بصير معلمه جديده وأرجوا الله ثم منكم المساعده ♥

[انقليزيه 1]

بسم الله الرحمن الرحيم

بداية كل شي ماجعلني اتطرق للكتابه في هذا المنتدى هو مساعدة الأعضاء بعضهم البعض والتمست حب المساعده فيما بينهم وتقديم ماينفع الجميع ..

أنا إن شاءالله وإذا أراد الله بكون معلمه في مدرسه أهليه (بيمسكوني متوسط وثانوي)، وبما أنها أول تجربه لي في التدريس ماعندي أي خلفيه عن أي شي من ناحية المنهج الجديد وطرق التدريس المتبعه هل هي نفسها لما كنا طلاب ومن ناحية التحاضير هل هي جاهزه أم انا اقوم بعملها ، بالمختصر من ناحية كل شي يتعلق بالمعلم الجديد ويتعلق بأول يوم دوام له وأي معلومه ممكن تفيدني..

أرجوكم المساعده أنا بالحيل ضايعه وماني عارفه وش اسوي علمآ اني للحين ماباشرت ولكن واعدوني الأيام الجايه .. وشكرآ لكم من الأعماق

[Alsqour.w]

اهلا وسهلا بك بيننا

ونتمنى لك التوفيق والتعيين في مدارس الحكومه

بالنسبه للمناهج
انتِ باشري اول وشوفي وش المنهج
وهنا فيه قسم خاص بكل منهج
راح تلاقي فيه كل شي تقريبا

في البدايه راح تكون الامور فيها شويه صعوبه لانك جديده

وتهون بعد كم اسبوع

التحاضير هنا الوان واشكال
شوفي اللي يناسبك
وحضري باسلوبك

بالنسبه لي مستحيل اخذ جاهز
لكن مايمنع اطلع واقلد واضيف

لذلك في هذا الوقت لاتقلقين نفسك بمسألة التحاضير واوراق العمل وووو

لذلك انصحك في هذا الوقت بالاطلاع في النت او شراء كتب تتحدث عن طرق التدريس للمتوسط والثنوي

مثلا

كيفية تدريس نص
او محادثه او قواعد
طرق التعامل مع الطلاب
افكار جديده للتدريس
اول حصه

وهكذا

لانو في استراتيجيات جديده
وافكاار غير

اللَّہ الموفق

[انجلينا موضي]

هلا حبيبتي انا مثلك مدرسه متوسط وثانوي

انتي تدرسين اي صف بالضبط

وماعليك ابشري بالمساعده بعطيك ال kik تبعي

وباذن الله مارح اقصر معك ولاتشيلين هم ابد

بس علميني وش اسم مناهجك والصفوف

[انقليزيه 1]

Alsqour.w
شكرآ شكرآ شكرآ الله ينور عليك

[انقليزيه 1]

انجلينا موضي
الله يسعدك اي والله محتاجه احد يساعدني ربي يفتحها بوجهك
الصفوف قالولي احتمال تمسكين المتوسط والثانوي كله وهذا اللي مخوفني
والمناهج والله ماأدري للحين ماأكدوا لي ولكن واعدوني

[انقليزيه 1]

انجلينا موضي
ارسلي الكيك حقك لأن حاولت ارسلك ماقدرت لازم مشاركاتي 50

[خريجة انقلش]

اول تشوفين المناهج وتتطلعين عليها
وشوفي ايش في المدرسه من امكانيات بروجيكتور او سمارت بورد
استخدمي صور للشرح ومجسمات لو عندك تساعدك في توصيل المعلومه
وضرب الامثله والمسابقات التفاعليه البسيطه
والله يوفقك

[malm7]

الله يوفقك ويسهل عليك امرك

[lolitaa]

وانا نفس المشكلة
لكن انا طالبين مني شرح درس للابتدائي وقالوا لازم نشوف ادائك بعدين نقرر
ارجوكم ساعدوني

هذه اول مره ادرس فيها والمشكلة م عطوني درس محدد قالو انتي اختاري

[زهرة الثلج]

في قسم للمناهج اختاري اي درس وشوفي اي شي سهل


والله يوفقج يارب

[lolitaa]

وياك يارب

المشكلة بالاستراتيجيات الجديده
انصدمت منها
وماعرف لها كيف وكيف تحضيرها وشرحها