في مدرستي البقاء للأقوى

[English Lover]

كل عام وانتم بخير

ودعواتنا ان تكون هذه السنه سارة للجميع


فعلا في مدرستي البقاء للأقوى

اذا لم تكن قويا قل سلام لراحة البال

اذا لم تكن قويا قل سلام لشخصيتك

اذا لم قل وداعا لثقتك بنفسك

اذا لم فستكون هامش وبقوة

اذا لم ستكون رقم من الارقام التي سقطت في متاهات السخريه

اذا لم قل وداعا لهذه السنه لانك لا تريد تذكرها ان لم تحذفها من الذاكرة اساسا


تتوقعون اني ابالغ ؟؟؟


اليكم الدواعي والاسباب :

المدرسة مبني مستاجر وضيق الفصول

الطلاب كثر والاخلاق لا يمكن ان توصف

وللاسف انهم لايبالون بشئ اسمه تعليم

لا ولديهم قناعات غريبة عجيبة ....وش عاد نظرتهم للانجليزي ومدرسها ... ياحليلووو

وايضا متعصبين للقبيلة ...... ضع تحتها ستين خط

والادارة وبعض المعلمين من قبيلتهم وعيال عم ..... ضع تحت هذي مية وعشرين خطاً حمر

وضع مية وثمانين خط تحت الجملة الجاية :


محدثكم الاليف من قبيلة بينها وبين قبيلتهم حروب ومعارك قديما ومناوشات ومحاورات شعر حديثا


تتوقعون ان المفروض اكون هادي واتجنب اي احتكاك

ليت الامر كذا

لانك ان كنت طيب فتنازل عن حقوقك من الان ووقع لهم على بياض بانك صيدة ياكلونها بالطريقة اللي تعجبهم

واستعد لحصص انتظار عنك وعن غيرك وتدريس أسوء فصل وأسوء مرحلة ومنهج

والاشراف يومي وسمعة سيئه عند الموجه ولا تهاون في الحضور والتاخير والطابور

وتلقي كلام جارح من ادنى سهو او هفوة تصدر

وممكن اذا غبت لظرف طارئ تتحمل مسؤلية الفوضى والتسيب اثناء غيابك

وانك عزيزي الاستاذ في غيابك المرة القادمة ستتسبب في كارثة كونية

وانتظر غير بعيد تمادي الطلاب عليك يمكن مع الوقت يجرون شماغك وانت تقول بلطف : يااخوي الله يهديك بلا دفاشه

وان كنت كريم ولا ترضاها في نفسك :

فأعلن الطواري ...وحالة الاستنفار القصوى ... وجهز عمرك ...وطول الشنبات ..والنظرة شدها وخلها حادة

وخلك قوي وشرس وتكشر بانياب من حديد مهوب ضروس عاديه .... والشماغ انسفها نسف ... لا مجال للتكشخ والدلع ...وخلك حذر بالمشي والجلوس والكلام .... ورد على التعليقات بحذر ... وتشبث بكسرة من حقوقك ولا تتهاون فيها ....وطالب بكل ماهو لك واحيانا ماهو لغيرك كوسيلة هجوم من اجل الدفاع

والطلاب لا ابتسامه وحازم مع مراعاة انك ما تطالبهم الا باللي تعودوا عليه لا تسوي انك تبي تصلحهم او تسوي عمرك شديد وانت مانت موجود في نظرهم ...خلهم يرونك موجود بعدها حدثهم عن المادة

الوضع لم يعد قابل للمطاريش ....ولا تطمع زهب نفسك لتبقى فقط و فقط من اجل البقاء


حتى اعتبر نفسي استطيع تنفس هواء الوجود

ذاك الوقت احدثكم عن الدروس والمنهج ومستوى الطلاب


تقبلوا تحياتي ولا تنسوني من دعواتكم

[alwsh]

الله يعين الناس اجمع حتى انا قريب من حالتك
مــــا اقول الا حسبا الله ونعم الوكيلز

[Mr.X]

سلامات ابو خالد

فجعتني والله ......

