المشرفة والمديرة والطالبات ظلموني بسبب منهج ثالث متوسط

[wsn]

اخواتي واخواني في هذا اامنتدى انامعلمة مستجدة ماشاء الله علية اتخرجت من هنا وجتني الوظيفه من هنا واول منهج اخدته ثالث متوسط صحيح المنهج صعب على الطالبات لكن عشان اثبت وجودي في البداية سويت الي اقدرعليه والله ماخليت وسيلة تعليميه ماستخدمتها المهم كان تحضيري قمه لكن الطالبات مو مستوعبييين المنهج ربطو صعوبة المنهج فية كمعلمة جديدة واني انا سببت لهم احباط وانهم كانو يحبو ال انجليزي ولما جيت انا موفاهمين شي وخصوصا كيف يستخدمو القاموس وخصوصا ال pronounciation طريقة كتابة نطق الكلمة بالقاموس الي انا ما عرفته غير بالكلية ومقهورييين ليش اقولهم جيبو قاموس اتعلموا كيف تستخدموه بعد الدرس هذا الشكاوي نزلت عليه مثل المطر المديره تتفلسف علية وتناقشني في المادة وهي مي فاهمة شي اما المشرفه فحدث ولا حرج هي درست المناهج القديمة سنه مدري سنتين وهي ماتفهم شي المشكلة اني كل مااناقشها بالمنهج احسها حتى ماتصفحته اقولها لازم يتعلمو الطالبات يستخدمو القاموس تقلي حرام صغار ايش عرفهم
حسبي الله ونعم الوكيل البلد الي انا فيه صغيرة الكلام وصل لزوجي يقولي صح انت عقدتي البنات ومو فاهمين شي
بس حبيت افضفض

[سعـــــود]

انا مثلك معلم جديد واستلمت ثالث .. للحين ما درستهم بسبب الاجازة الطبية لي

بس خوذي الموضوع ببساطة واعطيهم قواعد ...

وتاكدي اهم شي عن الطلاب والطالبات الدرجات ...

وبعدين عطيهم ملخصات من هنا بالموقع كثيرة ...

والي مو فاهم يسألك

[Sweet Teacher]

حبيبتي

زوجي يدرس ثالث متوسط لمدة 6 سنوات ماشاله عليه

ومع المنهج الجديد غير طريقته نهاااااائئياااااااااااا في الشرح

صار يركز في كل وحدة على الاشياء الضرورية والاهداف اللي بيطلع بها الطالب

مثلا
في كل وحدة يعطيهم مقدمة وبعدين حوار وقاعدات والمراجعة اللي بآخر الوحدة وبسسسسسسس
سمع الله لمن حمده

المحادثات الزاية يحذفها والتمارين الثقيله يحذفها

وكنشاط يشجعهم يحفظوا كلمات ومعانيها والاسبلنج ويغريهم بالدرجات وكل ما تحفظ اكثر اعطيك اكثر

ولا وسائل تعليميه لا يحزنزن

وماشالله عليه مااااااااااااشي زي الفل حتى المشرف مدحه كثير واعطاه بطاقة تميز آخر الترم


بالتوفيق حبيبتي

[a girl]

السلام عليكم ورحمة الله وبركاته
اولا مبروك عليكِ الوظيفة ثانيا كل معلمة مستجده بتكون نشيطه ومتحمسة
مثلك ماشالله عليكي واكيد بيقابل هذا النشاط صدمه اولا بسبب مستوى الطالبات لانك تكوني توك متخرجه ومحمله بمعلومات كبيره ع مستوى الطالبات وتتوقعي ان مستواهم بيكون اذا مو جيد مقبول بس للاسف
مستوى طالباتنا جدا ضعيف ولاتجدي في الفصل الا كم طالبة ممتازه او جيده!!!
بالنسبةللطالبات اكيد هم بعد انصدمو فيكي عارفه ليه لانهم ماتعودو معلمتهم اللي قبل تشرح لهم بالانجلش طول الحصه( وهذي مشكله اواجها لما اتنقل بين المدارس واول شكوى توجهه ليا بس انا اقنع الطالبات انه هي الحصه الوحيد اللي انجلش فلازم تتقبلوه لان المادة انجلش مش عربي وهنا بالظبط راح تلقين الكل واقف ضدك)
غير المنهج والتعابير والمحادثات.....

