والله ومسكنا جماعة النظام وبدى شغل النذاله ( :

[فصوولي]

بسم الله الرحمن الرحيم

والسلام عليكم ورحمة الله وبركاته وبعد ،،

فقد كلفت الادارة المدرسه الموقرة الاستاذ فصوولي بالمهام للشؤن النظامية داخل المدرس وبعد ان توليت ذالك المنصب أمرنا بما هو آت

جبت كبار المدرسه ومهابيلها وقلت لهم المدرسه امانه في رقبتكم وهذول اخوانكم الصغار وانتم المسؤلين عليهم وصرفنا لهم بطاقات عضويه للنظام وعدم التعرض ولكن فيه واحد اسمه مشعل من بينهم هذا جسمه طولي وعرضي ثلاث مرات واخاف منه قلت اكبرهم اهبلهم خلنا نمسكه المسؤل الاول في النظام عشان نفتك من شره
ووزعت باقي المبزره << لاحظ المبزره عشاني ما خفت منهم قلت مبزره عند كل (عاير=جدار) ورع وسجل ولا تسجل واذا الولد عاندكم اكتبو اكس او مكرر عشان العقوبه تتضاعف
مريت هاك اليوم حد العماير اللي توها تبنى وسرقت لي( هوز ) << ليتني ما ترجمت لي خلكم على لي اصرف من اللون الاحمر هذا جزاء كل من تسول له نفسه العبث بأمن المدرسه والله العظيم يا اخواني ويا اخواتي اني ما صدقت اللي شفت من الجرايم حسيت من جد أنا في المدرسه مجرد مدرس بس القي واطلع لكن يوم دققت في مشاكل الطلاب وربي شفا العجب العجاب جوالات فص فص مسابيح وخواتم << عيد بن شاكر ناهيكم عن الجرائم الجنسيه الله يعافينا وياكم مسكت بلاوي وربي شي يشيب منه الراس ما توقعت ان الطلاب للدرجه هذي وان فيه بيوت منحله إلى درجه القاع ولكن اللهم لك الحمد على عافيته وقريباً ان شاؤ الله سوف احط لكم موضوع باسم منتدى الجريمه
المهم طلب مني المدير بما ان عندي 12 حصه ويوم الاربعاء ما عندي ولا حصه << يجونه طلاب من جامعه الامام يطبقون عنده عين الحسود فيها عود ( بعض الناس هم عارفين انفسهم )
وقال المدير بتكليف رسمي قلت والله تبطي عظم ما ابي تكليف رسمي خلني على ما انا عليه ادخل واطلع متى ما ابي .
ما يستفاد من المشاركه ، بعلمكم أني صرت مسؤل نظام ، أبي مقترحات منكم وخصوصا الاخوه او الاخوات اللي مرو بالتجربه لانها بالنسبه لي أول تجربه
شاكر لكم المولى عز وجل وجمعنا الله واياكم في فسيح جناته

[!!عليان ريري!!]

فصوولي



وعليكم سلام ورحمه الله وبركاته



فص مسابيح وخواتم << عيد بن شاكر ناهيكم عن الجرائم الجنسيه الله يعافينا وياكم مسكت بلاوي وربي شي يشيب منه الراس ما توقعت ان الطلاب للدرجه هذي وان فيه بيوت منحله إلى درجه القاع ولكن اللهم لك الحمد على عافيته وقريباً ان شاؤ الله





لاحول ولا قوه الا بالله






انا مو ممدرس



بس حسيت فيهم يوم كنت طالب هههههههههههههه


الله يعينكم:)




عليان ريري


:)

[wisam0]

فصولي



الله يكون في عون المدرسه

بس علمني جمعت كل الدشير او الدشير ذو الاجسام بس


الله يكون في عونك

تسلم على الموضوع

[Romanciah]

[grade="00008B FF6347 008000 4B0082 FFA500"]ههههههههههههههههههه
و الله دجه مدارس الأولاد

كأن الله في عونك اخوي فيصل.........[/grade]

[DR AHLAIN]

مرحبا فصوووولي




مبروك التكليف الجديد وان شاء الله توفق فيها وتبرز نشاط الجماعة

عندي بعض المقترحات البسيطة مثل:




1- يجب أن تعطي جماعة النظام هيبه بين الطلاب وتعلن بأن الي يخالفهم راح يعاقب.

2- يجب أن تعطيهم الثقة بالنفس وتحفزهم في إجتماعاتك معهم.

3- يجب انك تتعامل مع الأسماء الي توصلك منهم بحزم وشدة..

ولو تراخيت ولو مرة راح يتغيرون عليك جماعتك انفسهم.

4- قبل نهاية النصف الأول يجب ان يكون لهم تكريم علشان يبدعون بالنصف الثاني.

