أفيدوني.. هل أنا ملزمة بما كُلفت به !! ولا مضحوك علي !! Aim High 2

[أم عبدالله]

أعزائي في منتدانا الراقي .. سعودي إنجلش..

أولا أنا عضوة قديمة معكم و لكني فشلت في استعادة معلومات الدخول للمنتدى..

حاولت أكثر من مرة طلب كلمة مرور جديدة لكن لافائدة..

فأصبحت أقتسم المعرف مع صديقتي الحبيبة أم عبدالله..

المهم ..

أنا للمرة الأولى أدرس المرحلة الثانوية .. باختصار " متوهقة "

المشكلة .. المشرفة أعطتني 24 حصة .. ومنهج Aim High 2

و 6 فصول.. كل فصل 30 طالبة.

يعني خلاااااااااااص ملييييت .. أعيد الدروس و التمارين 6 مرات .. ياناس استوعبوا أحس الوقت

يدركني في الحصة و الاستيعاب مو ذاك الزود.. و زيادة مافي شي جاهز لا ع النت ولاشي .. يعني

حتى العروض أتوهق وش أحط فيها .. باختصار ورطة العمر !!!!!!!

أبغى أعرفه هل يحق للمشرفة تكليفي بعدد حصص خرافي رغم إن المنهج مطور !!

و اللي أعرفه المنهج المطور ما تاخذ المعلمة 24 حصة مهما كان.. حجتها طبعا مافي معلمات

و اصبري لين نجيب معلمة ..

أفيييييييييدوني !! هل لأني متعاقدة!!

الله يعجل بتثبيتنا ..

لاتطنشوني بليز

[ريفيرا دريمس]

معك حق المطور مايصير فية ها العدد من الحصص خاصة الكتاب دسم

[أم عبدالله]

مشكورة حبيبتي..

أشكرك ع المرور .. و دعواتك..

و ياليت ألقى المزيد من الإجابات

[mahmood abugroo]

قانونا ... معلم المنهج المطور لا يزيد نصابه عن 20 حصة في الاسبوع

[ياإلهي!]

المفروض ترفعين قرار لوزارة التربية والتعليم ي حبي لتس

[ياإلهي!]

يب هذا هووو ترسلين للوزاره استغلال ذا م يجووز

[صدى العرفان]

اختي ترا المدارس ما وراهم رحمه انا عندي منهج سادس ورابع مطور ومنتدبه ويعطوني مناهج ثانيه درسة لغتي خامس وشالوه وعطوني دين ثالت 9 حصص والحين معطيني علوم خامس مطور يعني وانا تخصصي انجليزي ..اضيفي ريادة الفص وحصص الاحتاط و لما ولدة رائدة النشاط مسكوني مكانها مع الرياده حقتي
والله كرف ع الاخر والمدرسه المنتدبه لها بعيده و تبي تعطيني حصص احتياط واول مره بحياتي ارفض ولما رفضت زعلت المديره
ها وش رايك

[أم عبدالله]

حسبي الله عليهم من مشرفات..
و الله ما أدرس غغير مادتي لو تنطبق السما على الأرض..

صدى لاتسكتين عن حقك..

[Santiago]

الله يعينك 24 حصه والمنهج طويل !!
انا ادرس 2 بعد واول مره ادرسه ، واعطوني 15 حصه ..
لاحظت ان الادارات النسائيه متسلطه بشكل كبير ..
عموما الترم راح ماعاد يمديك على شي ، المنهج بجد طويل ولا تقدر تخلصه عشان كذا انا بوقف هذا الاسبوع ع الوحده الخامسه
والكتابه حذفتها من كل الوحدات الا 2.. والمره الثانيه اقعدي لهم .. بمدرسة الوالده جاتهم متعاقده يوم رمت عليها الاداره كل الحصص تركتهم وراحت لادارة التعليم وغيروا لها المدرسه

[أم عبدالله]

santiago خليني ساكته بس
حسبي الله عليهم
لا وجات الايبوع اللي فات تشوف وين وصلت
بس انا كنت غايبة الحمدلله..
ااكيييييييييييد تدعسني هذا الأسبوع ياربييييييييي
منججد باقيلي درس بالوحدة الخامسة مامداني ع الوحدتين الأخيرة

[last sight]

سلام عليكم و رحمة الله و بركاتة

انا ودي اعرف كيف اخذتي 24 حصة ؟؟ اللي اعرفة ان المنهج خمس حصص بالإسبوع يعني يا 20 حصة ولا 25 حصة, اتوقع انك تدريسين القديم و الجديد مع بعض. الحين انا عندي سؤال ليش لما ترفض المدير يأخذ الموضوع بصفة شخصية؟؟ مع انه لو ترفض راح يجيبون معلم زيادة. حدث الوضع في مدرسة مجاورة عندما رفض المعلم العمل في مدرسة تحفيظ القرآن و كان نصاب المعلم23 حصة ولكن ست مناهج من اول متوسط إلى ثالث ثانوي, جت لجنة من الإدارة و قيمت الوضع و جابوا معلم, الغريب جابوا معلم؟؟؟؟ مع ان المدير و حزب اليسار كانوا يوهمون المعلم بالعقاااب و الفصل و و و إلخ ولكن حدث العكس.

[m.almalki]

السلام عليكم ورحمة الله وبركاته
الله يعينك
بس ممكن طلب
ابا منكي نموذج اختبار نهائي للخمس الوحدات
وجزاكي الله خير

[ملكة الحزن]

السلام عليكم ورحمة الله وبركاته
الى متى يبقى الحال على ما هو عليه و يستمر استغلال المعلمة و الاستهتار بمهامها :نصاب يتجاوز المعقول رياده و نشاط و مناوبه في المرات و تأخير مع الطالبات لا و استقبال صباحي لهم و تفتيش و كل هذا و يبونك تبدعين . يبون اوراق عمل و ممنوع تصورين في المدرسه مطلوب عروض بوبوينت و اشتري يا معملمه البروجيكتر يبون الطالبات ما يغيبون و لا تنقصين في درجات المشاركه الي تغيب زي الي تحضر كل يوم يبون الطالبه تهتم بالماده و حاطين نظام التجاوز للراسبه . و هلم جره.......

[Horizon]

والله انا مثلك نفس عدد الحصص والمنهج اول مررررررررررررررة ..بس لما كلمنا المشرفة (وكانت بنت حلال ومتفهمة الوضع) قسمنا الحصص ..الله يعينك

[جمال عسيري]

يحق لك ان تأخذي فقط 20 حصه في الاسبوع .....زاما اكثر من كّا فيحق لك الرفض وتطلبين من المشرفه اذا ما في معلمه تكمل هي . بالختصر لا تاخذي اكثر من 20 حصه للمطور وشكرا

[roose2]

سلام عليكم ياحلوووين الله يسعدكم اللي عندها تعمميم او قرار او اي حاجة تدل على اني مااخذ اكثر من 20 حصة للمطور بالله تصورة و ترسلة لان انا 24 حصة لصف اولو ابي امسكها حجة للمديرة
وربي لادعي لها للي تساعدني لان ظروفي جدا صعبة و المديرة راااااافضة تساعد او تطلب معلمات ندب

[أم مهند:]

ربي يعينك اختي
لكن الاهم انو معك منهج واحد بس
المطور صعوبته اذا بتمسكين منهجين مطورات مثلي الترم الاول كنت اشرح aim high 1 -3
مره تعبت وتشتت ولا مشرفات يوضحون لك كيف تتعاملين مع هالمناهج

احمدي ربك:smile (81)