رد مع اقتباسشدعوه مافيه تفاعل
ولا رد
مساء الخير
يامدرسين المتوسط
احب اقولكم
الله يعينكم
التعامل مع هالمراهقين صعب انا اعطي ثاني متوسط ومطلعين عيوني
واشوف اللي حولي كلهم يشكون من ثاني متوسط في مدرستي والمدارس اللي اعرفها
هل ثاني متوسط هالمرحله العمريه مشكله في كل مدرسه والا يختلف الوضع
يعني ابي كل عضو يدرس المتوسط وخصوصا البنات يبلغنا في اي مرحله اصعب التعامل معاهم
ملاحظه
انا اتكلم عن التعامل مو عن المناهج والتدريس
تحياتيـ للجميع
شدعوه مافيه تفاعل
ولا رد
والله ثاني متوسط مو مشكله ولكنهم ام المشاكل والتناحه
وللمعلوميه هذي مشكله عامه في كل المدارس وربما كان السبب في اختلاف الهورموناتومرحلة النضج
والعلم عند الله
شاكيرا
هلا بك اختي
اللي يتضح ان طلاب المتوسط يعتبرون في بداية انتقالهم من مرحلة الطفولة وفي طور البلوغ
ومو مستغرب انه يبدر منهم تصرفات قد لايتقبلها المعلم او المعلمه .. ولكن ناخذ في الاعتبار ان هذا خارج عن ارادة الطفل ويفترض التعامل معه بالطريقة التي تليق بسنه
ومشكوره على الطرح
على قدر أهل العزم تأتي العزائم
وتأتي على قدر الكريم الكرائـم
;;;
وتكبر في عين الصغير صغارها
وتصغر في عين العظيم العظائم
;;;
المشاركة الأصلية كتبت بواسطة اناناس
والله ثاني متوسط مو مشكله ولكنهم ام المشاكل والتناحه
وللمعلوميه هذي مشكله عامه في كل المدارس وربما كان السبب في اختلاف الهورمونات
والعلم عند الله
هلا وغلا
حلوو يعني المشكله عالميه مو محليه عندي بس
نورني مرورك يالغلا
ابو لمى
الله يحييك
انا اعرف انو هم في مرحلة تغير وبلوغ وتكون انفعالاتهم مضطربه لكن كمان اول متوسط وثالث في مرحلة بلوغ بس ماتظهر عليهم تصرفات ثاني
مشكور على مرورك والرد اخي الكريم
و الله من يوم طلعنا تطبيق (( تربية عملي))
و حنا نتهرب عن ثاني لانهم مرحلة لا يستطيع الواحد التعامل معهم
الحين اول ما يصير موقف تعالي شوف التعليقات و الضحك عند ثاني
بالنسبة لي من خلال تجربتي الطويله استطعت معرفة الطريقة المثلى للتعامل معهم و والله العظيم نفعت جداً
صرت اقول لهم انا ارتاح عندكم لانكم تريحوني
انتم كأنكم بناتي ( امزح اخواتي )) و من الكلام
و إذا ابدعت احداهما بالاملاء او الخط او كتاب النشاط ارفع دفترها او كتابها للفصل
ووالله العظيم صاروا يفرحون بحصتي و القاهم زعلانين إذا بدلت مع مدرسة اخرى
و دمتي بود
شاكيرا ..
والله من أمس كتبت رد ..
وصار وين .. ما أدري ..
عموماً مرحلة المتوسطة ..
أولى = مداومين على الفطرة ..
ثاني = مرحلة العناد .
ثالث = مرحلة العصيان والتمرد ...
لكن ..
