قبل أمس الظهر بتوقيت بيتنا

**Prime Rose** · 07-09-2007, 01:39 PM

مرحبا

متى آخر مرة بكيت فيها؟!

متى آخر مرة بكيت فيها من ألم؟

كنت أجد صعوبة في الإجابة على هذا السؤال!!

بل حتى أنه كان يكلفني عناء التفكير طويلا!

أنا هنا ماقصدت الألم النفسي..

فجميعنا تجينا ((الموجة = الغلقة )) واللي فيها ننغلق على أنفسنا وتنتابنا مشاعر سوداااااااااااااء..تجلعنا نبكي حزنا..حتى ولو ماكان هناك شيء مبكي!

وياكثر ماتجي!

لكن مسألة إني أبكي من شيء ألمه جسدي!!

ما أذكر !

دايم نتدربى من الدرج..

نطيح من السطح!

نعثر في الشارع!

نقفل الباب على يدينا أو طرف من أصابعنا !!

نقطع بسكين حاد أصابعنا!

لكن ما أتذكر أنه صار وبكيت!

بالعكس صار ألمي يتحول ضحك وكركرة!

هذا كله بس لحد قبل أمس (( الله لايعيده ))!

صحيت يومها الصباح وببالي فكرة مجنونة..

بأصلح لأهلي غداء أسطوري..

الغدا بيكون وجبة تراثية..

وخل يغيرون من الرز

وبالمرة نكاية في ذا التجار اللي رفعوا أسعار الرز .. عسى تجيهم نكسه ويتأدبون!

أعلنت في البيت فكرة غدائي الفلتة.. ولاقى استحسانا كبيرا..

وعلى انفراد..وكعادة ابي (( لابد أن يحيط علما بكل ماقد يحدث)) استجوبني عن فكرتي هذه..ولم يتركني إلا بعد أن قطعت له أقسى الوعود بألا أتأخر به عن الموعد المحدد (( وحده إلا ربع بتوقيت بيتنا ))

دخلت المطبخ الساعه 10 (( ناس مايجون الا بالعين الحمراء)) وبديت إعدادات غداهم...

على الساعه 11 كان كل شيء أوكي.. وكان قدامي وقت طويل قبل ما أبدا المرحلة الثانية من غدانا..

و دخلت نت..

ودجت شوي في سعودي إنجلش..

إنتبهت للساعه وهي 12,30 وأبوي يزأر برى (( تو جا من الصلاة ))

:36_11_18[1]:

حذفت الجهاز على جنب.. وطمرت للمطبخ..

واستلمت نفسي ساعة تهزيأ لأنها كانت في غنى عن هالغدا وهالحوسة..وبتسبب لي مشكلة مع السلطات العليا ..

"طول عمر أهلي ياكلون غدا حتى أحيانا يتعشون غدا فماله داعي ذا الفزعات!"

جيت لقدري إلا هو محترق إلا ثانيتين..

زدته مويه..

وبديت مرحلتي الثانية..

اكتشتفت إن تقديري للما كان غلط..كان أقل من المفروض...

فطلبت من الشغالة تصب على القدر اللي معي من الموية المغلية..

ركزوا :

تصب على القدر اللي معي من الموية المغلية..

جات الحبيبة وصبت الما الفااااااااااايح على رجلي !

:36_4_3:

دخلت بعدها في غيبوبة..

حذفت بالقدر..

ومن الحرارة ماعاد دريت وش أسوي بنفسي..

طلعت من المطبخ أحبي..

أحب الجدار اللي في طريقي..

و أحضن الكنبة اللي بجنبي..

أمسك قلبي اللي بيطير من محله..

اقرا على نفسي ..

ثم أشوف رجلي أبي أتطمن عليها..

إلا والله بمنظر أخوي ماقد شفته أبد..

جلدة رجلي كلها تسلم على بعض وحاضنتها (( رجلي محترقة من جد ))

نزلت راسي باحب رجلي ((وهذي إحدى طقوسي لتخفيف الألم))

:1 (118):

إلا يوم احترق هدب عيوني من دخنة رجلي!

رجعت أقرا على نفسي لأني من جد باستخف..

وأحاول أصبّرها لأنه ماله داعي أبكي..

جات الشغالة تفرّك ايدينها :

- مدام يعوّرك؟

قلت روحي قبل قسم بالله لا أصب الباقي على راسك..ولو إن رمضان مب جاي كان ختمت برجلي المحترقة على جوازك ..

كل هذا وطبعا أهلي مايمك أحد!

أمي وأبوي داخلين جو مع الساحة!

والباقين كل في فلك يسبحون!

ولما أبطى الغدا الأسطوري عليهم.... جات أمي تفقدني ..

ولما شافتني وصرخت ..

تلقائيا صارت الدموع تنزل مني عشر عشر..

ولاعاد لحقت على تمسيحها!

وقتها تذكرت سؤالي الصعب

وعرفت إن الاجابة ما عادهي بذيك الصعبة..

أنا بكيت قبل أمس الظهر بتوقيت بيتنا

وبس!

**Prime Rose** · 07-09-2007, 01:42 PM

المضحك المبكي في السالفة:

إنه وبعد مارجعت من المستشفى أبوي يسألني عن الغدا وش صار عليه..

ومتى بأحضره!

راح وهو يتمتم..

((ليتنا من حجنا سالمين...))

