تكفووون ساعدوني بمهاره 3 و29 قبل اعطي الدرس

[الجاذبية]

السلام عليكم ورحمة الله وبركاته .................
أولاً: أشكر الجميع على جهودهم المبذوله في هذا المنتدى ، وبصراحه استفدت منكم الكثير
أسأل الله أن يجعل ما تقومون به في موازين حسناتكم.
وبصراحه أنا تو متعاقده وما أعرف شيء بالمهارات . وجتني الموجهه وشرحت لي شيء بسيط ،وقالت لي انو المهاره رقم 29 المضارع البسيط لها درس وانا جالسه ادور عليها وما ادري احس انهم من اول اخذوها بس اراجعها ما ادري اذا أحد يقدر يوضح لي اي درس المهاره اكون شاكره لكم
وكمان المهاره رقم 3 ....تكفوووووووووووون قبل لا أعطي الدرس

[لامووو]

عليكم السلام والرحمه . . .

بالنسبه للمهاره 29 هي تقريبآ نفس مهارة الفتره الثالثه 27 ...... حاولي تعطيها بتمارين مختلفه أو راجعيها فقط . أما 3 خلي الطالبات يتكلموا عن أنفسهم مثل : الأسم , العمر ....... الخ (جمل بسيطه) My name is Lama . I am 12years old .I am a schoolgirl and i am from Saudi Arabia .

أتمنى أكون أفدتك بشي وبالتوفيق يالغلااا

[الجاذبية]

لاموووووو
الله يسعدك ويوفقك ياااارب مشكوووووره يا الغلااااا
تحياااتي لك

[مـلاك]

الجاذبيه شكلك مثلي تعاقدوا معي اليوم وعطوني سادس
وماادري وين انا فيه لا مهارات ولا غيره مو فاهمه شيء
ولا جتني موجهه ولا حتى مديرة المدرسه ولا المعلمه السابقه راضيه ترد على جوالها
>> لوتشوفوني وانا اشرح لهم تقولون تشرح لثالث ثانوي خخخخ
ودي اقول ساعدوني بس اخاف اثقل عليكم لاني مو فاهمه شيء ابد

[نوافي]

[لامووو]

الجاذبيه يسلموووو دلبووووو . . أختي ملاك تدللي واذا أقدر أفيدك ماراح أقصر

[مـلاك]

أختي ملاك تدللي واذا أقدر أفيدك ماراح أقصر

الله يسلمك ياارب ويخليك

الظاهر اني ماتركت موضوع إلا كتبت فيه خخخ اني مو فاهمه شيء

ابي الله يجزااك كل خير تقولين لي وشلون اقيهم بعد كل درس ؟؟؟ او كل مجموعه دروس مع بعض ؟؟

وايش سالفة المذكره اللي تكون معهم ؟؟ هل التقييم يكون من خلالها فقط او اقيهم من اوراق عمل ؟؟؟

وايش الأرقام 1 -2 -3 -4 -5 ؟؟ وش تعني ؟؟ وايش اكتب قدام كل مهاره عند اسم الطالبه ؟؟؟


ادري والله ثقلت عليك ياسئلتي بس والله مو فاهمه شيء بقراطيسي والموجهه اخذه اجازه

والمعلمه السابقه ماترد على جوالها


الله يعطيك من الخير حتى يُرضيك ويرضى عليك

[الجاذبية]

أختي ملاك
من جد اانا محتاسه بس والله الأعضاء هنا مره متعاونين و بإذن الله راح يفيدونك .
وشكلي ان كثرتها ماراح يعطوني فيس .ههههههههه

[بحر الامل]

انا مثلكم كنت محتااااسة لكن بفضل الله ثم بفضل الاعضاء مشيت صح وافضل من معلمات المدارس الباقية

الله يسعدهم ويوفقهم لما يحبه الله ويرضاه
ويجعله في موازين حسناتهم

[الجاذبية]

أختي لامووو او اي احد يقدر يساعدني " انا اختبرت البنات مهاره 21 وهي اجابة الأسئله الموجهه
كتابيا وكانت * ما اسمك* ماهي الدوله طبعا حطيت لهم علم السعوديه*وشكل فم* وكمان كره فوق كرسي واسأل اين هي *
والسؤال الثاني اختياري والأغلبيه حلته .
لمن جيت اصحح تعبت كاتبين الاجابات بس
*الاملاء خطاء
*كاتبين على طول الاجابه يعني مو كاتبين it is،او my name،مع اني حاطه خط تحتهم وبس يعكسوا@@ وكمان فيه بنات كاتبين أسمائهم بالعربي .
والحين مو عارفه أحاسبهم كيف ؟
أعتذر على الاطاله وأنتظر مساعدتكم .

[لامووو]

معليش اختي ملاك طولت بس توي شفت المسج .... بالنسبه لي اقيمهم بعد مجموعة دروس عن طريق اوراق عمل أو امتحانات دوريه انا اسويها واذا اتقنت الطالبه المهاره احط صح بجنب اسمها تحت المهاره المطلوبه واذا مااتقنت احط اكس واعيد تقييمها اكثر من مره وبالنسبه للأرقام هاذي ارقام المهارات بالكمبيوتر ,,,, بانتظار اي استفسار


اختي الجاذبيه الله يعينك شكل طالباتك يبيلهم حصص اضافيه .... بالنسبه للمهاره اللي ذكرتيها لازم الطالبه تجيب اجابه كامله , حاولي تراجعي معهم

بالتوفيق وانتظر أخبارك