وش رايكم **Color or My Country**؟!؟!

**Miss.R** · 06-12-2006, 06:45 PM

السلام عليكم ورحمه الله وبركاته،،

انشالله الكل بخير وصحه..

اخواني واخواتي.. انا محتاجه لرأي كل واحد فيكم (وخاصه

اصحاب الخبره في التدريس)

انا انشالله راح اشرح درس نموذجي (لأول مره في حياتي)

وبصراحه طالباتي مستواهم مو كويس مره واخاف يفشولنني..

**Colors or My Country**
وش رايكم اشرح درس اقدر ابدع في شرحه وتنوع عرض

وسائله بس مفرداته صعبه عليهم او كثيره شوي(colors).. او

اشرح درس ثاني سهله مفرداته(my country) تقريبا كلها

اسماء عربيه ومافيه وسائل غير صور..

يعني وشو الاكثر اهميه بالدرس النموذجي... قدره المعلم و

وكميه المتعه والتغيير في الدرس او مدى استيعاب وتلقي

الطلاب؟!؟!

اتمنى انكم ما تبخلون علي ولو بنصحيه..

ومشكووورين مقدما..

**الواثقة بالله** · 06-12-2006, 09:32 PM

بصراحه ماني عارفه اش اقولك كلها الدرسين حلوه

خاصة الألوان كانت اروع حصة

سويت لهم ألعاب و مزجنا الألوان و البلونات

والحروف

وحفظوا الدرس من وقته

أما درس my country شكله حلو لأن فيه عن الوطن وهالأيام طالعين بإهتمامهم بمواضيع الوطن
انا لسى ماعطيتهم بس أذكر العام انبسطو البنات

بس صراحه الألوان حلوه

هذا رأيي

ثانكيووووو

واتمنى لكي التوفيق

يارب

**tota** · 08-12-2006, 10:36 PM

انا اشوف درس الالوان احلى من ناحيه والوسائل والالعاب المستخدمه والله يوفقك انا دسنه تدريس

**Miss.R** · 09-12-2006, 12:32 AM

معقووووول...?!?!?!
اكثر من 50 مشاهده و ردين بس!!! :(
هذا وانا ما طلبت شئ صعب او مستحيل!!
الشكوى لله..مع الاسف شئ محبط!!

**Miss.R** · 09-12-2006, 12:35 AM

عزيزاتي,, نسيم و tota

الف شكر على مروركم وردودكم وتشجيعكم.. جزاكم الله كل خير،،
يعني من رايكم خلاص اتكل على الله واشرح درس الالوان؟
مشكووورين خواتي مره ثانية ماقصرتوا.

**إحساسي شمالية** · 09-12-2006, 04:00 PM

السلام عليكم

الله يوفقك اختي ويتمم لك على خير ...
بالنسبة لي شخصيا درس الألوان ممتع أكثر ... الوسائل المتاحة كثيرة ... والألعاب اللي ممكن تستخدميها متنوعة جدا ... وتقدري تستخدمي كل شئ موجود في الصف عشان تدعمي درسك يعني تقدري تستخدمي ألوان اقلام الطالبات وألوان شنطهم والشرايط اللي في شعرهم و لون الباب والسبورة ولون البلوزة اللي عليك ... وغيره وغيره
بالإضافة إلا إنه استخدامك للغة العربية راح يكون محدود جدا إذا مو معدوم ... عكس درس المدن اللي اظن إنك لازم تتكلمي شوي عربي عشان تتكلمي عن كل مدينة وموقعها و أشهر معالمها ... وراح يدخل الانجليزي بالعربي ...

عموما هذا رأيي ... وانت اكيد يظل لك نظرتك بالموضوع ... شوفي ايش اللي تقدري تعطيه بالدرسين وقارني لنفسك واختاري اللي يريحك .. ولاتنسي تستخيري عشان ربي ييسر لك ..

وعذرا للإطالة
تحياتي...

