~*~ نسمع بالمطر ~*~

**الغاليه** · 19-11-2006, 12:37 AM

لنا فترة وحنا نسمع بالمطر..

أمطار بجده...

امطار بمكه..

أمطار بحايل..

أمطار بباريس<< وش دخلها ذي عاد؟؟؟

ونقول عساهم مره بس يغلطون ويقولون القصيم....لو يرسمون غيوم بالخريطه

حتى مره بغيت اروح لحدى هالمدن اللي عندهم سيل وأتسلف شوي من شوراعهم ألعب بالمطر..<<< ماش ماتخلين النصب..

عاد اليوم جانا الفرج...

أمطرت...

وللحين تمطر..

يارب لك الحمد والشكر...

اللهم زد وبارك..

ودي اطلع احوس بالحوش بس أهلي قافلين الباب<<< عارفين لك

بس بقول لكم سالفة عن المطر...

الوكيله عندنا تسولف لي...

تقول البارح انتبهت على صوت مطر الساعه ثلاث بالليل...

واتحمد ربي واشكره...

واقول فـ خاطري تلقاها تمطر من الساعه 1 وانا مدري...

يارب ياكريم اغثنا من فضلك..

اللهم اجعله صيبا نافعا...

وتقول عايشه جو....

ويوم قرب الفجر صحيت زوجي...

قلت قم شف المطر..

صحى وقال:

اي مطر؟؟؟

ذا خزان الماء يصب!!!..

طلع خزانهم معلق..

**الهمة العالية** · 19-11-2006, 12:41 AM

هههههههههههههههههههه

اجل الغاليه شوفي خزان المويه
يمكن يصب للحين
وانتي مطر

الله يبارك لكم بالمطر ويرزقنا

**ام بسمه** · 19-11-2006, 12:47 AM

ههههههههههههههههههههههههه

ما شاء الله
اجل عندكم مطر
الله يرزقنا بالرياض غيوم بس ما شفنا شي
اما سالفة الخزان حلوه
إلا على فكره !!!!!!! اذا علق الخزان يطلع تحته فقع ؟؟؟؟؟؟؟؟؟؟؟

داريه ما يطلع الا كراث
خخخخخخخخخخخخ
يا ثقل دمي اذا جان النوم

**الغاليه** · 19-11-2006, 12:54 AM

الهمة الله يرج عدوينك

فز قلبي قلت لا يكون صدق وانا ما أمدان أفرح..

ههههههههههه

يسعد لي هالطله..

ام بسمه..

آمين آمين آمين...

وش فقع ؟؟؟ غلط....يطلع عراجين<<<أقالك بترقعين انتي ووجهك

تسلمين عيوني..

**!!عليان ريري!!** · 19-11-2006, 01:05 AM

الغاليه

حنا بالرياض ماجانا شي ماجى الا رشه بس خفيف مب كثير

بس اهم شي القصيم يجيهم

هههههههههههههه

الله يجعلها امطار خير وبركه

ويارب ياكريم اغثنا من فضلك..

يارب ياكريم اغثنا من فضلك..

بكل مناطق المملكه

عليان ريري

:)

**الغاليه** · 19-11-2006, 02:36 AM

اللهم آمين..

يعطيك العافيه عليان...

**Romanciah** · 19-11-2006, 02:45 AM

[grade="00008B FF6347 008000 4B0082 FFA500"]يارب ياكريم اغثنا من فضلك..

اللهم اجعله صيبا نافعا...

ياااااااالله ياااااارب ترزقنا يارب...........

ماااااااشاء الله عليكم...........

أأأأأأأأأأأأما سالفة الخزان الله يرج عدوينك اجل تقولين دخلت جووووووو مسكينة اكيد الله استجاب دعائها ونزل عليكم المطر ماشاء الله الله لا يحررررررمنا من فضله..........[/grade]

**smasm** · 19-11-2006, 03:04 AM

الله يجعلها امطار خير وبركه .....

**Just.4.ur.iz** · 19-11-2006, 06:54 AM

يا حظكم

: (

**الغاليه** · 19-11-2006, 06:57 AM

رومنسيه

آمين يارب...

هههههههه حلو الموقف..

يعطيك العافيه...

سماسم..

جزاك الله خير..

جي جي ..

عقبالكم يارب...

تسلمين...