انا زيك المدير والوكيل والمرشد و50 % من المدرسين من نفس القبيلة ........لكن أخذ حقي وزود طبعا بأساليب مشروعة وغير مشروعة بعض الأحيان


لكن الحمد لله العصبية القبلية قليلة جدا عندنا في الغربية



الله يعينك ان شاء الله ..... الجو اللي حولك متعب والله


لكن أعرفك ذيب .... وبأخلاقك ومكانتك و تمكنك من مادتك..... راح تفرض نفسك عليهم


Mr.X

[English Lover]

alwsh


حياك الله اخوي


الله يفرجها على خير لنا و للجميع

[English Lover]

Mr.X


انا بالحجاز بعد .... والعصبية موجودة والحمية والعلوم اللي ماتتوقعها

لكن عند قبائل محددة ومعينة


تسلم وفيك البركة وماقصرت

[شوهيدا_الحتسي]

الله يكون بالعون.. حتى في مدارس البنات البقاء للأقوى .. ونفس الوضع الي وضحتة بالظبط وأسوأ ... كان الله في عونكم أخي ونصركم على كل ظالم

[معلمة انقلش]

اخي كشر عن انيابك وش تستنى الدنيا هذي كل مالها في شين وظلم لازم مثل ماقلت انك تكون ذيب ولا اكلت الذيابه
ماعاد ورى مديرتي اشيل عنها كل شئ وارصد درجات لها مالي داعي فيها واول ماجات الموجهه تقول لها اني جايبه جوال كاميرا وهي تدري ان جوال الساهر مقرقع مالت عليه- ورى هذي قهر
الحال من بعضه ياخي ربك يعينك ويعين الجميع -

[Marshmallows]

اخي الكريم...انت في مدرسة والا في غابه؟؟ معقول في ناس مازالوا بهالتفكير؟؟؟ وللاسف رجال تربيه وتعليم كمان مو طلاب....ماعليك منهم وخلك دائما الاقوى...وكن خلوقا وودودا بدون ضعف للاسف صارت الطيبه سلبيه هالايام وينعت صاحبها بالضعيف...لاتتنازل عن حقوقك ولا تتردد في رفع اي شكوى ضد اي تسيب او تصرفات غير مقبوله تربويا وانسانيا............اتمنى ان الله يكفيك شرهم واكثر من الدعاء ان الله يرد كيد كل جبار في نحره.

[msms]

ههههههههههههههههههههههههه ههههههههههههههههههههههههه هههههههههههههههه

[Crazy English T]

الله يعينك والله ...... والله الحال من بعضه .... مدرستنا نفس الوضع .... على قول امي ... شجره بغير واديها كل الشجر يعاديها .....

والله لي خمس سنين مقدمه نقل ... بس مافي فايده ... مافي غير اني اصبر على الظلم ....وربك يفرجها

[نبض الوفاء]

الله يكون في عووووووووونك

[اميرة الأخلاق]

[فعلا المدرسين مساكين والمشكلة الكل حاسدهم!
[يتحمل مدير ولا طلاب ولا موجه ..لا والأمر احيانا حتى بعض الفراشين ينخاف منهم..
مالنا الا الصبر والدعاء

[ريــ الغلا ــم]

الله يعينك اخوي

انا من رأيي لاتتحداهم وخذهم بالسياسه
ترى والله العظيم لو شديت معاهم تكون حياتك هي الثمن

اصبر وناقشهم بشكل ودي لين الله يفرجها لك وتنقل

والله تعبنا من التواطوء مع ابن العم والخال والصديق

ولاعزاء لما نمر فيه من ظلم وتعسف من قبل الإدارات

وبالنسبه لطلابك حاول تكسبهم بصفك
عن طريق الهدايا والحوافز وفلها معهم
اذا زاحفين ازحف
واذا يستهبلون صر اهبل منهم
لاتكبر اخطائهم بالعكس خلك كوووووول

اذا كسبت الطلاب كسبت اهلهم وهذا اهم شئ

حتى لو مايبغون يتعلمون قولهم وانا مثلكم مااحب الانجليزي
بس تحدي اخذه

وربي يعينك
وكل مسلم

[shy-rose]

كان الله في عونك يااستاذنا ...........English Lover

هذه غابة مو مدرسة .......

( اعتقد ان مدرستك بقرية ) ........ اذا كانت كذلك فعليك بدعاء دخول القرية ......... و ان شاء الله ربنا يكفيك شرهم من اصغرهم الى اكبرهم .........

