إختار عضو و حقق معاه ( الجزء الثاني )

**ORCHIDA** · 22-08-2006, 01:06 AM

السلام عليكم

قررت بعد تفكير اني احط جزء ثاني لموضوعي السابق .. اختار عضو و حقق معاه

و بعد ما شفت عدد الأعضاء في منتدانا الحبيب زاد راح اشرح الطريقه مره ثانيه

وهي اني راح ابدأ باختيار عضو واحد فقط و اوجه له عدت اسئله .. العضو اللي

وقع عليه الإختيار لازم يجاوب على الأسئله .. بعد مايجاوب لازم يختار عضو آخر

و يوجه له اسئله ثانيه .. و هكذا .. فهمتووووني

ممنوع اختيار اكثر من عضو في كل مره عشان ما يصير فوضى زي المره الماضيه

و يا ليت الأسئله تكون خفيفه و مرحه
**********************************

يلله نبدأعلى بركة الله

راح يكون اختياري على

777777

7777

77

7

و الله محتاره مين اختار

.. تدرون باخلي الإختيار للي بعدي :36_4_12:

باااااي

**DR AHLAIN** · 22-08-2006, 01:30 AM

مرحبا كل الحب ويعطيك العافية

أنا أختار

7
7
7
7
7
7
7
7
7

7

المحيط الهادي

**ORCHIDA** · 22-08-2006, 01:48 AM

طيب يا دكتور تفضل وجه الأسئله للمحيط الهادي و لا تتأخر

**a girl** · 22-08-2006, 02:14 AM

كل الحب

WooooooooooOOOOOOOOOoooooooooW
لعبه حلوووووووووووه بس مين نختار!!!

**DR AHLAIN** · 22-08-2006, 02:30 AM

فيه واحد توهق <--- يحسب الدعوى اختيار وقضينا !!

هاهااااااي << ضحكة شريرة هههههههههههه

المحيط الهادي

تعال هنا

صح خفت ؟؟ خخخخخخخخخخخخخ

طيب يالله تربط راح راح افجر سد الأسئلة

س 1 : كيف عرفت المنتدى قبل انضمامك؟

س2 : لو سافر الى الخارج وذهبت في رحلة استطلاعية فوق جبل عالي الارتفاع وعندما وصلت تعطلت السيارة هناك,ولا يوجد مأكل ومشرب ولم تجد وسيلة للنزول إلا الطيران الشراعي....فماذا ستعمل (بصراحة) ؟؟

س 3 : دخلت المنتدى فوجد

سعودي انجلش (عضو جديد) 13 مشاركة

أبولمى ( مميز) 180 مشاركة

دكتور أهلين جديد 1 مشاركة <--- وكاتب في منتدى الترحيب ( أرجو الترحيب)

المحيط الهادي المدير العام

فما هو شعورك وما اول عمل ستقوم به ؟؟؟

س 4 : منتدى سعودي انجلش حصل على جائزة كونه افضل منتدى تعليمي للغة الانجليزية

وهي رحلة الى سويسرا لعشرة اشخاص شاملة التذاكر والسكن والاكل والهدايا بعد :)

وتم ترشيحك لتختار ..... فمن هم الأعضاء ؟؟؟

س 5 : دخلت الفصل ذاك اليوم وانت معصب ومبوز 2 متر , وتطلب من الطلاب انهم يسكتون

وفجأة قال واحد منهم: شباب اسكتوا اليوم المحيط الهادي معصب .

