قصيدة اكثر من رائعة للشاعر محمد بن فطيس المري,
اسلوب سهل ومعاني قوية..
ليه المسا عوق الشقاوي وطبه *** وليه الهبوب تصحي القلب لا بات
وليه القمر يدعي جريح المحبه *** ويقول له: يا هيه.. ما فات مات
جرحك ظهر لو قلت للوجه خبه *** وللحزن في ضحكك رسوم وعلامات
وليه المطر بالذات ريحه وصبه *** كنه رسولٍ بين الاحباب بالذات
اشتاق فيه لشوفتك وآتنبّه *** للي نسيته من مواقف ونظرات
لا استانس الخافق ذكر من يحبه *** ورجع يراجع في الوناسات ما فات
يا مرتع القلب الحزين ومربّه *** يزين بك مثل الذهب صدر الأبيات
هيهات ينسى القلب شخصٍ لعبّه *** وهيهات يدله خاطري منك هيهات
سبك مديح.. ومدح غيرك مسبه *** تقول واذني صوتها تقول لك هات
ونبع الغلا عندك وعندي مصبه *** ومن الولا..في خافقي لك.. ولايات
وطيفك حطب عيني..وعيني مشبه *** والشوق برد ما انقطغ لو للحظات
ومكانك الصدر ولك القلب شبه *** بين الظلوع اللي فردها التنهات
ولك بيرق فالقلب حبك يهبه *** شامخ ولا هزه من العذل غارات
لا تحسب ان دمعي نزل من دون سبه *** ابكي من الفرقا وهي ما بعد جات
اليوم كل امورنا مستتبه *** وبكره ما ندري وش معه من مسرات
المفضلات