هل تصحوني بتدريس منهج ثالث متوسط ارجو مساعدتي

**Lily-vip22** · 02-09-2007, 03:56 AM

السلام عليكم ياعضاء المنتدى الرائع ان عندي ثلاثة اسئلة وارجو مساعدتي
1-هل تنصحوني بتدريس هذا المنهج وهل هو صعب ومعقد كما سمعت وما هي الصعوبات التي ستواجهني لو درسته ؟
2- هل منهج ثاني ثانوي لمدارس ا لتحفيظ هو نفس كتاب ثالث متوسط النسخة الجديده ولا القديمة وكم عدد حصص ثاني ثانوي تحفيظ ؟
3-هل من حق الموجهه ان تمنعنا من استخدام التحضير الجاهز والذي نجده متوفر في هذا المنتدى الرائع وبإعداد الاعضاء المتميزين جزاهم الله خير لأنه تبغانا نحضر يدوي واحنا بصراحه ملينا من هذا التحضير الي ماله اي فائدة ولو طنشته وجبت تحضير جاهز هل ممكن تضرني او تنقص من درجاتي علما انها نبهت حتىعلى المديرة بان لا تقبل التحضير الجاهز ارجو افادتي ولكم جزيل الشكر

**Lily-vip22** · 03-09-2007, 07:26 PM

ارجوكم ياكرام ردوا عليه ترا اتعودنا على كرمكم وفزعتكم

**Prime Rose** · 03-09-2007, 07:39 PM

هلا بك إختي

بصراحه منهج ثالث متوسط هو أصعب منهج في المراحل المتوسطة..

منهج دسم وغثيث..خاصة لو قورن بأول أو ثاني متوسط

فإذا بالامكان تبعدين عنه فيكون أفضل ..

مع العلم إنه هنا في المنتدى موضوعات وأوراق عمل وشروح لدروس ثالث..فممكن تسهل عليك تدريسهم..

هذا رايي

وربي يوفقك

**dove** · 03-09-2007, 07:47 PM

اهلين ليلي

بالنسبة لمنهج ثالث

بصراحة

اذا قدرتي تهربي منه لا تتركي الفرصة تروح عليكي

وبصراحة اكثر شيء صادفني في صعوبته

اولا انه اكبر من مستوى البنات مية مرة
وانه بعيد عن منهج اولى وثانية
والاكثر مستوى الطالبات في الوقت الحاضر مايساعد ابدا
والمنهج طويل جدا ويعتمد كله على المعلمة اكثر من الطالبة في المجهود
واذا اخذتيه الله معاك

وبالنسبة لسؤالك الثاني
ماعندي فكرة عنه
لكن تقدري تسالي مشرفات قسم مدارس التحفيظ
نهله الصاعدي و a girl

وما راح يقصرو معاكي

اما سؤالك الثالث
اعتقد انه من حق الموجهة الرفض
وخاصة انه الايام دي الدنيا كلها ثايرة على الموضوع ده ويبغو يرجعو دفاتر التحضير العادية
واليوم نزل موضوع في الجريدة على كده

يعطيك العافية

**ابوروان2005** · 04-09-2007, 11:39 AM

حاولي تنفذي بجلدك لو قدرتي

أنا درست هذي المرحلة عدة سنوات وحاولت أترك تدريس هذي المرحلة لكن لأن الزملاء عندهم خلفية عن صعوبة هذي المرحلة رفضوا بشكل ما يقبل النقاش.

**MissEmmy** · 04-09-2007, 01:16 PM

يا قرد حظي!
وانا طاقة على صدري وقلت لزميلاتي بآخذه!
السبب بصراحة لأنه أبداً ما مر علي المنهج, وتشبعت من مناهج أول وثاني , وحابة أطّلع عالمنهج وأشوف وش يطلع معي..
أنـــــــا أقول ياربي وش فيهم زميلاتي ما زعلوا يوم خذت منهج واحد وهم على منهجين! يبغون الفكة منه؟؟؟
عموما,,أنا بأستعين بالله وبحط المنهج في راسي..يا أكسّر راسه..أو أجيكم آخر الترم وأنا منهبلة خخخخخخخخخخخخخخ
والله يعين..

