السلام عليكم ورحمة الله وبركاته
ابي مشورتكم ياناس قبل لا تصير لي مشكلة أشوف بوادرها .
انا من الأشخاص اللي حابين يكملون دراستهم العليا والحين اجهز نفسي لها الموضوع عشان لما أطلب تفرغ اكون قد حصلت عليه بسهوله .
من المتطلبات هذي هي حصول المعلم على عدد ساعات تدريب ولازم يكون عددها مايقل عن 90 ساعه لمن حاب انه يكمل دراسة الماجستير .
اول دورة أخذتها كان عدد ساعاتها 40 ساعه والحمد لله تمت بنجاح رغم ما حدث خلالها من مشاكل لم يكن فيها لي دخل ولم اتسبب فيها .
الدوره الثانيه اللي حبيت ادخلها اعطتني المديره الرقم الوزاري وقالت لي سجلي نفسك . وفعلا سجلت نفسي ولكن من سؤ الحظ لم تتم وتم تأجيلها ( ولأنني كثيرة الغياب ولكن غيابي دائماً بعذر )
وأيضاً كثيرة التأخير ( وتأخيري بعذر ) وانا من الناس اللي ما أحب اشرح حاجتي أو مشكلتي لمديرتي او لمعلماتي وإنما اشكوها للخالق . ولكن مديرتي قالت لي بعد شهر بأن اتوقف عن الدورات بسبب كثرة غيابي . وسالتني عن مناهجي وقلت لها انني ماشيه تمام في المنهج ولم يطرا على بالي اي شي من كلامها . ولم اخذه على محمل الجد . وبعد ذلك بإسبوع تم عقد الدوره اللي كنت مسجله فيها من شهر ولما تأكدت من قبولي فيها ذهبت . ولم تكن المديره حاضره بل غايبه . وذهبت في اليوم التالي للدوره ولكنها تفاجئت بغيابي ولما سألت عني قالت لها أحدى المعلمات بأني في دوره وزعلت وقالت لي بأني سجلت نفسي في الدوره التدريبيه وهي لا تعلم ( مع العلم انها هي من قالت لي بأن اسجل نفسي في الدوره وكان ماضي على هالامر تقريبا شهر ) وقالت لي أيضاً كيف أتجاوز صلاحياتها ؟
ولما قلت لها انها هي اللي قالت لي اسجل نفسي في الدوره وكان ذلك بعلمها وموافقتها .
وانكرت انها قايله لي كذا والحين هي تهددني بالأداء الوظيفي وأنها بترفع اسمي للوزاره عشان غيابي الكثير وتأخيري . وقلت لها كل شي عندي كامل ماعندي إلا الغياب والتأخير وكلها بأسبابها واسبابها خاصه فيني .
مديرتي نظاميه وحطتني في راسها وهي ماراح تقدر علي إلا بغيابي وتأخيري فقط .
بالله قولو لي وش اسوي معها . يعني هي اتهمتني ولم تصدقني وانا احلف لها اني لما ماسويت الشي اللي هي تقده وان نيتي كانت سليمه , وكأنها تقول إني كسرت كلامها ورحت ما اهتميت فيها ( وهي تعرف ان الأداء الوظيفي ) والحين انا مهتمه بأدائي الوظيفي وملفي نظيف ما فيه أي ملاحظات او شكاوي .
وهي حطتني براسها إلا ترفع بتأخيري وغيابي إللي والله لو تعرف سببه لعذرتني .
مع العلم انها تغاظت عن غياب 18 معلمه في مباشرة الترم الثاني . وكذلك المعلمات اللي ما حضروا الأسبوع الأول من الدراسه .
لو أنتم مكاني وش بتسوون .
وهي عارفه انه عشان ابي اكمل دراستي العليا هددتني بادئي الوظيفي , انا صح حسيت اني مظلومه وانقهرت من اللي صار ومن سؤ الظن ومسكت نفسي عن الغضب لأنه ما ودي اتصرف تصرف يضرني .
ولما داومت الأربعاء امس القيت السلام ولم ترد السلام . وعرفت انها حاطتني براسها .
وش اسوي اقول لموجهتي انها تهددني بالأداء الوظيفي وإلا انتظر لعل الله يحدث بعد ذلك امراً .
وإلا وش اسوي ياليت تدلوني . انا سردت لكم القصه كامله عشان تحكمون صح وتدلوني على الطريق اللي ينجيني من شرها .
