزير التجارة
خمسين بالميه علينا خساره
ان كان تفهم في فنون الاداره
والصبر زين إلا بسهم المواشي
واللام : لبنى يوم أغارت بلا خيل
خذت بسطوتها سهوم الرجاجيل
وخلت مدامعهم تبل المناديل
والصبر زين إلا بسهم المواشي
والميم : ما تنفع سهوم العوايد
خسرانة وما عاد فيها فوايد
الفايده بالكاش لا صار زايد
والصبر زين إلا بسهم المواشي
والنون : نادوا من يعرف السلومي
وقولوا توجه يم شيخ القرومي
يحلها لا صار وقت اللزومي
والصبر زين إلا بسهم المواشي
والهاء : هروج كل يوم تعادي
كل يسوي فاهم ٍ واقتصادي
ياطيبكم عند العشاء والمنادي
والصبر زين إلا بسهم المواشي
والواو : وهقنا المسمى ابراهيم
يقول انا بقلب جميع المفاهيم
ياعزتيله علقوه الشغاميم
والصبر زين إلا بسهم المواشي
والياء : ياربي طالبك ترحم الناس
وان تنتقم يارب من فعل الأنجاس
ولا باس ياللي صابه الهم لا باس
والصبر زين إلا بسهم المواشي ..!!
منقول
[move=right]A New Day Has Come[/move]
URS
كنت اتساءل عن غيابك :rolleyes:
واثاريك ماشاء الله عليك مشغول بالاسهم الله يزيدك ويزيدنا
صح لسانك ولسان قايلها
ولاتحرمنا من مشاركاتك
على قدر أهل العزم تأتي العزائم
وتأتي على قدر الكريم الكرائـم
;;;
وتكبر في عين الصغير صغارها
وتصغر في عين العظيم العظائم
;;;
السلام عليكم ورحمة الله وبركاته وكل عام وانتم بالف خير. لقد افتقدنا منتدنا المميز منذ زمن ويارب يكونوا جميع من في المنتدى من اعضاء ومشرفين ومراقبين واصحاب الموقع بصحة وعافية.
ابولمى اسعدني ردك وانت مشرف :eek: :D
[move=right]A New Day Has Come[/move]
والله ياخوي المواشي هالحين ماعليه....بس يخوف.... صادق والله
يعطيك العافيه والحمدلله على سلامتك
يسلمووووووووووووووووووووو ا
الله يعطيك العافيه ..........
هههههههههههههههههههه
هذا واحد من الحره قام يالف
كل على همه سرى وانا على همي سريت
سبحان كل واحد لاهي بالدنيا بالشغله اللي يحبها
لو الموووووت مادخلت اسهم :)
السلام عليكم ورحمة الله وبركاته
لقد اسعدني وشرفني كثيرا مروركم من مراقب ومشرفين ولكم الف تحيه.
اختي زهرة وفى نقلت القصيده لانها تتكلم عن موضوع الساحه السعوديه والكل صار شغال بالاسهم. نقلها للدعابه فقط :cool:
تقبلوا تحياتي
[move=right]A New Day Has Come[/move]
المفضلات