بالإسلوب والرفق يعتدل الوضع معهم بإذن الله . ( الرفق ما جاء في شئ إلا زانه ) ( كما قال عليه الصلاة والسلام )
هلا وغلا
نورتي صهيل ( عاد انتي تحيه خااااصه دوم انبسط على مواضيعك في منتدى ثاني متوسط )
جبرتو بخاطري الله يجبر بخاطركم يعني البلى فيهم مو فيني اللي ماعرفت اتعامل معاهم
انا لاحظت ان التشجيع والتحميس يجي معاهم بس يقهرني فيهم متقلبين
يوم تلاقينهم عسل ويوم شوي يطلعوني من الفصل
وانا هذي اول سنه احس جابو لي انفصام
تحياتي لكـ
حـــــــــــــــمامه
تسلمين يالغلا وتصير تكتبين رد وتنصدمين فيه يضيع ماتلاقينه
مرورك وردك على موضوعي يفرحني
وتقسيمتك ووصفك لمراحل المتوسط خطيره
والله يعين عليهم
ويوفق الجميع
السلام عليكم ورحمة الله وبركاته
الصراحة عندي الثاني متوسط هستروا بي لكن نوعا ما اسلوبهم مقبول وكذلك مقدور عليهم اما الثالث متوسط فهؤلاء مافيهم علاج ابدا لا تعامل ولا اسلوب ولا غيرة الله يعين الجميع,,,, تحياتي
هلا ومرحبا اخوي وحيد وحزين
يمكن انت منقلبه عندك الايه بحكم انهم عيال واحنا بنات
احنا ثالث في مدرستي جنــــــــــــــــــــه
أهلين شاكيرا كيفك اختي
والله انا اعاني من نفس المشكله وثاني عندي مطلعيـــــــــــــــــــن الشيب في راسي بس لاحظت ان اسلوب التشجيع ومعاملتهم كأخوات ناجح معاهم لان كلما عصبتي عليهم زاد عنادهم ونرفزتهم لك
فحاولي انك تكونين حازمه بس تحتوينهم في نفس الوقت وشوفي النتيجه .. والله يعينك حبيبتي...
[
زهرة اللافندر
هلا وغلا يالغاليه
تسلمين على مرورك والرد
وكان الله في عونا
وعون الجميع
انا عندي ثاني تطبيق المؤدب أحطه فوق راسي واعطيه كل ما استطيعه وقليل الأدب اهبل فيه اوقفه
واخلي قفاه للطلاب او اعطيه كلام قوي وبعضهم انقله قدام واشجعه ويتحمس معي وعلى فكره ماصار لي
إلا اسبوعين اطبق بااااااااااااااااي
الحمداللة مااا تعاملت مع طلا ب المتوسط الله يعينكم ويجزاكم خير
هلا
المشكله هالجيل عارفين الانظمه اكثر منا اوقفها تقول ممنوع توقفيني اكثر من خمس دقايق
هلا وغلا
نصيحه لاتتهورين وتاخذين متوسط
اذا بتطيعين اختك بترتاحين ان شاءالله
مرحلة المتوسط جداً خطيره
والطالبات في السن هذا محتاجين من يحتويهم
ويحن عليهم ويراعيهم و(يهتم فيهم) لاتكتفين بآداء الدرس بس
بعد الدرس وقت ماتكونين فاضيه روحي لهم بس سلمي
واسألي عن حالهم ..
حسسيهم انك امهم وصديقتهم واختهم الشقيه
والاهم من هذا كله (الابتسامه)
ومافي مانع لو تنزلين لمستواهم وتضحكين معاهم
والله ياشاكيرا بتشوفين بناتك وصلوا سن العشرين
وهم لسا في المتوسط :)
والله يوفق الجميع
واعتذر لو اطلت..
رد : طلابنا المراهقين
صراحة انتم خوفتوني بكلامكم هذا عن ثاني والمشكلة اني راح أبدأ معهم ان شاء الله يوم السبت وراح تكون حصة التطبيق الأولى بالنسبة لي وكثييييييير قالوا لي انهم مراهقات لكن ماتوقعت للدرجة هذي لكن دعواتكم لي بالتوفيق
ضوابط المشاركة
المفضلات