الله ييسر امرك
لكن مثل ماهددتك هدديها قولي لها انا ماسكه عليك شغلات كثير واداء وظيفي لو تنقصين رح اوقف لك على كل المعلمات وتنقصينهم ورح اطلع كل المستور
انا عن نفسي مديرتي ماتأدبت الا بالتهديد وخافت تطلع فضايحها رغم انها نظاميه الا انها غير حقانيه مع الاداء الوظيفي
او انك تعرفي طبعها اذا انها طيبه ممكن تتأسفين وكلمتين طيبه تنفع معاها وقولي لها اللي تبينه بنفذه لك لكن فيه ناس ماينفع شي معهم
أختي بنت الغوالي:
_لو كنت أعلم مايبهج وتقر به عينيك ياأخيتي لوهبته لك
إلا أني لا أملك إلا الثقه بمالك الملك فاسأله:
أن يهبك السعاده والتوفيق والخيره فيما أخترتي أينما كنتي.
عِنْدَمَآْ يُحِيْطُ بِكَ آإَلإحْبَآطْ ..وَيَدْفَعُكَ آلْعَآِلْم ْلِـ تَسْقُطُ !
آإِغْتَنَّمْ آلِفَرِصَّة لِـ تَسْجُدَ ...
وَتَدْعُوَ آَلِلَّهُ أَنْ يُمَنْحَكِ كُلَّ مَآَ تَرْغَبُ .
_لاأراك الله ظلمه ولاحلت بصدرك غمه ولاطلبت من الله شيئا إلا أتمه...
كُـن مع الله و لا تُـبالي و مُـدّ يديك إليه في ظُـلُـمات اللّـيالي
وقُـل : يا رب ما طابت الدّنيا إلاّ بذكرك و لا الآخرة إلاّ بعفوك ولا الجنّـة إلاّ برُؤيتك
مهما إختفت من حياتك أمور ظننت أنها سبب سعادتك
تأكد أن الله صرفها عنك قبل أن تكون سبباً في تعاستك
صافح وسامح ودع الخلق للخالق
{فأنت} .. و {هم} .. و {نحن} .. راحلون
إفعل الخير مهما استصغرته فلآ تدري أي حسنة تدخلك الجنة ..*
أكثري من الأستغفاااااااااااااااااا ااار ياأخيتي
أسأل الله ان يكتب لك الخيرررررررررررره ... وأن يلين قلب مديرتك لك
لاتنسي أخيتك من الدعاء لي ولوالدي رحمهما الله
_
بارك الله في ردودكم اللي تسر الخاطر وترفع من معنويات المظلوم . انا فكرت اكلم الوكيله لأن الوكيلة تقرب لي مع ان المديره قالت لي بأن المعلمات راح يضنون انها تتغاضى عن غيابي وتأخيري بسبب قرابتي من الوكيله . فسألتها قلت لها فيه معلمات اشتكن من الموضوع ذا فقالت لا . خلاص معناته مافيه مشكله .
أنا افكر اكلم موجهتي على الموضوع ذا ولا راح اقول لمديرتي شي . مع اني متأكده انها بتمسكني بالنظام عند التأخير والغياب وأما الباقي فما راح تقدر عليه لأني واثقه منه . هي ماتدري ان سبب غيابي حالتي النفسيه والجسديه اللي امر فيها .
عندها ان المعلم انسان الي , وان كلامها مقدس لا بد من ان يتم , بالرغم من أنها اخطأت في حقي كذا مره ومازل بالي عليها طويل لأنها تتكلم معك بشكل ديني , فتظر لأن تسكت عن أشياء لا أحبها .
انا فكرت
لو بهددها وش بمسك عليها , أقولكم نظاميه .
أنا نفس الشي بتحرك بطريقه نظاميه ما ابي اسوي شي واندم عليه . بس من حقي أحمي نفسي من شرها .
نفس طريقتها معي بس ما أدري كيف اتصرف . ولو بجيها وبتأسف منها ( ليش أتأسف أنا ما سويت شي غلط ) أنا بطول بالي عليها الأسبوع الجاي وبشوف وش بتوصل له .
لا تنسوني من دعاكم . الله ينصرنا على من ظلمنا .
الصبر مفتاح الفرج
والحلم في التعامل مفتاح القلوب
والتهديدات والانفعالات ماتولد الا الشحناء والبغضاء في القلوب
وانت في مرحله بتطلعين من المدرسة فخلي ذكراك وبصمتك طيبه
مديرتك متفهمه لأوضاع المعلمات بدلالة تجاوزها عن الكثير ومن ضمنها لك رغم انه ليس من صلاحياتها التجاوز
فلا تنسي لها ذلك ،،،حاولي معها بأسلوب اللين دام انك لم تقصدي تخطيها ،،،
اعتذري لها برساله قصيرة او على لسان من تثقي بها،،،،ليس من اجل الأداء الوظيفي ولكن كأخت لك و طوبى لمن بات والناس راضين عنه ولا يوجد في قلبه بغضاء
وفقك الله وسدد خطاك
سبحان الله وبحمده
سبحان الله العظيم
الله يكون ياقلبي وربي يعلي حظك عليها وان شاء الله يااااااااااااااارب امورك تصير زي ماتبي انتي...