انا بالنسبه لي الحمد لله ...... كل مادخلت القرية فرأته ....... و ربي لك الحمد ما شفت شي يؤذيني بالعكس ما شفت الا كل خير ( مع انها قبيله معروفة بالتعصب )

[pretty fulla]

ههههههههه
اخوي English lover والله اني اثناء مااقرا موضوعك قاعدة اضحك وفي نفس الوقت ودي ابكي . اضحك من اسلوبك المرح ماشاء الله اللي طرحته به وابكي لان هذا الاسلوب وراه معاناه ميبهينة وان اعاني نفس المعانا عصبية قبلية بين الطالبات مع اني زي ماقالوا الاخوا ن من الحجاز بس الحي اللي انا فيه من اكثرالاحياء المعروفة بالعصبية القبلية في المدينة اللي انا فيها وكل يوم والثاني ماتسمع الا الصراخ يوم تروح تشوف الله لايوريكم جرجرة بالشعور وضرب بالجزم ( الله يكرمكم ) واحنا شغالين بس نفرع ماندرس في الوقت اللي نحل فيه جرجرة الشعور تتصل المشرفة روحي انتداب للمدرسة الفلانية من غير ماتعرف الظروف وتراعيها شوية وجايك دفتر الاحتياط وانا لسه توي خارجة من حصتين او ثلاثة ورا بعض وغير وغير وماخفي كان اعظم وهذا كله ولا تقول آه واذا اتكلمت وشكيت طلعت بطالة وحقة مشاكل والله المستعان وزي ماقلت البقاء للاقوى والله يقوينا في الحق

[^ رونق ^]

اذا كانت كذلك فعليك بدعاء دخول القرية

وش دعاء القرية ؟
<< خلينا نقوله اذا دخلنا هالقرى اللي منطولين فيها ..
انقلش لوفر كان الله في عوني و عونك و عون الجميع :(

[مياسين]

ودي اعرف مين هالقبايل.. بس عاد ----->> مايمدحون اللقافه
لكن ..الحريم عكس يتعصبون لاشياء ثانيه ----->>موهب كلهم بس قدر لا باس به
اعانكم الله جميعا ..... >>> و يازين العطله

[the master]

انجليش لفر

الله يكون بعونك

انا الحمد الله مرتاح مافي اثنين بمدرستي من قبيله وحده , كلنا اخوان ويدنا وحده

هذى سادس سنه لي بالمدرسه وما ودي انقل منها

شد حزامك وكشر عن انيابك ولا تتهاون بحقوقك , اليوم ما ياخذها الا القوي

والله يوفقك وجميع المعلمين والمعلمات

[Samaya]

وانت بخير اخوي

وان شاء الله هالسنه والسنوات الجايه خير وبركه علينا وعليكم وع الجميع ان شاء الله

كان الله في عونك

من جد مقدره موقعك من الاعراب اقصد موقفك بينهم

بس هذه الدنيا ....يوما لك ويوما عليك..

[Romanciah]

ابـــو خــــــــالد,,,,

هونهااا وتهوووووون ومثل مايقولون طنش تعش تنتعش,,,,

وبعد "الحقران يقطع المصران" ههههههههههههههههههه


يعني اعمل شغلك اللي تقدر عليه و الباقي ماعليك منهم مااا يقطع الراس إلا خالقهااا,,,,,

و أقولك لو بتحصلك أنقل من هااااااالمدرسة و أفتك من الغثــــــــــــى,,,,,


وربي يكووووووووووووون معااااااااااااااااااااك,,,, ,

و الحمد لله على النعمة اللي أحنااا فيهااا يااااااااارب,,,,,

[English Lover]

شوهيدا_الحتسي


اللهم آمين

ويعطيكِ العافيه

[English Lover]

معلمة انقلش


جوال الساهر صار له كميرة .....ياشين المكايد



الله يعينكِ ويعيني ويعين المسلمين اجمع


ومايحتاج ةوصين مكشر بالانياب غصب والا علجوني بانيابهم


تحياتي مع الشكر

[English Lover]

Marshmallows


حيااكِ

وبالفعل هذا العالم المتوحش موجود والدليل ان الاخوة معلمين ومعلمات بعضهم من يتفق معي بهذا من خلال ردودهم السابقه والقادمه


اما الشكوى مااعتقد تنفع لان لا مشرف ولا موجه ولا مدير اشراف بينفعون


تقبلي تحياتي ولا تنسيني من دعواتكِ وكذلك لمن يمر بنفس حالتي


الف شكر

[English Lover]

msms

لا يكون مريت بهالحاله وذكرتك فيها وضربت فيوزك من الضحك

على كلن مالومك


عن قريب اما اني اطلع منها سليم ومتعافي والا لاذع واكركر ضحك بسبب او بدون


يالله سترك

[English Lover]

Crazy English T


لا اله الا الله

خمس سنين وانت بمثل هالحال

انت اولى بالدعاء


الله يفرج كربك وكربنا وكل مكروب


لا تنسى ربك عليك بالدعاء