:(

**صهيل الأصايل** · 07-09-2007, 01:44 PM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههه

يقطع شيطانك

اهم شي :

تحصلين اجازة خخخخخخخخخخخخخخخخخ ( كلاً على همه سرا )

**نمر بن عدوان** · 07-09-2007, 02:25 PM

والله الحظ الاقشر!
ههههههههههههههه

**الفتون** · 07-09-2007, 02:55 PM

ياقلبي يابرايم.... على كثر ماضحكت ... كثر ماحسيت بألمك

لأن ألم الحرق يوجع القلب على طول...

سلامات هههههههههه ألف سلامة.

.... وكله كوم وسؤال أبوك عن الغدا كوم

قلّب عليك المواجع..

**البـارع** · 07-09-2007, 03:21 PM

لوووووووووووووووووووووووو ول

أول شي اهنيك على اسلوب الكتابة الساخر, واللي قليل يعرفون له, ما شا الله,,, ذكرتيني بأبو الجعافر وكتاباته

بس تقولين

حذفت بالقدر..

ليه!!!

يعني أنا ومن بعدي الطوفان, وتحرمين أهلك الجيعانين من الأكل!!!

**ضحى** · 07-09-2007, 03:22 PM

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههه
والله ضحكيتيني
كلو بس عشان الاجازة
ان شاء الله ربنا يعوضك

**زهرة وفى** · 07-09-2007, 03:37 PM

الف الحمد لله على السلامه

ماتشوفي شر

بس ماقلتي وش الطبخه :) ههههههههههههههههههههههههه هههههههههههههههههه

مرقوق والا جريش

**DR AHLAIN** · 07-09-2007, 03:56 PM

برايم

والله مدري عنك لايكون خطة منك تخفين معالم الطبخة اللي صارت كلها موية

ههههههههههههههههههه

وحمــــــد للــــه على سلامتك ...ورديها للشغالة برمضان :)

**Prime Rose** · 07-09-2007, 05:22 PM

صهيل

هو أنا أخذت اجازة..

بس مب من مديرتي..

هالمرة أمر الاجازة صدر من أبوي..

ومنعت من دخلوله ف القوايل..

ع الأقل لين يزين غداهم!

:(

**Prime Rose** · 07-09-2007, 05:24 PM

نمر بن عدوان

مب ذا أول رداه

:(

**Prime Rose** · 07-09-2007, 05:25 PM

الفتون

والله ياهو ألم..

ماينوصف..

أحس قلبي يرجف!!

اما أبوي....................فالله يخليه لي..

:(

**جمون** · 07-09-2007, 05:26 PM

سلاااااااماااااات ياقلبــــــــــــــــــــ ي!!

تكبري وتاخذي غيرها>>>>>>أواسيك

اللي محزني في السالفة كلها بابتك!

**Prime Rose** · 07-09-2007, 05:26 PM

بارع

اولا الله يسلمك

ثانيا :

منتب ببعيد من أبوي!

:(

**Prime Rose** · 07-09-2007, 05:27 PM

ضحى..

متى آخر مرة بكيتي فيها؟؟

((ودي أضحك))

**Prime Rose** · 07-09-2007, 05:28 PM

زهرة وفى

بتفرق كثير (( إن كانت مرقوق أو جريش ))؟

رجلي واحترقت!!

:(

**Prime Rose** · 07-09-2007, 05:29 PM

دكتور أهلين

والله مدري عنك لايكون خطة منك تخفين معالم الطبخة اللي صارت كلها موية

عسى هذي مب طريقتك في غض الطرف عن أي اشكال؟

عز الله رحت فيها!

:)

**Prime Rose** · 07-09-2007, 05:30 PM

جمون

!!

زعلانه على أبوي!!

ورجلي المحترقة؟!

صدق أنك مرهفة

:)

**Marshmallows** · 07-09-2007, 06:48 PM

سمالله عليك الرحمن الرحيم.....مع ان سرد القصه مشوق واسلوبك رهيب ماشالله بس عورتي قلبي والله وانا اتخيلك تناقزين من حرارة الالم....تكفير ان شالله (والا على قولة امي شوفي وش انتي مسويه وعاقبك ربي بالدنيا قبل الاخره)

**الهمة العالية** · 07-09-2007, 08:15 PM

يالبى قلبتس....سلامات...برايم

تذكرت اخر مرة بكيت فيها...نفس الحالة الله لا يعيدها

**Prime Rose** · 07-09-2007, 08:30 PM

Marshmallows

الله يسلمك..

وإذا ع البلاوي..فياكثرها

:)

الهمة العالية

الله يسلمك ياقلبي..

أجل انتي لحالك اللي بتحسين بي صدق..

:)

**goodgirl** · 07-09-2007, 08:46 PM

[code[/code]اهلين برايم قصتك مؤثرة ، الحين رجلك احترقت و حنا منا في شهر الرمضان اجل وش بيصير اذا جا رمضان و دخلتي المطبخ الله يسسسسسسسسسسسسسستر عليك و يكفيك شررررررررررر الحروق

**Prime Rose** · 07-09-2007, 08:59 PM

good girl

خلااااااااااااص انا أعلنت اعتزالي من المطبخ..

واللي يبي شي يروح يصلحه!

العمر مش بعزأه

:)

حيك الله

**dove** · 07-09-2007, 08:59 PM

هههههههههههههههههههه

سلامات يابرومة ياعسل

انا منك كان شلت الشغالة من اقرب شباك

برايمو

الا على فكرة

هي دي قصة حقيقية ولا مجرد خيال قصصي >>>>> خليني اشرد احسن ماعندي سالفة ههههههههه