وش سالفة الربط بالضبط........الرجاء الدخول

**sleem** · 18-08-2007, 04:36 PM

انا اول مرة اسمع بسالفة الربط ,
اللي فهمته انه المعلمة تكمل في مراحل اخرى وهي اساساً على ملاك الإبتدائي. وهل هو تعميم جديد وموقعين عليه المعلمات وشايفينه لأن بعض الموجهات والمديرات هداهن الله تستغل المعلمه اشنع استغلال وحنا نايمين على اذوننا نصيحة لكم وعن تجربة اذا طلبوا منكم شي فوق الإستطاعة وقالوا لكم تعميم جديد اسألوا عنه وتأكدوا ,,,,,,, انا ولله الحمد اكمل في مدارس ابتدائية صحيح انه زي مايقولون شحططه, لكن شي اهون من شي , وعلشان الواحد يهون على نفسه لازم يكون مقتنع انه مافيه احد مرتاح. والله يكون بالعون/ وياريت أحد يتكرم ويرد علي

**sleem** · 19-08-2007, 02:41 PM

ياناس وش اللي صار معقوله كل اللي قرأوا الموضوع مايعرف ....
:1 (114):الظاهر اني حلمانه او اني فاهمة غلط اسفة على الإزعاج انا انسحب

**ملاك محمد** · 19-08-2007, 06:25 PM

اختي سالفة الربط من العام السابق وصار عليها مشاكل ولاادري هالسنه بيسوون مثل العام السابق والا لا روحي لقسم التعاميم الخاصه وبتلقين الشكاوي اتمنى اكون افدتك

**فجر** · 24-08-2007, 04:51 PM

الله يعيننا بس

متى يدخلونه على الصفين الرابع او الخامس ..

او احسن حل يلغونه من الابتدائي ويريحوننا مدامهم مو قادرين على وضع منهج سليم للصفين بدل الشحططه والله جربت الانتداب للثانوي مالقيت اي فايده

اللي يقهرني مافيه تعاون وبعض معلمات الثانوي هداهن الله اذا قلتي ادرس ابتدائي تفكرك ماتفهمين شي هههههههه نست اننا بيوم كنا ندرس ثانوي ومتوسط << مقهوره من بعض المواقف

انا قررت اترك الابتدلئي لهم خلااااص مليناااا

**mnt** · 07-09-2007, 03:30 AM

السلام عليكم
ابقولكم عن المعلومات اللي عندي
الربط من العام الماضي وهو انك اذا كنتى على ملاك الابتدائي يندبونك لمتوسط او ثانوي
او يندبونك من المتوسط او الثانوي لابتدائى لسد العجز
ولازال موجود للان
انا معلمه ابتدائى كنت مجازه العام الماضي واول ما باشرت بلغوني بالربط بين مدرستنا ومدرسه متوسطه
الله يعينا