سبحان الله بعض المديرات الموت ارحم لهم حسبي الله ونعم الوكيل فيهم على بالهم مسكوا اداره خلاص يتحكون بالخلق...الله ينصرك عليها يارب...
نصيحتي لك خصوصا اذا هيه خريجة معهد قولي لها بطلت ماجستير اش رايك ما هو افضل بكذا ما راح تحاول تنقصك او تغار منك اذا جت ساعة القبول في الكلية ما تقدر تسوي شئ ز
يمنع وضع اكثر من صورة او صور نسائية او صور ذات حجم كبير
يمنع وضع روابط لمواقع ومنتديات أخرى
يمنع وضع روابط الاغاني
يمنع وضع البريد الالكتروني
حابة اقول لك شي
اول شي طالما غيابك نظامي و بعذر ماتقدر تساوي لك اي شي
ثانيا الجيء الى الله في جوف الليل و صلي ركعتين وقولي ورددي
اللهم اني مظلوم فا انتصر لا تنسي كل الابواب قد تكون مغلقة الا باب الله الكريم لا يرد من دعاه
ولا يخيب من رجاه
قد ما تقدري كوني متمسكة برايك و ثقي ب خالقك اولا ثم ب نفسك
طالما هناك غياب ملاحظ من قبل معلمات اخريات ف امرك سهل ان شاء الله
تقدري تمسكيها من هنا بس لازم يكون احد معاك يدعم كلامك من الزميلات
والله ييسر لك الامور
بس تاكدي مايضيع حق وراه مطالب
وهناك رب مايرضى ابد ف الظلم
اكثري من الاستغفار ف فيه النجاة
والله يرعاك ونحن من ورائك ب دعائنا
فعلا هي خريجة معهد وقاعده الحين تكمل بكالوريوس . بس انا اقولكم ايش صار في الأيام الثلاثه . طبعاً ما أحتكيت فيها نهائي ولو اجي للأداره ابي شي ما أكلمها وانما احتكاكي بباقي المعلمات , لم انظر لها بنص عين وما عبست بوجهها بالعكس كل ما شافتني تلاقيني اضحك مع زميلاتي وفي كل مره تسرق النظر لي وانا اشوفها وهي ماتدري ولا اعطيت تهديداتها اي اهتمام . ومشيت عادي ولا كأن شي صار .
تفاجئت فيها امس تقولي مداعبه كذا خفيفه . يمكن عشاني دخلت الأداره وانا ابتسم واقول ازايكوا بالمصري طبعا الكلمه كانت غير مقصوده لا لها ولا لغيرها بس كانت لطاقمها اللي حولها عشان يشوفون جدولي فقالت لي كلمه من باب المداعبه ولكني لم اضحك ولم اعرها اهتمام فرديت عليها بكلمه باااااااااارده جداَ ما ادري كيف طلع معي الموقف كذا . اخذت الحاجه اللي كنت ابيها وطلعت .
اليوم اتكلم معها بشكل رسمي ولم هي تحاول ان تبين لي ان الموضوع ما عليها منه ( بس أكيد لما شافتني مطنشه ولا اهتميت حسيتها لانت شوي ) بس بعد الموقف ذا حسيتها تخوني لما تعطيني شي وبعدين تتهمني اني اتلاعب من وراها وأتجاوز صلاحياتها .
والله شي يقهر مع أني من زود الأمانه عندي ما أطلعت على بيانات المعلمات المسجلات في الدورات التدريبيه .
وفي هذي النقطه جاني الإتهام وتجاوزه إلي تعدي صلاحيات الإداره .
انا افكر في شي يخليها تعلق مع موجهتي . بس انتظروا شوي لأني افكر فيه بطريقه رسميه بحيث تكون الموجهه في صفي .
بس دعواتكم لي . انا ما راح أظلمها ولكني راح اخذ بحقي بشكل رسمي بحيث انها ماتقدر تنقصني بالأداء الوظيفي .
اشكر كل من رد علي . ويارب انصرني على من ظلمني .
تكفون لا تنسوني من دعواتكم لعل الله يستجيب لكم .
