مقارنه بين اطفال الاجانب..و بزاريننا المحترمين ...!!!

**Mr.X** · 15-11-2005, 04:50 PM

في الصباح حيث يبداء يوم اطفال الاجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىىىى

بوسه ياخذها منهم ويفطر ذاك الفطور طبعا عباره عن كورن فليكس

ابو ديك وبيضه وحده بس!! وكاس عصير وشويت زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسياره يلقى قدامه

السواق مبتسم ويفتح له الباب ويوديه لمدرسته الخاصه

ورعانا المحترمين

ورعانا يقوم الصبح بعد ما يطلع عين اهله ولازم افراد العائله تمر عليه

عشان تصحيه وكل واحد وطريقته:

الاب:قم جعلك الهزل

الأم:قم جعلك الجدري الأخ: والله اذا ما تقوم لافقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها

للمدرسه

بعد ما يقوم يمر الحمام على السريع ويغسل وجه

وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ

انهم ما حطوه؟؟

بعد ما يجي الفطور وهو كالعاده : فول شكشوكه تميس + حليب

يبدأ الورع بالأكل وشوي الا وهو حاذف أخوه بعلبة الهندسه؟؟؟

عشانه سحب صحن الفول من عنده<مسكين ما يطوله> وشوي الا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه

يرد الورع عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه

أطفال الناس الاجانب

2- بعد المدرسه يرجع اطفال الاجانب ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعه في أنتظار افراد العائله عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعه قبل العصر.

ورعاااانا المحترمين

اما الورع منهم يجي من المدرسه وثوبه قالب لونه بني< تقول جدار مدرسه >>

ولا دخل البيت رمى الشنطه بالصاله وفصخ ثوبه

ووينك يالشارع < اخوياه يحترونه>> وهاتك ياللعب

كوره بذا القايله وعادي الشارع مولع من الحراره وهم عادي مررره

ولا كأنه فيه شيء واهله ما يدرون ؟؟

في هذه الأثناء يرسل ابوه كتيبه من اخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس < والله ما أحد لمسه النصاب>>

المهم يحطون الغداء < معروف كبسة لحم
غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعه فاتح فمه

يحتري من يوديه يغسل له يديه!!!!!!!!!؟؟؟؟؟؟؟

أطفال الناس الاجانب

3- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني الى وقت ما بين المغرب والعشاء.

بعدها تطلبه امه مع بقية أخوانه عشان يجتمعون ويشربون العصير

ويسولفون سواليف

ورعاااانا المحترمين

يجي وقت العصر وهو نايم < مفعول اللبن >> يقوم قبل المغرب

وياخذ دروسه وواجباته < وأقلامه ناسيها في درج الطاوله اللي بالمدرسه>>

ويروح عند أخته ويتحايل عليها بكل ما أوتي من قوه على شان تحل له

الواجبات واذا قالت لا يا ويلها يا سواد ليلها .

بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت < على الساعه 11 تقريبا >> تلقى راسه مفلق من

جميع الاتجاهات والشرطه تدوره وجارهم مسوي أعلان عليه مطلوب

حي أو ميت!! وخذلك عاد < مساكين اهله >>

أطفال الناس االاجانب

4- أطفال الاجانب بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه < الساعه 10 تقريبا >>

بعدها يغير ملابسه وتجي المربيه وتحكي له قصه اللين ينام تغطيه وتطفي النور.

ورعاااانا المحترمين

لا رجع البيت< الساعه 11>> ما يدخل مع الباب لا ينط من

فوق السور على شان ابوه ما يمسكه .

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه.

وفي أثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>
وخبز ويرجع لووووووووووكره<اسف غرفته>

ويقفل باب الصندقه <اكرر أعتذاري الغرفه>> ويتعشى من ذا الجبن والخبز

اللين يدوخ <على الساعه 3>> لا وأزيدكم من الشعر بيت ما ينام

الا وهو متلطم!!!؟؟؟ < على باله مراقب >>

أخوكم : Mr.X

**الغاليه** · 15-11-2005, 04:59 PM

ههههههههههههههههههههههههه هههههههههههههههه

هههههههههههههههههههههههها ااااااااااااااااااااااااا ااااااااااااااااااااي

خخخخخخخخخخخخخخخخخخخخخخخخخ خخخخخخخخخخخخخخخخخخخخ

آآآآآآآآآآآآآآآآخ بطني عورني من الضحك.......

الله يرجك يامستر اكس...

صراااااحه موضوعك حفله.....تحفه....فلة حجاج>>>>ماتلاحظ حرف الفاء راز وجهه بكل كلمه؟؟؟ :D

يااااحظي أنا أول من قراه ورد عليه....

تسلم اخوي على هالرجه...قصدي الموضوع...

ننتظر جديدك.....وتحفك

**ام ماجدولين** · 16-11-2005, 02:56 AM

روووووووووووووووووووووووو عه ...والله هذي المواضيع ولا بلا ...........