**Not alone 4ever** · 09-12-2006, 09:47 PM

درس My country أفضل شوي
لأنه أنا سويته طلع مرة حلو
وسويت لعبة تركيب الحروف لتكوين المدينة قسمتهم مجموعات و أعطيت كل بنت حرف وركبوا لي الكلمة و انبسطوا مررررة
و كمان صلحت لهم بازل علم السعوديه وهما ركبوه و المجموعه اللي خلصت بدري هي الفايزه

**Miss.R** · 10-12-2006, 01:23 AM

إحساسي شمالية
مشكووره حبيبتي على ردك ورايك وعلى هالافكار الحلوه،, (:
"استخدامك للغة العربية راح يكون محدود جدا" نقطه مهمه مرره!
الله يعطيك الف عافيه..شجعتيني
راح اشرحه بإذنه الله-- والله يكون بالعون
(انا واصله الحين عند درس الالوان يعني لازم هو)

Not alone 4ever
الله يجزاك كل خير.. مشكوره على ردك ورايك،
وافكارك حلوووه واعجبتني<- بستخدمها إذا جأ هالدرس انشالله -بعد اذنك طبعا-

*شكرا لكم جميعا* وانشالله راح اقولكم وش سويت بعد ماتخلص الحصه على خير
تكفون ادعوا لي (لاتنسون ان فيه ملك يقول"ولك مثله")

الله لايخليني منكم قولوا آمين

**الشاطر1234** · 12-12-2006, 04:46 PM

بتوفيق يارب انا افضل درس الالوان بصراحه درس جدا ممتع خاصه ادا جبتي الوسيله فواكه تشمل الالوان بالدرس وكدا ربطتيه بدرس قبله

**شخاط** · 15-12-2006, 07:25 PM

بصراحة أنا أفضل أنك تشرحي درس الألوان لأنك تقدري تحضري الالعاب والبالونات
والطالبات أكيد يحبوا الألعاب
وسلامتك
Al mhajer

**Miss.R** · 20-12-2006, 08:05 PM

آآآسفه جدا على التأخير,, الحمدلله خلصت شارحه الدرس الاسبوع اللي فات.. بسبب ضروفي الصحيه ماقدرت ارد بوقته،،

الشاطر1234 ،، شخاط

شكرا جزيلا اخواني على ردودكم .. تسلمووون والله ماقصرتووا..

-------------------------------

[grade="32CD32 FFA500 0000FF FF0000 008000"]فعلا شرحت درس الالوان...!!
وكان درس ملون بمعنى الكلمه..!!
بديت الدرس بعرض صورتين مرسوم فيهم بالونات ملونه.. وحده منهم مطبوعه بألوان..والثانيه تصوير عادي..ابيض واسود<- علشان يستنتجون معنى كلمه colors

وبالنسبه للوسائل اللي جبتها بالدرس فعلا كانت متنوعه وغير مكلفه ابدا!!! يعني من خامات البيئه زي ما يقولون..
سويت فلاش كاردس على شكل بقعه لون -بورق ملون- وطبعت اسماء الالوان..

وجبت ورق تصوير ملون.. وقصيت الصفحه نصين.. ولصقت طرف الصفحه بعود خشبي (اعواد الشواء) طلعوا كأنهم اعلام ملونه..

وكل ما اخلص من لون.. الصقه ببلاستر على السبوره والصق تحته اسمه .. <- شكلهم خياااال!! :)

وجبت كور ملونه .. وبعض الفواكه اللي كد اخذوها من قبل(apple-banana) وشنطه سوداء وكتاب ازرق.. والاخضر كان our flag :)

بالنسبه للتطبيق.. فكان ممتع وسهل جدا جدا..
استعملت : (فلينه- ورق ملون- دبابيس- قلم اسود عريض)
رسمت شكل مظله\شمسيه على اللوحه و كتبت في كل مثلث فارغ واحد من الالوان.. وقصيت الورق الملون بمقاس هذه المثلثات.. ويجب على الطالبه تقرأ اسم اللون وتختار مثلث وتثبته في مكانه المناسب على اللوحه.. حتى يكتمل شكل المظله :)

امممممممم
تقريبا هذا اهم شئ سويته بالدرس.. اتمنى يعجبكم .. ومره ثانيه سووو سوووري على التأخير..!![/grade]

**المعني3** · 29-10-2010, 07:50 PM

**المعني3** · 29-10-2010, 07:51 PM

**ام مهدي** · 29-10-2010, 08:16 PM

انا شرحت درس countryوابدعت فية لكنcolours احسن وباالتوفيق

**نار الحب** · 30-10-2010, 11:28 PM

جزاك الله خيرا

**وهج الوفاء** · 14-11-2010, 12:55 AM

أستفدت من افكار الجميع
تسلمووووووووووووووووووووو ووووووووووو

الموضوع: وش رايكم Color or My Country؟!؟!

أدوات الموضوع