تعميم بخصوص الايفاد والابتعاث .

**ايزابيلا** · 14-09-2012, 01:55 AM

وصل تعميم للمدارس لمن ترغب في التفريغ
للايفاد او الابتعاث

انا ما اطلعت على التعميم و سؤالي لكل من اطلع عليه
- هل يوفرون لي فرصه لاكمال الدارسه والا لازم اكون انا مقدمه على جامعه وكذا بعدين اطلب بس التفريغ !!
- ايش يعني ايفاد !!

**بـــــــــــــس** · 14-09-2012, 10:45 AM

أختي أيفاد يعني تكملين دراسة داخل المملكة

بعدين مافي تفريغ تأخذين أجازة أستثنائي أو رعاية مولود هذا بعد ماتجيبين موافقه من الجامعه الي تحبين تلتحقين بها
مثل جامعه الملك سعود او عبد العزيز

**ندى الايام** · 14-09-2012, 05:34 PM

وموضوع الابتعاث ياليت احد يفيدنا فيه

**انا من نجد** · 14-09-2012, 06:35 PM

مشكورين على هالموضوع .. انا بعد في ببالي اكمل ماستر
اللي عنده خبره عن الابتعاث ياليت يفيدنا ...

**سامي النصيري** · 14-09-2012, 06:59 PM

كتبت مضوع في قسم الدراسات العليا وهناك ردود لي مفصله على بعض الأعضاء وللي عنده استفسار خاص يراسلني أنا الآن على عجاله
بالتوفيق

**انا من نجد** · 14-09-2012, 07:04 PM

ماقصرت اخوي

للاسف لااستطيع مراسلتك بسبب عدد مشاركاتي
لكن في المستقبل القريب

**hawaj2** · 18-09-2012, 01:29 AM

الايفاد يقصد به او اتى من كلمة يوفد اوفد وفدا وجمعه وفوووود هذا خاص للإيفاد الداخلي وهو عكس الابتعاث الخارجي ولكل شروط وضوابط.....طبعا كل الامرين متقاربين من جهة الضوابط الا ان الابتعاث الخارجي تكمن صعوبته من ناحية قبول الجامعة التي تود الدراسة فيها بالخارج.... بعض الجامعات تطلب توووووفل او جريي او جيمات ....وهذا الله يعين اللي مايجيب bاو لb موجب يحولونه سنة لغة وبعدين يدخل التخصص ... ومن شروط الابتعاث الخارجي ان يكون تخصصك بالماستر له صلة بتخصص الباكلوريوس او من التخصصات التي حددتها الوزارة السعودية.... والشرط الصعب جب قبووووووووووووووول انا اقول صعب لان القبوووووول هناك ( الخارج) يحتااااج تدفع قرووووووش فقط للقبول

**الجوارس** · 18-09-2012, 10:17 PM

افيدك من خلال تجربتي
اولا قدمت على الجامعة وبعد ما انقبلت في جامعة الملك سعود
اخذت ورقة القبول ورحت لمركز التدريب التربوي وهم راح يعلمونك بالتفصيل الاجراءت و وشلون تاخذين تفرغ من مدرستك وهذي لحالها طلعه ونزله لحد ما يكرهونك بعيشتك و مع ذلك كافحة حتي اخذتها
واهم شي تكون المديره متعاونه حتي توافق على تفرغك
وبعدها رفعت المعاملة من التدريب الي ديوان الخدمة المدنية هذي المعاملة لازم ترفع قبل ما تبدا دراستك في الماستر بشهرين
بالنسبه لي رفعتها متاخره علشان كذا بدأت الدراسة باجازه استثنائية الترم الاول وبعدين جا ءت الموافقه بالتفرغ وكملت دراستي متفرغة ولله الحمد وتخرجت الترم الماضي

**اتراكتيف** · 23-09-2012, 02:00 PM

مساء الخير جميعًا
انا بقدم ايفاد على كليات الفيصل ( كليات الشرق حاليا) وماني عارفه هل يعطوني تفرغ بحكم انها كلية خاصه في الرياض ؟
وهل الإيفاد يكون له منحه بحيث ادرس على حساب الحكومه لأنها خاصه مش حكوميه ..؟
ياليت اللي عنده علم يفدني بكوون ممنونه جدًا

**fero2020** · 24-09-2012, 03:36 AM

السلام عليكم
انا عندي قبول بجامعة عبدالعزيز ودرست فيها سنه
ولكن ليس نفس التخصص هل يعطوني ايفاد او تفرغ او استثنائي
المهم عشان اكمل دراسه ام انه لازم نفس التخصص ؟؟
ارجو من الاخوه اصحاب الخبرة الافاده