عليك بالدعاء فقط
ودائما رددي الله اكفني اياها بماشئت
وايضا اللهم الف بين قلبي وقلبها كما الفت بين قلوب المهاجرين والانصار
وين المشكلة وكيف تدخلين وتسليم بالمصري لا تروحين كثير للادارة الاالضرورة خليكي رسمية معهم لاتدخلين في مشاكل معها اقلة ترفع شكوى ضدك ترى المديرة لها صلاحيات كثيرة كلما صارتي رسمية في العمل الجميع قدرك واحترمك نقاشي الادارة في حالة واحدة اذا كان حقك مهضوم مثل حصص انتظار زايدة عن حدة
لو انك تكملي بس المفروض مايكون على حساب شيء اخر
اطلبي اجازة تفرغ اهم شيء الطالبات ماينظلموا في حكاية التاخير والغياب بسبب هم مالهم علاقة فيه
أشكركم على الرد . بالنسبة للطالبات ولله الحمد مستواهم ممتاز عندي بنات يجيبون 10 من 10 وكلهم مستواهم جيد جداً وممتاز ماعدا طالبه واحده فقط هي اللي مستواها في جميع المواد ضعيف وعندها حالة إهمال في كل شي . حتى لو نرسل لأهلها اشعارات وخطابات مافيه فايده .
فغيابي مو بدون عذر كله بعذر . وازيدكم من الشعر بيت لسا باقي عندي ايام اضطراري ما أخذتها .
اما التأخير فأعترف عندي تأخير ولكني تأخيري أقصى حد له 7 ونص أما في الترم الأول فقد تجاوزت 7:30 يمكن 3 مرات . بسبب السياره .
والأن الحمد لله في الأونه الأخيره اعتدل الوضع وصرت أحضر قبل الطابور يعني اجي ع الوقت 7:15 بالتمام أو 7:14 دقيقه .
أنا اخطط اني اعمل درس نموذجي عشان أفتك من تهديداتها . تأيدوني بهالفكره هي اللي راح تخلي موجهتي في صفي وإذا شافت انها حاطه لي أداء وضيفي اقل من مستواي راح تتلكم وراح تناقشها في ذا . لأن ولله الحمد عامله ملخص كامل لكل المراجعات الترم هذا كامل وعندي التحضير كامل بدون أخطاء في الأهداف بتصحيحي انا بنفسي وجهدي . وكل شغلي على الكمبيوتر أنا مضبطته بنفسي من دفتر درجات إلي دفتر متابعه وغيره .
حرام يروح جهدي سدى وانا تعبانه فيه وكله شغل يديني . والحين افكر اعمل لوحه جداريه في كل فصل خاصه باللغة الإنجليزيه عشان يبان جهدي اكثر وأكثر .
أعطوني أرائكم .
النظام المعملو به يف تقييم الاداء الوظيفي هو الاشراف الالكتروني
طبعا يكون ادخال التاخر والغياب بشكل يومي والبرنامج يحسب من عنده درجة الاداء الوظيفي
معناه اذا انخصم منك حق التاخر والغياب ( حتى لو بعذر ) خلاص ماعاد تقدر تخصم ربع درجة الا اذا نها دخلت عندك وقيمتك
غيركذا اذا امورك كلها مرتية وماشية في المنهج تما ووسائل تعليمية ووو , تقدرين تشتكينها في الوزارة ااذا اعطتك اداء اقل من ادائك ( لاتنسين انه انتي مدرسة انجليزي يعني حتى لوقيمتك تقدرين تحاجينها لانها ماتعرف انجليزي , اهم شي تقييم المشرفة
وفقك الله
جزاك الله كل خير .المشاركة الأصلية كتبت بواسطة الهملان
طبعاً هي لازم تدخل عندي وتقيمني . وللمعلوميه حتى مشرفتي تدخل عندي وتقيمني . والمشكله ان الأداء الوظيفي يتخاصمون فيه المديرات مع المشرفات لأن كل وحده تقول اللي هي تشوفه . وانا فكرة الدرس النموذجي لو طبقتها هي اللي راح تكون بصفي اما لو سكت على التهديد فذا يبين جانب الضعف والإستسلام في شخصيتي وأنا أبي أفاجئها بذا الشي عشان ماتقدر تتصرف بشي يضرني . والله أن نيتي لها صافيه بس هي اللي خونتني في شي أعطتني إياه وذا الشي ما فيه أحد يرضاه .
لاتنسونا من دعواتكم الطيبيه لعل الله أن يستجيب لكم .
ان كيدكن عظيم ..انا عندي نفس المشكله مع مديري الغبي خايف ينقص لي الاداء الوظيفي ويحرمني الاجازه لذلك سوف استفيد من تخطيطك.. وان لم ينفع مافيه الا العصى
ماعمري شفت مدير ابن حلال لاني مالي حظ فيهم..الله ينصرك عليها ..وتموت الحيه وسمها براسها
ضحكتني بكلمة أن كيدكن عظيم . بس والله الواحد إذا كان يبي يفك نفسه من المشاكل وحس أنه مظلوم
ييسر الله له طريقه يفك نفسه من المشاكل .
فوضي امرك لله وتوكلي عليه وانشاء الله تتيسر امورك.
الله يوفقك
ضوابط المشاركة
رد مع اقتباس
المفضلات