بصراحة : ماهي أبرز عيوب مديرك/ مديرتك ؟؟؟

[being me]

سلاااااااااااااااام

كيف الحال والأحوال ؟

وش رايكم في الموضوع ؟ .......... في ناس راح تشوفه عفش ... لأن مدرائهم عسل يابختهم

وفي ناس بإذن الله راح تفش خلقها زين وتتكلم بكل مافي قلبها وهم الناس إللي إنظلموا بناس هم أقرب إلى أصنام

الجاهلية ( تذكرونهم ؟ هبل ... العزى .. ومناة الثالثة الأخرى )

لااااااااااا تستغربون !! في مديرين ومديرات مدارس أصنام .... عاجبهم قعدة الكراسي .... ومن وراهم تجي

المآسي ( الله ينصرنا عليهم )

أنا أستغرب شيء واحد بس وهو إن بعضهم مبدعييييييييين جداً جداً في تصيد الأخطاء ( وأحياناً إفتراء)

ويطبقون قوله تعالى : أتأمرون الناس بالبر وتنسون أنفسكم )


بالنسبة لي ..... مديرتي رااااااااااائعة جداً جدً لدرجة إنها حريصة في كل إجتماع إنها تقربنا منها وتبين لنا محبتها

وأخوتها الشديدة وتحترمنا مرررره .....فتلقونها تكرر على مسامعنا كل مرة هذه العبارات المبدعة :

(مالكم دخل في إصلاحات المدرسة - كفوا أيديكم عن إدارتي - مالكم صلاح تجيبون سبورة أو حتى تصلحون باب أنا

إللي أقرر مثل هذي الأمور - بتسمعون الكلام وإلاما يجيب معكم إلا إسلوب الصوت والشدة )

الله لا يحرمها جزاء هالكلمات المشجعة الجميلة ..!!!!



ولو سألتوني عن رأي فيها راح أقولكم :


وأنتم أخباركم كيف مع مدرائكم ؟؟........ وبصراحة .... يعني فشوا غلكم تمام ولاتستحون

والله يعيننا ويعينكم

[الغاليه]

عيبها إنها بتنقل ان شاء الله...


وبفقدها..


:(

[nosa]

اكره التسلط وكلمة انا المديرة
واكره انها عل المكتب وترسل خبر مع المراسلة قومي كلمي المديرة
واكره انها ماتقبل ترسلي لها احد ان ماكنتي حابة تتصبحي فيها
لازم احس بالمذلة من اسلوبها
مع انه قلبها طيب لكنها تصطنع شي مو قابل عليها ونفرنا منها
الله يهدينا جميعا ولا يحرمنا من حسن الخلق ولين الجانب في التعامل مع الغير

[Mr.X]

الحمد لله عني ما خليت له اي فرصة

كلو تمام

بس مشكلته....

يصدر قرارات متسرعة بغض النظر عن حالته النفسية


أخبر غبت مرة وحيدة .... وجاني خصم


سحبت عليه من بعدها


الا وهو مستدعيني للإدارة .... ويتعذر .... بس وقتها زعلني فلان ...وهذي فلوس من عندي ((شحته صارت ))



والله ان نفسي تقول خذها ....هههههه

لكن بعدها زي الحلاوة

ونصيحة

تصرف صح في أول مواجهة مع المدير/ة إذا كان من النوع اللي شايف نفسه


Mr.X

[being me]

غاليوووووووه .... هالحين بس عرفت ليش ضحكاتك ونكاتك ماتوقف ..ماشاء الله عليكي

مديرتك زينة ( والله إنها هبلة المديرة اللي تنقل وإنتي عندها )

أما إنتي يانوسه .... فأعتقد إننا في نفس المدرسة

لأن المرسال على غرفة المعلمات عندنا كثير والله يعيننا عليه

[English Lover]

مشكلة مديري ..لا مدير المدرسه مهوب مديري

انه يستحيل ان يعطي احد مية بدرجة النقل

برايه ان الميه لشخص ماعمره غاب يوم واحد وماينسى دفتر تحضيره ولا مرة وان الدرجة والتقييم امانه