**لمسة حنان** · 04-09-2007, 02:35 PM

والله ولاشي المنهج حلو خصوصاًلو البنات شطار ماتتعبين فيه كثير أنا مسكته السنة اللي فاتت وكنت متخوفة منه زيك بس حبيته أكثر من منهج ثانية بس ضروري تشوفي الدروس تمام لأن كلماته شويه صعبة بس عموماًكان منهج لزيز لاتخافي منه قده إن شاء الله وقدود وبتقولي قالت.

**روزا** · 06-09-2007, 12:04 AM

بصراحة منهج صعب ومعقد جدا مانصحك انا تركها عقدني كرهتها لدرجة اعجز اشرح الدروس

**rema222** · 06-09-2007, 12:42 AM

انا نشبت فيه السنه ذي
وجالسه استعين بأوراق العمل في المنتدى ويارب يسهل علينا ويعيننا هو فيك فيك لازم تاخذي فكره
فخوذي الحين احسن انا مثلك اول مره

**شهلاء** · 06-09-2007, 02:38 PM

المنهج صعب فعلا ولكن حلو الواحد ينوع ويستكشف الصعوبات ويحاول يسهلها على الطالبات
فهذي تعتبر قدرة ابداعية
وانا عن نفسي السنة اخذت المنهج لاني سبق ودرسته اول العام

**توتو2006** · 07-09-2007, 04:00 PM

اجل رحت فيها ولا ومعاي منهج ثاني متوسط واول ثانوي تتوقعون المناهج كثيره علي يعني اعترض او امشي علما انا بمدرسه اهليه

**dream story** · 10-09-2007, 01:05 AM

اختي الغاليه صحيح المنهج صعب ومعقد ......... ولكن من وجهة نظري ان المعلم / المعلمه الجيد لا بد ان يدرس جميع كتب المرحله اللتي يدرسها فانا بنفس حالتك تماما ولاول مره ادرس المنهج رغم اني درست غيره سنوات كثيره ولكني اعشق التحدي كمات اخالك تعشقينه فلنمضي قدما لاكتشاف المنهج وتدريسه.. وبالتالي تقديم انتقاداتنا لادارة التربيه والتعليم .. شكرا

**sarouna** · 10-09-2007, 08:43 PM

اولا انه اكبر من مستوى البنات مية مرة
وانه بعيد عن منهج اولى وثانية
والاكثر مستوى الطالبات في الوقت الحاضر مايساعد ابدا
والمنهج طويل جدا ويعتمد كله على المعلمة اكثر من الطالبة في المجهود

صدقتي يادوفة

انا هالسنة اتورطت فية الله يكون في عون الجميع

**هلا..** · 16-09-2007, 04:33 AM

الا انحاااااااااااااااااااااا ااااااااااااااااااااااااا ااااشي..

**صوت الصمت** · 18-09-2007, 12:23 AM

الله يكون بعوني وربي ورطت

ياكبر ورطتي

**كل الغلا لها** · 19-09-2007, 05:41 AM

انا نشبت فيه السنه ذي

**desertman777** · 19-09-2007, 10:31 PM

يا اخوان هونوها وتهون خلو الدعوة تحدي وشئ بسيط من الحرص والاخلاص (صح الايام ذي المبزوط احسن حال من المخلص) لكن نرجو الاجر من الله وهي تراها اول سنة وتزول الصعوبة....!!
وبالتوفيق للجميع....

**المسافره** · 24-09-2007, 02:05 AM

فيه صعوبه بس مو لهذي الدرجه درسته السنه الي راحت وتري مستواي عادي جدا فلا تخافين وكلي امرك لله والي ماتفهمينه احذفيه وطنشيه

**معلمه بس كشخه** · 18-10-2007, 05:24 PM

صحيح صعب بس حلو ممتع ممكن تبدعين فيه جدا
خصوصا لو حاولتي وانتي من النوع الي يطلع برى الدرس او يحب يتوسع شوي

**N3oOomah** · 18-10-2007, 07:52 PM

ادعووووووو لنا يا عرب
انا بعد معاكم اول مرة
God help us

**the_striker** · 21-10-2007, 07:53 PM

مرحبا ....والله ياهو منهج غثيث ... تصدقين اني بس احل التمارين للطلاب بدون شرح ولايحزنون لاني عارف انهم ماراح يفهموا ...ولو باركز في الشرح بيتهي الترم وانا لسه في الدرس الاول ...مادري من الي وضع المناهج الصعبه هذي ...مشي حالك بس ,,