دون زعل أنواع الأعضاء في منتدانا الغالي

**فصوولي** · 30-09-2006, 03:33 AM

السلام عليكم من خلال مشاركتي معاكم وانسجامي واستفادتي من مواضيعكم حبيت أن اطلع لكم بالاستنتاجات اللي قريتها من نفسيات بعض الاعضاء في المنتدى وأنت بنفسك تقدر تختار القروب اللي تنتمي له :-

1- القروب الأول : بصراحه ناس مهويه وزاحفه وطيبه وعلى النيه يحبون بعض وبعض ما يحبهم << أجد ردودهم على كل المواضيع ويحاولون يكسبون المنتدى باللي فيه وتتميز مواضيعهم دائما بالهباله وسعة الصدر ولو ما في راسهم افكار يخترعونها ( لولا الزعل قلتهم تراهم في بالي )

2- القروب الثاني : قروب يدخل يكتب الموضوع ويدور اكثر عدد من الردود ويتميز بالجديه واسلوبه جدي نوعاً ما ولا يتقبل من أي شخص آاخر ويمكن يكون انسان حساس كلمه تجيبه وكلمه توديه وهدفه يمكن يكون من المشاركه الحصول على مرتبه أعلى بالعربي يغارون مني ليش اني مميز وهم لاع << وش عنده سعودي انقليش على غفله

3- القروب الثالث : قروب يدخل المنتدى عشان يلقط تحضر من هنا والا من هناك والا يسرق اسئله ويطلع حتى كلمه شكراً ما يعرفها والا دعوه يمكن تصادف ساعه اجابه وينتفع بها الاخ المشارك الله يجزاه بالخير وهذا بصراحه يكون نحيس على المنتدى ولا نبيه معنا <<< صاير المشرف العام وانا مدري

4- القروب الرابع : وللاسف هذولي ما ودك تقول لهم حتى كلمه كيف الحال يجي يدخل المنتدى ويكتب مشاركته وباسلوب رسمي مره ولا يبي الا ردود رسميه والنفسيه الله بالخير ما ودك تقول له حتى صباح الخير تخاف يصفقك بالماوس مع راسك وبعدين ما يرد على أي مشاركه تلقونه جالس في وسط قروب من اخوياه في المنتدى ولا يبي احد يتعرف عليه ولا يحارشه بشي ولو دخل اي مشاركه وخذ منها تحضير والا اسئله والا ملف مهب راد وقايلن شكرن لأنه ما يعرف كاتب المشاركه

الهدف من الموضوع هذا يا اخواني وخواتي أتمنى أشوف جميع اعضاء دلوع يد واحد ونرحب بالجديد ولا نسمح لاحد من الاعضاء بالخروج من المنتدى ونكون اخوه ويد وحده ونبعد سوء الظن ونبدع بالمشاراكات سواء كانت منقوله او مؤلفه
تأبى الرماحو تئبى الرماحوووو اذا اجتمعن تكسرا <<< يا خوفي دكتور اهلين يكسر الرماح كلها بيد وحده ويخرب المثل

اسف للاطاله ويعطيكم الف عافيه على مروركم مقدما وجعلنا الله واياكم من قوام شهر رمضان ومن صوامه وتقبل من ومنكم صالح الاعمال انه سميع الدعاء

**Mr.X** · 30-09-2006, 04:15 AM

هلا وغلا أخوي فصوولي

ابصم بالعشر على كلامك........... (( واحد ما يبغى يكون من اللي في بالك ))

بس كل المنتديات نفس المشكلة ....!!

والموجودين فيهم الخير والبركة

Mr.X

**Scream of Pain** · 30-09-2006, 04:19 AM

شكرا أخ فصولي ؟؟؟

من جد كلامك في محلة تصدق من زمان نفسي اقول كذا بس خااااااااااااااااايف هههههههههههه

**Romanciah** · 30-09-2006, 06:00 AM

هههههههههه فصووووولي تصنيف حلوووووو بس فيه اعضاء بعد بين القروب الأول و الثاني لا هباااال ولا تفكيرهم مرتيه اعلى ووووووو........... الخ

وساالفة اللي يسحبوا ملفات و يطلعوا ياكثرهم و الدليل ان اعضاء المنتدى اكثر من 17000 ماشاء الله و اللي معروفين من الكتاب معدودين تميزهم ؟؟؟؟؟؟؟؟!!!!!!!!!!!!! شفت شلوووون...