اجل احتر إلين الملائكة تنزل من السماء ويدرسون عندك

ومشكلته انه باستراحه كلها مدراء ويتنافسون على اكثر واحد يضبط مدرسته

وكل ليله يسولفون :

اليوم المدرس الفلاني سوى كذا ورديت عليه بكذا

وحشرت الفلاني بالاشراف ...وفلان اللى يسوي منتظم تاخر اليوم ودقيته بكم كلمة اذكره بكلامه عن النظام



الله يصلحه قبل ياخذ مقلب بنفسه من هالدنيا

[شمعة غلاي]

مديرتي عسل وصارت صديقتي بنفس الوقت== انواع الواسطات ههههههههههههه


عيبها يمكن التواكل على المساعده بكل اعمالها واحس مساعدتنا شايله شغلها وشغل المديره
بس تعاملها عسل مررررررره ومتفهمه جدا وطيبه

[!!عليان ريري!!]

being me


وعليكم السلام ورحمه الله وبركاته




بالنسبه لمديري



زي






العسل






لانه عمي




ههههههههههه


اجي ولا اتاخر مايقولي شي



في احلى من كذا



عليان ريري

:)

[!!عليان ريري!!]

اجي ولا اتاخر مايقولي شي

=


ماجي ولا اتاخر مايقولي شي





عليان ريري



:)

[Romanciah]

[grade="00008B FF6347 008000 4B0082 FFA500"]يقووولون الصبرررررررر مفتاااااح الفرررج

انا من تعينت من سنتين عند مديررررررة شديدة صح انا كنت عندها منضبطه في كل شيء = = ماشاء الله علي و مالقت علي و لا مستمسك لا من ناحية دفتري و غيابي و انضباطي بالحصص و الدروس ......الخ و كانت تعاملني باحترام إلا انها كانت شديدة و صارمة بتعاملها و لااااااااا تفكرين بالغياب لو كنتِ تعبانه و إذا غبتي اعرفي انك بتتهزىء بس والله ما اظلمها لما نقلت بكت و اهي تسلم عليآخر يوم وكانت تقول للمواجه ما ودي انها تنقل >>>> كأنها تمدح نفسها = = و لا سمعت انها حولت مدرسة طفشت من الإدارة.......
و لما نقلت السنة هذه الثالثة لي ياااااااااااعيني عوضني الله قوووووولوا ماشاء الله ذا فيه اوراق تبيكِ تكملينها تجيء لطاولتك تقولك تتفاهم معاك تتقبل اعذارك بالغياب بس عااااد مو بزيادة .......


يعني بينق نوسه ثقوا إن شاء الله بيعوضكم خير ........... لإن المديرات مو واحد مثل ما اصابعكم مو واحد.......


الله يعطيك العافية على هذا الطررررح....[/grade]

[فصوولي]

أما أنا فمشكلتي مع مديري مشكله

أطلقت عليه لقب الاطرم وقد كنت في حالة غضب شديده وضحك مني الزملاء وبالاخير اصبحت لقب له

بصراحه مديري عسل وطيب وحبوب وما يشيل بخاطره ولكن بعد أيش ؟؟

ما عنده اسلوب للتعامل يتكلم على المدرس كأنه يتكلم على طالب وبل أشد واذا غبت عن الدوام القى مكالمات لم يرد عليها عدد 50 مكالمه بدون مبالغه

كنت حبوب وطيب واسكت له ولا اتكلم بشي إلى ان طفح الكيل مره

جاني مره عند الطابو وكنت اكلم معلم ثاني وقرب مني وقال لي اسكتو ممنوع الكلام وكان قدام الطلاب يسكتنا انا

الوان الطيف جت في وجهي بلعت الموضوع ورحت لغرفة المدرسين وكان المدير معصب دخل علينا وقال يلا كل واحد على فصله

قلت بالنسبه لفصلي للحين ما طلعو من الطابور اذا طلعو رحت لهم قال لا رح انت قلت يعني احضر للصف قبلهم قال ايه وهو ينفخ قفلت عندي الاخلاق وقلت ما فيها اليوم لازم مضاربه جيت ارد عليه جاني واحد من المعلمين عمره 50 سنه تقريبا وشدني من يدي وقال امش واسكت وطلعت معه قلت الشرهه مب عليه الشرهه عليك انت اللي واحد اصغر منك بعشرين سنه ويتكلم الكلام هذا وانت ساكت

