ياعيشتنا القشرى..ادخلوا تكفون

**Sweet Kudi** · 19-09-2007, 01:07 AM

سلام أول مره أكتب موضوع..أتمنى ماتفشلوني وتردون علي..عندي سؤال واحد بس ليش حنامدرسات ومانعرف اللي لناواللي علينا ..ليش دايم يخبون علينا وماعمرنا اطلعناعلى تعاميم..تروحين ندب وانت ماتعرفين نظام الندب..تمسكين مواد غير تخصصك بدون مايطلعونك على أي تعميم اذا فتحتي فمك على المديرة قالت بتأخذين والا بستدعي الموجهة..واذا جت الموجهة زف وخناق وطولت لسان وماعندها الا كلمة هذا هو النظام..مشرفتنا الغالية أتمنى تطلعينا على نصوص التعاميم علشان يكون لنا حجة اذاتكلمنا مو زي الأطرش بالزفة..

**Lancaster** · 19-09-2007, 04:37 PM

الله يعيييييين يا بنت الحلال

بس اعجبني العنواااااان كثييييييير

**ريــ الغلا ــم** · 19-09-2007, 06:20 PM

والله انك صادقه اختي

صرنا ملطشه ماندري وش اللي لنا وياكثر اللي علينا

**ضحى** · 19-09-2007, 07:03 PM

مساكين المعلمات
الله معاكم

**سَ ..** · 20-09-2007, 12:01 AM

ههههههههههههههههههههههههه ههههههههههههههههههههههههه ه
ههههههههههههههههههههههههه ههههههههههههههههههههههههه ههه
ههههههههههههههههههههههههه ههههههههههههههههههههههههه هههههه

اي والله ياعيشتنا القشرا خخخخخخخخخخخخخخخخخخخخخخخ
يابنت الحلال اتركي الانظمة شرهتس على اللي يدري كم راتبه خخخخخخخخخخخخخخخخخخخخخخخخخ

قبل كم من يوم يسألني ابوي ياانجلشة ياقلبي كم راتبتس قلت مدري .. قال لاتخافين يابنيتي منيب مطلع سياره ولاشي علميني

..
قلت هااو يبه وش بك والله مدري كم راتبي

..؟! بس انه ينزل كل 25 من الشهر ..

ومرة سألتني المديرة على اي مستوى انتي واجي بجاااوب واضيع ياربي على اي مستوى انا واسأل ابوي ويقولي الظاهر انه الثاني .. واستانس اني عرفت ومن بكره اركض للادارة ابي اعلم المديرة لكنها صدمتني وقالت طيب على اي درجه

.. قلت مدري بس الظاهر اني مابقى لي شي واوصل الدور العلوي

..

على اي درجه انا يابنات

..؟!

يعني وسعي صدرتس وان شاء الله المشرفين ماهم بمقصرين يحطون لنا اللي لنا واللي علينا مع اني مااشوف اي داعي لهاا لان لا المديرة ولا الموجهه ياخذون فيها ويتقيدون بها اذا ركبو روسهم ..

بالله وان حصل حطو لنا سلم الرواتب وعلموني كم راتبي بالضبط استحيت وانا اتصدد عن ابوي ..

مشكورة ويعطيتس العافيه

..

**Sweet Kudi** · 21-09-2007, 03:22 PM

انجلشة وش هالكلام أنت صادقة؟!؟!؟..بصراحة ولاتزعلين أنت كسرة ثلج..ياصبرك ما شاء الله تبارك الله..قومي هالحين خلي أحد يوديك البنك وأسالي كم ينزلك شهري..وأبحثي بقوقل عن سلم الرواتب وشوفي وين أنت فيه..بعدين بنات والله ماهقيتكم مثلي ماتعرفون..والله ظنيت إني بس أنا اللي ماأدري وش الطبخة أثر العالم كلهم مثلي..تصدقون عاد بس بدون زعل بعذرهم لو ضحكوا علينا لأن الإنسان الجاهل دايم ينضحك عليه ..انجلشة والله يركبون روسهم وإلا مايركبون اذا فيه تعميم رسمي تركب والا ماتركب تمشي عليه غصب عليه..يعطيكم ألف عافية ياللي رديتو...

**weak-power** · 21-09-2007, 10:54 PM

حاولت انزلك برنامج كامل فيه كل شي عن الرواتب والبدلات بس والله ماحمل مدري وش فيه

اما المشرفات والمديرات اذا اتفقوا عليك الله ينجيك من شرهم بس حتى لو عرفتي النظام هن بيعرفن كيف يضرنك وبالنظام ويتصيدون لو غلطه بسيطه ويضخمونها الين تصير جبل وحطوها ضدك

حسبنا الله على من ظلمنا

**Um Hamoudi** · 22-09-2007, 12:09 AM

الله يعيننا نحن المعلمات ...صايرين ملطشة المديرة من جهة والمشرفة من جهة

**همس المشاعر4** · 25-09-2007, 02:44 AM

الله يعييييييييييييييييييييين
الظاهر لازم تفكرين مليون مرره قبل لاتروحين انتداب

**nashy** · 21-10-2007, 10:25 AM

حبيت أعطيكم برنامج الرواتب مشاركة مني حيث أني رحمت العضوة اللي تقول ماتدري وش مستواها ولا راتبها ولا درجتها

مابقي الا الاسم

حملو من الرابط

PRESS HERE PLEASE

**Donia-Ajeeba** · 22-10-2007, 03:42 AM

وأنا وياك يا سويت كودي .. اليوم لقيت سلم رواتب في درج مكتبي ورحت لزميلاتي

قلت لهم وروني وين راتبي عشان أعرف المستوى والدرجة ..

nashy الله يجزاك بالخير بتفكين أزمتنا والله :)