المهــــــــــم موووضوعك مرررة حلوووة الله يعطيك العااااافية.........

**a girl** · 30-09-2006, 12:05 PM

فصوولي
ههههههه كلامك صحيحه وانا عني اجمع جميع هذه القروبات ع حسب نفسيتي !!

**English Lover** · 30-09-2006, 03:25 PM

فصولي

انظر للنصف المليان من الكوب

**فصوولي** · 30-09-2006, 09:36 PM

هلا والله بك مستر اكس وطلتك مشرقه علي متصفحي يا الغلا كله كونك تقول كل المنتديات هذا شي ثاني هل تشبه سعودي انقليش مثل باقي المنتديات ؟؟ انا واللي اراه وبدون مجامله بعد جهود الاخوه والا داره والاعضاء كلهم وجدت التطور في سعودي انقليش بنسبه 95% من باقي المنتديات اللي انا مشارك فيها وبيني وبينك اصبح المنتدى جزء لا يتجزئ من حياتي فهو يعني لي الشي الكبير كوني اشوف الجهود اللي تصير في المنتدى وامدح وبس هذا ما يكفي بل اطلب المزيد مقل الطالب الممتاز عندي ما اقول له انت ممتاز واخليه يحط راسه على الوساده وينام بل اطلب منه جهد مضاعف يغطي اي خطأ أو زله بارك الله فيك الغالي وعطاك على قد نيتك

سكريم اوف بين تعجبني فيك الصراحه لكن احب اقول لك شي واحد يمكن انت جديد شوي على المنتدى ولكن أبي اطمئن قلبك منتدى سعودي انقليش منتدى شفافيه ولا يعرف المجاملات ويقبل أي انتقاد او اي اقتراح وصدقني جرب رح تشوف التفاعل مع اي اقتراح او اي مشكله تمر عليك بالمنتدى

رومنسيه بينها وبين دوامها 5 دقايق و 3 دقايق اذا كانت حاطه رجلها <<< ما نسى
يمكن اوافقك الراي كونك قلتي ان فيه ناس تجمع بين القروب الاول والثاني ليش انك بنت واصله ويمكن ابوك وزير المعارف ومقربك من دوامكم وابي منك مصلحه <<<<< انواع الاستغلال
لكن بقول لك الجد بغض النظر عن أن ابوك وزير التربيه والتعليم << نكبر راسها شوي صحيح كلامك بس هذي قلة ويعتمد على نفسية الواحد يمكن يجمع بين القروبين مثل ما ذكرت الاخت قيرل

الاخت قيرل النظام يقول لك لا يجوز الجمع بين وظيفتين ولكن عشانك في سعودي انقليش نمشي لك الواسطه وتجمعين بين الاربع ان بغيتي نورتي الموضوع واشكرك على ردك

انقليش لوفر يا وخيتي تبيني اروح المطبخ واناظر ؟؟ ترى مو ذنبي اني أمي وما افهمها وهي طايره على العموم احس انك تمدحين باقي الاعضاء والبعض منهم ما خشو مزاجك بين القروبات الثلاث الاخيره هلا بك يا وخيتي وبارك الله فيك وانظري إلى الكوب المليان كله :36_4_12:

**Aseel** · 01-10-2006, 01:54 AM

ههههههههههههه

حلو هالتصنيف

الله يستر بأي تصنيف حاطني يا فصووووووووووول

**English Lover** · 01-10-2006, 02:19 AM

انقليش لوفر يا وخيتي تبيني اروح المطبخ واناظر ؟؟ ترى مو ذنبي اني أمي وما افهمها وهي طايره على العموم احس انك تمدحين باقي الاعضاء والبعض منهم ما خشو مزاجك بين القروبات الثلاث الاخيره هلا بك يا وخيتي وبارك الله فيك وانظري إلى الكوب المليان كله