نويت انا اسفه المدير وما اكلمه الا يوم جت الفسحه وكنت طالع من المدرسه رايح اشم شوي هوى عند الباب قال لي تعال وين تروح ؟؟ قلت شتبي ؟ قال ياخي ترى مب اسلوب اليوم انك تناظرني بالنظرات هذي قدام المعلمين

قلت اجل اسمع اول شي ثاني مره لو اشوفك رافع صوتك علي والا متكلم علي والله العظيم لا افشلك قدام الطلاب واحوسك حوس والشي الثاني جاي تسكتنا عند الطلاب ؟؟ والله منت كفو الاداره وبعدين ترى المدرسه مو مكتوبه باسمك انا وانت فيها واحد انت كنت معلم والحين مدير والشي اللي بقوله لو اتأخر أو اغيب لا تدق علي عشان ما تسمع كلام ما يرضيك الجوال هذا لي مو جوال الوزارة عشان تزعجني فيه واللي بيته من زجاج لا يضرب الناس بالطوب عشان ما اطلع فضايحك في المركز وانت افهم
<<< ماسك عليه بلاوي

واجي بطلع قال يوم ناداني من جديد قال الله يهديك ليش انت كذا ؟ خل بالك وسيع قلت انت طقيت الباب وسمعت الجواب عشان كذا خلنا محترمين مع بعض لا والله يصير شي مو طيب قال عموما انا اسف وحقك علي ومالك الا بطيبه الخاطر قلت خلاص تطيب خاطري ما ابي تكلمني في شي بخصوص العمل اخصم من عندك وانت ساكت المهم جلسني عنده وراضاني

ومن بعدها صارت انا وهو سمن على عسل ما يقول لي شي عكس يوم ما كنت حبيب وطيب واقدم له كل الخدمات واركض وراه ركض غريب النوع هذا من الناس والله غريب

[عدوولي]

يا كثرررررررررررر عيوبه

[melody]

السلام عليكم ورحمة الله

حقيقة اختي موضوعك اثار اشجاني


والله توني جاية من القرية <<<<< مانقلت اهيء اهيء

وشفت الموضوع قلت افش خلقي شوية مع اني مو حابة اغتابها

لكن وربي ياعالم هالنسرة تستنطق الواحد


تخيلووووو بس تخيلوووو


تقولي تحضريك كثير كانه فلم هندي ,, وهي وربي ولاتفك الحرف في الانجلش


وكلمة تفاهم محذوفة من قاموسها ,, ماتشوف قدامك الا وجه عبوس قمطريرا


والله العظيم هذا اقل اقل اقل بكثيررررررر من افعالها


تصورو اليوم تقول للمعلمات لانهم تأخرو عن حصة النشاط ياقليلات الادب

وربي قدام الطالبات وبأعلى صوتها


ويوم قالولها المدرسات ليش تقولين لنا كذا

طبعا بعد هدوء العاصفة




تخيلوووو وش ردها ؟؟؟؟!!!!!!!!!!!!!!!!!



































تخيلو !!!!!!!!!!!!!!!!!!!!!!!!!!!!!!!!!!








































تقول































تقول





























*_*























راسي يعوقني


ههههههههههههههههههههههههه ههههههههه


والله شر البلية مايضحك





وطبعا مستحيل تراعي كوننا نجي من مسافة بعيدة



والسموحة على الاطالة


والله بس يكرمنا بالنقل


وتشكرين مره ثانيه عزيزتي



اختكم


melody

[الهمة العالية]

عيبها
انها مديرة

[ORCHIDA]

استغفر الله العظيم .. يا اخواني و اخواتي الأحباء .. الا تعتقدون ان هذا من باب الغيبة ؟؟

فنحن هنا نذكر عيوبهم فقط .. لماذا لا نذكر المحاسن ؟؟

و الله اني ما ذكرت هذا الا لأني احبكم في الله

و ارجو ان لا تغضبي مني اختي بينق مي .. و لك كل الشكر

[being me]