وزع المهام بينهم مثلاً فهد وعبدالله غي البوابة...خالد عند دورة المياة أعزكم الله...المقصف و و و و و

5- يجب ان تتابعهم بنفسك... ولا تحول الحالات للوكيل إلا في القضايا الكبيرة.

6- فيه فكرة حلوة وهي ان جماعة النظام يحسبون عدد المخالفات على كل طالب وإذا وصل إلى خمس مخالفات يعاقب

تمنياتي لك بالتوفيق :).

[شمعة غلاي]

والله مو سهل يافصووولي

الله يوفقك بعملك الجديد بس ياكثر مشاكل العيال وحوستهم عاد تصدق

ههههههههههههههههه بس لاتضحك علي>>> ودها يجيها ندب لمدرسة العيال

امنيتي اشوف شلون المدرسين يضبطون الطلاب والمدرسه :)

[Aseel]

بصراحة مدارس الأولاد تخوف


أحس فيها كل أنواع المشاكل

شمووووووووعة أما ضحكتني فكرتك

تدرين إن أنا خضت هالتجربة .. لايروح بالك بعيد بس درست أولاد لسن ثمان سنوات بمدارس شبه أجنبية

والله كان في تحف ,,,,, واجهتني أنواع المشاكل معهم ...

والله مشاكل ماتتصوروها من طلاب عمرهم 8 سنوات .. مشاكلهم وصلت لحد ماأحب أذكره

بس يافيصل سويت مثللك سويت مثلك معهم اخترت أشر واحد بالصف وأكثر واحد مو ملتزم بالنظام

وخليته مسئول عن النظام

وكان الهدف الأساسي من اختياره إن هو نفسه يحافظ عالنظام ويتعلمه

في البداية مشى الأمر حلووو

وبعد كم يوم .......... بدأت المشاكل

صار يكفخ الطلاب ويتوعدهم ... ويهددهم .. جلست معاه وفهمته إن هالأمر مايصير .. يسمع كلامي يوم ويوم ثاني

يقلب عالجهة الثانية

والله ماأكذب عليكم إن في طالب كل يوم أبوه يجيبه المدرسة ومايرضى الولد يدخل المدرسة

والسبب إن فلان الفلاني مهدده إنه مايجي المدرسة

بصراحة بصراحة كانت تجيني لحظات أحس إن ودي أعطيه كف يبرد الحرة اللي بقلبي

طبعا هذا كان إحدى العينات اللي واجهتها وأنا أدرس العيال .. بس الحمدلله إن هالنماذج ماكانت الأغلبية

يبقى تدريس الأولاد له طعمه الخاص وأحلى شي انه كان بالنسبة لي تحدي ...

وودي أرجع لهم /// غاوية هم صحيح// ههههه

الله يعينك يافيصل
ومبروك المنصب الجديد

[فصوولي]

الله يحييك يا عليان ريري دائم ما شاء الله عليك لك السبق الأول في الردود


الاخ وسام حياك الله على متصفحي مع العلم اني اول مره اشوفك مشاركني في مواضيعي وعشان كذا ما امون عليك والا كان جاوبتك وقل الحمد لله اني ما امون عليك ( :


رومنسيه يا حبة عيني بسم الله عليكم يا مدارس البنات اللي ما عندكم شي والله يا عندكم بعد بلاوي متلتله على حسب ما سمعت لكن ادعو لك من كل قلبي تصيرين مشرفه نظام ابي اشوف وش ردة فعلك لو تناشبو البنات بالشوش


اخوي دكتور اهلين الله يجزاك بالخير يا رب والله ان النقاط اللي ذكرتها هي بعين الاعتبار ولكن ما فيه موقف يدعمني في استخدام العقاب مع الطلاب كل شي ضد المدرس مع ذالك والله اني احيان اتجاوز النظام اذا عصبت وعينك ما تشوف الا العصا


هههههههههههههههههههههه وربي انك رايقه يا شميعه والله لو تجين عند العيال مير تشوفين التمرد بحقه وعلمه يا شيخه تحليلين الحجاج عند ولده شي وربي يشيب منه الراس ما توقعت الاشياء اللي شفتها


شغلك يا اسولة عين الصواب يوم عينتي خبال الفصل مسؤلين عليه بس عاد نفس المشكله عندك صارت عندي لقيت مره عريف الفصل صافق له طالب مع وجهه عشانه ما جلس على الكرسي والولد يصيح قلت للعريف ليش تطقه قال احسن عشان يجلس وقتهانسيت اني مدرس وطبيت في حوض بطنه وصفقته الله يبارك بعمرك يا اسوله

