انتبهوا ....... لاتقعوا في نفس غلطي

**miss_reem** · 14-04-2007, 10:19 PM

السلام عليكم ورحمة الله

حضرت درسي يوم الجمعة على أتم وجهة على اساس حصتي الاولى , وسهرانة ومشططة الاخت ,يوم جات الساعة ثنتين سلمكم الله واقوم واحط الزيت فوق راسي .. المهم عقب ماحطيت الزيت , حطيت الساعة على خمس عشان اقوم اغسلة.. مادريت الا امي تصحيني (قومي الساعة ست ونص غطنا النوم

) والله العظيم اني ما أبالغ (قعدت اضرب خدي رايحة وجاية وفيني الصيحة مايمديني ) هذا اللي ماتحط احتياطها لاي موقف , طبعا سويت شغلي بسرعة بسرعة ,حتى ماراجعت

.

دخلت المدرسة الساعة سبع وركض على الفصل , جتني رجفة الله لايوريكم (مع اني اول شرح لي كان احسن بكثييير بس يمكن عشاني متاخرة ) , المهم دخلت الفصل وانا قاعدة اكتب التاريخ قاعدة اقول انا وش مجيبني هنا ههههههههههه ,لو اني اعتذرت اصرف لي .

بس من عقب هالموقف حرمت اني احط زيت وانام ,واحط احتياطي لاي موقف . ومادري لية عقب هالموقف خايفة شوي من التقديم للحصة الجاية مادري لية , ممكن لاني ماقدمت زين هز ثقتي فيني .

**توفيه** · 14-04-2007, 10:25 PM

الله يسعدك موتيني ضحك000الله يلوم اللي يلومك00
تدرين لو انا بمكانك كان غبت من اول اليوم وارتحت00بس ماقلتيلنا غسلتي شعرك ولا رحتي فيه المدرسه000

**Mr.X** · 14-04-2007, 10:26 PM

ههههههههههههه

والله سالفة

الحمد لله حنا ثوب وغترة وأضرب الباب

يعطيك ألف عافية
Mr.X

**حمامة** · 14-04-2007, 11:25 PM

الله يعينك ...

انتبهي من الحناء المرة الجاية ...

**HOPELESS** · 14-04-2007, 11:36 PM

ههههههههههههههههههههههه

ماشاء الله عليك من جد ورطه لو انا كان ماداومت
لانه انا ادرس بقريه ولازم اكون طالعه من البيت 5 الفجر

**Romanciah** · 15-04-2007, 12:15 AM

miss_reem

ههههههههههههههههه

يله الحمد لله جت سليمة >>>> طب انتبهي المرة الجاية لا تروحي بالزيت

اذكر وحده من زميلاتي جااايه للدوام بالشبشب "الله يكرمكم" هههههههههههه >>> ورحمها ربي ان بيت اهلها قريب من المدرسة و قالت للسواق يوصلها لأهلها ههههههههههه

الله يسعدك و الله ضحكت من قلبي,,,,,

دمتي بووووووود و سلاااااااااااااااااااام,,,, ,,,,

**الهمة العالية** · 15-04-2007, 12:48 AM

يعني فيه ناس مثلي...خخخ

بس ماحطيت زيت....كانت متعطلة الكهرباء....بس ربي ستر..
كنت صاحية بدري...وهذا اللي انقذني بعد الله...

الله يسعدك مس ريم

**قناص السعادة** · 15-04-2007, 01:18 AM

المشاركة الأصلية كتبت بواسطة Mr.X

ههههههههههههه

والله سالفة

الحمد لله حنا ثوب وغترة وأضرب الباب

يعطيك ألف عافية
Mr.X

مستر أكس ذكرتني :
كنت معلم في قرية تبعد 130 كيلو وكنت دائم أعلق شماغي في السيارة ويوم أقرب من المدرسة ألبس الشماغ ، لكن ذاك اليوم التفت أدور الشماغ ... نسيته في البيت قعدت اصفق كف على كف اتصلت على الكاتب في المدرسة قلت اطلع بسرعة فزعتك انا بدون شماغ دبرنا ولا ترى أرجع ( ادور الغياب)، قال لي ابشر عندي شماغ في البيت : الحمد لله انحلت المشكلة من يومها سميت الكاتب 911 .