اخوي فصولي الله يرضى عليك احط صورتي بالتوقيع عشان تعرف اني تمساح شاكوش

التصنيف اللى ذكرته موجود فعلا

بس ماذكرت الاعضاء اللى نفعوا الناس بمواضيعهم وتحاضيرهم

واللى مايعرف المنتدى يبي يقول : وش السالفه المنتدى هذا مافيه احد فيه خير

وعني ماعندي مشكلة اعتبرني من صنف الناس المهويه والزاحفه

**Romanciah** · 01-10-2006, 02:26 AM

المشاركة الأصلية كتبت بواسطة فصوولي

[font=Simplified Arabic
رومنسيه بينها وبين دوامها 5 دقايق و 3 دقايق اذا كانت حاطه رجلها <<< ما نسى
يمكن اوافقك الراي كونك قلتي ان فيه ناس تجمع بين القروب الاول والثاني ليش انك بنت واصله ويمكن ابوك وزير المعارف ومقربك من دوامكم وابي منك مصلحه <<<<< انواع الاستغلال
لكن بقول لك الجد بغض النظر عن أن ابوك وزير التربيه والتعليم << نكبر راسها شوي صحيح كلامك بس هذي قلة ويعتمد على نفسية الواحد يمكن يجمع بين القروبين مثل ما ذكرت الاخت قيرل

[/color][/font]

ههههههههههه اما ابوي ووووزير معااااارف حلللللللللللوووووه ابوووووي وزير بيته ووالله و نعم الوزارة الله يحفظه و بعدين حررررام عليك بس هالسنة اللي قيبه من بيتنا بعد معاناة سنتين مشوار 120كم و لا نصف طريق خط واحد و بعارين و معاناة الخوف الله لا يعيدها من ايام بس مو مشكلة اذا تبي واسطة نشوف لك غالي و الطلب رخيص على قوله شيبانا........
يعني ماعجب رأي بس علشان اتوسط لك؟!!!!!!!!!!!!!

المشاركة الأصلية كتبت بواسطة فصوولي

[font=Simplified Arabic
[color=#00008B]انقليش لوفر يا وخيتي تبيني اروح المطبخ واناظر ؟؟ ترى مو ذنبي اني أمي وما افهمها وهي طايره على العموم احس انك تمدحين باقي الاعضاء والبعض منهم ما خشو مزاجك بين القروبات الثلاث الاخيره هلا بك يا وخيتي وبارك الله فيك وانظري إلى الكوب المليان كله :36_4_12: [/font]

هيه فصوووووول ياااااويلك من انجلش لوفر قلبته ناء تانيث وووووووووين ماااا ملت عينك شوووواربه يله عدل رررررررردك الحق على نفسك؟؟؟؟؟؟؟؟

دمـــــــــــــــت بــــــــــــــــــوووووو ود و ســــــــــــلااااااااام.. ......

**فصوولي** · 01-10-2006, 04:33 AM

ههههههههه هلا والله بك اختي اسيل نورتي مشاركتنا ومربخا وغلا فيك لكن انا ما اقدر اصنف احد الانسان او العضو اللي يصنف نفسه

انقليش لوفر كيف حالك ان شاء الله طيبه ؟؟

<------ اخرتها مع انقليش لوفر هههههههههههههههه بتصفق

والله يا الغالي ما دريت انك ولد والا بنت ولكن الحين دريت وبسنع ردودي واعتبرها توبه واخر نوبه
بس يا بعد سبدي والله لو بذكر الاعضاء اللي لهم نشاط واستفدنا منهم ولهم والله حق علي وعلى المنتدى والله واجد وخوفي اني اذكر احد وانسى احد ولكن الغالبيه منهم فايده واستفاده

اختي رومنسيه لاحظ بعض الاغلاط الاملائيه اللي ابحرت بمخيلتي إلى العقد والسحر والعين والشعوذه
( هالسنة اللي قيبه من بيتنا بعد معاناة سنتين) ( هيه فصوووووول ياااااويلك من انجلش لوفر قلبته ناء تانيث وووووووووين )
والله همن والله ان عيني بارده ترى هههههههههه ما شاء الله عليك يا رب اشوفك وزيره التعليم بدال ابوك

<< مصمم على انها بنت الوزير

**Romanciah** · 01-10-2006, 05:46 AM

المشاركة الأصلية كتبت بواسطة فصوولي

اختي رومنسيه لاحظ بعض الاغلاط الاملائيه اللي ابحرت بمخيلتي إلى العقد والسحر والعين والشعوذه
( هالسنة اللي قيبه من بيتنا بعد معاناة سنتين) ( هيه فصوووووول ياااااويلك من انجلش لوفر قلبته ناء تانيث وووووووووين )
والله همن والله ان عيني بارده ترى هههههههههه ما شاء الله عليك يا رب اشوفك وزيره التعليم بدال ابوك

<< مصمم على انها بنت الوزير

الأخطاء الأملائية أأأأأأأأأأأأأاكيد من عينــــــــــــــك = = = وحده لقت لها شماعة تعلق عليها مستعجله لاني جالسه اعمل قاعدات الوحدة الاولى لصف ثالث متوسط واربطه مع ماسبق ليتذكرواعلشان كذا خبطت = = = المهم هذه عينك........ لاااااااااااااتصرف...