واليوم جايب لكم خبر انما ايه انا نفسي الحين راجع من المدرسه وربي ارتجف جتني اخباريه من احد الطلاب على طالب داشر رايح فيها المهم وانا كنت رايح له بالفصل الا الاقي الطالب طالع سلمت عليه وبيده خاتم خليته يفصخ الخاتم وجلست امشي معه لين وصلت غرفه المدير وكنت اقول له ان الخاتم ممنوع وعقوبة اللي يجيبه كذا وكذا وانا في الطريق مريت غرفة الوكيل قلت له تعال ابيك شوي قلت له كل يوم اجيب لكم جوالات صور دخان احس ما فيه تنويع ضحك الوكيل قلت طيب تعال معي وادخل انا وهو الطالب بغرفه المدير واصك الباب

وانقز على الطالب واسدحه على الكرسي وامسك يدينه وارفع ثوبه

واطلع طال عمركم مســـــــــدس <<< اللهم اكفناهم في ما شئت ارتاع الوكيل وانا اصلن اتنافض خفت يطلق علي ويقاوم والمدير تصافقت ركبة وللحين ما اتخذنا اي اجراء بكره نبي نستعدي ولي امره ونكمل باقي الاجرائات هذا اذا انا عايش عموما لو ما رديت عليكم بكره الظهر الموضوع فيه أن وأخواتها الله يستر بس

[sokara]

واطلع طال عمركم مســـــــــدس <<< اللهم اكفناهم في ما شئت ارتاع الوكيل وانا اصلن اتنافض خفت يطلق علي ويقاوم والمدير تصافقت ركبة وللحين ما اتخذنا اي اجراء بكره نبي نستعدي ولي امره ونكمل باقي الاجرائات هذا اذا انا عايش عموما لو ما رديت عليكم بكره الظهر الموضوع فيه أن وأخواتها الله يستر بس

ياســــــــــــــــــــــ ـــــــــــــــــــــــــ ـــــــــــــاتر



الله يحفظكم وربي صار إرهاب



انا كنت بتمنى اني رجل بمدارس الأولاد

لكن اللهم لك الحمد انو انا بنت

البنت مهما سوت اصلا على قلبي زي العسل

وسكره واقفه معاهم بحجة البنت وسن البنت وسيبو البنات ولاتكبتوهم

الله يحفظهم لي وربي ماشفت منهم شي انو مؤدبات بس بيعملو شقاوه كتير

لدرجة انو المعلمات كل يوم بيشكو لو بنات صفي لنو انا رائدة صفهم وهما بيشوفوهم الصف المجنون

اللي كل يوم معلماتو بيشتكو منهم

بس سكرتهم واقفه بصفهم وربي ووقفت المديره عالوكيله عالمرشده عند حدهم

ورجعو لبنات ولله الحمد على طبيعتهم عجزو فيهم سنتين وصار علاجهم على يدي


بس فصووولي الله يكون بعونك مســـــــــــــــــــــــ ــــدس مررررررررررره وحده

انتبه لنفسك
الله يحرسك ويحرس طلاب النظام لايجيهم شي مساكين

[English Lover]

جبت كبار المدرسه ومهابيلها وقلت لهم المدرسه امانه في رقبتكم وهذول اخوانكم الصغار وانتم المسؤلين عليهم وصرفنا لهم بطاقات عضويه للنظام وعدم التعرض ولكن فيه واحد اسمه مشعل من بينهم هذا جسمه طولي وعرضي ثلاث مرات واخاف منه قلت اكبرهم اهبلهم خلنا نمسكه المسؤل الاول في النظام عشان نفتك من شره

فيصل

خوفك يكون حاميها حراميها


والله يوفقك ويعينك

[فصوولي]

وما يدريك يا سكره وانت يا اخي انقليش لوفر اليوم نفس الطالب كان موقف وجيت افتش عليه ما لقيت عليه شي بعدها قلت يا ولد ما بدهاش ورني شعرك << يقال له بمسك عليه شي

الولد طلع قاص كابوريا ومغبي في شعره ذاكرة جوال واللهم عافنا تحتوي على العديد من البلاوي

ويوم ركبتها في جوالي الا فيها فايروس والله اليوم كل الظهر قضيته عشان اشيل هالفايروس والحمد لله ازلته بنجاح

ولكن هذا الطالب صار فايروس بكبره عشان كذا لازم يفصل على يدي ان شاء الله

[sokara]

وما يدريك يا سكره وانت يا اخي انقليش لوفر اليوم نفس الطالب كان موقف وجيت افتش عليه ما لقيت عليه شي بعدها قلت يا ولد ما بدهاش ورني شعرك << يقال له بمسك عليه شي

الولد طلع قاص كابوريا ومغبي في شعره ذاكرة جوال واللهم عافنا تحتوي على العديد من البلاوي

