مواقف مضحكه تصدر من الطلاب في حصة اللغة الانجليزيه

**mazenedan** · 02-05-2007, 10:13 PM

طبعا لايخفاكم إخواني و أخواتي ، المعلمين و المعلمات ما يحدث داخل الفصل من كثير من المواقف المضحكه التي تصدر من الطلاب عند نطق الكلمات أو الاحرف أو الارقام .

فا أنا كل حصه لازم يصير موقف او موقفين مضحكين

آخر موقفين كان اليوم في درس animals

قلت لواحد من الطلاب / وش الكلمه هذه cat ?

فقال / kit kat

قلت / ما شاء الله أجل الكلمه اللي بعدها dog نقول لها سنكريس او تويكس
المسكين لساعه ما افطر

و الثاني لما وصل لكلمة goat قال/ goool

وفي بداية السنه خصوصا في درس الارقام

احد الطلاب بدال ما يقول / three قال / ثور

و في درس my name

سالت كذا واحد / what is your name

قال / مايونيز

يااااااااه

صراحه أنا عندي احساس ان مدرس اللغة الانجليزيه هو اكثر المدرسين ضحكا

أرجو من كل معلم او معلمه ان يذكر أو تذكر موقف او اكثر من موقف:36_16_16:

**روعة العمر** · 02-05-2007, 10:34 PM

فعلا معلم اللغة الانجليزية دائما يعاني

وانا اعاني من طالباتي يوم يسمعوا الكلمات الجديده

اذكر منها الحين

كلمة meat سمعوها وقالو ميت من مات ؟؟؟؟؟؟؟؟؟

ههههه

**helmwardi** · 02-05-2007, 10:45 PM

روووووووووووووووووووعة موضوعك

فعلا مهنتي ممتعة

والطالبات عندي مصرين اني أبتسم طول الحصة

حبيتهم من كثر مايسلوني

(أطرف موقف لي قلت مرة لطالبة واقفة أمام مجموعة كبيرة من البنات في الساحةwould you close the door please?

ارتبكت والتفت لصديقاتها ولما ماحد ساعدها ناظرت فيني وقالت00انتي اش فيه كلام؟

**msms** · 02-05-2007, 11:12 PM

طالباتي مايستحقون شي ..
أبذل معهم مجهودات كثيرة لكن مايفيد فيهم شي ..

عموما ااتذكر موقف يوم كنت ادرس طالبة تبي تطلع لدورة المياه وتقول للدكتورة الي ماتفهم عربي بالانجليزي بروح للwater cycle تقصد دورة المياه هي طلعتها من الأطلس كتبت دورة مياه وطلعت لها هذي طبعا الواتر سايكل دورة الماء في الطبيعة ..

**mazenedan** · 02-05-2007, 11:53 PM

المشاركة الأصلية كتبت بواسطة روعة العمر

فعلا معلم اللغة الانجليزية دائما يعاني

وانا اعاني من طالباتي يوم يسمعوا الكلمات الجديده

اذكر منها الحين

كلمة meat سمعوها وقالو ميت من مات ؟؟؟؟؟؟؟؟؟

ههههه

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه

الطالبات رهيبات

واحد من طلابي نطق كلمة meat --- قال / ماااااات

قلت انا / الله يرحمه

مين اللي مات ؟

**mazenedan** · 03-05-2007, 12:24 AM

المشاركة الأصلية كتبت بواسطة helmwardi

روووووووووووووووووووعة موضوعك

فعلا مهنتي ممتعة

والطالبات عندي مصرين اني أبتسم طول الحصة

حبيتهم من كثر مايسلوني

(أطرف موقف لي قلت مرة لطالبة واقفة أمام مجموعة كبيرة من البنات في الساحةwould you close the door please?