وش راح تكون ردة فعلك ؟؟

والله احس ان بنفسي اسئلة بس اخليها بعدين هههههههههههههه

**ORCHIDA** · 22-08-2006, 02:44 PM

يعطيك العافيه اهلين .. بدايه موفقه و اسئله روعه

ننتظر المحيط الهادي

********************

قيرل .. الله يحلي ايامك و عقبال ما يجيك الدور

**هبله عنقلنزي** · 23-08-2006, 06:33 AM

تصدق اسئلتك حلوه يا دكتور خاصه آخر واحد اتخيل وحده من طالباتي تقول لي هبله عنقلنزي والله فشله(نست نفسها تسحب انه المحيط الهادي)

يا الله بنتظارك يالمحيط

**المحيط الهادي** · 23-08-2006, 03:52 PM

س 1 : كيف عرفت المنتدى قبل انضمامك؟

سألت أحد الأصدقاء عن موقع خاص بمدرسين الإنجليزي وما يخصهم فأخبرني وهو عضو فيه وكانت البداية معكم

س2 : لو سافر الى الخارج وذهبت في رحلة استطلاعية فوق جبل عالي الارتفاع وعندما وصلت تعطلت السيارة هناك,ولا يوجد مأكل ومشرب ولم تجد وسيلة للنزول إلا الطيران الشراعي....فماذا ستعمل (بصراحة) ؟؟

والله من البداية وأنا عارف إني بتوهق
ولكن على قول الشاعر

وإن لم يكن إلا الأسنة مركبا ////// فما حيلة المضطر إلا ركوبها

(( ومن يتوكل على الله فهو حسبة ))
س 3 : دخلت المنتدى فوجد

سعودي انجلش (عضو جديد) 13 مشاركة

أبولمى ( مميز) 180 مشاركة

دكتور أهلين جديد 1 مشاركة <--- وكاتب في منتدى الترحيب ( أرجو الترحيب)

المحيط الهادي المدير العام

فما هو شعورك وما اول عمل ستقوم به ؟؟؟

يووووووووه والله أقول أكيد فيه شيء أما مقلب ولا أش القصة

أول عمل كل يرجع لمكانه

وبنسبة لي رحم الله إمرءً عرف قدر نفسة

س 4 : منتدى سعودي انجلش حصل على جائزة كونه افضل منتدى تعليمي للغة الانجليزية

وهي رحلة الى سويسرا لعشرة اشخاص شاملة التذاكر والسكن والاكل والهدايا بعد :)

وتم ترشيحك لتختار ..... فمن هم الأعضاء ؟؟؟

من يستحقها من الأعضاء والتصويت وإستشارة المشرفين في ذلك
س 5 : دخلت الفصل ذاك اليوم وانت معصب ومبوز 2 متر , وتطلب من الطلاب انهم يسكتون

وفجأة قال واحد منهم: شباب اسكتوا اليوم المحيط الهادي معصب .

وش راح تكون ردة فعلك ؟؟

الحمد لله ما أحد يعرف لكن لو حصل راح أنسى الزعل كله وراح أطلب الطالب وأسئلة من وين لك المعلومة الخطيرة

ويا ويلك يالدكتور إذا كان لك يد بالموضوع :124:
والله احس ان بنفسي اسئلة بس اخليها بعدين هههههههههههههه[/center][/color][/QUOTE]

وإذا عندك أسئلة أسأل هو أحنا ورانا حاجة

أشكر صاحبة الفكرة أختي الفاضلة كل الحب

وأخي الدكتور أهلين على هالأسئلة آهـ بس منك هين

أعتذر عن التأخر لأنشغالي اليومين الماضيين

ودمتم بحفظ الله ورعايته جميع من في هذا الصرح الشامخ :36_4_12:

**ORCHIDA** · 23-08-2006, 07:46 PM

ياهلا بالمحيط و مشكور على الإجابات الحلوه

لكن عزيزي لازم الآن تختار عضو و توجه له اسئله عشان يمشي الدور

لا تتأخر

**المحيط الهادي** · 23-08-2006, 08:13 PM

طيب العضو أللي بختارة

هو مين

هو

v
v
v
v
v
v
v
v
v
v
v
v
v
v
v

هو أنتي كل الحب س1 ) لماذا لم تختاري أنتي أولاً عضو وتحققي معه وما هي الدواعي وراء ذلك ؟؟؟؟؟؟؟؟أصلح محقق ههه

س2 ) تخيلي يوم من الأيام دخلتي المدرسة وتبين توقعين الحضور وقالت المديرة لا توقعين

