صرت مديرة مكتب اشراف..ابي نصيحتكم..

**عشقي شمالي** · 04-10-2006, 07:46 PM

مساء الوردللجميع..اخواتي انامعلمة انجليزي في قرية نائيةجدا وكان الموجهات يجونا بالسنة حسنة لان المنطقة بعيدة00فقررت ادارة التعليم بمنطقتنا ان تفتح مكتب ثاني في قرية قريبه مننا يكون مسؤؤل عن هذي القرى المتجاورة..وجاني خبر ترشيحي ووافقت بس اداوم بعد العيد وعندي مهلة بهالاجازة افكر اذا ابي اتراجع..علما باني من اقصى الشمال وادرس في اقصى الجنوب وماجاني نقل..ابي نصايحكم واذا فيكم موجهة او مديرة مكتب تقولي من واقع تجربته ايش مطلوب مني وايش التزاماتي؟وهل افضل هو والا التوجيه او التدريس..علما بان المنطقة مدارسها قليلة جدا واعدادهم قليلة .. ومشكورييييييييين مقدما***اختكم&&عشقي شمالي

**عشقي شمالي** · 04-10-2006, 09:41 PM

ويييييييييييييييييييييييي ييييييييييييييييييييييييي يييييينكم؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

**سعودي انجلش** · 04-10-2006, 10:08 PM

الف مبروك اختي ما حصلتي عليه
واذا كنتي ما زلتي مترددة فصلي صلاة الاستخارة وشاوري في الامر

ادارة مكتب الاشراف ليست عمل سهل بالطبع لكن انتي اعرف بظروفك وقدراتك

والمطلوب منك كبير وعملك وقدرتك على الادارة هي العامل الاكبر في العمل
بالنسبة للمهام فيمكن الاخوة والاخوات يدرونك يفيدونك اكثر

وربي يوفقنا جميع

**Prime Rose** · 04-10-2006, 10:35 PM

ماشاء الله!

الناس يترقون درجه درجه..وانتي على طول من معلمه الى مديرة مكتب الاشراف!

شوفي خيتو..

انتي احسمي الموضوع مع نفسك.. وشوفي ايهم ارجح كفه..

وضعك كمعلمة في مدرستك هل هو معجبك او لا؟

او انك تكوني الكل ف الكل ؟! :)

تذكري

الاشراف عادة مب سهل..فكيف لما تكوني مديرتهم!

وبنفس الوقت اذا وافقتي على عرضهم ماحد بيعرقل اوراق نقلك لأهلك!

وعلى قولة ابو يارا استخيري

وعسى خير

وبالتوفيق

**جاني_خبر** · 05-10-2006, 03:58 AM

أختي لو أنا منك أتوكل على الله وأخذ هذا المنصب أحسن لك من غثاء التدريس وأهم شي أنك تديرين شغلك صح.بس أستخيري الله .والله يوفقك ويقدرك على شغلك.بس لو انا مكانك اقبل على طول بدون تردد ابد.........

**عشقي شمالي** · 05-10-2006, 03:18 PM

شكرا على نصايحكم....وبالنسبة للي يقولون مو سهل شي اكيد انا اعرف لكن ولله الحمد احس اني دايم قد المسؤولية والشي الوحيد اللي ابي اعرفه ايش مهامي وايش المطلوب مني وكيف حتكون طبيعة الدوام والاجازات..وانا بمدرستي كمان مرتاحة بس اقول تجديد قبل انقل ان شاالله..

مشكورييييييييييييييييين

**دندونه** · 05-10-2006, 03:53 PM

انا من وجهت نظري اذا كنتي جديده في مجال التدريس فالتدريس في القرى مجال لكي لتطوري نفسك في مجال عملك لا ن الاشراف شغلانه ولمى تنقلي ستنقلي معلمه فتروحي لمدارس المدن كانك ممبتداه وماكأن عندس خبره وراي الاول والاخير يكون بعد استخارت رب العالمين

**English Lover** · 05-10-2006, 03:55 PM

اختي عشقي شمالي

اذا صرتي مديرة اشراف على خير ان شاء الله لاتنسين انكِ قبل كنت معلمة

والرحمة والرفق بالمعلمات

**عشقي شمالي** · 05-10-2006, 07:46 PM

مشكورييييييييييين اللي ردوا..وبالعكس انا هدفي رقم واحد هو الرفق بالمعلمات لاني عانيت كثير وعشت كيف(قلة احترام بعض الموجهات للمعلمات)لكن ان ربي قدرني اول شي انصف هالمعلمة المكروفة والمنتدبة واللي المديرة فاردة اجنحتها عليها وماراح اسكت عن احتياج عشان شهادة شكر لا والله بأراقب ربي واعامل الكل سواسية زي ما احب يعاملوني ..وان شالله بس هالسنة وانقل لاهلي..ادعوا لي مليت الغربة..

