سجل دخولك ببيت شعر

**dove** · 15-02-2006, 12:02 AM

ياضيقـة النفـس يكفـي لاتبكينـي
روفي بحال المعنا وارحمـي حالـي

وش لك بصاف الدموع وش لك بعيني
حتى تخليـن دمـع العيـن همالـي

انخاك في واجـب الاجـواد تكفينـي
تكفيـن مالـك بتعذيبـي وغربالـي

**بانا** · 15-02-2006, 01:34 AM

لا تشتكي من جور اليام للناس
ادفن همومك في ثرى الصمت كله

اسرار عمرك خلها تحت الأنفاس
لصار هراج القفا فاطنله

هذاك يفرح لا لمس جرح الإحساس
وهذا يباهي لا لقى فيك علة

تعيش بالوجدان ماعاش هالراس
لولاك قلي ويش انا عايشٍ له

لازانت الأيام ياشوق لاباس
ولاَّ صبرنا لين ربك يحله

**Prime Rose** · 15-02-2006, 07:50 AM

لا لا لاتضايقونه (برومه) لاتضايقونه

لا لا خلوه يجني من حياته ثمرها

: (

وووبس

**Abo Lama** · 15-02-2006, 12:19 PM

اغلى منتدى واغلى اعضاء

يسعد ايامكم ولياليكم ولانعدم تواجدكم الحي..

حب جديد .. وقصيدة عشق مجنونه
الله يحييك ياحب لفا توه

حب لكله .. وحبٍ بس لعيونه
حبين باقصي خفوقي بس له هوه

ايه انصتي ياشجون الروح ممنونه
جاني رقيق المشاعر ناوي الخوه

جاني حبيبي وعمري فرحة غصونه
ربيعها يوم سال السيل من نوه

يوم انهمر لي حنانه باعذب لحونه
قلت الله الله صفا جوي على جوه

والله ل..احبه ولو حظي وقف دونه
مافيه قوه تصد الحب بالقوه

بس انتظر يازمن لين اعلن المونه
ومن بعدها اللي تسوي يازمن سوه

مساعد الرشيدي

**Prime Rose** · 15-02-2006, 02:31 PM

ما يقول الشعر من باله خلي

من نساه الهم لا يطري القصيد

ما كتبت الشعر قصدي تزعلي

وان فرحتي فيه ما اقصد اكيد

حس يشعرني وضيقه تنجلي

ودار تسكني وانا عنها بعيد

واوصف العلا لعاشق مبتلي

لاكساه الليل يلقابي عضيد

لالفوك الغيد عني اسألي

تجري حروفي بهم مجرى الوريد

من هواك هذاك وفلان وعلي

الوكاد انه عن اشعاري بعيد

: (

**dove** · 15-02-2006, 06:17 PM

غرورك كان لبنة ساس دارك

...... وكبرك صار نبراس الاسيـه

طموحك فاق تصوير اعتبارك

..... وحلمك جاوز أبعاده شويـه

كسرت القيد في كفة حصارك

...... وضميتك أمل مالـه هويـه

**بانا** · 15-02-2006, 08:27 PM

من عاش مثلي ما عرف من يخاوي
يمكن يهيم العمر من دون مراسـاه
لا من وفـا يلقـى بوفـاه البـلاوي
ولامن ضحك من ضحكته تبكي الاه
يصيـر موتـه والحيـاه متسـاوي
من حسرته يقطـع يمينـه بيسـراه
مثل المريض اللي ذبحـه المـداوي
والا الذي اعمـى نضيـره بيمنـاه
هذا الزمن من منبت الطيب خـاوي
نبع الوفا والطيب قد جف مـن مـاه
الذيب لا منه قنـب قيـل "عـاوي"
يعوي له الثاني علـى قـد ماجـاه
هذا الزمن في ناضري مـا يسـاوي
و عزالله اخير مـن ملاقـاه فرقـاه
جاك العدو فصورة الشهـم ضـاوي
والخنجر فيده لعنبـو كيـف اخفـاه
ومن عاش مثلي ما عرف من يخاوي
يمكن بيضحك بس فـي ضحكتـه اه

**الهمة العالية** · 16-02-2006, 04:02 AM

[COLOR="Red"][/COLOR]دام هالدنيا تخونك .. تلهمك وتلهـب شعورك
وينتهي هالحلم دونك
حلم بايت في عيونك .. ينتظر يخطفه نورك
دام .. هو .. حي ما مات بـعـــيـونك
الخيانه والغدر ماهي بلونك .. والسوالف شارده من دون شورك
هيه .. هونك .. قلبي مايـخونك
عيني تشوف هالعالم عيونك .. فـرحتي طفـــلة سرورك
آه .. ياقلبي رجيتك .. لاتحطمني ضنونك
عقلي .. وقلبي .. وروحي .. يبونك .. وعمري وشاطي بحورك
لا .. تـسمــيني جـنونــك
الدموع اللي تخفيها جفونك .. هاربـه من فـوق سورك
وانا .. مرتاح .. بسجونك
ما هربت مايخوفني جنونك .. ابعدي عني غـرورك
لا تخليني .. اخونـك !