ليش بتقولين وتقولك نقلوك وين للخرخير ما هي ردة فعلك وأعطتك الخطاب ؟؟؟

ويوم رجعتي للبيت تبين تشتكين لنا حصلتي أعتذار وأن عضويتك تم حظرها ؟؟ يوه على النذالة

ماهي ردة فعلك ههههههههههههههه؟؟ اللهم لا شماته

س3) بصراحة لو قالولك غيري أسماء خمسة من الأعضاء من تختارين بصراحتك المعهودة لا تجاملي أبي أسماء

والمبرر لتغييرها ؟؟ طبعاً من دون زعل

س4) لو جاتلك ورقة إجابة لطالبة وماهي كاتبة إلا بعض الأجوبة والباقي كاتبة ملاحظة

وكاتبة لك بعض المواضيع أللي نزلتيها في المنتدى وكتبة لك أرجو المساعدة ماهو موقفك ؟؟؟

س5) ماهو رأيك بصراحة في أسألتي عادي قولي بايخة وما تصلح هههههههههههههه

مع خالص شكري لكِ أختي على هذه المشاركة المسلية

ودمتي بحفظ الله ورعايته

**ORCHIDA** · 24-08-2006, 04:24 PM

اوووووو للالالالا

( حسيت فيكم )

++++++++++++++++++++++++++++++++++++++++++++

1- لأني احترت مين اختار .. و الكل غاليييين قلت اخلي الإختيار للي بعدي

+++++++++++++++++++++++++++++++++++++++++++

2- ياويلك يالمحيط .. حرام عليك .. وحده منها تهد جبل اجل لو مع بعض وش بيصير ؟؟

لكن اجاوب .. راح اسأل عن السبب و وما بسكت .. و اذا شفت الأمور تعقدت بيتي احسن من الخرخير

و بالنسبه لكم انتوا .. وراكم وراكم ما فيه فكه لو ادخل على المنتدى من شاشة الكمبيوتر

++++++++++++++++++++++++++++++++++++++++++

3- اغلب الأسماء حلوه و معبره وما ابغى احد يزعل مني

+++++++++++++++++++++++++++++++++++++++++

4- اناديها و استفسر عن المطلوب و بعدين استهبل عليها و اقول باين على صاحبة المواضيع هذي

انها فاهمه و مواضيعها حلوه

..

++++++++++++++++++++++++++++++++++++++++

5- اسئلتك يالمحيط روعه بروعة تواجدك معنا و المشاركه .. حفظك الله

**ORCHIDA** · 24-08-2006, 05:00 PM

المره هذي انا راح اختار شخص معين .. لأنه ذكرني بالموضوع بعد ما نسيته

وهو

انجلش لفر

استعد .. و خذ نفس عميق ..

############

1- ماذا يعني لك .. خالد.. و سميته على مين ؟؟

###########

2- الصدق الصدق .. وش افضل .. العزوبيه و الا الحياة الزوجيه ؟؟

##########

3- يوم من الأيام كنت نايم .. فتحت عيونك .. لقيت كل اعضاء سعودي انجلش جالسين عندك في الغرفه

ينتظرونك تصحى .. وش ردت فعلك ؟؟

#########

4- موقع جميل اعجبك ..و تنصحنا بزيارته ؟؟

########

5- الصيفيه وين قضيتها ؟؟

########

6- اختارك الإتحاد الدولي للمصارعه لمواجهة المصارع الياباني يوكوزونا مقابل مليون دولار

هل تقبل ام ترفض ؟ ( و الله ما احب المصارعه و لا اشوفها بس مره شفت صورته و علموني عنه )

#######

خلاص يكفي .. بس عجل يا انجلش لفر متحمسين للإجابات .. بااااي

**English Lover** · 25-08-2006, 06:01 PM

ياهلا والله اختي كل الحب

اسئلتكِ حلوه ورايقه

1- ماذا يعني لك .. خالد.. و سميته على مين ؟؟

خويلد ...يعني لي كثير الله يصلحه ويكبر وارسله برى البيت واصير مرتاح من المشاوير ....ههههههه مختوم بجبهتي كسووول جدا

