نظام مقرارات ساعدوني ضروووووووووري

**أمواج بلا شواطئ** · 27-06-2012, 01:04 AM

مساء الخير ..انا جاني الليله مسج نقلي على الثانويه الاولى بالظهران نظام مقرارات ..ايش هالنظام والله من اليوم ابكي ومنهاره ع الاخر طول عمري متوسط الحين نقلي جاء ثانوي ونظام مقرارات؟؟؟تكفون علموني ايش هو بالظبط...بسافر بعد شوي اباشر عندهم بكره

**أمواج بلا شواطئ** · 27-06-2012, 01:11 AM

وينكم؟؟؟؟؟؟؟؟؟؟؟؟؟؟؟؟؟؟

**ACME** · 27-06-2012, 01:21 AM

شوفي هذا الرابط فيه كل شي

http://www.saudienglish.net/vb/forumdisplay.php?f=141

وهو نظام افضل من التقليدي بالنسبة
لكل من المعلم والطالب
بالتوفيق ان شاء الله

**أمواج بلا شواطئ** · 27-06-2012, 01:26 AM

دخلت الرابط احسه صعب واحس بفشل في التدريس ...ياربي رباه والله الي ضعت الله يعمي عين الي حطني بالثانوي

**شَهْقَة شَجَن** · 27-06-2012, 02:10 AM

أمواج استهدي بالله يا عسل
""قدر الله وما شاء فعل""
أنت قدها لا تخافي وربك يعين وييسر ...

الله يوفقك ويأخذ بناصيتك للبر والتقوى ..

**أمواج بلا شواطئ** · 27-06-2012, 02:11 AM

الله كريم يافرحه ماتمت بس

**علاء** · 27-06-2012, 03:13 AM

بالنسبة لتدريس المرحلة الثانوية اجده ممتع والطلاب اكثر وعي صحيح بتحصلي كم عيًنة سيئه لكن صدقيني مالهم كرت اذا عاملتيهم بأحترام وطيبه ومبدأ الرسمية في التعامل على الاقل الاسابيع الاولى
اما نظام المقررات ما اعرف عنه كثير الا انه عرض علينا في احد الدورات كتطبيق عملي واعجبني والله شغل مرتب انت حاولي تحصلي على نسخه من الكتاب وحضري امورك بدري .....
والله يعينك وييسر امرك وتذكري اختي الخيرة فيما اختارة الله ...

**أمواج بلا شواطئ** · 27-06-2012, 04:51 AM

الله يعافيك اخوي علاء انا عارفه نفسي ماراح اقدر امشي فيه والله افكر اترك التدريس كيف امشي وابدع بشي ماعرفه ابد

**علاء** · 27-06-2012, 12:44 PM

الخوف هذا جدا طبيعي ..ولا اعتقد فيه احد ما مر عليه هذا الشعور ..صدقيني الموضوع ابسط من كذا بكثير ...
هونيها وتهون لا تضخمي الموضوع وتعطيه اكبر من حجمة ..مشكلتنا نسمع من غيرنا ونعمم الموضوع هذا خطأ ...
الي يحصل لغيرنا ماهو بالضرورة يصيير لنا .... محتاحه شوية ثقة بالله ثم بنفسك ...
الاستعداد والتحضير الجيد والرسمية فالتعامل وبعدين تلاقي نفسك اندمجتي مع الوضع ..
وركزي على مسألة السلوك واخلاق الطالبات واحتفظي معاك بسجل متابعة وسجلي فيه كل الملاحظات مشاركة واجبات راح تتعبي شوي بالبداية لكن راح ترتاحي كثير بعدين وكلها سنة وقدمي نقل داخلي لاحد المدارس والفرصة كبيرة ان شاء الله للنقل ..الله يعينك وييسر امرك ...

**أمواج بلا شواطئ** · 27-06-2012, 08:14 PM

مشكور علاء اخوي اليوم رحت المدرسه شكلها يفتح النفس كانها مدرسه اجنبيه والمعلمات قمة بالاخلاق ورحت مكتب الاشراف الكل يقول انه يجينا واسطات عشان هالمدرسه حطوك فيها افرحي بها بس انا خايفه من المنهج ماعرف عنه شي ابدا ودي امسكه بس خايفه افشل وانصدم ماعرف شي عن منهج كل مرحله ابد وكيف احضره وكيف طريقته

**Beauty** · 27-06-2012, 09:15 PM

حبيبتي النظام روووعه بالمررره
وأسهل بكثير من العآدي
وحده من زميلاتي تدرسه ومبدعه فيه
أول شي بتتعبين هذا عادي مع كل بدآيه
لكن صدقيني بيمشي معاك المنهج بسلاسه إذا كآن عندك ثقه بالله ثم بنفسك
أبحثي وأطلعي وجهزي عروض
ترا المنهج عملي أكثر من كونه نظري وتلقيني
يبي منك شطآرة وعروض وأعمآل مع الطآلبآت وشغل في شغل
أنا مو قصدي أخوفك لكن صدقيني روووعه تدريسه والله أمنيتي أدرسه

ربي يوفقك يالغلا وشوفي قسم المنهج الثآنوي المطور عندنا بالمنتدى بيفيدك كثير من إبداعات أعضاءنا ربي يسعدهم

مووفقه ياارب

**أمواج بلا شواطئ** · 27-06-2012, 10:30 PM

مشكورة حبيبتي الله يسعدك يارب ،،طمنتيني والله

**أمواج بلا شواطئ** · 28-06-2012, 07:23 AM

السلام عليكم حبايبي..الله يعافيكم ايش هي مواد الانجلش في نظام المقررات يعني ايش اسم منهج اول ثانوي الترم الاول والترم والثاني وثاني ثانوي وثالث وهكذا..الحين اول مره امسك نظام مقررات اقدر احدد المرحله الي ادرسها ولا ايش الوضع؟؟علموني الله يعافيكم لاني محتارة ونفسيتي زفت ماني عارفه شي...اي كمان بسالكم الدرس الواحد على ايش يحتوي يعني؟؟؟

**أمواج بلا شواطئ** · 28-06-2012, 08:23 PM

رررررفففععع

**Beauty** · 29-06-2012, 12:01 PM

أخت أموآج
لو مريتي على أقسآم المنتدى بتلقين إجآبه لتسآؤلاتك
مري على هالأقسآم وتصفحي
http://www.saudienglish.net/vb/forumdisplay.php?f=141

وعذراً تم دمج استفسآرك مع الإستفسآر الأول لأنها حول نفس الموضوع