مين عندها أي معلومة عن اضافة شهادة الخبرة

**سكرورد** · 27-08-2007, 11:09 PM

أنا عندي خبرة ثلاث سنوات في التدريس الخاص والحين انا معلمة في مدرسة حكومية وبسأل عن اضافة الخبرة لسنوات التدريس كيف يكون التحسين وماهي المستحقات المالية .

**حمامة** · 27-08-2007, 11:27 PM

أنا سمعت إن أوراقك الإدارة هي اللي ترفعها لك ..

**Aseel** · 27-08-2007, 11:53 PM

خبرة ثلاث سنوات بترفعك ثلاث درجات بالضبط :)

أهم شي بتكون المدرسة اللي اشتغلتي فيها تابعة لنظام التأمينات

بتجيبي ورقة من التأمينات تثبت ذا الشي .. والتأمينات بيطلبوا منك تعريفة بأنك مدرسة

وبعدين بترفع لك المديرة شهادة الخبرة مع الشهادة اللي من التأمينات

و بتكوني انتِ كاتبة خطاب تطالبين فيه بإضافة سنوات الخبرة إلى خدمتك

وأي سؤال أنا حاضرة لأني عملت ذا الشي ومابياخد وقت كثير وبيزيد راتبك طبعا وبتنزل لك الفروقات من أول ماتوظفتي

:)

**سكرورد** · 28-08-2007, 12:43 PM

شكرا ليكم يا حلوين لكن عندي سؤال أنا أخذت حقي المالي من التأمينات بعد ما خرجت من المدرسة عشان كذا بعرف هل تحسب لي فروقات .

**Aseel** · 28-08-2007, 07:34 PM

بتنحسب لك الفروقات .. بس دامك اخدتي حقوقك من التأمينات بتنحسب لك خدمة سابقة ويعطونك فروقات .. بس ماراح تنضاف الثلاث سنوات لخدمتك بالحكومة

**cornflour** · 02-09-2007, 12:26 AM

شوفي حبيبتي انا توني اخذتها والمسألة بسيطة خوذي شهادة الخبرة وعطيها مديرتك مع معروض تكتبينه تطلبين فيه من الدرجات المستحقه وفروقاتها و تكتب المديره خطاب وترفعه للجهه المسؤلة عن المدرسة وانت تتابعينها بالاتصال على شئؤن المعلمات المالية وبيجيك مبلغ طيب وبيزيد راتبك ان شاء الله بس تراهم مايحتسبون الأ الخبرة اللي قبل 1/ 1/1427 اما بعد هالتاريخ عليه العوض.وعلى فكره التأمينات ماجابوا طاريها مع العلم اني سبق واخذت فلوسي اللي عندهم .