Mr.X المدير إللي نفسيته تعبانه وخايسة ( يوفرها على نفسه وماله شغل في الناس ينغص عليهم ... والله يعينك)

أهم شيء أخذت الفلوس وإلا لا ؟؟؟

English Lover ( صح لسانك ..... حتى أنا ماهي مديرتي ... مديرة المدرسة .... وصيتي لك .. إذا تعرف الإستراحة أو المكان إللي يكشتون فيه ... وصي العامل إللي يسوي لهم الشاي والقهوة يحط لهم فيه زيت خروع ........ ولك علي يغيب يومين ورا بعض .... مو بس يوم )

شمعة غلاي .... هلا عيوني .... ( أم الفيتامين واو إللي عندكم .... قولي لها إنه أكثر فيتامين لو تعاطته راح يحاسبها الله عليه زين .... وعموماً من كثرته إنتي شهدتي لها .. صارت تتكل على المساعدة .... هذي الأثار الجانبية لكثرة تعاطي الفيتامينات ... وخصوصاً وااااااااااااااو )

عليان ريري ( ماشاء الله .... عمك المدير !!! ..... يعني يدلعك زين ...... تعال بدري .... تعال متأخر ...
عادي أخوي عليان ..... كله ريري .... ومااااا أقدر أقول إلا يازين حظك ..... والله يسهلك )

Romanciah ( هلا والله أختي ..... والله إنك صادقة .... الصبر مفتاح الفرج ... والحمد لله صبرتي ونلتي )

فصووووووولي ( الله يحفظك ..... الله ينصر دينك .... الله يبرد قلبك ...... الوحيد إللي عجبني رده !!!!
كذا الدنيا وإلا بلاش .... خذ حقك بإيدك .... وترى صارت معاي نفس المواقف والله يشهد على كلامي
بس تقدر تقول إني أفل الحديد وهو حامي.... كيف ؟ مرت وحدة من المعلمات وأنا في الطابور فمدت إيدها تصافحني وتقول كيف الحال و..و... فشافتنا المديرة ...وقالت : إسكتوا يامعلمات ( قدام الطالبات ) ... عاد أنا عشان أعرفها قيمتها زين وتعرف إن أوامرها ونفختها على الطالبات مو علينا وأقوم أنا والمعلمات نفتح سيرة ونسولف زين وبصوت عالي عناد فيها ... عاد تخيلو موقفها ماغير فشلت نفسها وبس .
الموقف الثاني : حضرتها تبغاني كل يوم أفتش على أظافر الطالبات (عشان حصتي الأولى وتبغى تعطلني ) مع إني والله والله والله مااااااااااني رائدة عليهم .... وإذا مافتشت توقفهم في الطابور وتدخل باقي الفصول
ولكن ... كلامها حد مايماشي تعليمات الوزارة .. ماراح يمشي علي ... والأسبوع الماضي عملت نفس الموقف وتركت الطابور واقف وأنا أبغى أدخلهم الحصة وعندي تقويم لهم وترى أظافرهم تفتشت باليوم إللي قبله يعني مايحتاجون تفتيش .... وأنا أقول لهم إدخلوا على الفصل .. قالت : لااااا فتشيهم وبعدين دخليهم وبقلة حيا ومسخرة قدام البنات ... رديت عليها قدامهم : ماني مفتشتهم وهم تفتشوا أمس . قالت : فتشيهم وبعدين تطلعينهم .. بلهجة أسوء من إللي قبلها .... وهنا زاااااااد علي وفااااااااض بي والله وأرميها في وجهها قدام البنات وبنفس نفختها : تبغين تفتشينهم ... فتشيهم إنتي .. وأنا ماني مفتشتهم ... وأعطيها ظهري وأروح على غرفتي
وهي تفشلت وأرسلت على رائدتهم وبعد ماخلصوا رحت حضرت الحصة وأنا مبردة قلبي فيها ومعرفتها قيمتها

لااااااااااااا تفكرون إني أخليها لها تمر بسلام ... ولا تقولون إني دلوعه وما أصبر على أحد ينافخني