اكيد بيقولو انك بتصعبي ع البنات وبتعقيدهم وبيصير الصح الى هو انت غلط والغلط الا هو هم صح
بتلقي حتى زميلاتك ومديرتك ومشرفتك ضدك وهذا كله لانك مستجده ويحسوا انك ماتعرفي شي مع انك تكوني متحمسه وتحاولوين ترفعي مستوى الطالبات الهابط بس لاجدوى من هذا ...
هم يبونك تصيري معلمه تقليديه تنزلي لمستواهم (وهذا شي جيدومطلوب بس بحدود) بس بتلاحظي انك بتتنازلي شويه شويه لم تصير حصة عربي بدل انجليزي وهذا شي غلط .
نصيحتي لك:
1. تناقشي مع الطالبات عن مستواهم واعرفي شو اللي صعب عليهم في المنهج وبيني لهم ليش واستعيني بالاوراق المساعده (تلقي كثير منها في المنتدى)واشرحي لهم الاوراق في حصص الاحتياط لانك اذا عطيتهم الاوراق ماراح يقرونها بس انتي وزعيها عليهم واشرحي محتواها.
2.ودايما بيني لهم النقاط المهمه في المنهج وان التعابير والمحادثات وهي شي جديد عليهم انها سهله وحاولي تمتحنيهم فيها واعملي لهم امتحانات تجريبيه في القواعد ومره في التعابير ومره في المحاداثات
لان الطالبات مساكين منهج صعب ومحشو بمعلومات وفيه محاداثات وتعابير.
3. قولي لهم اي وحده مش فاهمه ممكن اشرح لها في اي وقت تكوني انتي فاضيه فيه.
4.حاولي تخلي الحصه ممتعه وكلها جوائز والعاب وحاولي تركزي ع الضعيفات وتقسمي الفصل لقروبات و بيرز
علقي في الفصل لوحه لاسم كل قروب وحطي لهم نجوم ع حسب اجاباتهم في الاكسرسايسز ( هذي الطريقه تخلي الطالبه الضعيفه تتحمل المسئوليه وترفع مستواها خوفا من انها تخسر فريقها )
واالله يوفقك لانه باين عليكي تعملي هالاشياء واكثر بس انت استمري ولاتيأسي.!!!!!!!!
>اسفه ع الاطاله بس موضوعك اثار اهتمامي<

[angle2005]

اختي
اتمنى ان تعذري هذه الدفعة بالذات لانها الدفعة التي تغير فيها المنهج لاول متوسط والثاني متوسط لاني اطلعت على منهج الاول المتوسط عندما غيروه لم يراعوا ان التلاميذ لم يدرسوا الانجليزي من قبل فكان اول درس مراجعة الحروف على ما اظن وهم لم ياخذوها . انا لا اجد لهم الاعذار ولست من مستخدمي العربية في الحصة انتضري انشاالله الدفعة القادمة الي درسوا الانجليزي في الابتدائي فهم افضل بكثير و اكثر حب للمادة . اعذريني على اطالتي و اتمنى لك التوفيق

[ميس]

وسعي صدرك وسن
ولايهمك كلام احد دام انك ماشية صح
اتبعي كلام الاخوة والاخوات الطيب واتوكلي على ربك
ولاتنسين رددي
لإله إلا أنت سبحانك اني كنت من الظالمين

[اليكيكي]

خليتس مرنه .....

[جواهر الحرف]

اولا وسن مبروك التعيين
ثانيا انا مثلك تدبست بمنهج ثالث واحس انه جدا كبير على مستواهم
بس ايش نسوي
بس انا اصريت اوافق عشان اخذ فكرة عنه من كثر مااسمع الكل يسولف عن صعوبته
الله يعينني ويعينك والجميع
بس انتي حاولي تحببين البنات بالمادة وفيك انتي عشان تخففين عليهم رهبة المنتهج ومبرررررررررررررررروك عليكم الشهر جميعا

[ميس الريم]

سهلي الموضوع ويتسهل بعدين مادام قلتي البلد صغيره فمعناته ماتعودو على الدراسه لاني لاحظت كل ماصغر البلد كل ماكانت المناهج اقل(ملخص يعني)

[ميس الريم]