خلااااااااااص بنت وزززززززير مثل ماااتبي و إذا استلمت وزارة طبعا مو بدل ابوي بعيد الشر عنه الله يحفظه ابشر بسعدك..... هههههههههه = = = كأنها صدقت انها بتصير وزيرة......

**miss. English** · 01-10-2006, 08:39 PM

لولا اختلاف الرؤس لبارت الطواقي
شئ طبيعي اختلاف التفكير والعقول والشخصيات
<<< من النوع اللي ودك يلم عفشه بس

**~ | c h a r i s m a** · 02-10-2006, 12:46 AM

بصراحه تصنيف رائع لاعضاء منتدى

سعودي انقلش وانا ممكن اني لقيت نفسي

في واحد من هالقروبات

بس الحق يقال منتدى سعودي انقلش اروع منتدى سجلت فيه

وانا استفدت منه كثير في تدريس مادة اللغه الانجليزيه

صار المنتدى اليومي لي حتى لو ماعندي مواضيع اطرحها

لكن احب اني استفيد منه ولو بشكل بسيط

ومهما تكلمت عن هذا المنتدى ماراح اوفيه حقه

في مساعدته لي انا بالذات

واما عن الاعضاء المشاركين والمعروفين فهم شمعه يحرقون انفسهم

لينيروا لنا الطريق فجزاهم الله كل خير ونفع بهم الاسلام والمسلمين

واسفه على التطويل في الرد لكن حبيت اكتب ولو شيء بسيط

عن هذا المنتدى الاكثر من رائع

وفي الاخير تسلم يا اخ فصوولي على هذا الموضوع الرائع

وللجميع تقديري واحترامي

**فصوولي** · 02-10-2006, 05:07 AM

رومنسيه بسم الله عليك الرحمن الرحيم الله لا يضرك وما شاء الله عشان ما تقولين عيونه حاره

<<< من النوع اللي ودك يلم عفشه بس
ميش انقليش مستحيل ننسى دورك في سعودي انقليش وجهودك اللي تشكرين عليها بارك الله فيك

ريماز بارك الله فيك وهذا العشم فيك وفي باقي الاعضاء

**heblulu** · 02-10-2006, 04:06 PM

سيدي ,
تتحدث بعاميه شديييده, ولذلك وجب نسخ موضوعك وسرقته وقرائته (( مع المساعده طبعا)) ثم الرد عليك. اما لو فتحت فمك بكلمه عن اخطائي الاملائيه , فالويل لك. احاول جهدي الكتابه بدون اخطاء.
ارجو ان لا اكتشف انك كنت تضحك اثناء القراءه. انتظر ردي.

**THE DARK MAN** · 02-10-2006, 04:36 PM

ههههههااااااااااااااااااي

وش هالقروبات

وش هالحركاااات

ينطيك العافيه

بس استنتجت انك انت

يا فصوووولي

من القروب الاول

ماني قايل من الناس المهويه اخاف تزعل

لييييييييش

بعد اللي سويته مع انجلش لفر

خخخخخخخخخ

**فصوولي** · 02-10-2006, 08:48 PM

المشاركة الأصلية كتبت بواسطة heblulu

سيدي ,
تتحدث بعاميه شديييده, ولذلك وجب نسخ موضوعك وسرقته وقرائته (( مع المساعده طبعا)) ثم الرد عليك. اما لو فتحت فمك بكلمه عن اخطائي الاملائيه , فالويل لك. احاول جهدي الكتابه بدون اخطاء.
ارجو ان لا اكتشف انك كنت تضحك اثناء القراءه. انتظر ردي.