أنا إنسانة أعامل الناس بإحترام وأحبها ترد علي بنفس الإحترام إللي ينافخني ويتخطى حدوده ... أنا راح أكون له مرايه وأعكس له نفس التصرف .... وترى المديرة إللي عندنا غيييييييييييييييييييييييي ييير
غيابها بالهبل .... يعني فترة كانت تداوم يوم واحد بالأسبوع ..... ولو داومت تلقاها تجي متأخرة .... لااا وأحياناً تحط وقت غير إللي حضرت فيه المدرسة .... غيره ... تروح في الوقت إللي يعجبها ... يعني ماتناوب زي باقي المديرات وعادة ما تجي الحصة الرابعة او الخامسة إلا وهي مروحة بيتها ....عيني عينك وماتسجل على نفسها شي علشان لو جانا موجهات مانثبت عليها شيء... الله يعينها على نفسها وينصرني وباقي المعلمات على ظلمها ....... ناس منكم راح تشوفني غلطانه وتبغاني أصبر عليها ..... لكن ماقدرت لأنها تقل أدبها ولو أطنش لها مره.... تكررها ألف مره .. وناس راح تشوفني على حق ... وإنشاء الله إني على حق .... وأنا عندي كرامتي أهم وأغلى من مهنتي ...)

عدوولي ( نادراً تلقاهم بلا عيوب ..... مساكين ... فرحانين بالكرسي والمكتب .... يروحون يجلسون في واحد من معارض إيكيا ... أحسن لهم .. .. ياكثر فيها المكاتب )

MELODY هلا وغلا عيوني .. يشرفني مرورك .... وياااااااا قهري عليكي .... أمانة ليه ماتردين عليها إنتي وباقي المعلمات في وقتها وتقولون لها إنتي إللي قليلة أدب ..... أتحدى تسوي لكم شي .. وهي تعرف نفسعا إنها الغلطانة وقولو لها نيابة عني : ...إحترمي الناس علشان تحترمك )

الهمة العالية ( مشكورة على المرور ... وترى العيب ماهو منهم .. العيب على إللي يحط ناس ماتنفع وماتلتزم بالقوانين والأنظمة وماتعدل وغير محترمة .. يكونون مدراء ومديرات ..... الله يصلحهم بس ) وشكراً

[!!عليان ريري!!]

كل الحب


الحمدالله انه طيب معي


مشكوووره على النصيحه




يسلمووووووووووووووووووو على حرصك على اخوانك واخواتك




being me







عليان ريري ( ماشاء الله .... عمك المدير !!! ..... يعني يدلعك زين ...... تعال بدري .... تعال متأخر ...
عادي أخوي عليان ..... كله ريري .... ومااااا أقدر أقول إلا يازين حظك ..... والله يسهلك )



اذكر ربك بس


ههههههههههههه


ترى اهناك ماقوله عمي



اقوله ابو فلان ممكن تسمحلي اطلع مثلن



يقولي وش عندك اعطيه كذبه بيضه واطلع

ههههههههههه



عليان ريري

:)

[الأستاذ/عبدالله]

السلام عليكم ورحمة الله وبركاته

الصراحة أنا عندي مدير يجامل جماعته واقاربه على حساب الآخرين تخيلوا عندي تكميل في مدارس برا ومعطيني مواد لغة عربية ورياده والادهى والامر معطيني اشرااااااف .

والشيء الي يقهرني فيه اذا شافك مبسوط ولا تضحك مع زملائك يشغلك كأن ماده الإنجليزي سهله ولاتحتاج الى جهد وتعب يعني يقول رح للفصل ذاك واقعد معهم شوي أو خل طلابك بكره يجيبوا كتب الإنجليزي عشان واحد من أقاربه عنده شغل وراح يغيب بكره ويبيني آخذ حصته

والصراحه الي يقتلني فيه انه يقووووول : اذا خلصت تعال ابيك مايقولك على طول يخليك تحسب ذنوبك وتقول

وش سويت وش سويت وش سويت؟

واذا جيته في المكتب قعد ينصب علي انه واقف معي واني احسن مدرس !!!

الصراحه أنا مليت والي مصبرني هو اني والله يشهد علي اني مجتهد ومخلص والحمد لله وابي تقدير ممتاز في الأداء الوظيفي عشان أنقل على من مدرسته .