ارتبكت والتفت لصديقاتها ولما ماحد ساعدها ناظرت فيني وقالت00انتي اش فيه كلام؟

شكرا

و بصراحه انا حزنت على الطالبه

**weak-power** · 03-05-2007, 11:05 AM

فعلا يصدر مواقف كثيره

وهنا الموقف المضحك صدر مني أنا

احدى الطالبات كانت تقرأ كلمة good وقالتها جود بالجيم فصححت لها الكلمه ونطقتها وكنت ابي اقولها (ييس ذاتس رايت فيري قود مها) ولكن بدل ما انطق قود بالقاف العامي الخفيف قلته بالعربي الفصحي القاف الثقيل قود

وطبعا هنا انا انفجعت من نفسي والبنات فطسووا ضحك

**mazenedan** · 05-05-2007, 03:17 PM

اين المشاركات يا اخواني واخواتي في الله :36_4_12:

**استفهام** · 05-05-2007, 04:14 PM

لما قلت لطالباتي _ثالث ثانوي_ ما فيه داعي انكم تحفظون التعبير
كوني اي جملة صحيحة خالية من الأخطاء في القواعد
طلبت منهم في اختبار دوري يكتبوا لي موضوع عن رمضان بشكل عام
كتبت لي وحدة منهم
Ramadan is homework on Muslims.
بس انا ماني عارفة هل
Ramadan is homework
ولا الصحيح
Fasting Ramadan is homework

**Donia-Ajeeba** · 05-05-2007, 05:22 PM

ذكرتوني بالنكته اللي تقول واحد معصب على المضيفة يقولها :

This talk no walk , I have o'clock student coffee

((الكلام هذا ما يمشي وو صار لي ساعة طالب قهوة !! ))

أما بالنسبة للمواقف كثيييييييييرة لكن مافي بالي شي منها الحين ..

لي عودة .. ويسلمووووووووووو على هيك موزوووع

**معلمة انقلش** · 05-05-2007, 06:23 PM

[GLOW="FF0099"]ههههههههههه موضوع بجد روعه ..
بس انا مره سالت بنت من 1م تكتب اسمها بالانجليزي على دفترها تخيلوا لما جيت اقرأ اسمها عجزت اعرفه ,, طلعت كاتبه اسمها بالعربي و من ناحيه اليسار على بالها كذا صار انجليزي بصراحه بغيت اموووووووت من الضحك [/GLOW]

**mazenedan** · 05-05-2007, 06:38 PM

المشاركة الأصلية كتبت بواسطة استفهام

لما قلت لطالباتي _ثالث ثانوي_ ما فيه داعي انكم تحفظون التعبير
كوني اي جملة صحيحة خالية من الأخطاء في القواعد
طلبت منهم في اختبار دوري يكتبوا لي موضوع عن رمضان بشكل عام
كتبت لي وحدة منهم
Ramadan is homework on Muslims.
بس انا ماني عارفة هل
Ramadan is homework
ولا الصحيح
Fasting Ramadan is homework

ههههههههههههههههههههههههه هههههه

لالالا من جد مت ضحك على هذا التعبير

الطالبه هذه رهيــــــــــــــــــــــ ـــــــبه

وشكرا على المشاركه الجميله منك

**mazenedan** · 05-05-2007, 06:41 PM

المشاركة الأصلية كتبت بواسطة Donia-Ajeeba

ذكرتوني بالنكته اللي تقول واحد معصب على المضيفة يقولها :

This talk no walk , I have o'clock student coffee

((الكلام هذا ما يمشي وو صار لي ساعة طالب قهوة !! ))

أما بالنسبة للمواقف كثيييييييييرة لكن مافي بالي شي منها الحين ..