**حمامة** · 06-10-2006, 01:40 AM

عشقي شمالي

أولاً الدوام اعرف إنه يبدأ الساعة 8 وينتهي الساعة 1 ظهراً ..

ثانياُ المدارس كلها تكون تحت مسؤليتك من ناحية إكتفاء المعلمات أو لا ..

النقل والإنتداب من عندك ..

وعلى قولة إنقلش لوفر

اختي عشقي شمالي

اذا صرتي مديرة اشراف على خير ان شاء الله لاتنسين انكِ قبل كنت معلمة

والرحمة والرفق بالمعلمات

والله ييسر لك ..

وقبل استخيري .. فلا خاب من استخار ولا ندم من استشار

**عشقي شمالي** · 06-10-2006, 06:23 PM

مشكورة اختي حمامة ماقصرتي..وان شاالله اكون قد المسؤولية ولا اخذ ذنب احد..

اللهم اعني على ذكرك وشكرك وحسن عبادتك..

**chick** · 08-10-2006, 03:12 AM

انا سمعت انك راح تقومي بجولات اربع ايام في الاسبوع تمري فيها على كل المدارس اللي في منطقتك . وهذا غير الدورات اللي تسويها لمعلمات الانجلش. الله يوفقك

**Mayass** · 08-10-2006, 05:13 AM

استخيري الله و لاتظلمين المعلمات

**عشقي شمالي** · 10-10-2006, 01:38 AM

حبايبي اشفيكم؟؟الظلم ظلمات يوم القيامة وان شاء الله ما يصير الا كل خير.........

وجزاكم الله كل خير على نصايحكم

**amg** · 10-10-2006, 02:09 AM

قدمي استقالتك

**Prime Rose** · 10-10-2006, 02:25 AM

عشقي شمالي

لاتنسين انكِ قبل كنت معلمة

والرحمة والرفق بالمعلمات

للأسف صار شعار اغلب مشرفينا ومشرفاتنا _الا من رحم ربي_ الظلم.. وأكثرنا مجرّب بنفسه الشيء هذا.. فالاخوان هنا _ولانك تهمينهم _ كان اول نصيحة جات ببالهم ( العدل في التعامل) فلاتلوميهم..

اما بالنسبه لما ذكره شيك

سمعت انك راح تقومي بجولات اربع ايام في الاسبوع تمري فيها على كل المدارس اللي في منطقتك . وهذا غير الدورات اللي تسويها لمعلمات الانجلش. الله يوفقك

فاعتقد ان هذا ينطبق فقط على المشرفات( خروجك 4 ايام ف الاسبوع) اما كونك مديرة المكتب فهذا شي اخر..

سأسئل لك عن معلومات اوفر.. وفي اقرب وقت ستجدينها هنا..

والله يوفقك

**عشقي شمالي** · 11-10-2006, 01:40 AM

[m3ft1] عطيكم العافية ..
وبالنسبة للي يبيني اقدم استقالتي ليش؟؟

اذا ما مسك هالعمل انا راح يجي غيري ويمكن ما يخاف الله بالامانة اللي تحت ايدينه..

انا ما ازكي نفسي بس عندي ثقة بالله انه راح يقدرني على خدمة المجتمع وتسهيل

اشياء كثيرة عقدوها بعض الموجهات الله يصلحهم..

لاتنسوني من دعائكم ربي يوفقكم ..

عشقي شمالي[/m3ft1]

**Toti** · 18-10-2006, 06:21 AM

بالتوفيق اختي
اذا يساعدك في النقل لمنطقتك اسرع من التدريس يعني مافي احد يعوق نقلك قدمي عليه واستحملي عشان النقل العمل كله غثا في غثا

اونتبهي من ظلم المعلمات مثل ماقالوا لك ...
انا استغرب من تعامل بعض الموجهات مع بعض المعلمات بدون احترام او عدل وكأن المعلمة ناقصة يد او رجل عن الموجهه وكأن المعلمة ليس لها عقل ..... ؛( الكلام هذا مو لك اختي)
... لكن انتبهي ترا والله المعلمات يدعون دعااااااء عظيم وعن نفسي قضيت هذا الرمضان في الدعاء حتى في يوم 25 الذي قيل عنه انه ليلة القدر ........ وكما قالوا الاخوان والاخوات الكل مجرب الظلم وعدم العدل .... وكل يلقى جزاءة .... اللهم اكفناهم بما شئت ((( هذا الكلام اختي لكي تعلمي ماانتي مقبلة عليه امر ليس بهين))

الله يوفقك ووييسر امورك ويبعدك عن الظلم والظالمين ... امين