مأجوره اختنا miss_reem كله في سبيل العلم .

**sarooooo** · 15-04-2007, 01:28 AM

اجل انا ايش اقول جالسه احضر

**sarooooo** · 15-04-2007, 01:33 AM

درسي ومانمت الاالساعه 4 وعندي الاولى وكانت ليله السبت البارحه وبعدها نمت واقووول لنفسي لازم اصحى بدري اتخيلو متى صحيت
وربي 3 العصر
وطول اليوم وانا جالسه اتحسر ع اليوم الي طار لانووو في بالي مااغيب طبعا كل هذا صاير اليوم
لو بمكاني ايش بتسوون ردوووووو علي اوكي

**غاردينيا** · 15-04-2007, 01:44 AM

miss_reem

كان الله في عونك

انا لما يحصل لي موقف مشابه أكون متوترة طول اليوم

و لا فيه حاجه ممكن تخفف توتري

ولو أني عمري ما غامرت ونمت وانا حاطه زيت

قناص السعادة موقف رهيب

ههههههههههههههههههههههه

أعتقد بالعرف الرجالي اللي يجي بدون شماغ

مثل اللي يجي حافي هههههههههههههههههههه

**قطوف** · 15-04-2007, 01:44 AM

هههههههههههههه

الله يرجك من جد موقف لايحسد عليه

قطوف

**THE DARK MAN** · 15-04-2007, 01:48 AM

حصل خير

ونقدر نقول

رب ضاره نافعه

**صهيل الأصايل** · 15-04-2007, 05:55 AM

و الله موقف لكن اللي اعرفه الزيت ما ينامون فيه ممكن يسبب تجلط .........................................فازع� � للتعليم لا يصير مواقف مماثلة

تعيشين و تأخذين غيره

**ميس** · 15-04-2007, 07:23 AM

الله يسعدك ريم
بس 6 ونص حوووووسه
ماشاءالله عليك في نص ساعه خلصتي
بس عارفه
لو انا مكانك ابد غياب من غير تفكير
او ادق ع المديره واقولها اني بتأخر ياتوافق ياأغيب <<مجربه :)

قناص
اسعد الله قلبك موقف لاتحسد عليه

اما انتي ياسارو شي
الله يصلحك 3 العصر!!! اجل يبي لك تنامين من
بعد مايأذن العشاء والا!!

**المسافره** · 15-04-2007, 10:04 PM

اهم شي انك شرحتي الدرس بزيت ولا بغير زيت

**زهرة وفى** · 16-04-2007, 12:07 AM

ههههههههههههههههههههههههه ههههههههههههههه

يابعد قلبي ههههههههههههههههههههههههه ههههه

من جد تلقي قلبك يدق دقاااااااات قوية ..................

تدري المنبه يدق مايدق انا مادري عنه ازعج اللي حولي وينزعجون وانا ماحسيت فيه هههههههههه

دايم اقول راح اكمله في الفجر ولا حياة لمن تنادي

من جد ضحكت بس حطيت الموقف لي فألمني هههههههه

**ORCHIDA** · 16-04-2007, 12:22 AM

لو مكانك اغيب عاااادي .. لا يكلف الله نفسا الا وسعها

**NiCe TuNeS** · 16-04-2007, 12:42 AM

ههههههههههههههه

مرة ثانية حطي الزيت او ما ترجعين من المدرسة و غسليه المغرب..

خخخخخخخخخخخخخخخخخخخ

**الزهرة الخضراء** · 16-04-2007, 05:28 PM

جت سليمة يا miss_reem ... وزين انه مو حناء على قولة حمامة ... بس المره الجاية لو حصلك زي هالموقف ... ادعكي شعرك بليمونه مع كاس موية وروحي للدوام من دون ماتمشطين شعرك ... <<--- تبي تضيع مستقبلك ..