والله يا الغاليه تبينها عامي نسوي عامي تبينه لغة عربيه فصحى نقلب أمها فصحى تبين تضاربين جيبي شلتك وأجيب شلتي والوعد الطلعه

<<<< راعي حرش

أنتظر ردك الكريم بفارغ الصبر يا اختي واشكرك على مرورك

**فصوولي** · 02-10-2006, 08:52 PM

المشاركة الأصلية كتبت بواسطة THE DARK MAN

ههههههااااااااااااااااااي

وش هالقروبات

وش هالحركاااات

ينطيك العافيه

بس استنتجت انك انت

يا فصوووولي

من القروب الاول

ماني قايل من الناس المهويه اخاف تزعل

لييييييييش

بعد اللي سويته مع انجلش لفر

خخخخخخخخخ

الله يعطيك الف عافيه أخوي بات مان

قصدي دارك مان والله أنا وبفضل من الله وحمده صدري مثل صحراء الدهناء واسع وأتقبل مزح الناس دامني امزح معهم وأتوقع أي شي منهم لاني اطبق من قاعده من طرق الباب سمع الجواب اشكرك اخوي جزيل الشكر على مشاركتك واتمنى لك افطارً هنيئاً وصوم مقبول

**heblulu** · 02-10-2006, 10:36 PM

المشاركة الأصلية كتبت بواسطة فصوولي

والله يا الغاليه تبينها عامي نسوي عامي تبينه لغة عربيه فصحى نقلب أمها فصحى تبين تضاربين جيبي شلتك وأجيب شلتي والوعد الطلعه

<<<< راعي حرش

أنتظر ردك الكريم بفارغ الصبر يا اختي واشكرك على مرورك

أريد أن أضارب ولكن انتظر حتى يصبح لي مجموعة والموعد " الطلعة "
سيدي: ربما تكون محقاً, ( لا تدع رأسك ينتفخ, أقول " ربما " ) ولكن هناك أيضا من يحاول ان يجاري المتميزين, فيأتي بموضوع ناااااجح والآخر لا بأس به, إلى أن يصبح من المعروفين. وهناك من يكون له اسلوب ملفت منذ البدايه لا يشبه أسلوب أي أحد في الكتابة.
ها أنت مثلاً تطرح قضية مهمة جداً, ولكنك لم تقضب حاجبيك وتلتزم الأسلوب الإنشائي. بل طرحته بأسلوب فيه من الدعابة حتى يتقبله الجميع برحابت صدر. وهاذا الاسلوب لا يملكه الجميع.
اطلت في الرد! لا بأس هاكذا انا لسان طوييييييل.
تحياتي.:36_4_12:

**فصوولي** · 02-10-2006, 11:01 PM

المشاركة الأصلية كتبت بواسطة heblulu

أريد أن أضارب

دامك صامله صامله انصحك بالغذائيه والسيارات والمكيرش والشرقيه الزراعيه والدريس

الله يرزقك من حيث لا تحتسبين ويوفقك ان شاء الله

**صهيل الأصايل** · 03-10-2006, 12:24 AM

اصابع اليد ما هي و حده و الناس اجناس

و هذا المنتدى من ارقى المنتديات و الناس اللي فيه قدموا الخير و الفايده للمجتمع و الطلاب

سواء كان اسلوبهم ترفيهي او جدي !

و انت يا اخ فصولي كنت و مازلت من الناس الذين لهم ايادي بيضاء و معطاءة

و صراحتك تعجبني

**فصوولي** · 03-10-2006, 02:06 AM

اختي صهيل بارك الله فيك واشكرك على المجامله ولكن حبيت بس اقول لك ان صاحاب الايادي البيضاء هم انتم وبدون مجامله تتقبلون بصدر رحب وبصراحه استفدنا منكم الكثير الله يزيدكم ويجزاكم بالخير

**شمعة غلاي** · 03-10-2006, 02:31 AM

فصولي كلامك عين العقل,, وانا اعتبر نفسي مهويه احيانا واحيانا ثقيله واحيانا رومانسيه== مادري وش دخل الرومانسيه بالسالفه
ههههههههههههههههههههه على حسب الوضع الي قدامي

فصولي مشاءالله عليك فيه نقطه معجبتني فيك جرأتك وصراحتك في المواضيع الي من معيار
ثقيل ,,,

والله يديم اخوتنا في هذا المنتدى بصراحه هو بكفه وباقي المنتديات كلها بكفه

لا من ناحيه اعضاءه ولا مشرفيه === ماتمدح روحها ابد

ويكفي صاحب المنتدى الاخ سعودي انجلش لو الله ثم هووو كان دجينا بالتدريس وماطورنا اعمارنا

على العموم اشكرك اخووي على صراحتك ونقدك,,,