**Abo Lama** · 16-02-2006, 04:03 AM

ياهلا بأخت القصايد كثير شوقي ياهلا

اقلطي بين الحنايا وافهقي جمر الولـه
&&&
كل ضلعٍ من ضلوعي حافظٍ درس الولا

مثل حفظك للعفاف وللشرف يا مدهلـه

...........................................
...............

**dove** · 16-02-2006, 09:21 AM

الله مـن قلــبٍ علـيــلٍ ومشتـــــاق من كثـر شوقــه صابــه ألفيـن علّـه
عيـن الشقــا تـذرف الدمـع ماراق واعــزّاه يــادمــعٍ عيــونــي تهلّــــه
قلبــي عليــكم ياهــوى البال خفّاق الأمــر بيــدك حُـــر وتـقــدر تــذلّـه
ألطف بحالي واترك الحب ينساق أرجوك سيف الغــدر إحرص تسلّـه
أعـطــيك أنـا للحــب عهد وميثاق ماني من اللي يكشــف أسـرار خلّـه
ولانــي من اللي للمحــبين سـرّاق واحفــظ مقــام الحــب عن كـل زلّـه
هذي مشاعر سقتها فوق الأوراق مع هاجــســك أســـري الليــل كلّـــه

**بانا** · 17-02-2006, 04:37 AM

المرايا ..
صدق يطعن ..
في نوايانا الدفينة
طعن صادق ..
يفضح الزيف وسنينة
المرايا والله العالم .. هي أصدق شي ..
في عالم كذوب
في زمن مظلم وظالم .. ماتلاقي ضي ..
ينبض بقلب الدروب
المرايا ..
عشق ساكن داخل قلوب الكثير من الصبايا