لي عودة .. ويسلمووووووووووو على هيك موزوووع

لالالا حلوه هذه This talk no walk , I have o'clock student coffee

قسم بالله موت من الضحك

من قالها ؟؟؟؟؟؟؟

**mazenedan** · 05-05-2007, 06:42 PM

المشاركة الأصلية كتبت بواسطة معلمة انقلش

[GLOW="FF0099"]ههههههههههه موضوع بجد روعه ..
بس انا مره سالت بنت من 1م تكتب اسمها بالانجليزي على دفترها تخيلوا لما جيت اقرأ اسمها عجزت اعرفه ,, طلعت كاتبه اسمها بالعربي و من ناحيه اليسار على بالها كذا صار انجليزي بصراحه بغيت اموووووووت من الضحك [/GLOW]

أما هذه قويه قويه قويه

على قولة / سعد الفرج

**حنين الأمل** · 06-05-2007, 11:22 AM

اهلا بكم جميعا ..
مواقف مضحكة بارك الله فيكم ..
من المواقف التي اذكرها كنا في مضوع المهن وقرأنا كلمة فارمر (farmer) ضحكو البنات يعنى ان الفار مر
واحيانا البنات يقولون ابليس قصدهم please ( اعوذ بالله من ابليس )

**zozo16** · 07-05-2007, 01:49 AM

في درس المعدود وغير المعدود اعطيت للبنات ورقة عمل يصنفوا فيها انواع الاطعمة والاشربة تحت عنوان معدود وغير معدود وكان من ضمنها كلمة carrots بعد انتهاء المجموعات وكلهم اجاباتهم كانت صحيحة ماعدا مجموعة وحدة حلوا carrots ضمن غير المعدود وجاتني قائدتهم معصبة وتقولي
هالحين تبينا نعد حزمة الكرات حبة حبة ولا كرتون حزم كرات
في البداية اتفاجئت ولما عرفت انها تقصد هذه الكلمة مت من الضحك

**فرخة وكتكوت** · 09-05-2007, 12:49 PM

روووووووووووووووووووعة موضوعك

فعلا مهنتي ممتعة

والطالبات عندي مصرين اني أبتسم طول الحصة

حبيتهم من كثر مايسلوني

(أطرف موقف لي قلت مرة لطالبة واقفة أمام مجموعة كبيرة من البنات في الساحةwould you close the door please?

ارتبكت والتفت لصديقاتها ولما ماحد ساعدها ناظرت فيني وقالت00انتي اش فيه كلام؟

صرررررررررررررررررررررررر ررررررراحة احلى شي هالموقف

اما بالنسبة لي انا بدرس المهن على SCHOOL BOY
لت حق طالبة شنو هذا؟

ردت صخول ابوي

واااااااااااااااااااااااا ااااااااااااااااااااااااا ااااااااااااااو
البنت مسكينة متاثرة بالصخول والخرفان لان من جد ابوها عنده صخول وبعارين

للمعلومة ادرس بهجررررررررررة

**انا ذهب** · 17-05-2007, 03:38 PM

الصراحة كلها مواقف مضحكة وتموت من الضحك
وانا لي مواقف كثيرة مع الطالبات واخرها درس superlative لثاني متوسط اسئلهم How old are the pyramids? ماعرفوا يحسبون عمرها فشرحت لهم الطريقة ( صرت معلمة رياضيات الله يرحم الحال ) المهم وقفة طالبة وقالت :- بس يا مس احنا بالانجليزي لما نطرح الارقام نبداء من اليسار وليس من اليمين؟
الله يرحم الحال الطالبات لا فالحين بالانجليزي ولا بالعربي

**الواثقة بالله** · 18-05-2007, 02:21 PM

ههههههههههه

فعلا حصة الانجليزي لازم تلاقي فيها بدع و اشياء مضحكه غصب عنك تضحكين امام الطالبات

أنا صارت لي مواقف كثيره وخصوصا اذا كانت في وحده مهرج في الفصل حركاتها عفويه

أول سنه لما درست سادس تعبت معهم أعذرهم والله بنات قرى مايشوفون إلا البعارين

قلتلهم أحفظو الكلمات الانجليزيه لأني راح أمليها لكم بعد اسبوع ولما انا جالسه امليهم وخلصت