وسميته على اسمي ....اقصد عشانه راكب على اسمي

واخواني قبلي سموا عيالهم باسم الوالد ولجل ذا ماسميته باسمه
والناس الغاليين عندي اكثرهم باسم خالد

خالد اخوي وخالد خويي وخالد زميلي بالمدرسه

وابو يارا اسمه خالد .....وش احلا من كذا

2- الصدق الصدق .. وش افضل .. العزوبيه و الا الحياة الزوجيه ؟؟

الصدق الصدق ....الحياة الزوجيه

العزوبيه فيها حريه وماحد يسأل عنك وماتهتم بشئ

لكن خلاص الواحد لازم يخش عرض على الحياة ويكون له شله ...اقصد اسرة خاصه فيه

- يوم من الأيام كنت نايم .. فتحت عيونك .. لقيت كل اعضاء سعودي انجلش جالسين عندك في الغرفه

ينتظرونك تصحى .. وش ردت فعلك ؟؟

هذا السؤال خطير جدا

لاني ماانصح احد يشوف وجهي وانا توي صاحي ....

لاني توي طالع من حلم وانا دايما اتعمق في الاحلام وانفعل معها

واذا احد جالس بالغرفه اللى انا نايم فيها رايح يسمع اسراري وكل المستخبي

بس اذا اعضاء سعودي انجلش في بيتي ...وش هالفرحه ...وش يكفي عشان اعبر عن فرحتي .....اذبحلكم

حاشي .....حاشي على الماشي ....واصيح باعلى صوتي ....جيبوا القهوة يالربع

- موقع جميل اعجبك ..و تنصحنا بزيارته ؟؟

مواقع البرامج هي اللى تعجبني حاليا مثل المشاغب وغيره

5- الصيفيه وين قضيتها ؟؟

السنه هذي خليتها ....بلدي ...شفت القرود بالطايف وحذفوني بقشر البرتقال

ورحت جدة وضعت في جنوبها عند التكارنه والاجانب

ورحت ينبع عند الينبعاويه قالوا لي كلمتين من كلامهم الحلو وجيت

- اختارك الإتحاد الدولي للمصارعه لمواجهة المصارع الياباني يوكوزونا مقابل مليون دولار

هل تقبل ام ترفض ؟ ( و الله ما احب المصارعه و لا اشوفها بس مره شفت صورته و علموني عنه )

اقبل ....ماهو اقبل وبس ....الا اهزم كوزوهومو هذا وبسهوله

وشلووون ؟؟؟

امسك ضب وادسه ورى ظهري واول ماشوف كوزوهومو ارميه عليه هههههههههههه

الف شكر كل الحب

واللى ابي اختاره على بالي بس ابي اجهز له اسئله واجيكم

**English Lover** · 25-08-2006, 09:50 PM

اوجه اسئلتي الى :

فصولي

يالله يافصولي ..

السؤال الاول :

لو عندك اشراف بالفسحه وقبل تروح نزلت العقال على طاولتك ورحت تمشي بين الطلاب بدون عقال

وفجاة وانت ماتدري الا واحد من الطلاب الدفوش اللى كبر البعير جايك من وراك وناقز عليك ومتعلق برقبتك يبي يطارحك وبعد ماطحت على الارض وشماغك بجهه وطاقيتك بجهه وشعرك ذاك اليوم طايل ومامشطته وكااش وثوبك توسخ والطالب يقول : اسف يااسطاد حسبتنك خويي فلان هههههههههههههههه

وش تسوي له ؟؟؟؟؟........................