إلا نورة ..
بنت غاية في الجمال ..حسنها ياخذك من يمناك ..
لحدود الخيال
يوم نادت أمّها وبصوت عالي :
( يمّة .. يمّة بسرعة تعالي ) ..
لمّا جتها أمّها ..
قالت : علامك ؟
نورة قالت :
يمّة أرجوك بقيامك ..
إبعدي هذي المراية..
ابعديها ..
وإلا أقلّك ..
يمّة تكفين اكسريها ..
ما أبيها .. ما أبيها ..
ولو سألتوا ..
ليه هي قالت كذا .. وإيش العلاقة ؟
قلت شوفوا ..
ماقدر أخبّي لذا .. نورة (معاقة) !
*******
شلل نصفي ..
سرق منها طفولتها ..
سرق حتى ابتسامتها ..
تشرّب جسمها الطاهر على غفلة
ولا قدّر برائتها وهي طفلة
حواليها كثير أطفال ..
بنات العم .. والجيران ..
عيال الخال ..
تراقبهم .. تتابعهم
تشوف (أحمد) وهو يسحب شعر (سلمى)
و(علي) يلحق (مها) وبيده مسدس ما
و(خالد) قاعد يحاور (حسام) ..
بعلبة البيبسي
ويكسر ظهر هالمشهد ..
حزن (نورة) وهي تبكي على الكرسي
تحاول قد ماتقدر ..
لجل تخفي مدامعها
وثار الدمع واتحدر ..
وبدت رعشة باصابعها
تزم إيدينها لكن ..
يديها ماتطاوعها
****
وتكبر نورة ويكبر ..
معاها الهم
ويجري حزنها الأقشر ..
بمجرى الدم
وياصل عمرها العشرين ..
وفي هالعشرين ..
تغيّر كل شي فيها ..
ملامحها .. - مع إن الحزن ماسحها -
أمانيها .. - ولو ماعاد تعنيها –
سوالفها .. – بعد مالهم والفها -
في هالعشرين ..
على نفس الألم تصبح ..
وعلى نفس القهر تمسي ..
على الكرسي .. !!
في هالعشرين ..
أبد ماتابعت موضة ..
ولاتعرف (جيفينشي) .. أو (كريستيان ديور)
أو (فيرساتشي) وعروضة
ولا مكياج وإكسسوار ..
وحتى عطور ..
تضج .. تثور
إذا قالوا لها ..
(نورة .. شرينا لك عطر ..
شوفي بعد فستان ..
يانورة إلبسيه ألحين ..
ترا بيطلع عليك جنان ..
بسرعة بس لاتبطين)
تجاوبهم :
(بسرعة ! ..
بسرعة ليه ؟
وإلا لمين ؟
وهو من كثرة العرسان ! )
تقاطعها أمها :
(نورة ..
وش تقولين !! )
ترد نورة :
(( يبه .. يمّه ..
كفاية وإسمعوني زين ..
أنا عمري ترا عشرين
ترا ما عادني طفلة ..
ياناس المسألة سهلة ..
مثل ما (1) و(1) يساوي (2)
معاقة .. خير ! ماتفرق ..
- وفي هاللحظة ..
بدت لحية أبونورة ..
تلم الدمع من عينه ..
وبدت تغرق !-
يبه .. يمّه
أنا مليت من روحي ..
نعم مليت
تعبت أداري جروحي ..
وياما أخطيت
خطاي إني تصنّعت السعادة ..
لجل خاطركم
لجل ماتـنجرح فيكم ..
مدامعكم
يبه تدري ؟ ..
كنت أتمنى من صغري ..
وهذي أمنية عمري ..
وإلا ألحين هي منوه
تمنيت أحضنك بالليل ..
إلا من جيت من شغلك
أبوسك فوق راسك حيل ..
وأفك الجزمة عن رجلك
أروح أجيبلك قهوه ..
وأجيك أجري
وحتى إنتي يا أمّي ..
لو تدرين كم عانيت ..
كم أتمنيت ..
أخفف عنك شغل البيت
مثل ما ( نجوى) ..
تساعد مرت عمّي
يبه .. يمّه
تراني ضقت
وربي ضقت من نفسي
ياربي شقد طفشانة ..
وتبغوني بعد ألبس !!
ألبس من علشانة ؟
أبد لاتصدقون إني ..
أبتزوّج وأجيب عيال
والله عال !!!
من إللي في الزمن هذا ..
بيرضى أكون له زوجة ؟؟
ويتزوّج معي كرسي !!
يبه إنسى ..
وحتى إنتي دخيل الله يايمّه ..
بعد إنسي ))
وهذي سالفة نورة ..
ياهي بنت مقهورة ..
مضى من عمرها عشرين ..
وهي باقي على هالحال
حكايتها إنتهت ألحين ..
وخلّت داخلي ثورة ..
وأنا ما بيهدالي بال ..
إلين أعرف ..
من إللي بوقـتـنا رجّال ..
ويتزوّج مثل نورة ؟؟قصيــدهـ للشــااعــر:محمــد عويضــــــه
اسم القصيـــــــدهـ:سالفـــــ� � نــــــــــــوورهـ

**Abo Lama** · 19-02-2006, 06:50 AM

تضحك وينبت في كفوفي نواوير
تغضي وتسقيهن سوالف سفرها

انا انبهرت بجد ، لااسمع ولا اشير
ومن شاف ماشافت عيوني عذرها

ذا شي غير الناس ياهل الهوى غير
حسن الوحدة لوتعرت سترها

خلاص يادرب الهواوي معاذير
هذي هي اللي كنت يوم انتظرها

طشن بنات افكارها طشت اعاصير
وجتني ينثر ريح شعري شعرها

وقفت مثل ظبي سمع رمي ومذير
تجمع من كفوف المتاهة ذعرها

جنون والله ماتخيلته يصير
ينحر قهر كل الحواجز نحرها

فيها براءة فوق كل المعايير
الكون كله لو بغا ماختصرها

سليمان المانع

**DR AHLAIN** · 19-02-2006, 08:36 PM

صـرت مصـدر عــذاب وصـرت مصدر هنــا

فــي عيــوني فــرقت وفــي فــوادي افتـرقــت

صــرت تملــك زمــام الحــب نحــوي وانـــا

مملــك الا اعتـــرافي لــك بانــي عشقـــــت

وســط صـدرك سنــا وبوسط صـدري سنـا

جيــت ابطفـي سنــا صـدرك وفيــك احترقــت

يـــوم سا بــح نباتــك من عيونــي دنــــا

واحتضـــن ناظــري نــور الجمــال وشرقــــت

صــار ما غيــرك احــد بحـــي روحــي بنــا

قلـــت ياوقتـــي انت اللي كنـــت وسرقــــت

صــرت احـــس ان ما فوق البسيطـــه لـنا

يــوم انا في بحـــر سوادك غرقـــت وغرقــــت

**جروح صامتة** · 20-02-2006, 12:09 AM

أنــــــــا الـــــذي نظـــــــــــر الأعمــــــــى إلى أدبـــــي
وأسمعــــــت كلماتي مـــــــن به صمـم