وجمعت الاوراق إلا وحده منهم كاتبه الكلمات بلغه صينيه عجيبه

وحده كاتبتها بالعربي يعني مثلا كلمة X-ray كتبت إكس ري

آآآآآآآآآآآآآآآآآآآآآآآآآ آآآآآآآخ

لكن الحين تقبلت الوضع وصار بالي طويل عليهم

ولي عوده مع المواقف لأني ما اذكرها الحين

يسلموووووووووووووووووووو على الموضوع

**HOPELESS** · 18-05-2007, 03:48 PM

وااااااااااااااااااااهههه ههههههههههههههههههههههههه ههههههههههههههههههه

لايفوتكم بناتي انا لما اكتب لهم سؤال وما يعرفوه لقيت وحده كاتبة لي بورقة الاختبار

ana ma aaref

ma adree

انا لا اعرف

وما دري

ههههههههههههههههههههههههه ههههههههه

ولا زميلتي عطتهم سؤال
How can you go to school??

كاتبة الست

by taecher

ههههههههههههههههههههههههه هههههههههههههههههه

وكله كوم ويوم نجي نصحح كوم المدرسات يطالعون فيني انا وزميلتي وحنا نصحح وميتات من الضحك

ويقولون صراحة انتم مدرسات الانجليزي تستمتعون بالتصحيح مو مثلنا ههههههههههههههههههههه

**ام غيداء** · 19-05-2007, 07:43 AM

[زمان ايام التربية العملي كنا نحضر حصة لمعلمة احنا جالسين بنات الترية العملي باخر صف بالفصل معانا المشرفات المعلمة كانت مصرية قومت طالبة من الأخير تجاوب يعني قدامي مباشرة البنت مترددة تقول الأجابة بشويش تقول المعلمة اية مش سمعاكي ارفعي صوتك اية اية مش سامعه والله مش سامعة الأجابة كانت expensive الطالبة من كثر حماس المعلمة صاحت و قالت وهي تبي تبكي اكس بنفس يأبلى المصرية تصيح اية يا مامة بتئولي اية ارفعي صوتم متخفيش و قالتها البنت مرة ثانية انا فطست ضحك الكل سمعني الكل صار يطالع لي تقول المشرفة سودانية فية اي قلت مش سامعة expnves وخرجت جري من الفصل و ضاعت علية الحصة المشوقة جدا
وزمان يايام الكلية]

**Rawee** · 21-05-2007, 12:57 PM

من جد الموضوع يستحق المشاركة فيه 0000000000

المواقف كثيرة ولكن لما كنا في الجامعة كان معنا وااااااااااحد منسسسسسسسسسسسسسسسم وكان الدكتور حق المادة بريطاني المهم خوينا حل زفت في الامتحان ولما جانا الدكتور يبغى يتميلح ويخلي الدكتور يساعده شوي ولما قاله الدكتور وش تبغى بالضبط يعني وش عذرك وليش ما حليت زيت ؟؟؟
تدرون وش قال 000000
my doctor that' s over my window ...... I had a cairo envelop

وفطسنا من الضحك والدكتور ماهو فاهم وش يقول هالمنسم ....هو يبغى يقول هالامتحان يا دكتور فوق طاقتي وانا عندي طروف قاهرة.....

اما بالنسبة لما تخرجت ودرست على بالي باصير اسلوب مع الطلاب وانا اشرح شفت لي طالب نايم وعلى بالي فاهم قلت عبدالله انت غبي وبعدين قلت عبدالله بصوت عالي ولما صحى قلت له صح قال نعم قلت تدري اني قلت لك انت غبي وبكل برود وبدون تردد جاوبني لا .....قلت يعني انا كذاب قال لي ايه!!!! انصدمت وصرت القط وجهي ما عاد اعرف ارد عليه وصارت الحصه كلها فلسفه مني علشان اقوله انه ما يقدر يقول للمعلم انت كذاب ...........بصراحه موقف لا احسد عليه...... بس ازين فيني وش هوله هالتميلح اللي ماله سنع.