أبكوا طويلاً يامعلمات المرحلة الابتدائية مع هذا التعميم( إيقاف الندب )

**تيفاني** · 01-09-2007, 02:27 AM

الله يعينكم :(

**Toti** · 02-09-2007, 03:20 PM

هم طلعولنا قرار هالندب خلاص يعطونا ميزاتةوبعد كذا الي تبي الابتدائي والندب تقدم بإختيارها ... وبكذا تنحل المشكلة الي تبي ندب تاخذه والي ماتبي ترتاح منه .... لكن تدرون ليش مايعطون ميزات الندب من الحسد والمشاكل انا العام في اكثر من مدرسة وكلهم يبغوني اناوب عندهم واخذ احتياط فيقولون ليش ماعندها حصص كثيرة وماتناوب !! طبعا كنت في ثلاث مدارس ومايشوفون نقطة الشحططةوالبهذلة وقيمة النقل لثلاث مدارس بس يشوفون النصاب ظلم X ظلم ........ الله المستعان

**شمريه نمبر ون** · 02-09-2007, 07:34 PM

الندب تخلف وظلم وأنا أول المعـــــــــــــــــــــ ـــارضين
واللي يقهر زيادة يقولون ما فيه احتياج طيب ليش تندبون العالم مدام ما فيه احتياج
من جد حســـــــــــــــــــــــ ـــبي الله ونعم الوكيل عليهم تقل دافعين رواتبنا من جيوبهم اللــــــــــه يعز الحكومة...............

**msms** · 02-09-2007, 08:31 PM

حسبي الله على كل ظالم

هذي رابع سنة لي وكل سنة بمدرسة غير مدرستي الابتدائية ومديرتها الوصولية الاستغلالية الظالمة

يارب والله بحياتي ماعمري دعيت على انسان او كرهته مثل ماكرهتها انسانة فظيعة تكرهني ياعالم وانا ماسويت لها والله العظيم اي شي

كره فظيع من اول يوم باشرت فيه
حاولت معها بكل الطرق مانفع

**secret333** · 02-09-2007, 08:50 PM

انا ادرس في متوسطة في الشمال
و عندي استعداد لتبادل مع من يدرسن الابتدائي في الشمال
وشكرا

**@Lemon@** · 02-09-2007, 09:10 PM

الحـــــــــــال في كل مناطق المملكة .. حســــــبي الله .. وانا مع الاخت دانا ..

احلى شي في ندبي اني بفتك من مديرتي .. بس ممكن سؤال كيف اقدم نقل للمتوسط ؟؟ افيدوني..

**msms** · 02-09-2007, 10:52 PM

ياحليلكم على مين تلعبون هههههههه
ثلاث سنوات وانا اقدم نقل على متوسط ولا يطلع اسمي
نقل داخلي طبعا

بفتك من الابتدائي ومدرسات الابتدائي .. بس على مييييييين

لاتتعبون انفسكم .. هم عارفين خطتنا وكاشفيننا هههههههههه

**Toti** · 03-09-2007, 12:58 AM

المشاركة الأصلية كتبت بواسطة msms

حسبي الله على كل ظالم

هذي رابع سنة لي وكل سنة بمدرسة غير مدرستي الابتدائية ومديرتها الوصولية الاستغلالية الظالمة

يارب والله بحياتي ماعمري دعيت على انسان او كرهته مثل ماكرهتها انسانة فظيعة تكرهني ياعالم وانا ماسويت لها والله العظيم اي شي

كره فظيع من اول يوم باشرت فيه
حاولت معها بكل الطرق مانفع

msms والله كأنك تكلمين عني

بس أنا مو من اول يوم الظلم شين بعدها بكم أسبوع خخخخخخخخخ

من وين أنتي ؟؟؟

اللهم أكفنيها بما شئت حسبي الله ونعم الوكيل

**أنس الوجــود** · 04-09-2007, 09:38 PM

مرحبا

كيفكم

:)

ياستي اسمعي

انا متوسط لكن انتدابات من تعينت العالم يقولون عشان انتي ساكته

هاضمين حقوقك بس بالله شوو بيدي اعمله

السنه اللي فاتت انتدبت مرتين

وهالسنه في مدرسه جديده انتقلت

الموجهه قالت لي عالإنتداب لإبتدائيه

والمديره تبغى امسك تانوي ومتوسط يعني بيصير ابتدائي ومتوسط وثانوي

الا اذا المديره غيرت رأيها

حضرت اجتماع والعالم المنتدبات يصيحون من الندب وهم نصابهم 8 واللي 12

انا 20 مع الندب بالله قوليلي كيف اوفق...!!!!!!؟؟؟؟؟؟

نقول الله المستعان وبس

:

**omhamodah** · 07-09-2007, 10:25 AM

الله يعين ويلطف

**msms** · 07-09-2007, 06:47 PM

المشاركة الأصلية كتبت بواسطة Toti

msms والله كأنك تكلمين عني

بس أنا مو من اول يوم الظلم شين بعدها بكم أسبوع خخخخخخخخخ

من وين أنتي ؟؟؟

اللهم أكفنيها بما شئت حسبي الله ونعم الوكيل

انا من القصيم
وعلى فكرة أغلب المديرات هالشكل الا من رحم ربي .. خاصة مديرات الابتدائي

**Sassa** · 11-09-2007, 02:34 PM

الله يخلف الدعوا قررات حريمعشواءيه

**Missy Miss** · 12-09-2007, 02:41 PM

قهر و ظلم من كل شكل و نوع

و الي يقهرني اكثر انهم رافضين يعترفون ان معلمات الانجليزي ندب كله عشان حوافز و مميزات الندب

**tootalshaam** · 14-09-2007, 01:48 AM

الله يعيييينا والله مرمطه ... ..
انا اول ماتعينت ( تعاقد) كنت ثانوي واثبتت كفائتي ارسلتني للمتوسط وعقب طلع انجليزي سادس وقالت إنتي تصلحي تأسيس وصرت ع سادس وجا الترسيم عليه بس تحسبين ماكانن ينتدبني والله من اول سنه إنتدابات ما أذكر إني جلست لدرجه كنت اصيح من التعب ولالالالالالا حياة.. ..؟؟؟

وذحين صرت ابتدائي وندب ع ابتدائي احس كذا اشوى شوي منهج واحد... ..

يااااريت يصير رابع وخامس اننجليزي.. !!

**sweet_memo** · 14-09-2007, 09:27 PM

سبحان الله
مافي احد راضي
انا معلمه لي خمس سنوات ادرس
اول سنتين ونص كنت في مدرسه خاصه
والسنتين والنصف تنقلت بين خمسة مدارس

عملت دروس نموذجيه وطلبوني في دورات لتدريس منهج المتوسط الجديد مرتين وعلى مستوى الرياض
ومن بعدها انتقلت للعمل في المدارس الحكوميه بند محو اميه لمدة سنه ونصف
ثم معلمه بديله سنه كامله
تقديري دائماً ممتاز ومتمكنه من المنهج ولله الحمد بشهادة الموجهات ولله الحمد
وكل سنه او ترم يحطوني في مدرسه والله نفسيتي تأثرت وتشتت
وفي مناطق بعيده عن منزلي
وطلع تجديد العقود على حسب الغياب مو على حسب التقدير:(
انا عندي غياب يوم واحد ولسبب مقنع جدأ وبورقه من الوحده الصحيه
ومع ذلك ماشفع لي
رفضت عمل درس نموذجي السنه الماضيه مع الحاح الموجهه
وقلت لها اعذريني يتعبني ويجوني مايقل عن ثلاثين الى خمسين معلمه
ولايزيدني شي بالعكس الي تقديرهم جيدجداً هم الي تعاقدتوا معهم اصبت والله العظيم بأحباط شديد

**عموشة** · 14-09-2007, 09:56 PM

الله لايوفقهم اللي قاعدين يمرمطوا المدرسات بالندب مع انهم يقدروا يدبروا تعاقد يا جماعة بنات البلد وش كثرهم وقاعدين طيب ليش ما يريحوا المعلمات ويعينوا البنات تعاقد ؟؟
والله من جد تعب مدرستنا كل ترم لازم تندب وحدة تخيلوا والبقية يصيروا 20 لي الان 3 سنوات متوسط وكل ترم وحدة تنقل والبقية تتشحطط .. طيب ليش فالحين يقولوا نبغاكم تبدعوا وتطبقوا استراتيجيات وهم ناكبين صحتنا ونفسيتنا ؟؟ حرام عليهم والله اني احب التدريس بس كل مرة يحبطوا من معنوياتي لين صرت اقول ليتني ماصرت معلمة ...الله يعيننا ويصبرنا ومانقول الا حسبي الله ونعم الوكيل

**sweet_memo** · 15-09-2007, 12:33 AM

عموشه " كثرهم وقاعدين طيب ليش ما يريحوا المعلمات ويعينوا البنات تعاقد ؟؟ "
=====================================
مو حرام التعاقد بعد يمرمطونهم
مو كافي ان مايحسب لهم راتب نهاية الاسبوع والاعياد وووو
مو كافي اننا نحس كأننا مربوطين بحبل المشنقه ماندري متى يستغنون عننا؟
مو كافي ان لاخبره ولا شي يحسب لنا
مو كافي اننا مانتمتع بأي شي تتمتع به المعلمه الرسميه
مو حرام ؟؟؟ الخادمه وهي الخادمه حقوقها مكفوله وحنا لا
ان شاء الله تموتين من الالم او اولادك لازم تجين مالك عذر لغيابك
خافوا الله فينا ولاتقولون تعاقد يكفي انكم تحطون راسكم على مخدتكم وانتم ان شاء الله ضامنات وظيفتكم