سهلي الموضوع ويتسهل بعدين مادام قلتي البلد صغيره فمعناته ماتعودو على الدراسه لاني لاحظت كل ماصغر البلد كل ماكانت المناهج اقل(ملخص يعني)

[13&mjoody]

أشرحي على مستوى الطالبات

[زعلانه مره]

ياختي لاتكثري كلام عليهم وعطيهم كل شي قد بقد

وركزي على القاعدات اكثر شي

[Marshmallows]

حبيبتي...ولاتزعلين نفسك ولا شي....المنهج صعب مايختلف عليه اثنين والعام الماضي سوالنا ازمه اول مادرسناه للطالبات..واحنا عندنا خبره 6 سنين..مابالك انتي المستجده..حرام عليهم يمسكونك ثالث من اولها....بس شوفي حبيبتي..اولا احتسبي الاجر..ثانيا سوي اللي يمليه عليك ضميرك..ثالثا ماعليك من مديره او مشرفه....رابعا انتي لاتدققين على كل شي بالمنهج اعطيهم المهم واللي تحسين انه بيفيدهم....مو كل كلمه راح تقدرين تعطينهم اياها ...هذا الكلام قالته لي مشرفتي وانا ادرس بالرياض شلون انتي ياللي بقريه واول مره تدرسين....ولاتضيقين صدرك ولا شي ..مافي شي يستاهل مادامك راضيه عن نفسك لايهمك شي
تحياتي لك
ودمت للمنتدى لاعدمناك

[صهيل الأصايل]

غاليتي توكلي على الله اول شي

ثانيا انا زيك انتقلت لمدرسه جديده بدايه الترم لقيت الطالبات زفت

اشتكوني للمديره يقولون تشرح إنجليزي ما تشرح عربي و هم كما يقولون متعودين كل شي عربي

المهم صرت اكثر من الوسائل و اعيد و ازيد لا حظت باخر شهر رمضان انهم بدأوا يتقبلوني و بدأوا يفهموني

و عزيزتي اكثري من ادعيه الكرب و سترين النتيجة


تقبلي تحياتي

[English Lover]

فضفضي ليش لا

والله يكون بعونك

[ابوخالد الخالدي]

مرحبا اختي,,,,,,,

مبروك التعيين و الله يعينك

اهم شي خليهم يتعلمون الثلاث اشياء الرئيسية:-

1- القراءة

2-حفظ بعض الكلمات


لانهم اذا تعلموا ال reading مع حفظ بعض الكلمات بيساعدهم بالأعتماد على انفسهم بفهم الدرس وكذلك فهم المطلوب من اسئلة الأمتحان.

3- القواعد======== وهذا شي أساسي


باختصار ,, خذي الفايدة من الدرس وبس

[مخاوي الدمعه]

مبـــــــــــــــــــــــ ـــــــــــــــــــــــــ ـروك التعيين

ترى الموضوع ماااااااااااااااااااااااا ااااافية قص رقاب .
وعلى فكرة دايما المدير اوالمديرة الموالون للادارة لازم يوافقون مع المشرف والمشرفة عشان سمعتهم
فلا يهمك كلامهم انا ادرس جميع مراحل المتوسطه وكلهم يستخدمون القااااااااااااااااااموس
اذون لين تعلموااااااااااااااااا
لايهمك احد Go ahead

[miss. English]

نصيحه باختصار
ركزي على الكيف وليس على الكم
مقرر ثالث متوسط رائع ومنوع لكنه يخربه كثرة محتوياته
درس القاموس فعلا صعب وانا درسته العام وحذفته هالسنه لانه بالمنطق لما الطالبه تتعلم لاستخراج معنى الكلمه انقلش انقلش هل عندها اصلا مخزون لغوي عشان تفهم المعنى؟
طبعا لا لو عرفت تستخرج الكلمه ماراح تعرف تقرا معناها
بلبنان وسوريا يكتبون معنى الكلمه بالعربي بالدفاتر عند النيو وردز
واحنا من زود فلاحتنا نبيها انقلش انقلش!!
اذا اردت ان تطاع فأمر بما يستطاع
السنه الجايه راح يكون المنهج لك جدا ممتع وسهل لانك ادركتي محتوياته وعرفتي وش المفيد والضروري ووش الشئ الزائد عن حاجتهم

ابدأي بتدريس اللغه قبل المقرر لانه اجدى وانفع

[المطيري1404]

السلام عليكم ورحمة الله وبركاته
°ˆ~*¤®§(*§*)§®¤*~ˆ°انا مدرس جديد وعطوني المرحلة المتوسطه كلها وكمان سادس ابتدائي وعندي كمان تكميل حصتين في مدرسة ثانيه في سادس ابتدائي والله العظيم اني اعاني في تعاملي في تدريس كتاب الصف الثالث متوسط وجاني المشرف قلت له ان المنهج فيه صعوبة وكمان غامض والحمد الله كان متفاهم معي...........................

