السلام عليكم ورحمة الله وبركاته
الكلام بالانجليزي يفترض يكون طول وقت الحصة ماعدا وقت التعليمات ينفع تتكلمين عربي
لكن إذا مستوى البنات ضعيف مثل ماتقولين
حاولي تسوين لهم حركات او شي واتركي خيار العربي لآخر شي
او ممكن تخلين بنت تترجم اذا بنت شاطرة بدل عنك
الدرس سهل وخفييف وماييحتاج عرض بوربوينت تقدرين تستخدمين اشياء ثانية حقيقية
ممكن تبدأين بأن تسوين قروبات
وتخلين بنت من كل قروب تطلع عشان تصير تساعدك
ممكن تكتبين اللون على ورقة وتعلقين فيها خيط وتصير البنت تلبسها تقولين من تقدر تقرأ هالكلمة
وتشرحين انه لون
ممكن تستخدمين فلاش كاردز وتلصقينهم على السبورة
أو تسوين مربعات ألوان وتغلفينها تغليف حراري عشان يصير البنات يكتبون عليها اسم اللون
ممكن تسوين لهم مربعات الوان وتحطين بينهم زائد .. يعني لما نحط هاللون مع هاللون وش راح يطلع لنا
ممكن تعطين كل قروب ظرف فيه مجموعه الوان وهم يوزعونها على اشياء يلقونها بنفس اللون حول الفصل
هاذي افككار عشوائية اتممنى تفيدك وعسى ربي يوفقك ويسهل عليك
المفضلات