وعليكم السلام
دائما في المناقشات يكون فيه بالبداية مقدمه يقولو فيها تحدث عن بحثك او عطنا نبذه عن البحث هذه فرصة حلوة تبدأي بشكر الله وشكر
المشرفة على البحث على جهودها وصبرها وتعاملها الطيب (وكلمتين حلوين في حقها) ... (في دقيقة او اقل )
وبعدها ابدأي بذكر اسم الموضوع وتطرقي للأهمية النظرية والتطبيقية ..وبعدها يقولو بسم الله ويدخلوا في الخطة وراح يعدلوا لك الاخطاء
اذا فيه في الغلاف ( ليش كتبت هذه كذا والمفروض تكتب هذا كذا ومن هالكلام ) انتِ قولي ابشري راح اعدلها او خانتني الخبرة ومن هالكلام
وابتعدي عن المجادلة معهم ثم يفتحو الصفحة الاولى ويناقشوك في المقدمة (مثلا , الفقرة هذه ما تناسب الموضوع او التوثيق خطأ هل هو
دراسة او كتاب وغيرها اشياء عادية ) ثم ينتقلوا للمشكلة و مثلها والتساؤلات والاهمية والاهداف والمصطلحات والحدود ويمروا على الاطار
النظري ومثلها والنظريات والدراسات السابقة والفروض والاجراءات( وكلها مناقشة عادية اذا كنتي تعتبتي على بحثك ومتأكدة من قواعد
التوثيق والاقتباسات والمراجع ... لا تهتمي راح تعدي راح يذكروا لك ملاحظات عادية ويقترحوا عليك اشياء ثانية او تعديل او تغيير مراجع
او طريقة كتابةالمرجع في متن الرسالة او المراجع) ثم يختموها بالمراجع وملاحظات عادية (مثل طريقة التوثيق (كتاب -رسالة ماستر -
مقالة -موقع انترنت -اكثر من مؤلف -وين المجلد ورقمه وغيرها ملاحظات عادية كـ ليش تقدم او تأخر ..
وانتبهي للمراجع الانجليزية
وطريقة توثيقها ) علما ان لكل دكتور طريقة او اسلوب في التوثيق وانت اتبعي اسلوب مشرفتك ... وبعدها اذا الوضع مثل ماصار لي قالو توكل و ...
و تعال الاسبوع الجاي ومعاك التعديلات الي طلبناها ... وهي تختلف من مجموعه لأخرى ...
نقاط يمكن تنفعك ..
-اكيد انت تعرفي تفاصيل بحثك هذا كافي لو سألوك عن اي نقطة ..وما يمنع تمري عليها كأستذكار ..
-الادعية المأثورة ..الطمأنينة.... السلام ....الابتسامه ..
-نوته صغيرة فيها الافكار او مفاتيح للكلام تكون قدامك فيما لو احتجتيها .
-اهتمي في مسألة عدم احراج المشرفةعلى بحثك فيما لو كانت طلبت منك شيء وما نفذتيه .قولي انا اجتهدت والدكتورة ما قصرت وهذا خطأ
نتيجة قلة الخبرة وغيرها من هالكلام ....طيب ليش كذا انا اقولك المشرفة راح تستمر معك في المشروع البحثي او الرسالة فما هي زينة يكون
بينكم شد وجذب على موضوع عادي ممكن تتغاضي عنه .
-اذا ماعرفتي كيف تجاوبي على شيء او اخطأتي في شيء الصمت زين .
-الاهتام بالنظريات المتبعه احد المناقشين ذكر لي انه يجي سؤال عنها
-ابتعدي عن الصدام والجدل ..
-اهتمي بالصوت يكون واضح ومسموع .
-النظر يكون مباشر للسائل ونظر بالترتيب للمناقشين ثم نظرات عشوائية .
-اذا تعرفي احد ناقش السنة الماضية او حتى الفصل الماضي لنفس المجموعه المناقشة راح يفيدك كثير .
اسألي عنهم وأسلوب مناقشتهم وعن شخصياتهم حتى تقدري تتعاملي معاهم .
الله يعينك ويوفقك ...
رد مع اقتباس
ضوابط المشاركة
المفضلات