**لامــــارا** · 20-02-2006, 12:53 AM

الله يرحم ماضي الوقت وياك....
كان الوله زايد بقلبك عشاني..
واليوم مدري (( ياهوى البال))
وش جاكـ؟
مات الوله في داخلك او نساني..؟
حسبي على اللي غرك اليوم واغواك...
هذا جزا حبـــــــي وشوقــــــــي وحنــــــاني.......؟

**LORA** · 20-02-2006, 03:56 AM

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

بدر بن عبدالمحسن

**Abo Lama** · 21-02-2006, 10:57 AM

صح السنتكم جميعا ولاعدمناكم

الجادل اللي قسمها .. طبعٍ عفيف .. وحكي ذرب
تقـود ترفـات الصبايـا .. والشمـوخ يقودهـا

واللي لها بين الحنايا .. والضلـوع العـوج درب
تسهجه بجنود الغلا .. يـوم الجنـود اجنودهـا

من غيّها .. لو صوروها والقمر .. جنب ٍ لجنـب
من زينها مدري تزوده زين ... مـدري يزودهـا

ومن غيّها .. لو مرّت اغصونٍ .. سواقيها تصب
تخضع لها خضر الغصون .. وتنحنـي بورودهـا

ومن غيّها .. لو هي على درب المسبه .. ماتسب
مثل الفضيله .. في النفوس اللي ترب اسجودهـا

حبيبتي .. والحب لولا الوصل .. ماسمـوه حـب
جودي بوصلش .. والعرب تجود مـن ماجودهـا

في كل شي ٍ طب .. لكـن الجفـا مافيـه طـب
مصيبـة ٍ ماكـل عاشـق قـدّهـا واقـدودهـا

أنبّ دارش .. وارجع لدراي .. ولا قضيت نـبّ
ياشجرة ٍ ماجف ساقيهـا .. وذاو ٍ عودهـا ..!!

مسفر ال كحله

**Prime Rose** · 21-02-2006, 07:05 PM

من إليك بسطت كف رجائي

ورفعت آمالي بصدق دعائي

يا من ألوذ بباب عزك دائماً

أبداً مع السراء و الضراء

غوثاه أني مستجير ضارع

وبعلة الأوزار أزمن دائي

أبكي بكاء الخائف الوجل الذي

سئم الوجود و هل يفيد بكائي

أغفر بفضلك ما جنيت و داوني

بعناية يا أرحم الرحماء

**صهيل الأصايل** · 21-02-2006, 07:27 PM

بينى وبين الصمت عشره من السنين ... واخاف اخون الصمت لا من تكلمت
بعض الحكى يوجع ولو كان حرفين ... وش ينفع لا من حكيت وتندمت

**صهيل الأصايل** · 22-02-2006, 12:22 PM

مسكيــن ياللـي كـل عـذرا تغـــرّك
لا تحسب إن البيض واحد بالأشكال
ولا تحســب الأطبــاع كـله تســـرّك
ولا تحسب قياس العـذارى بالأزوال
واحذر من اصــوات العـذارى تجـرّك
ثم اعتبر يالذيب فـي سـرد الأقـوال
كـم واحــد(ن) مع زول عذرا تحــرّك
يطــرد عــيون(ن) بالبراقع لهـا حال
ويــوم اكشــفت .. ياوجــه لله درّك
تمســاح مكشّر .. شايله راس تمثال
يالذيــب فيــهن من غــلاها يضـرّك
الضبعة اللي.. صـوتها صـوت زلزال
تزلــزل بلجتــها رواســي مقــــرّك
وتصبح لوحدك.. خالي العم والخال
ومنهن من اللــي كنــها الثور بـرّك
شخيــرها يعــزف علــى الهم موال
ومنهــن مـن اللـي بالثقافــة تفـرّك
وهي تبتعد عن منبــع العلم بأميال
ومنهن من اللــي جسمــها لاتحــرّك
ضربون عايــش فــي مغــارات زبال
ومنهن تــرى يالذيــب جنــة تسـرّك
ريــح وجــريح وماتــعوّض بالأزوال
إن شفتــها فــي كــل لحظه تبــرّك
وإن باعــدت دمعك على الخد همال
يالذيــب لاتتــرك هــواهــن يغــــرّك
ولا تحسب إن البيض واحد بالأشكال