السؤال الثاني :

اخر مرة اكلت فيها الرمان كان متى ؟؟؟؟؟؟؟ هذا بس عشان اليوم شريت رمان ههههههههه

السؤال الثالث :

يوم كنت صغير وش كانوا يلقبونك .....عادي ترا ماني معلم احد

السؤال الرابع :

ايام كنت بالمتوسطه كم مرة تهاوشت ؟؟؟؟؟ خاصة هالمرحلة تهاوشت انا فيها واجد لانها مرحلة اثبات الذات بين الاخرين هههههههههههههههه

السؤال الخامس :

لو اني مليت من اسمي انجليش لوفر وطلبت منك تسميني اسم من عندك ؟؟؟؟؟

وش تسميني ؟؟؟؟ لا تجامل لاني ممكن اسويها واغير اسمي

السؤال السادس :

احسن مدينه بالسعوديه دايم تحب تزورها للتمشيه والسياحه ؟؟؟

وسلامتك

**ORCHIDA** · 26-08-2006, 01:16 PM

تسلم يا انجلش لفر على المشاركه .. و ننتظر فصولي

**ORCHIDA** · 28-08-2006, 01:38 AM

انجلش لفر .. وين فصولي ؟؟

دور عليه و جيبه

**young lady** · 29-08-2006, 02:35 AM

بصراحه اللعبه حلوه و ممتعه.....كل الحب مشكورررررررررررررره
أما متحمسه أشوف أجوبة أخ فصولي بس الظاهر أنه متحمس للدوام و التدريس من الحين
أخوي فصولي ننتظرك والا خايف من أسئلة English Loverهههههههههه أمزح

**ORCHIDA** · 31-08-2006, 12:25 AM

يا ناااااس احد شااااف فصولي ؟؟ ..

**English Lover** · 31-08-2006, 04:50 AM

فصولي موقف بالمرور

يقولون انه نسى الرخصه بجيبه وحط الثوب بالغساله وراحت الرخصه بين الكلوركس وتايد ماله مثيل بالغسيل

ومسكوه المرور قبل يطلع بدل فاقد

ههههههههههههههه

ابي ارسله رساله خاصه وان شاء الله يجي

**فصوولي** · 31-08-2006, 02:28 PM

ههههههههههههههههههههههههه ه انقليش لوفر

يا قدعان أنا والله كنت شايف الموضوع هذا وكنت متهرب منه خايف أن الاختيار يكون علي ولكن صادني انقليش لوفر

السؤال الاول :

لو عندك اشراف بالفسحه وقبل تروح نزلت العقال على طاولتك ورحت تمشي بين الطلاب بدون عقال

وفجاة وانت ماتدري الا واحد من الطلاب الدفوش اللى كبر البعير جايك من وراك وناقز عليك ومتعلق برقبتك يبي يطارحك وبعد ماطحت على الارض وشماغك بجهه وطاقيتك بجهه وشعرك ذاك اليوم طايل ومامشطته وكااش وثوبك توسخ والطالب يقول : اسف يااسطاد حسبتنك خويي فلان هههههههههههههههه

وش تسوي له ؟؟؟؟؟........................

طبعا الاشراف شي جميل للمعلم ولكن أنا نصيبي منه قليل جداً لأني انحاش من المدرسه اذا هذاك اليوم علي اشراف واذا والمدير يدق علي ولا ارد عليه لين تخلص الفسحه واذا رجعت اقول له ناسي جوالي بالبيت وأني نسيت أن عندي اشراف ولكن احيان قبل لا انحاش يكون المدير واقف عند باب المعلمين ويصيدني ويقول لي ارجع أشرف
ههههههههههههههههههه الموقف اللي ذكرتي موقف محرج من جد ولكن أتوقع لو أن طالب سواها أول شي بشوف هل الطلب حجمه كبير مره يعني ما أقدر عليه ؟؟ الجواب هنا ينقسم إلى قسمين الأول : اذا كان حجمه اصغر من حجي رح أرد عليه بالمثل وأطب في حوض بطنه واسطره لين يقول ربي الله
واذا والله حجمه كبير بقول له ليش ما تنتبه يا حبيبي ؟ تعال لي بعد الفسحه في غرفه المدرسين طبعاً ما رح اضربه لأن الطلاب اللي اجرامهم سماويه اتعامل معهم بالكلام لحد ما اشوفهم يبكون وهنا اضمن اني ما رح اتهزئ

السؤال الثاني :