زيدنا ...... الله يزيدك .من فضله ................بصراحة .........جنااااااان

**LORA** · 16-11-2005, 03:08 AM

بصراحه هبال مصفي
ومشكور على هالنقل التحفه.لاتحرمنا من جديدك

**بسكوته** · 16-11-2005, 03:15 AM

ههههههههههههههههههههههههه هاااي

ههههههههههههههههههههههههه ههههههههههههههههه

من جد على قولة الغاليه تحفــــــــــــــــــة خخخخخخخخخخخخخخخ وربي ورعانا على قولك فشله :)

الله يرجهم هههههههههه

يسلمووووووووووووووووو مستر اكس على خفة دمك ومواضيعك التحفه :)

**Mr.X** · 16-11-2005, 06:00 AM

الغالية

أم ماجدولين

لورا

بسكوتة

شكرا لكم انتم ......لمروركم......وردكم الرائع

وأن شاء الله ماتاخذون حصة أنتظار اليوم

أخوكم :Mr.X

**smasm** · 16-11-2005, 03:30 PM

ههههههههههههههههههههههههه ههههههه
ههههههههههههههههههههههههه ه
روووووووووووووووووووووووو عه ... .... MR.X

والله بزاريننا يفشلون .... من جد مسلسل مكسيكي

يسلمواااااااااااااااااااا ااااااااااااااااااااااااا ااا

**Mr.X** · 17-11-2005, 09:11 PM

الله يسلمك......

وألف مبروك الأشراف

**الهمة العالية** · 17-11-2005, 09:41 PM

صدقت والله
واحنا بس للفرجة في اي مكان
يالله اهم شي حسن النية ههههههههه وش دخلها في السالفة
يعطيك العافية

**ORCHIDA** · 17-11-2005, 11:05 PM

خخخخخخخخخخخخخخخ

نسيت حاجه يا مستر اكس..... اذا قيّل ابوه سرق مفتاح السياره و لا يرجع الا بعد ما يكسرها و يغير ملامحها

صح ؟؟!!

**محمد أبو سعيد** · 18-11-2005, 01:22 AM

السلام عليكم و رحمة الله و بركاته

لا فض فوك Mr.X
للأسف هذا هو الوضع الحقيقي لبزارينا وهذه نصيخة أبوية مني
*في حاله غضب الطفل بدل ماأتهدده و تتوعده باحد اصابع يديك امسح على راسه بكافة اصابع يديك لتمتص غضبه .
* لا تفكر و لو مجرد التفكير بان تصفعه على خذه لانك بذلك تنزع عنه ثقته بنفسه بسب ما تسبب له الصفعه من اهانه.

**berry** · 18-11-2005, 02:05 AM

روووووووووووووووووووووووو عه ... .... Mr.x
الله يعطيك العافية

**DR AHLAIN** · 18-11-2005, 09:46 AM

ههههههههههههههههههههههههه ههههههههههههه

حلووووووووووووووووووووه

سلمت لنا أخوي Mr.X ....ننتظر المزيد

**ACME** · 13-02-2010, 02:29 PM

ههههههههههههههههههههههههه ههههههههههههههه

روووووووووووووووووووووووو ووووووووووووووووووووووووو عه

من جد واقع مرررررررررررررررررررررررر ررررررررررر

.

**جاكوار2** · 13-02-2010, 02:33 PM

ههههههههههههههههههههههههه ه

**الدلوعه** · 13-02-2010, 03:02 PM

هههههههههههههههه
يسمنووو على المضوع الرائع

**جـــــودي** · 13-02-2010, 09:37 PM

ليش ليش هالمقارنه

اللي تطلع الفضايح

وتعور القلب

وتحطم الشعوووورررر !!

تشكرااااتـ يامستر

**bigevil** · 13-02-2010, 10:34 PM

ههههههههههههههههههههههههه هههههههههههه

الله يرجك وربي ضحكت من قلبي الين انكتمت هههههههههه ااه يا قلبي

بس والله من جد كلامك .. انا طبعا مو متزوج بس اشوف اولاد اخواتى عندنا بالبيت واشوف الخنبقه حقتهم .. واحد منهم انا مسكته الساعه 11 ناط من فوق الجدار .. قلتله ليش يا حبيبي وش مسوي من طعه يا عدو نفسك .. قال .. يا خالي بس حبيت ما ازعجكم .. انا صراحه بغيت ابكي من ادب الولد وحسن اخلاقه ... ما يبي يزعجنا .. ولما طلعت اكتشفت ان المجرم سارق سيارة ابوه .. والله يا انا احتفلت فيه احتفال ووريته الاخلاق الزايده ههههههههههههههه

**Mr.X** · 14-02-2010, 01:20 PM

ههههههههههه

الله يعطيكم العافية جميع ...

هالموضوع من عام 2005 ..!!!

أخوي sirhasan من دون قصد رفعه ...و طلع المستخبي

تسلمون على الردود

والضحكة دوم يا رب....

**ريحانة الفردوس.** · 14-02-2010, 01:54 PM

ههههههههههههههههههههههههه ه
والله رووووووووووووووعه

**ܟjust E** · 14-02-2010, 06:56 PM

ههههههههههههههههههههههههه ههههه

أبــــدآآ مــآآفي وجـهـ مقــآآآرنهـ ...

تشكـــرآآت مستـــــــــر ..

**دمعات حزينة** · 14-02-2010, 08:13 PM

والله روووووووووووووووووووووووو ووووووعه
الله يسعدك يارب ادخلت السرور على قلبي

**Lancaster** · 14-02-2010, 09:59 PM

ههههههههههههههههههههههههه ههههههههههههههههههههههههه

لكن انا شفت افلام لين دخت قلييييييييل اشوف مربية

وماشاء الله عيالكم يروحون الصبح مفطرين

عيالنا يقومون قبل الجرس بشوي والفطور محذوف من القائمة

يسلمو على هالموزوع

**The tolerant** · 14-02-2010, 11:29 PM

يالله موضوع قديم بس والله انه يفطس من الضحك
يا حليلنا احنا بس والله ايام حلوه وحنيه على الرغم من كل هذا
الله يسعدك يا مستر على قول دمعات ادخلت السرور علينا