أحلى أحلى


كمـــــــــــــــــــــــ ــــــــــــــان

ويوم ركبتها في جوالي الا فيها فايروس والله اليوم كل الظهر قضيته عشان اشيل هالفايروس والحمد لله ازلته بنجاح

يالهــــــــــــــــوي
ناخد عنك فكره سيئه فصووولي


وبيني وبينك تستاهل
الفيروس
اهاهاهاهاهاهاهاهاهاها

ولكن هذا الطالب صار فايروس بكبره عشان كذا لازم يفصل على يدي ان شاء الله

الله يكون بعونكم ويارب فيروسه يكون بمحيطو هو ه
لاينتشر بمحيط المعلمين والطلاب

وتشكراتي
معاك قلبا وقالبا

[ام بسمه]

السلام عليكم

تبي مقترحات !!!!!!!!!!!!!!!
الله يكون في عونك


لكن متأكده ان مقترحاتي ما راح تفيدك
لأني خراب البنات زي ما يقولون
انا ادلعهم مررررررررررره واعطيهم وجه
اذن ما اعتقد راح تعجبك وجهة نظري

اقترح انك

ممكن تسمع وجهات نظرهم وتشوف وش الي مضايقهم وش الي يحدهم على اعمال الشغب واذا عرفت المشكلة سهل عليك ان تتعامل معها وتوجد لها حل !!!!!!!!!!!!!!!
قد يكون عملهم عبارة عن استغاثة


وطريقة للفت النظر

:36_4_12:

ايه عارفه وش ببالك
تضحك


قلت لك مهيب معجبتك مقترحاتي
سلااااام

[Aseel]

ياساتر



مسدس مرة وحدة

انتو متأكدين إن هذي مدرسة ... والله ينخاف عليكم يالمدرسين



أم بسمة أنا معاك صح ... بس صدقيني في نماذج ماينفع معها هالشي


اختك مجربة كل شي يوم كنت أدرس العيال ... والله إن بعضهم حالات مستعصية

يعني تصدقين إننا استدعينا خبيرة من البحرين تتعامل مع طالب كان عندنا وطبعا أنا ماألومه هو عمره 8 سنوات

ألوم اللي في البيت عنده لأنهم هم اللي خلوه بهالحالة

وأتوقع في مدرسة فصووول في من هالحالات المستعصية


الله يعينكم أخوي بس .... أقول انتبه لحالك لساتك عريس :)

[فصوولي]

ههههههههههههه سكره لا وين يا الغاليه لا يروح بالك بعيد انا طالعت بس المحتوى بدون تدقيق وبعدين اللي مثلي متزوج خلاص ماله الا عين وحده بس يشوف فيها حبيبته الله يخليها لي والحمد لله قضيت على الفايروس ببرنامجين


أم بسمه يا الغاليه والله ما في موقف يستعدي الضحك الا بالعكس نفسيتي دمار من الشي اللي قاعد اشوفه بعدين عندنا الطلاب في مرحله تكون الذات والرجوله عشان كذا الكلام الطيب ما يمشي معاهم لازم ادخل عليهم من ابواب المرجله ومع ذالك والله قليل منهم يستجيب مو مثل الطالبات عندنا ما فيه الا حونش ما يبون دلع وبارك الله فيك على المقترحات يالغاليه


اسولتنا الغاليه 10على 10 كل كلامك ويمكن انتي خضتي التجربه عشان كذا حكمتي من باب الواقع اللي عشتيه الله لا يحرمني منكم ولا من طيبتكم

[Romanciah]

رومنسيه يا حبة عيني بسم الله عليكم يا مدارس البنات اللي ما عندكم شي والله يا عندكم بعد بلاوي متلتله على حسب ما سمعت لكن ادعو لك من كل قلبي تصيرين مشرفه نظام ابي اشوف وش ردة فعلك لو تناشبو البنات بالشوش

فيصل وووو الله اهو صدق فيه بلااااااااوي في مدارس البناااااااااااااات بس الحمد لله انا مااااااااحشرت نفسي فيهم ابعد عن الشر و غني لوه..........

بســـــــــــــــــــــــ ـــم الله علي اعوذ بالله من دعوايك ):

لا لا لا لا الحمد لله ماراح تفكر فيني المديرة بمشرفة نظام اولا لاني اكثر المعلمات في المدرسة نصاب في الحصص ):
ثاااانيا : لاني اسم على مسمى هههههههههه رومانسيه (:


و بعدين إذا بتدعي على في مواضيعك كذا تووبة ارد على مواضيعك.... هههههههههه مرة بتحسدني و مرة تدعي علي خيرررررررررررررررررر ):

بس تستأهل اللي يجيك >>>>> حقدت.........