[/font][/size][/color][/center]

**بانا** · 24-02-2006, 03:39 AM

القلب حزين وجريح على فراق الحبيبة الغالية
والدمع دايم يسيل والله عنها مـــــاني ساليــــه
والدنيــــا كلهــا حزينة ورخيـــــصة وبــــالية
كنت الدنيـــــا ياأمي وبكي الدنيـــــا غاليــــــة
كنت الحبيبة والصديقة وبحنانك ووجودك لاهيـة
رحلتي وتركتــيني في هالدنيــــــا الفانيـــــــة
بدونك الدنيا ياأمي صحراء وأنا بها ضائــعة
بدونــــك ياأمي أنظر للطعـام وأنا جائـــــــعة
بدونك ياحبيبتي كرهت الكون وأنا راضيــــة
ماكــل فراق فراق وهالحين أنـا به داريـــــة
ليت الحبيب يخيّر بفراق صديقه أو حبيبــــه
لأخترت نفسي وأنا سعيـــــدة وراضيـــــــة

**بانا** · 24-02-2006, 03:41 AM

القلب حزين وجريح على فراق الحبيبة الغالية

والدمع دايم يسيل والله عنها مـــــاني ساليــــه

والدنيــــا كلهــا حزينة ورخيـــــصة وبــــالية

كنت الدنيـــــا ياأمي وبكي الدنيـــــا غاليــــــة

كنت الحبيبة والصديقة وبحنانك ووجودك لاهيـة

رحلتي وتركتــيني في هالدنيــــــا الفانيـــــــة

بدونك الدنيا ياأمي صحراء وأنا بها ضائــعة

بدونــــك ياأمي أنظر للطعـام وأنا جائـــــــعة

بدونك ياحبيبتي كرهت الكون وأنا راضيــــة

ماكــل فراق فراق وهالحين أنـا به داريـــــة

ليت الحبيب يخيّر بفراق صديقه أو حبيبــــه

لأخترت نفسي وأنا سعيـــــدة وراضيـــــــة

**Prime Rose** · 25-02-2006, 01:25 AM

لمني في محجر عيونك حبيبي وخلني

خلني أشوف نفسي في عيونك وأطمئن

دامك ان سلهمت بالرمش الضليل تفلني

لعنبو ذا الرمش كيف اني من اسبابه اجن!!

حبك اللي تل قلبي من بعد ماتلني

صدق انا ميت بحبك كانها عيونك كفن

اجمع اللي باقي مني شتات ودلني

شوفني ذاك الغريب اللي يدور عن وطن

صدك اللي هد حيلي والجفا لي علني

ليه قلبين المحبه بالمحبه ماإلتقن؟!

قلت بأصبر والصبر من زود صبري ملني

وقلت بأنسى واثر طيفك صار له عقلي سجن

ضاعت دروب المحبه والحزن ما ضلني

ياحسافه ذي الليالي..ذي الليالي ماانصفن

لا تهل دموع من عيونك اخاف تهلني

خايف اطلع من عيونك لامن في يوم بكن

وووبس

:(

**DR AHLAIN** · 26-02-2006, 01:24 AM

صدى صوتك الليالي اللي مضت راسخ بأذهاني

يعيد الماضي اللي كان وايام الهنا ونوره

صدى صوتك يقول انت الامل وانت عمر ثاني

وصدقته بكل مافيه ولا بانت لي الصورة

صدى صوتك يراودني ويذكرني بهواي الفايت الفاني

مشاعر كنت اتذكرها وغزل وابيات منثورة

صدى صوتك بأيامه عزفته اجمل الحاني

يميل القلب للذكرى ويبين اجمل شعوره

انا ادري بصدى صوتك صرت ابد مااعاني

خلاص اكتم اليوم احاسيس وتصير اليوم محظورة..،،

**Prime Rose** · 01-03-2006, 07:52 AM

يرضيك؟

ردي علي الصوت ردي حياتي
صمتك على شكوى حنيني .. مذله

أما أقطعي بالوصل حبل النجاتي
وألا عطيني باقي الود .. كله

لا توعديني عذّب الصبر ذاتي
والبعد حالي مع عناء الوجد سله

أشكي الجفا لك ما شفيتي شكاتي
الوعد الأول للقاء فات .. حله

يرضيك يصبح شملنا للشتاتي
يرضيك نرضي كل نفس مغله

يرضيك لا فرحو بهمي عداتي
!!واقفو يقولون .. الغضي عاف خله

ردي علي الصوت .. يكفي السكاتي
!!قولي لغيرك ما هفا القلب .. لله

بدر بن عبدالمحسن