اخر مرة اكلت فيها الرمان كان متى ؟؟؟؟؟؟؟ هذا بس عشان اليوم شريت رمان ههههههههه

وااااااااااااو رمان رمان رمان والله يمكن لي اكثر من 15 سنه ما اكلته بس اذكر من زمان كنت اروح لقريتنا وندخل في المزرعه ونجلس تحت الشجر في وسط ساقي الماء ( ساقي الماء = مجرى الماء ) عشانه بارد ونفقش رمان وناكله

السؤال الثالث :

يوم كنت صغير وش كانوا يلقبونك .....عادي ترا ماني معلم احد

ههههههههههههههههههههه طبعا قصدك عيارتي في البيت كانو يسموني الدوده وين راح الدوده وين جا الدوده سبب اختيار هذا المصطلح لاني اكل واجد وما أسمن

السؤال الرابع :

ايام كنت بالمتوسطه كم مرة تهاوشت ؟؟؟؟؟ خاصة هالمرحلة تهاوشت انا فيها واجد لانها مرحلة اثبات الذات بين الاخرين ههههههههههه

طبعا طبعا اثبات الذات ويوم لك وعشره عليك هههههههههه بس اللي اذكر انا تهاوشت مع واحد ما انسى الموقف طبعا طالع من المدرسه والنفس شينه وكنت ارجع مع واحد من اصدقائي على السياره المهم ذاك اليوم كنت طالع من المدرسه والاخلاق زيرو رحت لسياره صديقي عشان اركب ونروح ندشر ونتغدى ونروح البيت كالعاده المهم كنت ابي هوشه بس ما ادري كيف لقيت واحد من الطلاب جالس على كبوت سياره صديقي انا مالي دخل بالسالفه بس قلت لازم اخربها اله يذكره بالخير الولد اسمه عادل ال****** جيته قلت له وش مجلسك على السياره قال وش دخلك قلت يلا تقلع وانزل لا اشوفك جالس هنا ثاني مره نزل الولد وبعدها انا رجفته مع ********* وقلت يلا اقلب وجهك انا على بالي ان الولد بيمشي وما رح يرد اطالع الا الولد بكل ما عطاه الله من قوه جاي يمشي مليون وبصق في وجهي يا قدعاااان انا تهزئت جلست شوي افكر في الموضوع مو مصدق الجرأه هذي حقته والا هو عطاني ظهره ويمشي مع اصدقائه جيت اركض ماشي مليون واشوته ظفر مع ******** من قوت الرجفه الولد طاح بالارض ورديت له البصقه وهو يبكي وارتحت نفسيا وجو الشباب فكو بيننا ( ايام وعدت )

السؤال الخامس :

لو اني مليت من اسمي انجليش لوفر وطلبت منك تسميني اسم من عندك ؟؟؟؟؟

وش تسميني ؟؟؟؟ لا تجامل لاني ممكن اسويها واغير اسمي

بكل صراحه أسميك المحقق كونان

السؤال السادس :

احسن مدينه بالسعوديه دايم تحب تزورها للتمشيه والسياحه ؟؟؟

أحسن مدينه بالسعوديه الخبر مو بس الخبر فندق الهوليدي أن الواقع في الهاف مون فقط
يا الخبر يا البر بس .

السؤال السابع :

وش اسم أمك يا فصوولي ؟

أسمها مفرد كلمه هيل << راعي قهوه = هيله

هههههههههههههههههههههه يعطيك العافيه انقليش لوفر وأحب أشكر كل الحب على مشاركته اللطيفه وأعتذر على التأخير في الرد لاني منشغل شوي عن النت ويعطيكم الف عافيه

**فصوولي** · 31-08-2006, 03:18 PM

هنا وقع اختياري على انسانه احببتها في الله فعاله في منتدى سعودي انقليش ولها مواضيع ملطوشه وصريحه تكتب ملطووش ولها عطائات تشكر عليها نرحب بالاخت

أم بسمه

جيبي ورقه وقلم :

س1/ أم بسمه كم عمرك ؟ <<< ما فيه امل تجاوب أكره سؤال تسئله للبنات والشيبان كم عمرك . نغير السؤال

أم بسمه لماذا اخترتي اللغه الانجليزيه ؟؟

س2/ من هو بنظرك أفضل عضو من حيث المشاركات ؟

س3/ أطرف موقف صار لك وانتي تشرحين ؟ وكيف سيطرتي على الفصل بعده !