لكن والمهم اني اشرح الدرس وما علي من المدير والمشرف كمان واللي علي ابي اسويه
°ˆ~*¤®§(*§*)§®¤*~ˆ°

[القلب المفتوح]

الله يكون في عونك

الصراحة بعض المعلمات يفتقدون للواقعية

اقارن نفسي مع معلمة بنت قريبة لي

والله فرق كبير

اكلف ما عليها تقول حلوا الواجب وبدون شرح

وتطلب منهم اشياء فوق قدرتهم

أشياء كثيرة تطلبها وانا اشوفها صعبة على الطلاب وطامرها

وهي يالله يا بنات حلو

المفروض الواحد او الوحدة يكون تدريسهم على قد مستوى الطلاب

[العاصفه]

لا تشكي لي ابكي لك

أنا

خريجه جديده

مو مشكله

مسكوني3متوسط

مومشكله

24حصه

مو مشكله

المنهج صعععععب

مو مشكله

المشكله:
أسألهم وين الفعل
يقولون أحمد
أسالهم وين الأسم
يقولون sleeps
كلمةtable
يقرونها تابلي
الدين في السعوديه:المصمك
أعدت للبنات الامتحان وجبت كوبي من امتحانهم الأول ماااااغيرت ولا سؤال
أخذوا نص وواحد!!!!!!1

وش الحل؟؟؟؟؟؟
وش الحل؟؟؟؟؟؟؟

قطعت نفسي نتفت شعري
98 طالبه مايفهم علي الا8
يوم شفت اني أضيع وقت صرت اشرح انقليزي ثم بالعربي
كلمه كلمه وأبشركم بدوا يستوعبون
طيب هل استمر؟؟
ثلاثة أرباع الحصه عربي كأنها حصة مطالعه؟؟؟

سامحيني صاحبة الموضوع
برضوه حبيت افضفض

[miss. English]

أسألهم وين الفعل
يقولون أحمد

هههههههههههههه

عادي كانوا طالباتي يقرونtheتهي هههههههه

[ابو لمار]

لا يهمونك
واعطيهم المفيد

[young mother]

ياجبل مايهزك ريح

أذا انت واثقه من نفسك ومن قدراتك ماعليكي من حد
وكثير نلاقي فلسفه حتى من البنات نفسهم

بس خليكي قويه لازم أول سنه بيقولون لك باقي جديده ماتعرفين ماعندك خبره ومدري ايش خرابيط واجد بس ماعليكي من أحد

أستمري أنا كمعلمه ولي خبره 3 سنوات أحس القاموس مهم بالحصه وجزاكي الله الف خير اللي تعلمين البنات هالأشياء

بس حاولي يكون أستخدامه على شكل مسابقه يعني الأولى اللي تطلع المعنى وتعرف تنطقه

شكرا لصاحبة الموضوع

[التوت البري1]

يا أختي شكلك ما خذه الموضوع بجدية زياده عن اللزوم تري هذا ثالث متوسط مو ثالث ثانوي ، يعني صحيح
المفروض يستخدمو القاموس بس شوي شوي بعدين ما تجبريهم على استخدامه ، وتري المناهج الجديده مكثفه على الطالب والمعلم يعني الدرس الواحد جزئيه إلى حصتين ومو كل شي تكونين دقيقه فيه ، ومخارج
الحروف والأصوات أعطيهم بطريقه سهله مو زي ما درستيها في الكلية ، وحاولي تتقربين من طالباتك أكثر
أنتي في مقام أخت لهن ، ولا تعتبرين التدريس معركة فيها إثبات للوجود وميدان وصولات وجولات ، يا أختي
خليكي مرنه ومتفائلة ومقبلة على التدريس بروح كلها تسامح وصبر وثقه والله يوفقك .........