**DR AHLAIN** · 19-11-2006, 02:00 PM

ماشاء الله

الله يجعلها أمطار خير

والله يغيث بقية بلاد المسلمين....نشفنا بالرياض اذا غيمت راحوا الشباب يطعسون من الفرح

وش عاد لو تمطر :)

يعطيك العافية

**شمعة غلاي** · 19-11-2006, 02:19 PM

ياحظنا بمطرنا يالغاليه وهـ بس ياحبيلنا وياحبيل ديرتنا بعد

( باريس نجد ) في قلبي<<< اصص بس لااحد يسمع على بالهم انها باريس صدق

عاد تصدقون هي تشبه باريس على غفله بس حنا بدال حدائقهم حنا عندنا مزارع كراث وتمر ههههههههههههه

**wisam0** · 19-11-2006, 02:55 PM

الله يسعدك

وجعلها الله امطار خير

واتبهي على الخزان قبل ما ترقدين

على سالفه المطر عندنا في المدرسه اقمنا صلاة استسقاء

وجاء مدرس التربية الاسلامية يخطب بعد الصلاة وبعد الخطبه بدا في الدعاء

ومن ضمن الدعاء اللهم اجعله اجل غير عاجل ( قصده عاجل غير اجل)

عرفت بعدها ان الرجال بيته غرق قبل سنتين وجاء الدفاع المدني وخرجه من البيت

مع عياله

وتسلمين على الموضوع

**sokara** · 19-11-2006, 04:09 PM

يابختكم ماشاء الله تبارك الرحمن

عقبال جميع مناطق المملكه

**الغاليه** · 19-11-2006, 04:14 PM

دكتور اهلين...

آمين يارب...

الظاهر تجيهم سكته

شموووعه

ارررركدي ماعمرك شفتي مطر؟؟<< شوفي نفسك اول

وسام..

ماعليك متخذه كل الاحتياطات..

سكرا...

آمين أجمعين...

لكن شعوري الحين مختلف..

عسى خير...

**هبله عنقلنزي** · 19-11-2006, 08:08 PM

عاد تصدقون هي تشبه باريس على غفله بس حنا بدال حدائقهم حنا عندنا مزارع كراث وتمر ههههههههههههه

شموعه نسيتي الحبحر(الفلفل لغير الناطقين بالقصمنجيه ههههههههههههههههه ياويلي من الرساويات

تصدقين عادعلى طاري الكراث ما احبه بس ما أفوت جلسته احس جلسه الكراث غير

حبيبتي غلو
مبروووك المطر

عقبالنا من امس غيم ولا نزل شي

قولي آمين
الله يغسل ما بقلبك من هم وحزن وكدر
وترجعي لنا

**رامي** · 19-11-2006, 08:10 PM

ههههههههههههههههههههههههه هههههههههههههههههههه

حلوه خزان الماء خخخخخخخخخخخخخخخخخخخ

فقع

الله يغربل ابليسكن مت من الضحك

مشكووووووووره

**صهيل الأصايل** · 19-11-2006, 08:20 PM

ههههههههههههههههههههههههه هههههههههههه ضحكني خزان الماء بالمره الله يرج عدوينك

مبروووووووووووووووووووووو وووووك المطر

يا حليلكم توكم حنا شبعنا خخخخخخخخخخخخخخخخخخخخخخخخخ اللهم زد و بارك

**PATCHI** · 19-11-2006, 08:30 PM

ههههههههههههههههههههههههه ههههههه
الغالية
الله يسعدك ويسقيكم دوم
والله حتى أنا شوفة المطر تسعد قلبي.
بس قصة الخزان....
فلّة
الله يجعلها سقيا خير يارب.

**dodemargo** · 19-11-2006, 08:38 PM

[grade="00008B FF6347 008000 4B0082"]يــــــــــــــــــــــــ ــــــــاحظكم

ويارب عقبااااااالنااااااااااااا ااااااا[/grade]

**الغاليه** · 19-11-2006, 09:54 PM

هبله

آمـــيـــــــــــــــــــ ـــــــــــــــن

تسلمين عيوني..

رامي..

الله يديم عليك الضحكه...

العفو خيوو..

صهوووله..

اللهم زد وبارك..

الله يبارك فيك..ويديم عليك الفرح..

باتشي..

ههههههه حلوه فله..

تلميذه مجتهده ونبيهه بعد

تسلمي خيتو...

دعاء..

امين اجمعين..

**nofa** · 20-11-2006, 01:16 AM

ههههههههههههههههههههههههه هههههه
غاليتي حبيبتي
اضحك الله سنك يارب

**الغاليه** · 20-11-2006, 01:36 AM

نوفا

دووم هالضحكه حبيبتي..

***لمحه حزن*** · 20-11-2006, 02:14 AM

مبروك المطر

الجو عندنا حلو يارب يمطر

**الغاليه** · 20-11-2006, 07:09 AM

لمحة حزن..

اللهم آمين...

يعطيك العافيه..

الموضوع: ~~ نسمع بالمطر ~~

أدوات الموضوع