س4 / ماذا لو كان معك اربع وردات وطلب منك أن توزعينها على اعضاء المنتدى ؟؟ من تختارين ؟

س5 / موقف صار لك بالحياة وتمنيتي انه ما صار ؟ <<<< لا تقولين اسئلتك يا فصوولي

س6 / عندما تكتبين كلمه ملطوش في مشاركاتك هل تحسين بأنك حراميه والا فخوره باللطشه ؟

س7 / طولنا عليك لكن هذا اخر سؤال هل سافرتي خارج المملكه ؟ وهل تودين ؟؟ اذا كانت الاجابه بلا ووين رحتي ؟ ولو ما رحتي وين ودك تروحين ؟

الزمن : 30 دقيقه المصحح فصووولي

**ORCHIDA** · 31-08-2006, 04:42 PM

اخييييييرا شرفت يا فصوله .

. بس اتحفتنا بالإجابات .. الف شكر

***************

ام بسمه .. الله الله في الإجابات و الأسئله

**ام بسمه** · 01-09-2006, 02:08 AM

الله يعين
وش الله سلطكم علي؟؟؟؟؟؟

بسم الله نبداء

س1/ أم بسمه كم عمرك ؟ <<< ما فيه امل تجاوب أكره سؤال تسئله للبنات والشيبان كم عمرك . نغير السؤال

أم بسمه لماذا اخترتي اللغه الانجليزيه ؟؟

ههههههههههههههههه

مكتوب و مقدر
وقد مره كتبت اني كنت مسافره وفاتني التسجيل فرحت اقدم دراسات اسلاميه
ورفضوني وقالوا مافي مكان إلا الإنجليزي .
س2/ من هو بنظرك أفضل عضو من حيث المشاركات ؟

بصراحه وما احد يزعل ؟؟؟؟؟؟
المحيط الهادي
س3/ أطرف موقف صار لك وانتي تشرحين ؟ وكيف سيطرتي على الفصل بعده !

فيه مواقف عده

اذكر منها مره نحله دخلت الفصل وقاموا البنات يزعقون , سويت شجاعه وظربتها بالكتاب , احسبها ماتت واثرها داخت بس , البنت الي بجنبها خايفه رحت اشيلها بمنديل !!!!!!!!!!!!
قرصتني ذيك القرصه من وراء المنديل ........ الباقي اتركه لمخيلاتكم
س4 / ماذا لو كان معك اربع وردات وطلب منك أن توزعينها على اعضاء المنتدى ؟؟ من تختارين ؟

الأولى للأستاذ سعودي انجليش
الثانية لأبو ريان
الثالثه للغاليه
الرابعه لأختي من شان عيوني just for your eyes

اما دكتور اهلين فما له ورده حذف لي كم موضوع بدون ابداء السبب آخرهم اليوم

س5 / موقف صار لك بالحياة وتمنيتي انه ما صار ؟
اني قبلت ادرس ثالث متوسط العام الماضي و تورطت فيه ذي السنه
س6 / عندما تكتبين كلمه ملطوش في مشاركاتك هل تحسين بأنك حراميه والا فخوره باللطشه ؟

فخوره باللطشه جدا جدا

س7 / طولنا عليك لكن هذا اخر سؤال هل سافرتي خارج المملكه ؟ وهل تودين ؟؟ اذا كانت الاجابه بلا ووين رحتي ؟ ولو ما رحتي وين ودك تروحين ؟

نعم سافرت خارج المملكة عدد من البلدان في اوروبا وامريكا وشرق اسيا و افريقيا
واود الذهاب الى امريكا الجنوبية وخاصة باناما و فنزويلا

وش رايكم اكتب م ل ط و ش